مرحبا بك في منتدى الشرق الأوسط للعلوم العسكرية

[hazem]

من فضلك, تسجيل الدخول أو تسجيل لعرض المحتوى !

حاضر هنوفر فلوسه هنقولهم يعملوا كده ونجيب مليشيات تحمينا عينينا

من فضلك, تسجيل الدخول أو تسجيل لعرض المحتوى !

أيوة حضرتك عايز تعرف أسمه ليه ومعلومات أيه اللي عايز تعرفها؟ يعني فضلا أن كان في مهرب من مصر دخل أسرائيل قوم الجندي دخل يجري وراه جوه الحدود الأسرائيلية وأشتبكوا معاه قام قاتل 2 منهم وقام مكمل وقتل 3 بعد شوية وأصاب كام واحد عايز الإدارة المصرية تقول كل التفاصيل علشان نلبس يعني ولا أيه مش فاهم؟ ومتذكرش أسمه علشان هيتعمل بطل شعبي وجنازة تبوظ العلاقات ما بينك وبينهم أكتر ما هي خربانة أصلا

ما لو القصة بالشكل ده هنبقي أجنا غلطانين يبقي نسكت ونحاول نعدي الموضوع وده اللي بيحصل بالمناسبة

مفيش حد هيخاف علي الجندي وسمعته أكتر من قيادته علشان كده أتذكر بكل الخير في بيان المتحدث العسكري وعلشان كده وزير الدفاع المصري هو اللي أتصل بالأسرائيلي وحاول يلم الدنيا

أنما فكرة أه أحنا قتلنلكم 3 وأعلي ما في خيلكم أركبوه ده مش جو دول ولا حدود خالص ده جو خناقة في حارة

أستعداء الكيان الصهيوني حاليا من مصلحة الأتراك والخليج وأثيوبيا ويبقي غبي اللي يفكر أنهم ميقدروش يأذوا مصر يقدروا طبعا ودول بعشر أمكانيتهم أذتنا بالفعل وبص علي السودان وأثيوبيا وأنت تفهم

 

[Youssef]

المهم ان السيسي ليه رغبة في شيل السلاح منهم و ده المهم

 

[Youssef]

دليل على عملية تهريب حصلت قبل كده من ايام

 

[المخابرات العامة]

من فضلك, تسجيل الدخول أو تسجيل لعرض المحتوى !

يا رب خير ..
المهم نسحب السلاح من ايد اي حد تاني غير الجيش و نديهم ادوات التعمير و التنمية
انا بهزر ، لان حماسك زايد في جملتك " للمرة التانية "
لكن كلامنا مافيهوش اساءة للمؤسسة العسكرية بالعكس ..
انا أعلو من شأن المؤسسة العسكرية لما اطالب ان حق حمل السلاح يكون حصري ليها
و اني مش مستأمن غيرها على أمن وطني

 

[محمدكرم]

انا عندي الفديو ه بتاع الجنازه كانت مهيبه

 

[محمدكرم]

وعندي الفديو بتاع الصاعقه وهما يستلمه ولفوف بعلم مصر

 

[Youssef]

انا احط كلام الصفحة
لكي نعرف كانه بيقوله ايه عشان يكون معانا دليل ملموس نكدب بيها مصداقية صفحة دي للابد لما المعلومات الرسمية تظهر.

ارجه الحظر للقارئ ممكن ان يكون هناك معلومات مضللة

 

[Youssef]

