مرحبا بك في منتدى الشرق الأوسط للعلوم العسكرية

[Thunder wolf]

من فضلك, تسجيل الدخول أو تسجيل لعرض المحتوى !

علي فكرة كم الطرق اللي استعملت و المدن الجديدة هي جزء من هذه الاستراتيجية و دكتور مصطفي مدبولي كان من أعضاء جهاز التخطيط اللي وضع الرؤية ده قبل الثورة و بعد تولي السيسي تم تبني هذه الاستراتيجية مع ضغط الجدول الزمني و كان الغرض زيادة نسبة العمران في مصر الي 14% بدلا من 7%

 

[Mirage 4000]

والله علاقة ولا ليها اي لازمة بين مصر ودول الخليج وبما ان الموضوع يتحدث عن الامارات ووصول رئيسها محمد بن زايد عايز انوه ان النظرة المصرية للاخرين والدول الاخرى سواءا كانوا عرب او كانوا مسلمين او حتى غير مسلمين .

الحكاية فعلا متطمنش اي حد مصري ابدا العرب طلعوا اذكى مننا بكتير وبيعرفوا ياخدونا على قد عقلنا وعلى قد طيبيتنا .


كم تبلغ قيمة الاستثمارات الاماراتية في مصر حتى الان الاجابة = 2.1 مليار دولار . وعلى النقيض تبلغ قيمة الاستثمارات الاماراتية (قطاع خاص وقطاع عام ) في بقية دول العالم الى 2.5 تريليون دولار حتى يومنا هذا .

لازم المصريين يفوقوا ياجماعة لازم يحصل تغير في عملية التعاطي مع الغير . ايه اللى حصل ؟؟؟؟ 2.1 مليار دولار ؟؟؟؟ ده اسمه استهبال وانا مش بقول ناخد استثمارات ضخمة ونجبرهم بس لازم يتغير فكرنا فعليا ونقدر اللي بيقدرنا ومنقدرش اللى مبيقدرناش .

المفروض المسؤولين المصريين في التعامل مع الدول اللى موقعة معانا اتفاقيات دفاع مشتركة (الدول الغنية) نعرفوا الخليجيين بما اننا موقعين معاهم اتفاقيات دفاع مشترك نفهمهم قدراتنا العسكرية القصوى التى ان حصل عليهم غزو سوف ترسلها مصر اليهم وكمان يحصل مقارنة بينا وبين الدول الغربية الاخري ونشوف استثماراتهم المفروض تزيد لكام احنا اندحك علينا كتير ياجماعة والمنظر العام بيقول بالظبط كدة.

انا كقائد اعلى للقوات المسلحة المصرية (عبدالفتاح السيسي) لازم اكون معرف كل دول الخليج ان طاقتي تكمن 500 الف جندي وفي 3000 دبابة و8000 مدرعة و8 فرقاطات وكورفيتات وهكذا ونقارن نفسنا مع الدول الغربية التى تحمي الاماراتيين ويقدروا تعبنا وهي الحكاية كده متنفهمش غير كده . وميكونش في اى تملص من طرف الاماراتيين ويقولولنا مثلا لا احنا عايزنها 1000 دبابة او 500 دبابة وهذا التملص الاماراتي غير مرغوب فيه مهما حصل وطبعا لازم نتزمت بشأن معداتنا العسكرية وانا عارف ان الخلايجة هيتريقوا ويقولوا اغلبها قديم وبرضوا الجزئية دي مرفوض انهم يذكروها لينا واللي علينا ان قدم المعدات العسكرية بتاعتنا هي مسألة شخصية والمهم فقط هيا الحماية اللى هيا مسؤوليتنا وهما ملهومش صالح بخصوص الجزئية دي تماما .

في النهاية خالص الرقم ده اللى هوا 4.2 مليار دولار دي 2.1 مليار اهانة ولازم نبدأ عهد جديد واهــــــــــــــــــــــــم شيء اننا لا ظالمينهم في البداية ولا حتى ظالمينهم في النهاية عايزين حقنا وكرامتنا بأي شكل مهما حصل .

 

[AHMED LABEB]

من فضلك, تسجيل الدخول أو تسجيل لعرض المحتوى !

الهبده دى كافيه اعملك بلوك وتجاهل بدون اى مناقشه عشان احافظ على صواميل مخى


​

 

[Mirage 4000]

من فضلك, تسجيل الدخول أو تسجيل لعرض المحتوى !

