-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
متابعة مستمرة ملف اللاجئين في مصر
- الحالة
طيب احنا منتظرين نسبة الوعي يوصل لكام في المية عشان الحكومة تبدأ تتحرك ؟
و الحكومة هتقيس نسبة الوعي دي ازاي ؟
و فين وعي الحكومة نفسها بالموضوع ؟
يبقى اغلبية زي وعي الناس في اكل عيشها والا هتبقى بتخلق شغل تهريب موازي للقوانين ودا محتاج اعداد وموارد اضافية
فيه وعى أو مفيش كدة كدة هيبقي فيه تهريب زي ما هو موجود في كل دول العالم بما فيهم امريكا اللي شعبها أغنى مننا الف مرة و مكافحة التهريب هو مهمة الحكومة مش وعي الشعب
الفرق هيبقى كبير خصوصا ان مواردك محدودة وهيبقى شكلك وحش قوي اما تاخد قرار ومتقدرش تنفذه خصوصا ان الكل مستني يشمت فيك بسبب عقد النقص
شكلنا هيبقي وحش ازاي مش فاهم ؟
ايه السبب يعني اللي هيخلي شكلنا يبقي وحش لو منعنا دخول ملايين الأفارقة اللي عندنا ؟
لو قررت تمنع والتهريب غلبك مثلا بسبب اقتناع الناس ان دا مساعدة للدين ولا لان معندكش موارد كفاية
اما تاخد قرار لازم تبقى اده
يعني تدخل ملايين الأفارقة و العرب بشكل رسمي عشان خايفة أن التهريب هيغلبها ؟
منطق غريب
اصلا مهما كان عدد المهاجرين اللي هيدخا بشكل غير شرعي لو قفلت حدودك مستحيل هيوصل لربع الاعداد اللي الدولة دخلتهم بشكل قانوني
عالاقل اللي هيدخل بشكل غير قانوني ليك حجة قدام العالم انك ترحله غير أن ظروفه داخل البلد هتكون صعبة و غير مشجعة على الاستمرار لانه مش معاه اوراق
لكن اللي دخلوا قانوني هيشتغل رسمي و ياخد إعانات و فرص تعليم و علاج مجاني و مش هيحتاج يخرج تاني من البلد
تقدر تقولي اد ايه دخلوا بشكل غير شرعي من ٢٠١١ ل ٢٠١٤؟
لا معنديش فكرة
عشرات الالاف..تخيل لو كان سهل يدخلوا
يبقى كام مهاجر غير شرعي دخل؟ خصوصا مع تسهيل الاخوان دخولهم في ٢٠١١ و ٢٠١٢
انت حدودك كانت مستباحة بالفعل وحصرك للمهاجرين/اللاجئين ماهو الا تقرير امر واقع
من ساعة بداية حرب السودان..كام مليون سوداني دخلوا؟
لو انت فاتح دلوقتي حدودك بعد اما استعدت السيطرة عليه..ليه الطوابير دي في الخرطوم على سفارتك عشان فيزا؟
- إنضم
- 10 مايو 2023
- المشاركات
- 3,395
- مستوى التفاعل
- 11,785
- النقاط
- 18
- المستوي
- 3
- الرتب
- 3
بالأمانة انا قريت ردك اكتر من مرة بس مش قادر افهم اللي تقصده
احنا متفقين على ان اللاجئين عالة
ومختلفين على طريقة التعامل معاهم
يعني انت شايف اننا المفروض نطردهم وبسرعة ودا ليه منطق
لكن انت شايف اننا لازم الاول نعترف ان الموضوع كبير وقديم من عقود والحل لازم يكون على مراحل
يعني الاول لازم استغل كل حاجة من كارت اللاجئين ووقت اما تنتهي اهميتهم نبتدي مرحلة الانتقاء واللي ملوش لازمة يتنطر بشكل طبيعي بدون تدخل مباشر ضدهم..عن طريق اعادة تقييم مصاريفهم ورفع الدعم عنهم وزيادة تكاليف المعيشة ليهم وهكذا
ونوفر ليهم وسائل الرجوع لبلدهم بضمانات بعدم التعرض الخ
لا حضرتك ده وجهة نظرك انت لكن الدولة ليها رأي تاني
الدولة دلوقتي بتتكلم عن دمجهم في المجتمع و توفير فرص عمل ليهم مع دعم و معيشتهم و علاجهم و غير اعطاءهم مميزات و دعم في التعليم اكتر من المصري بكتير ده
ده غير انا اصلا لسة بنستقبل الآلاف منهم يوميا بصدر رحب
مش مطلوب من السوداني غير أنه يروح السفارة و باخد التأشيرة و هوا واقف و يدخل مصر بشكل شرعي و قانوني
ف فكرة التضييق عليهم لحد ما يسيبوا البلد دي اختراع وهمي مش موجود على أرض الواقع لتبرير الكارثة اللي بتعملها الدولة
و لو الدولة بتستقبلهم عشان تحصل على مكاسب (ايا كان نوع المكاسب ) فعدد الأفارقة اللي كانوا موجودين اصلا يكفي و يزيد و مفيش داعي لاستقبال ملايين إضافية
وهو انت لو عايز اوروبا تدفع هتقولهم ادونا فلوس وبعدها هنمشيهم؟
والتضييق اللي عليهم كبير ماديا واجرائيا ومفيش ملايين اضافية بنستقبلهم
بختلف مع كلمة نجاستهم .. اهانتهم غلط. في الاخر هما بشر زينا زيهم.
