اثيوبيا دخلت الحرب عن طريق مليشيات الأمهرة في الفشقة جنوب السودان لتلاقي قوات الدعم السريع اللي بتتحرك من جنوب دارفور و ده بالتزامن مع الملئ الخامس لسد النهضة
دلوقتي احنا موقفنا ايه و هل لو اتحركت اثيوبيا لاحتلال منطقة الساحل في أرض الصومال فهل هنقف مع الصومال في الحرب كما وعدناهم
تحركات اثيوبيا داخل الفشقة مدبرة عشان يكون في منطقة عازلة أمام الجيش السوداني اللي مفترض أنه حليف لينا و المنطقة العازلة ده أمام سد النهضة و كمان بتفرغ طاقة مليشيات الامهرة الغاضبة لاستعادة اراضي الفشقة اللي طردوا منها و بذلك ليتخلص من صداع داخلي و يبقي ضرب 3 عصافير بحجر واحد
استعادة الفشقة و تفريغ غضب مليشيات الامهرة فيها
دعم مليشيات الدعم السريع و حصار الجيش السوداني و تأمين سد النهضة اللي قارب علي الانتهاء
التفرغ لحلم المنفذ البحري في أرض الصومال بتمويل إماراتي
و كل ده طبعا بتخطيط و تمويل و مباركة إماراتية و في الخلفية الابعد إنجليزية
في الحقيقة عندي شعور خانق أننا في أضعف حالاتنا علي الاطلاق
أزمات داخلية نتيجة سوء الإدارة و جنق شعبي هائل ( كهرباء و دولار و تضخم ...الخ ) ضد الحكومة يهدد المشروع الوطني بالكامل
و أزمة غزة معلقة الي الان و مش هينفع نحرك قواتنا من سيناء الا بعد إنهاء الأزمة سياسيا و باتفاق واضح أو هدنة طويلة الأمد
و لكوميديا القدر النهاردة في زيارة بين مسئول سعودي و إثيوبي لزيادة التعاون الاستخباراتي و عجبي !