حسب متابعتي للصحف والصفحات والميديا الاسرائيلية في الكام يوم اللي فاتو فيه حاليا رأي عام جديد بيتشكل هناك من القوى المعارضة لنتينياهو واليمين المتطرف هلخصه ليكم في كذا نقطة :
● بيقولو انهم ما ينفعش يضحو بالسلام واتفاقية السلام مع مصر بأي سبب من الاسباب لانهم مش حمل يفتحو صراع مع اقوى دولة في المنطقة والصراع ده هيخسرهم اكتر ما بيكسبهم اه والله قالو كده على لسان عاموس جلعاد من الساسة المخضرمين وقادة الجيش السابقين البارزين هناك وغيره كتير من اليساريين قال كده
● ناس كتير هناك زعلانة على صورة اسرائيل اللي بقت في نظر العالم دولة ارهابية حتى وان قال الساسة عكس ذلك
● قصف المدنيين في غزة مفيهوش اي مكسب طالما لن نستطيع القضاء على حماس
● اقتصادنا هيتدمر ان طالت امد الحرب ومعندهمش ثقة ان الغرب هيدعمهم للابد ماليا وعسكريا
● حل الدولتين بيخضع لنقاش مكثف هناك حاليا وهيكون هو المتصدر بعد انتهاء الحرب
● خسرنا التطبيع والسلام اللي كنا هنعمله مع كثير من جيرانا ودول المنطقة ورجعنا خطوات كتيرة للوراء نتيجة تقصير حكومة نتينياهو الامني والفشل الاستخباراتي في صد هجوم حماس
● بيطالبو بتغيير حكومة نتينياهو وان يحال للتقاعد من العمل السياسي للابد في اقرب وقت
● مفيش مصلحة لينا ان دول المنطقة كلها تكرهنا ونفتح كذا جبهة صراع في لبنان وسوريا والضفة وده تخبط في ادارة الازمة من حكومة نتينياهو مش نجاح
● الحرب دي لو استمرت بالوتيرة دي والتصعيد مع جيران خطيرين مثل مصر والاردن بتهدد وجود اسرائيل نفسها وان تهور نتينياهو وتخبطه ممكن يقضي على حلمهم كوجود دولة اسرائيل نفسها
● اعطو الفلسطينين ارضهم اللي احتلت بعد ٦٧ واجلو المستوطنيين منها طالما كده كده مش حاسين بالامان فيها ومفيش ضمانات امنية وعسكرية تاني في المستقبل انهم يكونو امنين
● حكومة نتينياهو بتضحي بابناء اسرائيل في غزة ولا تلتفت ليهم
● لماذا يصر اليمين الغبي على صفقة القرن وهو يعلم ان اي حد من الاطراف الاخرى لن يقبلها
● الاقتحام البري لغزة خطر واولادنا مش لازم يكونو ضحايا لسوء ادارة نيتنياهو
● المطالبة بتغيير قادة اجهزة الا IDF بعد انتهاء العملية العسكرية
● السيسي قد يتحول الى سادات اخر لو اصر نتينياهو ان يكون جولدا مائير اخرى
● لماذا تقصفون الضفة الغربية وتدفعو سكان الضفة للهجرة اليها وتضحو بعلاقتنا المميزة مع الاردن
● خايفين من ردة فعل قوية في المدى القريب والطويل ومهاجمة الاسرائيليين واليهود في الخارج لدرجة انهم بيطالبو بتقليل السياحة خارج اسرائيل
● كتير فقدو الثقة في جيش الدفاع وده من حقهم
● فيه سؤال سأله معارض هناك على صفحته الشخصية وكان عامل سرد طويل للموضوع هل قامت حكومة نتينياهو بتزوير تقارير صحفية او التراخي او غض الطرف عن هجوم حماس متعمدين من اجل تحقيق اهداف اخرى او اصطفاف المجتمع الاسرائيلي خلف نتينياهو من جديد بعد فقد الثقة فيه وفي حكومته من اغلبية الشعب !؟؟ ده رأي معارض لافعال حكومة نتينياهو هناك من خلال استقرائي للسوشيال ميديا بتاعتهم ومتابعتها ومش رأي بسيط ولا قليل ده يمكن يكون انقسام شعبي لكن احنا اللي مش متابعين اخبارهم وبيفكرو ازاي ومتنسوش تكسمو نتينياهو الارهابي قاتل الاطفال