قمت بتعديلها يافندم المشاركة القيمة الاجمالية 29 مليار دولار العتب عالنظر . لكن هيا او الاتنين مليار واحد لان الرقمين اهانة لينا والامر مش سهل فعلا .

 

[صانع]

من فضلك, تسجيل الدخول أو تسجيل لعرض المحتوى !

مسؤول: 65 مليار دولار استثمارات الإمارات بمصر بعد رأس الحكمة
l 19 مارس 2024 - 15:34 بتوقيت أبوظبي
سكاي نيوز عربية - أبوظبي

من فضلك, تسجيل الدخول أو تسجيل لعرض المحتوي!

تاريخ النشر:
19.03.2024 | 10:09 GMT
مسؤول يكشف عن حجم الاستثمارات الإماراتية في مصر ويتحدث عن أكبر صفقة على مر التاريخ
صرح أمين عام مجلس الإمارات للمستثمرين بالخارج جمال بن سيف الجروان، بأن الإمارات تتصدر المنطقة في الاستثمارات الخارجية.

وقال المسؤول إن "قيمة الأصول الإجمالية للاستثمارات الإماراتية في الخارج سواء حكومية أو خاصة تقدر بنحو 2.5 تريليون دولار حتى مطلع عام 2024، وقدر الأمين العام لمجلس الإمارات للمستثمرين بالخارج الاستثمارات الإماراتية في مصر بعد هذه الصفقة بحوالي 65 مليار دولار.

من فضلك, تسجيل الدخول أو تسجيل لعرض المحتوي!

 

[Mirage 4000]

من فضلك, تسجيل الدخول أو تسجيل لعرض المحتوى !

لا فعلا هيا قيمة استثماراتهم الاجمالية ككل لقيتها 29 مليار دولار حتى بعد راس الحكمة لو 65 مليار دولار دي اهانة يروحوا يحتموا في الغرب من غير زعل واحنا 65 مليار دولار وكلامنا جد وكمان مش في كل الظروف هيحموهم ؟؟؟؟؟ بالعقل كده .

انا بتكلم عن المبدأ ذات نفسه .

 

[صانع]

من فضلك, تسجيل الدخول أو تسجيل لعرض المحتوى !

حضرتك ممكن تحسب ما ذكر فى هذا المقال وستجد الرقم قريب جدا أو متطابق مع ما تم ذكره

بعد صفقة رأس الحكمة.. ما أبرز استثمارات الإمارات في مصر؟

نشر في: الجمعة 23 فبراير 2024 - 6:59 م
آخر تحديث: الجمعة 23 فبراير 2024 - 7:47 م

من فضلك, تسجيل الدخول أو تسجيل لعرض المحتوي!

 

[Bright sky]

من فضلك, تسجيل الدخول أو تسجيل لعرض المحتوى !

في رائي ان العلاقات بينا و بين الامارات برجماتية بحته نتفق في ملفات و نختلف في ملفات و كل طرف يبحث عن مصلحته

لكن منطق ان كل ده بيحصل بتفاهمات بينا و تبادل ادوار شئ غير منطقي علي ارض الواقع

في السودان تدعم الامارات حمدتي هي و فاغنر لانهم بيسرقوا ذهب السودان بالتعاون مع حمدتي، الامارات من اكبر منتجي المشغولات الذهبية و بيدير عليها دخل بعشرات المليارات سنويا

مصر 🇪🇬 عايزة تكون مركزي لوجستي عالمي في المنطقة و هي قادرة علي ذلك بسبب موقها الجغرافي و قناه السويس و هي في طريقها لكده بمساعدة الصين 🇨🇳 بسبب طريق الحرير و ده هيأثر علي ميناء جبل علي و اللوجستيات الاماراتية الكانت سبب في بناء دولة الإمارات و مازالت لذلك الإمارات بتسعي لتعطيلك و تأخير او تأجيل الخطط المصرية اللوجستية عن طريق اشعال المحيط المصري و محاولة جر مصر لصراعات خارجية و ده من اسباب علاقتهم القوية بأثيوبيا و تحرض جنوب السودان علي توقيع اتفاقية عنتيبي و مساعدة اثيوبيا للحصول علي ميناء في ارض الصومال و تحريض اثيوبيا علي الاستيلاء علي الفشقة السودانية و ده يشرح لك ليه الإمارات كانت بتحاول إيجاد طرق بديلة لقناه السويس مرة مع ايران و تركيا و مرة مع اسرائيل و في رائي ده كان لابتزازك لوقف مشاريعك اللوجسيتة و ده مساعدة امريكية لضرب طريق الحرير الصيني و ده نفس السبب المخلي امريكا تفتعل الاضطرابات في مضيق باب المندب

