مرحبا بك في منتدى الشرق الأوسط للعلوم العسكرية

[OSORIS]

من فضلك, تسجيل الدخول أو تسجيل لعرض المحتوى !

عاش الرئيس عبناصر ... عاشت الاشتراكية العربية 😁😁

 

[tayga]

من فضلك, تسجيل الدخول أو تسجيل لعرض المحتوى !

من فضلك, تسجيل الدخول أو تسجيل لعرض المحتوى !

ربنا يوفقك يا صاحبى وتمنياتى ليك بالصحة والسلامة

بس على فكرة انا لما اتكلمت عن الثبات الانفعالى مقصدتش الوضع الاقتصادى انا كنت بقصد الثبات الانفعالى حرفيا
لانى فى الكام سنة الاخيرة ضغطى مرفوع + حالة غضب على طول

تقريبا كدة

 

[tayga]

من فضلك, تسجيل الدخول أو تسجيل لعرض المحتوى !

لا انا مش موافق لاننا كدة ملعونين اننا نعيد نفس الدورة الفارغة من تانى (اغنياء وبعدها اتحولنا للاشتراكية + بعض العوامل الاخرى فقرنا وبعدها حولنا للراسمالية وطفحنا الدم لغاية ما بقينا اغنياء) وبعد كدة اشتراكية من اول وجديد

من فضلك, تسجيل الدخول أو تسجيل لعرض المحتوى !

الطاغية المقدس

 

[برومثيوس]

من فضلك, تسجيل الدخول أو تسجيل لعرض المحتوى !

A problem is only a problem if you choose to see it as a problem . my friend

بس بجد
لازم تقتنع ان في حاجات خارجة عن سيطرتك
وانك مش شايف كل حاجة والدنيا مش ابيض او اسود
وان قلقك الزيادة ملهوش تأثير غير عليك
وكدا كدا الطبيعة بتميل دايما للتوازن
فصدقني لو ضربت من ناحية بتظبط من ناحية تانية

 

[hazem]

من فضلك, تسجيل الدخول أو تسجيل لعرض المحتوى !

دي الأزمة اللي أنا خايف منها, كتر الأخبار السلبية خلي الناس جايبه أخرها حتي اللي حاله متيسر بقي شايف الأمور سوده

لو حاجة نجح فيها أعداء البلد دي هي نشر السلبية في مصر وهنحتاج سنين علشان نطلع منها

ده مينفيش الظروف الصعبة طبعا

بس أتكلم مع أي حد راكب رانج روفر ولا لادا الأتنين بيسبوا

لك أن تتخيل أن أغلب الممثليين اللي عندهم قصور في الساحل بيشتكوا برضه ففي حاجة غلط

 

[tayga]

من فضلك, تسجيل الدخول أو تسجيل لعرض المحتوى !

مختلف معاك فى الجزئية المقتبسة الغنى اللى بيشتكى دا بيستعبط
هما بس بيتظاهروا انهم بيعانوا علشان الناس ما ترميهمش بالكلام والحقد

 

[برومثيوس]

من فضلك, تسجيل الدخول أو تسجيل لعرض المحتوى !

الشعب المصري ممكن يكون فية خصال كويسة كتير لاكنة طول عمرة سلبي وشكاي
مش حاجة جديدة

 

[OSORIS]

من فضلك, تسجيل الدخول أو تسجيل لعرض المحتوى !

حبيب قلبي والله ..... البلد دي فيها امل طول ما فيها المؤمنين بالفكر اليميني القومي الوطني 🌹🌹

 

[OSORIS]

من فضلك, تسجيل الدخول أو تسجيل لعرض المحتوى !

اسيادنا راضيين عليك ❤️❤️❤️

 

[مرمبتاح]

من فضلك, تسجيل الدخول أو تسجيل لعرض المحتوى !

ثقافه الشكوي حزء من تركيبه الانسان المصري لأسباب كثيره منها اعتقاده في الحسد وخزي العين وصرف عين الناس عنه بالشكوى الدايمه والكلام ده، ومنه ايضا رغي وطاقه سلبيه جايه من كبت التقاليد بيطلعه في الشكوى علي اشيء تاني
ضيف لكده الشعب المصري من ايام عبدالناصر متعود ياخد الشيء ببلاش او بسعر رمزي ،فلحد الان ثقافه ان الشي يحصل عليه المواطن بتمنه الخقيقي اللي تتكلفه الدوله مش داخل دماغه لانه ماتعودش علي كده..

