كلهم غير شرفاء .. لان البيئة والنظام هناك يجبر المعدول يميل.. وكله بيفتح الدرج..ومفيش حاجة بتعدي هناك من غير شخلل يابلدينا .. وحظك سيء لو وقعت تحت ايد امين شرطة في مكان من الاماكن الحساسة دي !
لكن حصل الفترة الي فاتت كام ضبطية لروس كبيرة خلت كله يعيد حساباته .. دا غير ان الشغل عالمنظومة خلي كله علي عينك ياتاجر ومساحة الانحراف تم تقليصها.
بخلاف ان المنشور بيصعب الامور جدا جدا لأن - لاسباب يطول شرحها ولا مجال لذكرها هنا - الشحنات معرضة لوجود اختلافات بين الواقع الفعلي و المدرج الكترونيا ودا بيهدد المستورد بخسارة كامل قيمة بضاعته ووضعه في منطقة الخطر ودي معناه ان كل شحناته الي هتدخل هيتم التدقيق فيها غير اي مستورد تاني.. وزمان كان مخالفة المانفست في الوزن بيتعملها تسوية وبتخرج بضاعتك دلوقت ممكن تخسرها كلها.. صعب دلوقت حد يساعد عالفساد بالشكل الي كان مستشري زمان.. خاصة ان حاليا بيتم ترقية المنظومة بالكامل جمارك وبنوك ومصدر ومستورد بحيث تكون إلكترونية بالكامل.
توقعي الشخصي ان مهنة التخليص الجمركي من المهن الي هتنقرض خلال 5 سنين.