اول مره يدخل الروس حرب مش عارفين ينفذوا فيها اداؤهم المعروف بالوحشيه
معرفش ده حسابات عشان وضع اوكرانيا ولا اعتماد على رؤيه معينه
او تخوف من خسائر بشريه تعرض رؤيتهم للسياسه فى اوكرانيا بعد الانتهاء
الروس معملوش تمهيد نيرانى كويس اصلا عدد الصواريخ اللى ضربوها قليل
اشتباكاتهم فى المدن اللى بتلاقى مقاومه عاده بتنتهى بقصف مدفعى وجوى على اى مدينه لغايه ما يجيبوها الارض وده واضح انهم بيحاولوا يتفادوا يعملوه عشان الخساير البشريه على غير العاده
سلاح الجو عندهم لسه منفذش اى CAS مشفتش اثر لقصف بقنابل 500-1000-1500 من اللى بتعمل حفر 3 متر من الصور اللى شفتها باستثناء السو 25 والمروحيات
سلاح القاذفات لسه معملش اى carpet bombing حتى بحريه البحر الاسود لسه اول مره تضرب صواريخ كروز النهارده
باسلوبهم ده مش هيدخلوا كييف لانها متتدخلش غير بمدابح اصلا واحده من اكبر مدن اوروبا ومليانه سكان ومكان مثالى ل urban warfare
ملهمش حل لو استمروا على فكره تفادى الخساير البشريه غير بحصارها وقطع اتصالاتها ويخشوا ياخدوا باقى المدن ويعزلوا كييف
الحل السريع هما اصحابه طبقوه فى الشيشان جورجيا سوريا بس هيبقى خساير كبيره فى المدنيين
الواضح ان القوات اللى دخلت من اتجاهين بس بلاروسيا والقرم لسه قواتهم الرئيسيه فى غرب روسيا مدخلتش برده معرفش ليه والانفصاليين هما
اللى بيقوموا بعمليات بشرق اوكرانيا
لسه مفيش اى صور لانزال بحرى على المدن المطله على البحر الاسود مع ان عندهم قوه انزال كبيره متواجده هناك
الدور الرئيسى فى عملياتهم مازال مسند لقوات المظلات وبعض الوحدات الخاصه وده مش صح فى بلد جغرافيا كبيره زى اوكرانيا
الكلام ده ينفع مع دول البلطيق الصغيره اللى عمقها صغير مش مع دوله ضخمه زى اوكرانيا
التغطيه الاعلاميه خرى حرفيا , مفيش مصادر بتصور اشتباكات , وفى كتير من الخساير اللى اتقال انها حصلت مش متوثقه
خاصه صوره الاسقاطات الجويه مع العلم ان الخساير فى المركبات والدروع متوثقه وان كانت غير متوافقه مع الارقام الكتيره اللى بتتقال