نفكر كده في شوية حاجات
فيه شرك الروس حاطينه وكل شوية يقولك الخطط زي ماهي مطلوبة كماشية
وكأنه بيقول لحدما إنزلي بقواتك عالأرض
لو منزلوش اعتقد ضرب مطارات غرب أوكرانيا النهاردة هو تصفية لقضية أوكرانيا خالص
لأن ده كان الباب المتوارب
لكن لا مقاتلات وصلت ولا قوات ناتو وصلت ولا اتنصب دفاع جوي غربي
فتقريبا فيه مناورة كبيرة استراتيجية
الأمريكان بيضربوه بالأوكران .... وهو عاوز الأمريكان ينزلوا عالأرض ومحصلش وبايدن بيضرب اقتصاديا بعنف علشان يحسم من عنده بحل لا عسكري
رغم إن الشاهد إن خسائر الروس كبيرة فلو نزل له على الأرض نظريا الأمريكان هكسروا عضم الروس
الرسالة التانية ... رئيس وزراء انجلترا بيسبق بقرار العقوبات وساحب أوروبا وراه وعند نقطة المهاجرين قفل بابه مع العلم إن انجلترا رسميا خارج الإتحاد الأوروبي وبتتكلم بلغمة دولة عظمى رغم إن مساعداتها على الأرض N-LAW برضك مش Sentinel surveillance ويمكن لما بوتين ضرب الميناء الممول من بريطانيا سكتوا
الرسالة الثالثة ... وضع الغرب الحقيقي باين في ألمانيا ... حرفيا كام يوم يبدأوا يتراجعوا في العقوبا ... بلسانهم
فرسنا ... فيه تشابك مع الروس في مالي وبرضك هو ماكرون متصدر الحوار مع روسيا بلسان الإتحاد الأوروبي لكن بيسير ورا مزايدة جونسون اللي برا الإتحاد الأوروبي علشان كده بنلاقي تصرفات غريبة للفرنسيين من السعي ورا استضافة مؤتمرات مهمة لعقاب الروس وهو ذات نفسه بيتكلم مع بوتين
حلو قوي
نيجي للصامتين والأخبار الحديثة
إيطاليا مش واخده موقف ريادي
الصين تمسكت بمكانها كقطب صاعد وماستغلتش الأحداث بالعكس استفادت جدا وهي أكبر دولة من حيث عدد السكان وضرر عليهم قليل بخلاف ظهور اليوان كعملة هتقوض من استقرار الدولار الأمريكي مستقبلا
ليتوانيا وبرغم تعطل الروس الغير متوقع قالت أنا مش هطلب الدخول في أحلاف
نيجي لنقط الإختبار الحقيقية
1-بوتين في الأول ماضربش كل المطارات وساب الغرب الأوكراني ... النهاردة ضرب الغرب
2-الجيش الروسي حصل له عرقلة ... كان ممكن لو الأمور تسير كما يقال يبقى الحل تعديل التسليح الأوكراني لوضع الإجهاز التام وده ممكن يكون بدخول هيل مسلح وطيران بدون طيار أمريكي لكن الموجود تركي وأكراني بس حتى الفرنسي لأ
3-البحرية الغربية معملتش أي نشاط في البحر الأسود رغم إن من حشود قبل الحرب كانت أسبانيا يعني المفروض في قبلها حشود من الإسكندينافي وانجلترا وفرنسا وأمريكا ومه هذا الروس هرسوا البحر الأسود
4-ثبات الأوكران مع العلم بتقدم روسي يومي هو أبطأ لكن بسياسة أرض محروقة لم يتم مقابلته بتصعيد للتسليح لكن العقوبات لأ
5-لما بولندا وضعت السيف في الكلام وقالت نسلم أوكرانيا ميج الأمريكان رفضوا
6-لما رئيس أوكرانيا طلب مظلة جوية وحظر طيران الأمريكان رفضوا رغم ترنح الروس
7-أقصى ماقدمه الأمريكان لرئيس أوكرانيا هو خطة إجلاء طارئ بطائرة MC-130 تربض في بولندا مع حوامات إخلاء لخارج أوكرانيا
وعليه
نخبة القوات الروسية المحدثة ونسبة كبيرة منها من اللي ظهرت في عروض السنوات التي مضت في ساحة النصر بموسكو ماظهرتش
نفس حال إن الروس ماستخدموش ال SU-35 متعدد المهام وكل هجومهم ب CAS حتى ال SU-34 ماشتغلتش كمقنبلة جراحية دخلت CAS برضك
مشوفتش Mig-29M/M2 ولا Mig-35
نرجع بقى لحسبة الفلوس
الدولار زاد
الإسترليني زاد
اليورو وقع دونا عن الباقي رغم إن كلهم حلف واحد
أما روسيا فالروبل كده كده هيقع ده عملة دولة في حرب مباشرة
الصين اليوان بيعلى
يبقى نعكس المراية
أكبر خاسر هو ... الإتحاد الأوروبي وخسارته بدأت فعلا بس الإتحاد بدون بريطانيا
أعلى صوت مناوئ للروس في أوروبا هو بريطانيا وهي خارج الإتحاد ومنعت اللاجئيت وبتزايد على عقوبات الإتحاد الأوروبي بيضطر يجاريها بس بعد فترة قريبة الإتحاد الأوروبي ممثل في دولة زي ألمانيا كده هتتوقف
والموضوع مش غاز ولا بترول ... ايران يتفك حظرها ويتفاوضوا مع فنزويلا عادي ... ملهمش دين
أنا شايف إن الحرب دي لتدمير الإتحاد الأوروبي فقط
بريطانيا تحفر والإتحاد يغرس
وبوتين مش عاوز الإتحاد الأوروبي يقع لأنه كده كده اتحاد لدول تجمع كل دولة هيكون ليها علاقات تجارية خاصة مع روسيا
والأمريكان عاوزين يحطوا الناتو بدل الإتحاد الأوروبي
وعليه ممكن الحرب تقعد سنة وربنا يسترها مع اللي ليس له ناقة ولا جمل فيها زي مصر