طيب السؤال هنا طيب ازاي الإمارات بتعمل ده كل و في نفس الوقت بتساعدنا اقتصادية و عسكرية؟

مصر الملاذ الأخير لدول الخليج، دول الخليج دول هشة و سهل سقوطها و معتمدين علي الامريكان بشكل كلي علي تأمينهم و حمايتهم و السياسة الأمريكية غير مضمونة يعني النهاردة معك ممكن بكرة يبقي ضدك لو ده في صالحه

لذلك لو تابعت سياسات السعودية الأخيرة هتلاقيها بدور في ابتزاز امريكا للحصول علي اتفاقية دفاعية مُلزمة من الأمريكان يعني زي اسرائيل كده لتجنب تقلبات السياسات الأمريكية، حتي توجهم للصين و روسيا كانت محاولات فقط لا ابتزاز امريكا بسبب الاتفاقية، لذلك توقيع الاتفاقية ديه هيسبب ضرر للمصالح المصرية

ف لو الامريكان غدرو بالخليج و انسحبوا من الخليج زي ما كان ترامب بيخطط هيكون وضع الخليج سئ جدا زي ما حصل ايام الحوثي، ف هيكون الخليج لقمة سائغة للايران و حتي لتركيا ف الخليج مش هيكون قدامه غير مصر 🇪🇬 ، لذلك دول الخليج كلها مهما تختلف معها بيحافظوا علي العلاقات الاستراتيجية معنا و يهمهم انك تفضل قوي عسكريا و لا تنهار اقتصادية ، لذلك قبل ما تموت من العطش بيديلك شربه مايه، لانه عارف ان مصر هي الملاذ الوحيد إذا غدر الأمريكان بهم، لذلك يهم دول الخليج تلميع صورتهم في الداخل المصري و تسويق مصطلحات زي مصر قلب العروبة و حصن العرب الخ الخ علشان تكون فكرة حمايتهم مقبولة في الداخل المصري
لذلك مهم بالنسبة لهم ان تكون في حاجة اقتصادية دائما لهم علشان يسهل ترويضك و التعامل معك

 

[الباز أفندي]

من فضلك, تسجيل الدخول أو تسجيل لعرض المحتوى !

كل اللي حضرتك كاتبه هو وجهة نظري بالظبط واتفق مع كل كلمه فيه

 

[hazem]

من فضلك, تسجيل الدخول أو تسجيل لعرض المحتوى !

وجهة نظر تحترم طبعا أنا مختلف في بعض النقاط

أولا أه كل الدول بتختلف مع بعض وبتتعامل مع بعض بمبدء المصلحة بس طبعا في حد أدني من التنسيق خصوصا في ملفات الأمن القومي وده حصل مع السعودية سنة 2016 تقريبا لما مصر صوتت مع روسيا في مجلس الأمن بس تاني بيبقي في حد أدني من التنسيق

إسرائيل بتنسق مع مصر حاجات كتير لما الموضوع بيمس أمن مصر ما بالك بحليف زي الإمارات علي كلامك بيحافظ علي التوازن الأستراتيجي

السيسي مثلا التقي بالشيخ محمد أكثر من 50 مرة علي مدار 10 سنين هل ده طبيعي أن يبقي في ما بينا أختلاف البعض موصله لمرحلة العداء والضرر بالأمن القومي ويتقابلوا أقل حاجة 5 مرات في السنة؟؟؟ أنتوا شايفين ده طبيعي أزاي بجد 😂😂😂

هل طبيعي أننا في منافسة معاهم أدت لعداء علي حد توصيفكم يقوموا يلحقوك ب35 مليار في شهرين علشان تكمل المشاريع اللي بتنافسهم فيها؟؟؟ في وقت كله كان ماسك السكينة ومستنيك تقع

قبل دخول الإمارات أثيوبيا بالعنف ده أثيوبيا كانت قوة أقتصادية صاعدة في أفريقيا ومتوقعلها تاكل كل اللي حواليها وبعد دخول الإمارات وتوريطها في صراعات لا نهائية أتاخرت عشرات السنين هل ده صدفة؟؟؟

