مرحبا بك في منتدى الشرق الأوسط للعلوم العسكرية

[الباز أفندي]

 

[Mo samy]

انا كنت ف بنك بخلص حاجة وكان قاعد جمبي راجل واضح انه سيساوى جدا ومؤمن بكل تحركاته ... بس حبيت فيه انه عارف حقوقه ومثقف ...
كلمني عن الاخوان والخلفة الكتير ووو ...
قلتله خلفة كتير وبتزودها باللاجئين ... قالي وهو متعصب اللاجئين ال جايين لك دول مش لاجئين دول بيدفعوا فلوس كتير عشان ياخدوا شقق فاخرة والدولة بتستفيد منهم ماليا ...
مفيش غير السودانيين بس احوالهم صعبة ...
عاوز من الاعضاء يكلمني عن مساوئ اللاجئين واثارهم ع الاقتصاد عشان اعرف ارد ع كلامه ...
وهل كلامه صح اصلا ؟
ياريت كل عضو يقولي وجهة نظره واتعلم منككم

 

[madodedo]

من فضلك, تسجيل الدخول أو تسجيل لعرض المحتوى !

الملف ده عمره ما إنتهى فى مصر بالعكس انا بربط مدى صدق ونزاهة الحكومة بملف الرشاوى تحديدا وفساد موظفين الدولة الوقت الوحيد للأمانة الى الموضوع ده اتحجم فيه بالرغم من كرهى لسياستهم الفترة الصغيرة الى مسك فيها الاخوان مش هقلك انتهى لكن الموظف كان بيخاف يطلبها بقلب جامد لانه عارف الى فوق مش هيقف فى ضهره ومهيصدق انه يقع يعنى الى فوق مش منه ومن دمه ومحدش هيشيل همه 😂 ولما يقع هيتعين دقن مكانه لكن دلوقت جرب تطلع موبايلك وتصور موظف مرتشي او فاسد ممكن انت الى تتشد دخلت أحد المؤسسات الحكومية من فترة فيها رشاوى علشان تمشي نفسك لقيتهم رفعين كاميرات المراقبة للسقف يعنى مدورين وشها لفوق عرفت وقتها ان كده خلصت وسكتم بكتم 🤣

 

[Golden Eagle]

ترتيب الاولويات عندنا كدولة فيه كارثة من وجهة نظرى..... والعلاقة بين الاسعار والاجور مفروض تكون علاقة طردية... لكن عندنا هي علاقة عكسية للاسف.

 

[Golden Eagle]

محتاجين كتالوج من الحكومة نستلمه مع المرتب... كتالوج يشرحلنا نعرف نعيش ازاي بالمرتب خلال الشهر علشان يكفي ال٣٠ يوم.... والناس مش هتشتكى تانى ولا حاجة.... الحكومة بس تقول للناس تتصرف ازاي في المرتب وهم هيسمعوا الكلام إن شاء الله.

الموضوع بقي خارج نطاق المنطق

ازاي ١+١ هتساوى ١٠ طيب

 

[madodedo]

من فضلك, تسجيل الدخول أو تسجيل لعرض المحتوى !

ورقه وقلم واكتب معايا
معظمهم بيدخل بدون علم الدولة من أنفاق على الحدود او تهريب اى جريمة هيرتكبها فى مصر محدش هيعرف يجيبه وشفنا ده فى اغتيال معارضين لانظمة فى مصر وبيخرجو او حتى تلاقى قلبه جامد فى اى خناقة لانه هيقتلك ويرجع تهريب زى ما دخل ودور على ميتك تجمد

عند بداية دخولهم حتى الأن وشوفنا تزوير العمله الى كانو بيعملوه وتصنيع الايس فى فلل التجمع وغيرها من النشاطات الى دمرت اقتصاد وشباب مصر وعلى فكرة انا ليا حد فى البنك المركزى فى سك العملة ومكافحة تزويرها بيحكيلى انهم ضخو كميات فلوس مزورة فى الشارع مهولة وكان معظمها نواة ثروات كتير منهم وحاليا الهجامة والى راكبين موتوسيكلات وغسيل الأموال

دخل للبلد عناصر خطر كتير بدون تدقيق منهم دواعش ودعم سريع ناس قتلت وحرقت واغتصبت أشخاص مشوهين نفسيا وبيلفو بينا وبين ولدنا ومنهم الى بيشارك بأفكاره تخيل للحظة انفلات امنى فى مصر حتى ولو اسبوع الناس دى هتتحول إزاى