 

[فريد]

من مدة بدأت تسجيل فى وكالات التوظيف فى المانيا عشان فقدت الأمل من الوضع الحالى. درست هناك وده هيساعدنى كتير. فكرة العمل بالخليج جربتها هى كويسة للتحويش بس لكن فى المانيا ممكن الواحد يستقر هناك لكن صعب جدا يحوش الا لو كان بعد فترة طويلة. المشكلة ان البداية هتكون صعبة جدا لو حصلت شغل فى المانيا. لانى هضطر ابيع حاجات تعبت عليها منها الشقة والعربية.

 

[TOPOL]

اللي حصل انهاردة من إرتفاع في سعر الدولار والذهب أو بمعنى أدق انخفاض في سعر الجنيه المصري واللي هيتبعه من ارتفاع ضخم في الأسعار ملوش علاقة أوي بالأزمة المالية العالمية او الحرب الأوكرانية الأخيرة قد ما له علاقة بالشروط التعجيزية اللي بيفرضها البنك الدولي وصندوق النقد الدولي على الدول اللي بتستلف منهم قروض زي مصر وإن كانت الحرب أثرت وساهمت في تمرير الأمر وتسريعه اللي كان كدة كدة هيحصل حتى لو محصلتش الحرب دي.
وعشان نفهم القصة بشكل مبسط اكتر خلينا نشرح قصة القروض والبنك الدولي وشروطه بالتفصيل.
بعض الدولة النامية من العالم الثالث زي مصر اقتصادها على قده وعايز يتعافى ويقف على حيله لكن مصر مش معاها السيولة المادية الكافية عشان تقيم مشاريع بنية تحتية او مشاريع اقتصادية ضخمة تكبر من اقتصادها وغيرها من المشاريع الأخرى او الاحتياجات المادية للدولة عشان تسد عجز ميزانيتها، ده غير انه عليها ديون قديمة بالكوم مش عارفة تسددها منين فتعمل ايه في الحالة دي؟
بتلجأ للاقتراض.. طب المواطن لما بيحب ياخد قرض بياخده من بنك في بلده لكن الدولة هتستلف من مين ؟ من حاجة اسمها البنك الدولي أو صندوق النقد الدولي أو بنوك إقليمية زي البنك الأسيوي والبنك الأوروبي؟ طب البنك الدولي ده أولا هل هيدي اي حد عايز فلوس كدة شليطي مليطي من غير ضمانات؟ لا هو بيحط شروط شبه تعجيزية لأي دولة عايزة قرض منه، والله الدولة نفذتها تمام نديكي عنينا لا يبقى ياكش تخرب إحنا مالنا ؟
طب الشروط دي بتبقى عبارة عن إيه ؟ عن فshخ المواطن حرفيا وآسف ع اللفظ لأنها بتتضمن رفع اي دعم بتقدمه الدولة للمواطن وزيادة أسعار أي خدمة بتقدمها ليه زي الكهربا البترول المياة وده بينعكس ع أسعار كافة المنتجات بالإضافة كمان لحاجة مهمة هي تحرير صرف الدولار في البلد دي اللي هو بالبلدي التعويم للعملة المحلية وده طبعا بيؤدي لارتفاع جنوني في أسعار كل حاجة وده اللي عاصرناه كلنا حرفيا وشوفنا بعينا بين يوم وليلة سعر الدولار بيزيد 3 أضعاف ولا محتاج مصادر ده كمان ؟
ده غير تسريح عمال القطاع العام وتقليل أجورهم ورفعت أسعار الضرايب والضريبة المضافة وحاجة عنب اوي.
يعني بالعربي كدة محدش هيدفع القروض دي غير المواطن نفسه والضمانات دي بتتعمل وتتنفذ الاول وبعد كدة بيتوافق ع القرض ويبقى ع دفعات كل دفعة معاها حزمة قرارات زي دي والمحصلة هو وقوع أغلب الدول دي بمواطينهم تحت سيطرة البنك الدولي ده ومش بس كدة ده لو مقدرتش تسدد الديون دي فده بيديها الاحقية في التدخل في الشؤون الداخلية للبلد دي بحجة الحفاظ على مصالحهم وفلوسهم!
مصر شخصيا ليها واقعتين تارييخيتين مع موضوع الديون دي الأولى ادت للإحتلال الانجليزي لمدة 72 سنة لما الديون كترت علينا ومقدرناش نسددها فتم الاحتلال العسكري بحجة فلوسنا وجايين نتطمن اننا هنسترجعها من سن 1882 لحد سنة 1954.
