جادلني يا باشا انا تحت امرك.
تركيا تتقدم علينا بخطوة في موضوع البحث والتطوير R&D لو قدرنا نوصل للمرحلة دي احنا كمان هنقدر نتخاطاهم
تركيا خسرت كتير جداً من حملة المقاطعة السعودية لدرجة ان في قطاعات وصل الاستيراد السعودي فيها لصفر بعد تطبيق حملة مقاطعة قوية.
يعني المواطنين السعوديين مش عاوزين يشوفوا اي حاجة عليها كلمة صنع في تركيا دي واي منتج عليه الكلمة دي مش هيتباع وهيترمي في الزبالة
طيب ايه الحل بالنسبة للاتراك عشان خراب البيوت المستعجل دا ؟ .. انهم يشيلوا كلمة صنع في تركيا من علي اي منتج .. ازاي ؟
انهم يبعتوا البضاعة دي تتجمع في اي دولة تانية وبعدين تدخل السعوية تحت جنسية الدولة دي وبكدا تهرب من المقاطعة
الاتراك عملوا ايه ؟
وايه انسب دولة للموضوع دا وجنب السوق المستهدف وكمان في اتفاقية بينهم بتخلي البضاعة تدخل بدون جمارك ؟
بالطبع مفيش انسب من مصر ..
فبعتوا البضاعة بتاعتهم مصر تتجمع هنا .. وفي نفس الوقت تدخل السعودية تحت جناح جامعة الدول العربية وبالتالي هتدخل زيرو جمارك
بس في مشكلة
ان القواعد المكسبة للمنشأ بتنص علي انه يتم علي منتج عمليات تصنيع في الدولة الطالبة للمنشأ مش مجرد فك وتجميع .. وبالتالي الاتراك مش مجرد انهم يبعتوا بضاعة تتجمع في مصر يبقي خلاص كدا بقت البضاعة صنع في مصر ..
فاضطروا انهم يأجروا خطوط تجميع في المصانع المصرية ويبعتوا البضاعة تتجمع في مصر مع نسبة من المكون المحلي.
الحكومة المصرية عندها خلفية عن كل الي بيتم لكن حالياً مستفيدة من الي بيحصل فنظرتها للأمور محايدة.
عموماً النقطة بتاعة كيفية التهرب من تعقيدات الجمارك للشركات مش بيمارسها شركات تركية بس .. لا بتمارسها شركات مصرية للألتفاف حول رسوم الجمارك علي الوارد .. نقدر نقول انهم بيستغلوا ثغرات في اتفاقية تيسير وتنمية التبادل التجاري (الي بيطلق عليها اتفاقية جامعة الدول العربية)
برضو بس مش هقدر اتوسع في شرح النقاط دي عشان كدا هنكون بنخالف القانون المصري وهتضعني انا وانت تحت طائلته.