خلال الساعات الماضية تواصلنا مع جيران لأسرة #المجند_محمد_صلاح، وهو ما تصادف مع وجود قوة أمنية داخل منزل الأسرة، دون أن يتسنى لنا معرفة ما حدث خلال ذلك الوقت. وفق شهادات من الجيران والأصدقاء المقربين للأسرة، زار ضباط من الأمن منزل أسرة #محمد_صلاح في عين شمس، صباح الأحد، واستجوبوا الأسرة لوقت قصير، ثم اصطحبوا أخوه (محمود) وعمه إلى مكان غير معلوم (لا زالوا مختفين حتى وقت النشر). أخبرتنا المصادر أن الأمن تحفظ على "كيسة" كمبيوتر كانت موجودة في المنزل. كما تم القبض على اثنين من أصدقاء محمد المقربين في المنطقة، والذين كان يحتفظ بأرقام هواتفهم في ورقة معه أثناء الخدمة. - وزارت قوة أمنية أخرى منزل أسرة صلاح مساء أمس الأحد، ولا معلومات عما حدث خلال هذه الزيارة حتى الآن. - الجيران الذين تحدثوا إلى متصدقش، أخبرونا أن أشخاصًا (عرّفوا نفسّهم أنهم تابعين للأمن) سألوهم عن محمد وميوله وميول أسرته الدينية والاجتماعية. - حسب الشهادات التي وثقناها، لم يعتنق محمد صلاح أي أفكار سياسية أو دينية. حتى الآن لم يتسن لـ"متصدقش" التأكد من هوية منفذ عملية الحدود، ولا يمكننا الجزم بأنه محمد صلاح. في الوقت نفسه، لم تعلن مصر أية بيانات تخص الحادث أو منفذه، منذ بيانها الوحيد عن العملية. من هو محمد صلاح؟ محمد صلاح، 22 سنة، يسكن مع أسرته في شارع الهادي سلامة، متفرع من شارع أحمد عصمت بمنطقة عين شمس. والده متوفي منذ سنوات في حادث سير، وكان يعمل بهيئة النقل العام. محمد الأوسط بين شقيقين، الأكبر يدعى محمود، والأصغر عبده. يعيش في منزل العائلة مع عمه يوسف، ويعول هو وأخوه الأكبر الأسرة، بحسب مقربين. لم يكمل تعليمه (حاصل على إعدادية ولم يوّفق في إتمام الثانوي الصناعي)، وكان يعمل صنايعي ألوميتال في إحدى الورش بشارع أحمد عصمت، ثم عمل لفترة نجارًا مع خاله في القلج (الخانكة - قليوبية). وكان محبًا للرسم ويهتم بتصميم المطابخ، نظرًا لعمله. دخل الجيش عام 2022 (دفعة يونيو، يقضي خدمة 3 سنوات)، وخدم كفرد شرطة (أمن مركزي) على الحدود مع الأراضي الفلسطينية المحتلة، في قطاع شمال سيناء عند العلامة الدولية 47 (تنص اتفاقية السلام أن النقاط الحدودية يتواجد بها أفراد شرطة وليس جيش). أزمات في الخدمة قبل نحو 3 أسابيع، وبالتحديد في 16 مايو، أثناء زيارته الأخيرة لمنزله، اشتكى صلاح لصديقه، الذي تحدث إلى "متصدقش"، من شعوره بعدم الراحة في وحدته العسكرية، لدرجة تخلفه عن العودة لوحدته 18 يومًا، وبعد نصائح عاد إلى وحدته. نفس المصدر، قال إن محمد في آخر زيارة كان يشعر بالضيق بسبب مقتل أحد أصدقائه #على_الحدود وإن "محدش اتكلم ولا حد جاب سيرة"، ويعتقد صديقه أن هذا ربما خلق داخله "حتة الانتقام أو إنه مثلًا عاوز ياخد حق الواد (اللي مات)". تبعًا لنفس الصديق فإن محمد في آخر لقاء قال له "لو في مصري مات على الحدود محدش بيهتم بيه زي الإسرائيليين". بخلاف أصدقاء منطقته، تواصل فريق #متصدقش مع زملاء دفعته الذين أنهوا تجنيدهم في 1 يونيو الجاري. 3 زملاء مختلفين أبلغونا أن "صلاح" هو الجندي الذي قتل الإسرائيليين على الحدود، مؤكدين أنهم عرفوا بذلك من زملائهم المتواجدين في نفس النقطة الحدودية. #اعر

 

[fo-235]

من فضلك, تسجيل الدخول أو تسجيل لعرض المحتوى !

