الهند
-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
السيسي يرد على سؤال حول أعداد المعتقلين السياسيين "خلص على الصحفى" ..فيديو
- بادئ الموضوع Atum
- تاريخ البدء
اعذروا طارق يا جماعه هو ده اكل عيشه الرساله وصلت للبعتينه الضرب فى الميت حرام طارق خد الفيه النصيب و اكتر
كله كوم وغمزه العين دى كوم تانى خالص لمه قال باتوا حكايه واحنا كمان عايزين بقى دوله حكايه خدوا بلكم 
شوف يا استاذ TOBOL اللى لازم يحصل تخلص شغل حياة كريمة غالبية المشاريع من مناطق المصانع التى أنشأتها الدولة تكون بدأت فى العمل لما يتحسن الوضع بتاع جاحة كورونا والدنيا تتحرك اكتر لما المشروعات الاستراتيجية تبدأ فى الإنتاج زى مشاريع استصلاح الأراضي وموضع التأمين الصحي يغطى حجم اكبر شوية من المحافظات كمان مخازن السلع العملاقة والصوامع الجديدة
وبكلم هنا على المشاريع القريبة من الانتهاء أو بالاكثر هتاخد سنه او سنه ونصف بالكتير.
وده علشان لما تبدأ تفتح النقد والمعارضة يبقى جزء كبير من الشعب بيسمع ويقارن ويقدر يقول ايه صح وايه غلط ومايكونش متأثر بوضعه فى محيطة
اتمنى اكون وصلت الفكرة وطبعا ده رأيى ممكن اكون صح وممكن يكون غلط
التعديل الأخير:
زى ايه ؟
- إنضم
- 19 نوفمبر 2021
- المشاركات
- 1,465
- مستوى التفاعل
- 8,313
- المستوي
- 3
- الرتب
- 2
احنا معندناش تعليم كويس
احنا معندناش صحة كويسة
المصريين مش لاقيين ياكلوا
المصريين مابيخرجوش
الكلام دا مش صحيح .. او مش دقيق.. الادق ان كل شيء موجود .. دخل المواطن هوا الي ضعيف.. وسبب ضعف الدخول من احد اسبابه الحكومة اصلا .
في مصر كل شيء موجود لكن بالمال..
ليه بينشر صورة عن مصر انها في الضياع .. امال الدول التعبانة الي حوالينا تقول ايه بقي..
الجامعات بتاعتنا واخدة تصنيف .. العمالة المصرية مطلوبة في الخليج وكل انحاء العالم .. دا دلوقت كمان الناس بتهج وتسيب بلادها وعاوزين يعيشوا في مصر واديك شايف امواج اللاجئين .. في مستشفيات في مصر مش موجودة في الشرق الاوسط كله وأطباء بينطلبوا بالاسم .. ومدارس بمصاريف بتوصل لخمس ارقام وبالدولار كمان .. طرق مش موجودة في بريطانيا نفسها .. مدن جديدة في المستقبل هتغير شكل المعمور المصري .. قدرات صناعية وزراعية غير مستغلة .
انما طريقته وهوا بيكلم تحسه انه عاوز يوصل صورة معينة لمصر لغرض ما في نفسه.