ضغط ضخم جدا على موازنة الدولة لعقود تحججت الدولة المصرية بان أكبر أزمة بتهددها الانفجار السكاني وصرفنا مليارات على برامج تحديد النسل للمصريين علشان فى الأخر يدخل الاجئ الى بالمناسبة مهما كان وضعه سئ هيكون احسن منك نظرا لفرق عملاتهم ودولرة اقتصادهم لكن منتشر بينهم افكار الانجاب الكتير اعرف لاجئين بمجرد وصولهم مصر بقو يخلفو كل سنه عيل منهم ناس بقالها فى مصر 14 سنه عندهم بدل الطفل 10 وده منتشر جدا فى معظم ثقافات الاجئين فى مصر خلل ديمغرافى رهيب تخيل لو طلع عندك جيل او جيلين هتقنعهم إزاى بالرجوع لبلدهم الى ميعرفوهاش طيب بعد 15 سنه عددهم هيكون كام طيب بعد 30 سنه

العقارات ضغط جامد جدا على العقارات تحديدا منخفضة السعر الى بتنتفع بيها طبقة فقيره جدا فى مصر لانهم مش ملزمين يقعدو فى خيام او حتى فى فنادق زى ما أثيوبيا عملت علشان تشغل قطاع السياحة بتعها وتسحب منهم السيولة وتطلع باكبر استفادة بدون ضرر للمواطن تخيل لو عملت عندك كده نسبة اشغال فنادق مصر المفلسه هتكون كام لكن انت سبتها على البحرى مواطنك دخله محدود فى أشد أزمة اقتصادية بتمر بيها مصر ورحت تضغط عليه ان الى شقته ايجارها كان الف بقا 15 بالتالى معظم اهل المنطقة من المصريين هجروها وبقا عندك تجمعات ضخمة من الاجئين فى مناطق واحده بقو يضربو السكان ويقفلو شوارع كاملة حتى ويمنعو مرور المصرين منها الظاهرة دى منتشرة فى المعادى جدا من تجمعات السودانيين انت مش ملزم تقدم لهم غير الأمان فى دول بتقلعهم دهبهم وتخليهم يسلمو اى أموال معاهم على الحدود ده فى أوروبا كمان علشان ميجيش حد يقلهم بجروشي وزى ما دخل يخرج ميخدش معاه حاجه

موارد الدولة والغذاء ضغط هائل على موارد الدولة ومرافقها انت بتتكلم على اكتر من 15% من سكان الدولة لاجئين ومهاجرين غير شرعيين بالتالى شوف اجمالى استيرادك كام واخصم15% عمله صعبه بتقترضها علشان تشترى بيها احتياجاتهم زى بقيت السكان يعنى نفقات اضافية وديون مستقبليه عليك وعلى شعبك هتقعد تسد فيها حتى لو مشيو والقانون الدولى مديك حق عدم استقبالهم طلما الدول مش موفرة مظلة نقدية لهم يعنى كدبة أننا منقدرش نقلهم لا دى اسطورة اخترعتها حكومتنا افتكر كل المصريف دى ومره كنا بتحايل على الدول المانحه تدينا 200 مليون فى السنه 🤣

ملف زواج الأجانب من مصريين علشان ده هيكون ترند السنتين الجايين زى ملف الاجئين دلوقت كده وإعداد مهولة غير قادرة على الزواج فى بلدها بتيجى تتجوز هنا ارخص وبيحصلو على منافع من زوجاتهم من فترة وصل شخص من جنسيه عربية عندنا فى العماره وبقا موسط معارفه يدورله على عروسه مصرية علشان ورقه وكان معاه اخته بنت فا بيكلم جاره لنا بيقلها جوزينى بنتك قالتله خلاص اجوزهالك واجوز اختك لابنى اتعصب وقل ادبه وقلها مش بنجوز بنتنا لمصريين عنصريه علينا عينى عينك فى بلدنا واحنا فاتحينها على البحرى ومعظمهم كده على فكرة الست هبت فيه وقلتله معندناش بنات للجواز ومالهم رجالة مصر هما الى بيحموك انت واختك وانت جى هربان وسايب أهلك فى الحرب دول ارجل منك الموقف ده حصل بدون زيادة او نقصان والشخص ده مصر دخلت علشان بلده حروب كتير من زمان مات فيها مئات آلاف المصريين

انت مطالب تخضع لابتزاز الدول الى مستقبل منها الاجئين وتساهم بمبالغ نقدية كمان فى أعادة اعمارها علشان يرجعو الإعداد دى وشفنا بشار عمل ايه معانا فى الملف ده تحديدا

وظائف على عكس كل دول العالم الطبيعية الى مش بتسمع غير للى معاهم ورق بالعمل انت سايب ملاين الوظائف فى ايدهم ومقعد شباب بلدك فى بيوتهم بدون متاخد منهم اى رسوم والى بعد تعديلها حتى مبالغ مضحكة هما نفسهم بيضحكو علينا فى الوقت الى أقل دولة فى منطقتنا بتحلبهم بالتالى هيحصل لهم التمكين الاقتصادي وهنكرر نفس كارثة الهكسوس والمصري هيكون تابع لهم بالتالى تمكينهم من الدولة مؤكد