الثانية واقعة تأميم قناة السويس لما مصر كانت عايزة تبني السد العالي وعايزة تمويل كبير جدا فلجأت مصر وقتها للبنك الدولي عشان يمولهم المشروع فقالهم من عنيا حاضر بس عايزين الشروط اللي قلنا عليها دي، فمصر رفضت وقالت يعني انا ابني ع كتفي واروح ادور عليه أمملي يبني القناة دي وناخد الدخل بتعاها خلينا نبني ام السد ده، وده أدى للعدوان الثلاثي ع مصر سنة 1956 زي ما كلنا عارفين.
الفترة الأخيرة بقى حصلت مصر على 3 قروض بإجمالي 20 مليار دولار من صندوق النقد الدولي من نوفمبر سنة 2016 لحد يونيو اللي فات ده.
وفي اكتوبر اللي فات البنك أدى مصر قرض بقيمة 360 مليون دولار أميركي لتمويل سياسات التنمية في مصر، ومساندة جهود التعافي بعد انحسار الجائحة.
لكن في المقابل اتفرِض على مصر سياسة سعر صرف مرنة للعملة، وده اللي أدّى لقرار تعويم الجنيه المصري في نوفمبر سنة 2016 يعني بالتزامن مع قرار صندوق النقد منح مصر أول قرض ليها!
على الصعيد المالي كمان بتنص توصيات صندوق النقد على تقليص ميزانية الدولة وتعزيز إيرادات الحكومة، يعني تقليص إعانات الوقود وتقليل إجمالي الأجور في القطاع العامّ، وده اللي أدي مثلا لرفع الدعم عن الخبز، عشان ترتفع قيمته بنسبة 300%... واليومين اللي فاتوا زادت اكتر واكتر والحكومة طلعت قرارات رسمية انهاردة خلت الزيادة دي رسمي ومقننة.
ده غير زيادة أسعار المنافع العامة بمعدلات قياسية بلغت 860% للكهربا مثلا غير زيادة أسعار البنزين والسولار والغاز والمياه والمواصلات العامة.
الخبراء الاقتصاديين شايفين أن المشكلة الرئيسية ورا سلسلة القروض اللي عملتها الحكومة المصرية هي شقّين أساسيين:
الشق الأول هو الشروط الاقتصادية القاسية اللي بيفرضها صندوق النقد الدولي على مصر، واللي بيسموها "أجندة إصلاح" وهدفها حسب كلامهم معالجة الاقتصاد الكلي لكنها بتهمل المواطن وحاجاته الأساسية وبتدوس عليه اوي بلا أي رحمة.
الشق الثاني هو إنهاك الدولة على المدى البعيد وإلزام الأجيال الجاية بسداد قروض مستفدوش بيها بحاجة زي ما إحنا بنعمل دلوقتي ومديونين ديون من 60 سنة بنسدد فيها من لحمنا.
الأخطر من ده كله هو الفخ المنصوب لينا واللي ممكن نقع فيه في اي وقت واللي وضحه ببساطة خبير اقتصادي لما قال:
"الدولة لجأت إلى طريقة سداد أعترض عليها وأحذّر منها كثيراً، هي أخذ ديون جديدة لسداد ديون قديمة، وهي عملية نصب.
فلو توقّف آخر مُقرِض فستنفرط السلسلة، وهو أمر يحدث فجأة دون أن تدري، وسيؤدي إلى انفجار، بمعنى أنك ستتوقف عن سداد الديون رغما عنك، وتصبح مصر دولة مفلسة".
يعني لو فجأة رفضوا يدوك قروض وعليك ديون قديمة بفوايدهم مطالب انك تسددهم هتعمل إيه وقتها؟ خاصة لو عرفت ان دين مصر الخارجي وصل ل 140 مليار دولار!!
في النهاية مفيش دولة اعتمدت على السكة دي ونفعت للأسف الأمثلة كتير للي عايز يشوف أزاي القروض دي كانت سبب خراب الأرجنتين والاكوادور واليونان.. وكل منافعها عايدة على البنك الدولي المتحكم فيه الغرب.
الخلاصة ان إرتفاع الأسعار وانخفاض الجنيه له أسباب كتير زي ضعف اقتصادك من الأساس وديونك القديمة والجديدة الداخلية والخارجية والأحداث العالمية الحالية بس السبب الأساسي والرئيسي هو شروط البنك الدولي وصندوق النقد الدولي.
وحابب ابشرك واقولك ان الأسعار هتزيد اكتر والجنيه قيمته هتقل اكتر.. وتاخد الكبيرة ؟ مصر احتمال كبير الفترة الجاية تاخد قروض تاني ومش عارف هيعملوا ايه في المواطن اكتر من كدة عشان يوافقوا يدونا قروض جديدة!