انا اتفق فقط في ترحيلهم بسبب فكر الافروسنتريك اللي بقي في دماغ كتير منهم ، انا ضد القوميين المصريين اللي بيقدسو الحضارة المصرية القديمة لان ده يعتبر تخلف اساسا لكن في نفس الوقت ان ضد ان الافارقة يطالبو انهم هما اصل المصريين القدماء لان ده مبرر انهم يعيشو في مصر و يستوطنو فيها.
مبرر الافارقة الافروسنتريك هو هو كان نفس مبرر اليهود في فلسطين
معلش ممكن تستفيض اكتر في الشرح؟
- إنضم
- 10 مايو 2023
- المشاركات
- 3,395
- مستوى التفاعل
- 11,785
- النقاط
- 18
- المستوي
- 3
- الرتب
- 3
عمر الاعتزاز بأصولك وحضارتك ماكان تخلف. ولا عنصرية
احنا دولة من حق أبناءهاان يفخروا بماضيهم ويسعوا لاحياءه بعد حملات التجريف اللي انتجت شعب عنده مشكلة وتشوش في الهوية مش عارف ان كان انتماءه عربي ولا مصري ولا افريقي
القومية يافندم مش للتكبر ولكن للحفاظ على تاريخ بلدنا ومعرفة اعداء امتنا التاريخيين اللي اجدادنا رسموهم على معابدهم كما لو كانوا عارفين المستقبل
دولتك حاليا بتسعى لإحياء الهوية والقومية المصرية
بنظرة عابرة على اي انشاءات مدن جديدة في العاصمة او العلمين هتلاقي الطراز السائد بالبناء هو الطراز المصري القديم
اس اول براند مصري للمنسوجات بالمحلة هو مصري قديم
اسم اول درون مصري هو مصري قديم
اول امبارح بدأ برنامج تعليم اللغه المصريه القديمه على تليفزيون مصر الرسمي
بص لشهادات الميلاد وتصميمها والكتابة عليها
حاجات كتير لو دورت وفحصت هتعرف انه توجه قومي
اللي يهم أوروبا أن اللاجئين ميوصلوش لحد عندها
لكن استقبال اللاجئين في مصر و تقديم الدعم ليهم و توطينهم تم بإرادتنا و رغبتنا احنا
و بعدين موضوع أن أوروبا تدفعلنا ده برضو اختراع من عندنا لتبرير الكارثة و مفيش اي دليل أو مقدمات عليه
و مسمعناش غير عن ال٢٠ مليون دولار اللي وعدونا بيهم
لو فيه عندك معلومات عن أن أوروبا هتدفعلنا ياريت تقولنا ممكن تدفعلنا كام و امتى هيكون الدفع ده
يعني ممكن يحصل بعد كام سنة من استقبالنا للملايين دي ؟
لان احنا مستقبلينهم عندنا من سنين و مشوفناش حاجة لحد دلوقتي
و كام المبلغ اللي هتدفعه أوروبا يعوضنا عن استقبال ال٩ مليون لاجئ
و بلاش تقولي أن الكام مشروع اللي عملناهم بقروض دول هما المقابل
- الحالة