صح الكلام غير صحيح بس شوف كان بيقول الكلمات فين ولمين يعنى اى موقف اتقال الكلام و معقوله تصدق اللغه دى ده كلام للغرب فى الأساس علشان سبوبة حقوق الإنسان والخلل اللى بيعملوه
والكلام اللى إضافته فى الفقرة التانية مظبوط فى حاجات كتير اتغيرت للأحسن زى مستشفيات التأمين الصحى الموضوع اتحسن جدا جدا عن زمان ومتفق معاك فى كل اللى قلته انا كان معايا جماعة أوروبيين وطلعت على الطرق الجديدة واخدتهم لمشوار من على طريق شبرا بنها الحر هما كانوا عايزين يعملوا مصنع هنا والاول كانوا عايزين المصنع فى منطقة صناعية تكون قريبة من الموصلات بعد ما فرجتهم على مناطق تانية وشافوا الطرق قالوا ممكن نعمل المصنع فى اى مكان مش مشكله خلاص فكرة يبقى قريب من المطار
التعديل الأخير:
احنا عارفين هما مين وفهمين ده بس الحته اللى قلتها عندك حق فيها وخصوصاً اللى عندهم مشاكل فى عقولهم وماشي على هواه والنوعية دى مهما اتكلمت وشرحت اللى فى دماغهم مابيتغيرش
هرد نفس الرد ايه الهدف من الكلام وبيتقال لمين والكاتب رد بنفسه على الكلام هل ممكن مصر الفقيرة اوى والناس فيها لا تقدر تعيش أو تاكل تقدر تعمل المنتدى ده او نقل المومياوات أو الكرنك أو مشاريع الإسكان العشوائي أو الطرق أو التسليح أو المدن الجديدة أو المناطق الصناعية أو حياة كريمة
اعمالك تتحدث عنك
ولكن كلام الرئيس محدد لموضوع حقوق الإنسان وكل الكلام من فى نفس الاجتماع اللى تم مع الصحفيين
وكل اللى قاله لازم يوصلوا بالشكل ده علشان ماحدش يفتح موضوع حقوق الإنسان السياسية احنا عندنا ما هو اهم اكل ومسكن ورفاهية لم نصل لها بعد
التعديل الأخير:
أستاذى العزيز سيب اللى يكلم يكلم المهم انك هتكون انت فين وبتعمل ايه وهتوصل فين
- إنضم
- 18 نوفمبر 2021
- المشاركات
- 6,193
- مستوى التفاعل
- 30,079
- المستوي
- 6
- الرتب
- 6
لا هو أحنا كده فعلا بس حضرتك أو أنا أو غيرنا مش واخد باله اللي الحاجات اللي بتتكلم عليها دي ل2 أو 3 في المائة بالكتير
مصر 100 مليون حضرتك والناس أغلبها الا من رحم ربي مكحوت بوشها الاسفلت
الراجل صريح مع نفسه ومع مشاكله أول علاج المشكلة الأعتراف بيها
لا في صحة ولا وتعليم ولا يحزنون التطوير بدأ بس مقارنة بأي دولة حوالينا من الدول المحترمة أحنا بعاد جدا
مصر ماشية بالستر وكام مورد للعملة الأجنبية لو حاجة أتلمست فيهم هنروح في داهية زي تحويلات المصريين في الخارج
في حادثة في المنوفية من كام يوم كاشفة للوضع لما عربية غرقت ب 23 طفل كانوا بيشتغلوا ب 20 جنيه في اليوم في المزارع بس طبعا موضوع المدرسة اللي بترقص كان أهم علشان الشعب المتدين بطبعه
في مجهود بيحصل أكيد بس الراجل بيوصفه صح اللي هو خطوة من الف خطوة
كلامك سليم ولكن مش بالشكل ده وبالدرجه دى الوضع اتحسن فى خدمات كتير والشغل كمان صحيح فى ناس لسه ماوصلش لها التحسن ده بس اللى بيتعمل من مشاريع هياثر ويوصل للكل فى الاخر.
حياة كريمة كمشروع هيفرق كتير مع الناس اللى فعلاً هيخلى الناس تحس بتحسن الخدمات اكتر.
ولكن ما هو احسن وافضل و اكتر هى ثبات المواليد وتقليل المواليد إن أمكن وهذا سيجعل دخل الدولة فى وضع احسن وبزيادة دخل الدولة سيتحسن الوضع بالطبع على الفرد وانعكاسه على دخله.
