في المُقدمة: مصر الثاني أكثر إضافة لقدرات الهيدروجين الأخضر في العالم خلال الرُبع الاخير من ٢٠٢٢.
-
بداية الاسبوع الجاري أصدرت مؤسسة جلوبال داتا تقريرها عن حالة الهيدروجين الأخضر في العالم خلال الرُبع الأخير من ٢٠٢٢ -من أكتوبر وحتى ديسمبر- ونتيجة التقرير جات بأخبار مُفرحة للغاية للاقتصاد المصري.
-
التقرير أفاد إن على قائمة الأكثر إضافة لقدرات إنتاج الهيدروجين الأخضر في العالم، جت ٦ كيانات من بينهم ٤ مصريين في المركز التاني لحد الخامس (صورة ١).
-
في المركز الأول جت: Green Hydrogen International الكندية- ٣٧ ألف كيلو/ طن.
.
التاني: المنطقة الاقتصادية لقناة السويس - ٧.٧ ألف ك/طن.
.
التالت: هيئة الطاقة الجديدة والمتجددة - ٦.٧ ألف ك/طن.
.
المركز الرابع: الصندوق السيادي المصري - ٦.٧ ألف ك/طن.
.
الخامس: الشركة المصرية لنقل الكهرباء - ٤.٧ ألف ك/طن.
-
الكلام دا أنا مش كاتبه علشان أقول لحضراتكم إن مصر بتعمل أحسن حاجة في الدنيا، أنا كاتب الكلام دا علشان أوضح كم نُقطة:
١- أنه في الوقت ال أعداء الدولة عاوزين يصدروا لحضرتك إن إحنا في حالة إنهيار، مصر بتبني للمُستقبل وبشدة وبقوة وباستثمارات ضخمة للغاية.
.
٢- أنه لو مصر بتنهار محدش من المؤسسات ال هتشارك المؤسسات المصرية دي هيشتغل معها بالقدرات الضخمة الانتاجية الضخمة للغاية دي.
.
٣- أنه الصندوق السيادي واحد من المؤسسات ال دارات حواليها إشاعات وكذب زي ال بيدور دلوقت، وال كان أهمها إنها معمولة علشان تبيع البلد، دلوقت بتشتغل علشان تضيف للبلد ومُستقبلها، وتديها قوة استراتيجية.
-
٤- أنه الأزمة رغم إنها جايبة آثار ضارة للغاية في المدى القصير، إلا إنها جاية في المدي القصير والمُتوسط بفرص ضخمة للغاية، زي استثمارات الهيدروجين الأخضر ال بدأت تتدفق على مصر بشدة علشان توفر لأوروبا بديل للغاز الروسي.
-
وعلشان النقطة الأخيرة دي، وعلشان الضلمة ال احنا فيها والإمل ال أعداء الدولة عاوزين يسحبوه مننا، عن طريق إنهم يصدروا الأزمة، ويخبوا الفرصة، فأنا قرررت أعمل هاشتاج أسمه
ودا هستخدمه كل لما يتضح قدامي توابع إيجابية للأزمة، أو فرص الأزمة خلقتها لمصر، ولو ضغت عليه دلوقت، هتلاقي الموضوعات ال كتابتها قبل كدا في نفس السياق.