أخر شئ لانى تعبت من الكتابه لكن ده جزء بسيط من الى هما عاملينه فى اقتصادك جرب تخرج إعداد الملايين الجبارة دى وورينى هتعملها ازاى انت بتتكلم عن عشرات الملايين اى حكومة تقلك أنها هتقدر تسيطر عليهم تبقي بتكذب عليك واحنا عندنا لاجئين من السبعينات والتسعينات مخرجوش وبقو ملايين فى مناطقهم وبقا عندهم 3 أجيال ومصريين اكتر منك مبالك الإعداد دى

أخر حاجة موقف حصل مع سودانيه لانى بحتك بيهم كتير فى الحى بتاعى لانه تقريبا مبقاش فيه مصريين كانت لسه واصله من قريب ولقيتها فى جلسه مع بنات بتتكلم عن مصر بابشع الصور المهم اتعصبت من اسلوبها ولما عرفت سبب ده ايه أنها تم اغتصابها من عناصر الدعم وجت على مصر لكن جايه حاقده على مصر وبتحملها مسؤولية أنها إزاى محمتهمش واحنا بدل ما نخدها لعلاج نفسي وإعادة تاهيل رمناها بين الشعب والناس تخيل لو جت لها فرصة تضر بنت مصرية هترفضها وغيرها من المصايب الى المصري بيدمر بيها مجتمعه بدون وعى وبنشوه ثقافتنا بيها اى دولة طبيعية لا تتحمل اكتر من 2 مليون وبيعملو داخلها خلل بيستمر لعقود مبالك أحنا

 

[Mo samy]

من فضلك, تسجيل الدخول أو تسجيل لعرض المحتوى !

مش عارف اشكرك ازاي بجد ...
ياريت تشارك دايما ف المنتدى ...
لاني مش بدخل اي منتدى تاني ...

 

[madodedo]

من فضلك, تسجيل الدخول أو تسجيل لعرض المحتوى !

حبيبي بحاول والله بس الوقت مش فى صالحى خالص 😅

 

[Mo samy]

من فضلك, تسجيل الدخول أو تسجيل لعرض المحتوى !

انا حاسس انك نسخة اقل تطرفا من مرمبتاح ال معانا ف المنتدى 😂

 

[madodedo]

من فضلك, تسجيل الدخول أو تسجيل لعرض المحتوى !

أخويا وحبيبي وجرب تتناقش معاه فى مواضيع تاريخية هتلاقى حجم ثقافة لا تتخيلها وكل الناس الى هنا أعرفهم من زمان قوى تانى حاجة مش عيب إنك تكون شايف واقع وتعبر عنه ممكن غيرك لسه مستوعبش حجمه حتى الأن وكل لما بتحتك مع الشارع كتير كل لما هتشوف حجات ممكن غيرك مش شايفها دلوقت لكن بطبيعة تفكيرى بنفتح على كل الأفكار وباخد منها الى مقتنع بيه

 

[Mo samy]

من فضلك, تسجيل الدخول أو تسجيل لعرض المحتوى !

انا كمان بحب الطريقة دى وبستعملها ف كل حاجة حتي ف اقدس الاشياء زى الدين ...
الوصول للحقيقة المجردة بغض النظر هي ايه وتجنيب العواطف تماما ...
انا كتير اتناقشت مع مرمبتاح ف الخاص وناقشنا افكارنا الظلامية

 

[madodedo]

من فضلك, تسجيل الدخول أو تسجيل لعرض المحتوى !

جرب تتكلم معاه كده فى تاريخ أوروبا أقسم بالله عنده كم معلومات مشفتهاش عند حد 😂 أظهر وبان عليك الأمان @مرمبتاح بلاش شغل اللبد فى الدره ده 😂

 

[Mo samy]

من فضلك, تسجيل الدخول أو تسجيل لعرض المحتوى !

قافل الخاص مش عارف ابعتله

 

[.صقر]

الواحد بقي بيحسب الجدوي الاقتصادية في انه يروح شغله في الاساس !!
مستحيل الارتفاع الرهيب دا في تمن المواصلات والمرتبات لا تثمن ولا تغني من جوع !!