ولكن أيضا الدولة يجب أن توقف رفع سعر الخدمات كالأوراق الحكومية يكفى رفع الدعم وأيضاً يجب تقسيمه فى الفترة القادمة يعنى لو هرفع كهرباء لا ارفع سعر الغاز أو المياة وهكذا حتى ارفع الدعم نهائيا ولكن مع تطويل المده أكثر وهذا بسبب ظروف البلد من ناحية والعالم وهذا بالطبع علشان جاحة كورونا فيجب توقف الضغط على المواطن قليلا فى هذه الظروف إلى أن تمر محنة كورونا ويصل مشروع حياة كريمة لكل القرى
- إنضم
- 19 نوفمبر 2021
- المشاركات
- 1,465
- مستوى التفاعل
- 8,313
- المستوي
- 3
- الرتب
- 2
يافندم صدقني دا مالوش علاقة بقدرات الدولة دا موجود في كل مكان مهما كانت الدولة غنية او فقيرة ..
دول الخليج الغنية بالنفط فيها فقراء .. ليبيا .. دا حتي امريكا فيها فقراء .. وحتي دول شمال افريقيا .. اعتراضي كان علي ايحاء الريس اننا دولة ضايعة وفاشلة ودا مش حقيقي.. احنا عندنا بنية تحتية جيدة جدا للعلاج وغيره .. لكن المشكلة في توافر التكلفة مع المواطن الي يقدر يدفعها ..
الاكل متوافر واللبس متوافر .. لكن الدولة سايبة اصحاب الاعمال بيستغلوا الناس وبيرمولهم ملاليم مايقدروش يشتروا بيها حاجة يادوبك حاجاتهم الاساسية بس .. بل كمان اللاجئين زودوا المشكلة انهم بيقبلوا يشتغلوا بمبالغ اقل لان الجنيه المصري يعتبر ثروة لعملتهم ويقدروا يحولوه لعملتهم ويبعتوه لاهاليهم في بلادهم ويعتبر ثروة .. زاد المشكلة اكتر النظام الجديد الي انتشر للتشغيل ال outsource ودا معناه ان الشركات مش بتعين عمالة وتحط نفسها في التزام ادام العمال بخصوص الزيادات والتأمينات وغيره .. لكنها بتتعاقد مع شركة تانية توردلها عمالة والشركات دي بتجيب عمالة بابخس الاثمان لانها هيه الي هتدفع مرتبات العمال دول.
هضرب لك مثل يوصلك قصدي .. في أزمة لبنان في فيديو شهير لشخص بيدور علي دواء لبنته بس مش لاقي .. فالراجل بيقول وهوا مقهور انه معاه بنزين وفلوس بس مش لاقي الدوا .. دا مثال لدولة ضايعة فعلا . في حالة مصر كله متوافر بكل شكل وصنف ولون .. المهم معاك تدفع ولا لاء.
مسك الناس فلوس في ايديها والناس هتنبسط .. الدخل هوا العامل الاساسي في شكل ونوع الخدمة الي هيحصل عليها المواطن .
صح ولكن علشان ترفع مستوى دخل الفرد لازم التصدير من قطاع خاص او قطاع عام يكون عالى جدا زى اى دولة بتعمل كده وكمان الشركات اللى بتشتغل من تحت يد الدولة لازم تظهر وده هيرفع حجم مالية الدولة من الضرائب وبالتالى هيرجع فى صورة خدمات اكتر بسعر مناسب
أما بالنسبة للشركات الخاصة اللى بتعمل الكلام ده فالطبيعى هيئة التأمينات الاجتماعية مسؤولة أنها تفتش على ده ولازم الدولة تركز عليه
أما بالنسبة للمصانع الوضع ده بيكون صعب شوية لطبيعة عملهم وان العامل معرض للأخطار والمصنع بعتبر ده تأمين له هو من الأساس ولكن لا تنفى أن البعض غير ملتزم
للاسف في حملة شرسة علي الرئيس السيسي علي تويتر ويتصدره هاشتاح ارحل
من وجهة نظري لم نستفيد من المؤتمر هذه المره مثل المؤتمرات السابقة
من وجهة نظري لم نستفيد من المؤتمر هذه المره مثل المؤتمرات السابقة
المواضيع المشابهة