 

[TOPOL]

لو أنت متابع اللي حصل للجنيه المصري النهارده من سقوط ف قيمته قدام الدولار، اللي وصلت دلوقتي ل 18.22 جنيه لكل دولار واحد، وبتسأل نفسك ليه ده حصل، فالأسباب للأسف بسيطة، وبقالها فترة بتحصل، بس احنا اللي مش متابعين..
تعالى نتكلم عن الأزمة دي دلوقتي باختصار، عشان نحاول نفهم مع بعض كالعادة أيه اللي بيحصل، ونحلل تبعياته مع بعض على قد ما هنقدر، علمًا بإن كلها تكهنات بناءً على المعلومات المتاحة..
هتلاقيني حاططلك نقطة زي دي ● عند كل نقطة مهمة سواء في الأسباب أو الحلول المتوقعة، عشان تعرف تفصل بينهم كويس وترجعلهم في أي وقت

بص يا سيدي..
مبدئيًا كده، من ساعة تعويم الجنيه اللي حصل من قبل كده، وقيمة الجنيه المصري المفروض كانت تبقى حرة ومعتمدة على السوق..
طب يعني أيه يا عم علام؟!
يعني بما إن المفروض اننا في نظام سعر صرف حر بسبب التعويم، فبالتالي كان المفروض -حسب خطة التعويم- ان الحكومة تسيب الجنيه يطلع وينزل على حسب حالة الاقتصاد، وبكده يفضل الجنيه مرتبط بسعره الحقيقي المقابل للدولار..
بس اللي كان حاصل عندنا ف مصر هو إن البنك المركزي كان متدخل في السوق وبيدعم الجنيه عشان يقلل معدل التضخم ويحافظ على الأسعار انها متعلاش بشكل كبير.. وده بيحصل عمومًا ف حتت كتير من العالم، مش في مصر بس.. كتير من الدول بتعمل الحركة دي عشان تدعم عملتها وتحافظ على الأسعار والتضخم في سوقها..
وبسبب ده، فالجنيه قيمته الفعلية قدام الدولار كانت مختلفة عن اللي في السوق.. وفعلًا في تقارير اقتصادية دولية كتير طلعت في الأيام اللي فاتت كلها بتقول أن الجنيه سعره مقابل الدولار حاليًا أعلى بحوالي 15% من قيمته الحقيقية.. وكانوا بيطالبوا مصر بإنها تسعر الدولار بسعره الحقيقي، زي ما كان المفروض يحصل لما عملنا التعويم..
كل ده تمام وكان ممكن يتم التعامل معاه بالطريقة.. بس المشكلة الحقيقية بقى أكبر من كده..
● المشكلة هي إن العالم كله في الفترة اللي فاتت، ولحد دلوقتي؛ بيمر بأزمة اقتصادية صعبة شوية.. سواء بسبب الكورونا واللي عملته في الاقتصاد، أو مؤخرًا بسبب الحرب الروسية الأوكرانية اللي تسببت فى خروج مليارات الدولارات من مصر..
● وبسبب الأزمة دي، كتير من المستثمرين الأجانب للأسف سحبوا فلوسهم من مصر في الأيام اللي فاتت، لدرجة إن حسب بعض التقارير والتحليلات الاقتصادية، ففي حوالي ما بين 1.9 ل 3 مليار دولار خرجوا من مصر في خلال أول 10 أيام من الحرب!!
● طب ده ليه بيحصل؟!