لو هي داعمة لأثيوبيا في مواجهة مصر بسيطة تعمل أتفاقية مع أثيوبيا بنفس اللي عملته مع مصر وتدعمها عسكريا بأسلحة نوعية زي ما عملت معانا علشان تورطنا فعلا معاها

طبعا وجود الإمارات في أثيوبيا والسودان للمصلحة طبعا بس الأكيد بالتنسيق معانا علي الأقل تفادي الصدام خصوصا أن الدولتين أمن قومي لمصر

بالمناسبة هل مصر داعمة حقيقي للنظام السوداني أو حتي الجيش السوداني ولا واقفة بتتفرج وسايبهم يخلصوا علي بعض؟؟

وجود الرؤي المختلفة مش معناه حالة عداء والمنافسة الأقتصادية مش معناه عداء ممكن الدنيا تقفل علي Integration كبير وكله يكسب في الأخر

عموما محدش فينا معاه المعلومة الأكيدة السنين هي اللي هتبين هما حليف نجد مصر ولا عدو كان بيغرقها

 

[القيشاوى]

تظل علاقه مصر بالامارات لغز كبير

 

[مصر دمى]

من فضلك, تسجيل الدخول أو تسجيل لعرض المحتوى !

ياباشا مصالح
و التسويات فى اخر المباريات التنافسية

 

[Bright sky]

من فضلك, تسجيل الدخول أو تسجيل لعرض المحتوى !

الموضوع لا يقارن ب اسرائيل، اسرائيل كيان مجاور تجمعكم اتفاقية سلام و لازم يكون فيه قنوات اتصال و تنسيق معهم

من فضلك, تسجيل الدخول أو تسجيل لعرض المحتوى !

المشكلة اننا بنحكم علي العلاقات بين الدول من منظور الصداقة، يعني الرئيس ماسك ايده ، ادي التحية العسكرية للرئيس لكن العلاقات برجماتية بحته، ده سياسة الرئيس السيسي مع تميم بيعمل كده و مع اردوغان سلم عليه بحفاوة و مع بن سلمان نفس الوضع ده حتي مع ابي احمد نفسه

الامارات بنا مصالح مشتركة و علاقات استراتيجية و لو محمد بن سلمان عِِقل و بقت سياساته موزونه هتلاقي السيسي بيقابله بأستمرار لكن ده مش دليل اننا بنتبادل ادوار ولا حاجة ده حكم من منظور عاطفي

من فضلك, تسجيل الدخول أو تسجيل لعرض المحتوى !

ابي احمد حليف للامارات و هو حاول إخضاع التيجراي و لكن اقليم التيجراي تفوق و قبل دخول العاصمة اديس ابابا بعد حصارها تدخلت الامارات و ساعدت اثيوبية عسكريا و بقي حليفها في الحكم

ف تحليل ده انه بالتعاون مع مصر لتدمير اثيوبيا تحليل غير منطقي، هي فقط تبحث عن مصالحها ، حرضت اثيوبيا لاحتلال الفشقة و هي من اخصب الأراضي في السودان لتزرعها الشركات الاماراتية لتأمين الأمن الغذائي للإماراتي لكن البرهان رفض رشوة الإمارات

ليه الإمارات حرضت جنوب السودان للتوقيع علي اتفاقية عنتيبي الأصبح لها وجود قانوني بعد توقيع جنوب السودان؟!
ليه الامارات بتسعي ان اثيوبيا يكون لها ميناء علي البحر الأحمر ، ميناء تجاري و عسكري ؟!

هل بتنسيق مع مصر ؟!
طبعا أنت لم تذكر النقط ديه لان ملهاش تفسير و فقا لوجهه نظرك ان كل ده بيحصل بالتعاون و التنسيق مع الإمارات

هل محاولات الإمارات إيجاد طرق تجارية بديلة عن قناه السويس بيحصل بالتنسيق مع مصر مثلا ؟!

طبعا لا لكن لضرب مشاريعنا اللوجستية او ابتزاز الادارة المصرية لان المشاريع ديه هيكون لها تأثير كبير علي ميناء جبل علي و كل لوجستيات الامارات و كلنا طبعا فاكرين لما كامل الوزير وجه كلامه لسيف المزروعي الكان بيضحك علي كلام كامل الوزير



ف تعطيل مشاريع مصر اللوجستية مهم بالنسبالهم و لنا في ميناء العين السخنة خير مثال

من فضلك, تسجيل الدخول أو تسجيل لعرض المحتوى !