وجهة نظر.... بس وجهة نظر واحد بيعمل حساب بزيادة

ال٣ جنود متهمين بالتهريب برضه وعادي خالص عرفنا هم مين .... احنا الجندي "الغلطان بتاعنا بقة اسمه ايه؟"

قال عاوز أعرف ليه؟!!!! أمرك غريب 😄 وانت هنا ليه؟ ما عشان تعرف برضه... مش كدة؟
------

وبعدين حتة الادارة المصرية وافصاحها عن المعلومات،،،، مبروك كلنا رحنا ندور في حتت تانية عن معلومات لموضوع يخصنا وعندك جوكر اهو منبوح صوته وبيقول نستنى البيانات الرسمية.... ليه يعني تخليني أبص برة واداور على معلومة مستحيل تستخبى...

بالمناسبة: المتحدث العسكري بيقول انها كانت عملية مطاردة لمهربين . فآه واحد من رجالتنا دخل وقتل ٣ ... والا كان هيتم التنصل منه من الأول. فهي كدة كدة لبساك من الاول وكدة كدة الناس هتعرف فماتلبسش نفسك كإدارة شبهة انك بتداري على المعلومة المعروفة للكل.

 

[المخابرات العامة]

من فضلك, تسجيل الدخول أو تسجيل لعرض المحتوى !

طب ما تنزل الفيديو

 

[fo-235]

من فضلك, تسجيل الدخول أو تسجيل لعرض المحتوى !

@hazem
قابل... كل شوية قصة وحدوتة شكل... مش مهم تصدقها
المهم تقراها وتسيب نقطة صغيرة قد كدة ونقطة على نقطة هتعمل حرف وهكذا...

 

[𓈙𓉔𓏲𓎡𓂋𓏭]

من فضلك, تسجيل الدخول أو تسجيل لعرض المحتوى !

ايه مصدر القصة السينمائية دي؟

 

[fo-235]

من فضلك, تسجيل الدخول أو تسجيل لعرض المحتوى !

أي حاجة بقة... بدل المصادر الرسمية لسة ساكتة

 

[مطلع الشمس]

من فضلك, تسجيل الدخول أو تسجيل لعرض المحتوى !

عارف ليه كل اللي حضرتك بتقوله ده تم بعدم الافصاح لانه كانت وراه أشياء أمنية بتم في نفس التوقيت وبسرعة جدا قبل الكشف عن اسمه هل الشهيد وراه تنظيم معين هل ميوله أناركية ... كل ده قبل ما اللي حواليه يعرفوا حاجة .. فاهم حضرتك الموضوع كده

 

[𓈙𓉔𓏲𓎡𓂋𓏭]

من فضلك, تسجيل الدخول أو تسجيل لعرض المحتوى !

ماهو اي حاجة دي منزلين فيديو لجنازة قديمة على انها جنازة الشهيد

عايزين وعي مش اشاعات الله يباركلكوا

التأخير اكيد لسبب

 

[المخابرات العامة]

انا عدلت المشاركة لحين التأكد من صحة الفيديو المنتشر

 

[𓈙𓉔𓏲𓎡𓂋𓏭]

من فضلك, تسجيل الدخول أو تسجيل لعرض المحتوى !

اما يتأكد الفيديو لان فيه كلام انه قديم حتى اللبس شكله شتوي

 

[HamadaXX]

الجنازه أنا سمعت انها يوم الثلاث بكره و باين اووى كل اللى على النت ده حاجات قديمه .
بس الحقيقه أنا مضايق احنا لما بتكون فى وضع الظالم أو المظلوم ما بنعرفش حاجه يعنى لما بيموت لينا جنود و ضباط على الحدود زى ما حصل قبل كده و كان برضه بالخطاء من ناحيتهم فى حد كان بيعرف حاجه احنا دائما حاسبن أن حنا عاملين عامله سواء معانا الحق او لا .

 

[المخابرات العامة]

من فضلك, تسجيل الدخول أو تسجيل لعرض المحتوى !

نشوف التعامل مع الجنازة ، و لكل حادث حديث

 

[s e t]

من فضلك, تسجيل الدخول أو تسجيل لعرض المحتوى !

موقع متصدقش تابع للاخوان وهوه صاحب الروايه دى