 

[امواج النيل]

للاسف خطاب غير موفق للسيسي وتكرار لاخطاء الماضي مع هذا الصندوق اللعين و المتحكمه به امريكا
لا يوجد تغيير يذكر في الوضع الاقتصادي الا الخوف من الانهيار و السير في طريق اعلان الافلاس للدوله وان كنت استبعد هذا
نفس الخطوات و الطريق سلكناه قديما مع الصندوق و النتيجه عكسيه تماما تخفيض قيمه الجنيه من 7 الي 50 مقابل الدولار
علي مدار 4 برامج والنتيجه كارثيه بكل معني الكلمه غلاء في الاسعار واجراءات حكوميه صوريه و اعلام منحاز لحكومه فاشله بامتياز في الاقتصاد
الغباء هو تكرار الفعل وانتظار تغير النتائج وهذا ما تفعله الحكومه مع ان الشعب اعطاها اكثر من فرصه و للاسف الجميع يري الوضع
كلنا نقدم النقد ولا احد يقدم حلول لكن في الوضع المصري حاليا علينا اتباع الاتي وفي اسرع وقت
1 - التخلص من الاجئين وعودتهم الي بلادهم او تصدير المشكله لاوروبا و الغرب لانهم سبب كل خراب في العالم او دفع تكاليف اقامتهم 25 مليار دولار سنويا و التخلص يكون تدريجيا
2- توقف المشاريع الغير مهمه حاليا وخصوصا مشاريع الامد الطويل ولا تدر عائد سريع
3 - عدم الاقتراض والاستدانه لاي جهه حكوميه لمده 5 سنوات قادمه مع تسديد شرائح الديون السابقه
4 - الاسراع في تطبيق نظم الحكومه الالكترونيه لمحاربه الفساد والرشاوي والبيروقراطيه وتغليظ العقوبات في هذا الشان
5 - التحول السريع الي بلد صناعي و تشجيع الشركات علي نقل مصانعها الي مصر بعد اغلاق طرق التجاره في باب المندب وخصوصا الشركات الصينيه و الاوروبيه مع عمل مناطق صناعيه متخصصه و انشاء وزاره للمشاريع الصغري و المتناهيه الصغر و المتوسطه تتكفل ب توفير مستلزمات الانتاج و تصدير وتسويق المنتجات مع تقديم اراضي صناعيه شبه مجانيه لكل المنتجين
6 - اعاده الثقه في الجهاز المصرفي ومحاربه ظاهره الدولره و دعم الجنيه المصري مع مزيد من الشفافيه في التعامل مع القضاي الاقتصاديه
7 - توحيد الميزانيه للدوله جميعا مع الغاء كل الصناديق الخاصه واستبدالها بوزاره الماليه فقط التي تحصل كل ايرادات الدوله وتوفر مصاريفها المهمه
8 - ايجاد وسائل مبتكره في التقييم العادل للاقتصاد المصري وخصوصا الاقتصاد الموازي الذي كان يتحمل معظم الصدمات الخارجيه ولكن في 10 سنوات الاخيره تم محاربه هذا الاقتصاد واغلق جزء كبير منه فاصبح تأثير الصدمات كبير جدا و ملموس عند الجميع
9 وضع خطه قصيره الاجل من خلالها هدفين فقط رفع قيمه الجنيه وزياده الدخل القومي بمعني تكون عندي خطه لجعل قيمه الجنيه 35 مقابل الدولار في خلال سنتين فقط مع رفع الدخل القومي الي 650 مليار دولار مع نهايه الخطه
10 - لابد من تغيير الحكومه و رئيسها الحالي و الاكتفاء بما قدم من انهيار كامل في الاقتصاد المصري و تولي حكومه جديده تشعر الجميع ان هناك تغيير قادم في صالح الشعب و البلد و التخلي عن سياسه المؤتمرات الكلاميه و الشعبويه المفرطه في تقديم اسباب الانهيار خارج عن اراده الحكومه

 

[Raptor6]

من فضلك, تسجيل الدخول أو تسجيل لعرض المحتوى !

صباح الخير. اللي بوظ مبيصلحش. شكرا

 

[Rafal 100]

علي قدر فهمي في الاقتصاد..

كل المشاركات في الموضوع الوضع سيئ واللي جاي اسوء ، ومالوش حل وكنا ماشيين غلط .

خربت يعني بالبلدي ولا ايه ،انا مش فاهم حاجه ..

 

[برومثيوس]

بيغسل ايدة من الانهيار اللي حاصل
علشان يخفو علية شوية فالشروط
مش علشان الناس زي مابيحاول يبين

 

[الباز أفندي]

اتاري المنتدى منور

قفشتك

 

[قومي]

من فضلك, تسجيل الدخول أو تسجيل لعرض المحتوى !

حق في طفل واحد ايه والشعب يلتزم ليه في ظل حكومه فاتحه باب التجنيس وبتستقبل ملايين الوافدين واللاجئين فاظن مش معقول