صاحب القرش صياد، صفقة مكنتش الإمارات تحلم بيها، هتكون لها نسبة كبيرة في مدينة علي اجمل شواطئ البحر المتوسط، بعيد عن شواطئ دبي السيئة جدااا و غالبا هيكون فيه ربط بين دبي و راس الحكمة بحركة طيران متواصلة، في رائي لو ظروفنا الاقتصادية افضل من كده كانت نسبتنا هتبقي اعلي و بشروط مختلفة ، لكن هي صفقة إنقاذ اقتصادي بالنسبة لنا كما ذكرت الصحف الاقتصادية ،ف لو انت مستفيد قيراط هم مستفدين ٢٤

من فضلك, تسجيل الدخول أو تسجيل لعرض المحتوى !

هو مش عداء لكن سياسة برجماتية بحته، و لو ظروفنا الاقتصادية جيدة في رائي كان تعملنا معهم هيكون بشكل مختلف، فيه فرق بين المنافسة الاقتصادية و محاولة تعطيلك و ذرع الصراعات من حولك و تصدير المشاكل لك لوقف مشاريع اللوجستية

 

[Youssef]

من فضلك, تسجيل الدخول أو تسجيل لعرض المحتوى !

مصطفى مدبولي كان في cube consultants?

مشروع زيه زي the line مع احترامي. خيال علمي في ظل اداء الادارة الحالية في مشاريع ابسط من كده بكتير

 

[Thunder wolf]

من فضلك, تسجيل الدخول أو تسجيل لعرض المحتوى !

اولا المشروع ده لا علاقة له بالدكتور مدبولي من قريب أو بعيد ، اللي كنت بتكلم عليه اسمه مخطط مصر 2052 و كان مرتبط بالتنمية العمرانية و الطرق في المقام الأول
و لكن الفيديو ده انا افتكرته ده مشروع ال 7 عواصم و علي مش زي the line خالص بس ده مشروع و مسار مختلف عن منهج الحكومة الحالية و أن كان فيه تشابه زي محور قناة السويس و مسمي الدلتا الجديدة مع اختلاف أن الدلتا الجديدة للحكومة الحالية 4 مليون فدان و في مخطط الفيديو 20 مليون فدان
و المثلث الذهبي و فمرة عواصم جديدة لكن بدل نفرتاري في العاصمة الإدارية و كمان اختلاف الموقع و مشاريع اخري
أنا بالنسبة لي لو في أيدي القرار هدمج أغلب المخطط ده في مشروعات الدولة لأن التخطيط ليها طموح و نبني علي أسس علمية محترمة و متدرج و متزن
و بالنسبة للحكومة الحالية فأكيد مش ده الحكومة اللي تتبني مخطط مميز زي ده لانه محتاج ناس يتمتعوا باستقلالية القرار و المسئولية

 

[Atum]

الرئيس السيسى يودع الشيخ محمد بن زايد بعد زيارة أخوية بمدينة العلمين​

 

[Atum]

 

[hazem]

من فضلك, تسجيل الدخول أو تسجيل لعرض المحتوى !

في حاجات كتير مش صح هرد عليها بكرة ان شاء الله بالتفصيل بس مثلا إدعاء أن أثيوبيا خدت الفشقة بسبب الدعم الإماراتي ده غلط جملة وتفصيلا هما أصلا كانوا مسيطرين عليها حبي من ٩٥ ل ٢٠١٨ مطلعوش غير بعد كده اصلا قبل كده كانت معاهم وبيزرعوا ويحصدوا وعايشين فيها

 

[Bright sky]

من فضلك, تسجيل الدخول أو تسجيل لعرض المحتوى !

أنا فاهم ان الاثيوبين مسيطرين علي الفشقة من ايام عمر البشير و كان بيقتلوا المزارعين السودانين تحت حراسة مليشيات الامهرة و دعم من الجيش الاثيوبي و البرهان حشد الجيش السوداني هناك و بدات اشتباكات بين الجانبين و الامارات عرضت الوساطة و تقديم مقترح بتقسيم الفشقة الهي سودانية ١٠٠٪؜ بين اثيوبيا و السودان مقابل استثمارات ب ٨ مليار دولار في النشاط الزراعي و طبعا شركات إماراتيه لكن السودان طبعا رفض

وده مش إدعاء ده كلام المسؤولين السودانيين نفسهم

من فضلك, تسجيل الدخول أو تسجيل لعرض المحتوي!

 

[ℰ𝒢𝒴𝒫𝒯ℐ𝒜𝒩]