@Mohamed Gamal .
شوف ياصديقي حقيقي فعلا انا بسأل كتير عن صفقات التسليح وتطوير قدراتنا .
ممكن تسميها حماسه ذياده ،هوايه .
كنت بتكسف زمان من اي حد يسألني عن هوايتي .
اقوله ان دماغي كلها دبابات وطيارات .
بس لما الميديا تطورت ولقيت في اشخاص عندهم ،مش لحد الهوايه بس .
لا ده وصل لحد ان جاز التعبير هوس .
ونقطه تانيه تابعت كتير جدا عن الحرب العالميه التانيه وحرب اكتوبر من مصادر لاحصر لها اجنبيه وعربيه .
وشوفت قد ايه احنا كانت ظروفنا وامكانياتنا الاقتصاديه والعسكرية وكمان الاجتماعيه صعبه جدا في فترة الهزيمه .
علشان كده حقيقي هواية مجال الثقافه العسكريه ،أصبح بالنسبه لي هوس .
وعلشان كده من كتر المتابعه أصبح فيه مقارنات بين امكانياتنا سابقا وحاليا ، وأننا بإذن الله مش ممكن يتكرر معانا 67 تاني .
وبعدين غالبية أصدقائي الأعضاء عارفين اني كتير السؤال ،وده بسبب ان ،يعني مبقدرش اوصل للمعلومة غير منهم ،وصلت .
تحياتي .