عشان في الأيام اللي فاتت، البنك الفيدرالي الأمريكي رفع نسبة الفائدة عنده بسبب الأزمة الاقتصادية اللي ف أمريكا حاليًا.. وبالتالى دي كانت فرصة عظيمة للمستثمرين اللي دايمًا بيبقى بالنسبالهم الأحسن إنهم يستثمروا في أمريكا عشان هي مناخ الاستثمار فيها آمن أكتر وخطورة الخسارة فيها أقل.. ف بيفضلوا يسحبوا أموالهم من الدول ذات الإقتصاديات الناشئة ذى مصر و ايداعها فى بنوك الولايات المتحدة الأمريكية، خصوصًا بعد ما البنك الفيدرالي رفع سعر الفائدة وبقوا كسبانين أكتر..
باختصار، المستثمر بقى ضامن ربح قريب من اللي كان هيحققه فى مصر، وبخطر أقل بكتير، لإنه بيستثمر ف سوق متقدم، مش في اقتصاد ناشيء زي الاقتصاد المصري..
وبالتالى، فللأسف بقت كل الظروف مهيأة بقالها أيام، لتراجع قيمة الجنيه قصاد الدولار..
وده اللي حصل فعلًا.. وشفناه كلنا النهارده..
● طب هل في حلول للأزمة دي؟!
في حلين نظريين للموضوع، أولهم هو إن الحكومة كانت ممكن تدعم الاقتصاد من خلال الإحتياطي النقدي اللي عندنا اللي هو بالدولار.. بس الخطر هنا هو إننا محتاجين الاحتياطي ده بشدة بسبب الأزمة بتاعت الحرب اللي في أوروبا دلوقتي، والعقوبات الاقتصادية اللي مأثرة على الكل.. ف ده مش هينفع..
الخيار التاني واللي هو هيحصل في الغالب الساعات الجاية، هو إن مصر هتاخد قرض تاني من صندوق النقد الدولي.. وهو ده غالبًا سبب انهم سابوا قيمة الجنيه تقل وتتقدر بسعرها الحقيقي قدام الدولار، عشان يبقوا مستوفيين الشروط والقرض يتقبل..
فيا ترى، أيه بقى اللي هيحصل في الساعات الجاية، وهل ممكن ان الدولار يواصل الإرتفاع، ولا هيثبت على مكانه أو يقل تاني؟!
الله أعلم، وأدينا بنراقب الوضع وبندعي ربنا يخفف على الناس، ويرزقهم من عنده، عشان هو القادر على ده في وسط مستقبل الظروف الاقتصادية العالمية اللي للأسف لا تبشر بخير..
وفي النهاية لو الموضوع ده قدر يفهمك شوية أيه اللي حاصل دلوقتي، وحاصل ليه بالضبط، فمتنساش تعمل منشن لصحابك المهتمين يفهموا زيك، وشير عشان المقال يوصل لناس أكتر

هتلاقي مصدر صغير هنا من شبكة Forbes الاقتصادية العالمية ممكن تشوفه لو عايز تفاصيل أكتر:

من فضلك, تسجيل الدخول أو تسجيل لعرض المحتوي!

شكرًا.

 

[TOPOL]

(روشتة انقاذ الاقتصاد)
= ملحوظة هامة تم ارسال هذه الروشتة لمؤسسة الرئاسة فى 14 مارس 2016 ... وردوا انها استلموها وجاري دراستها .. وقمت بنشرها فى الصحف والفضائيات عدة مرات .... وساكرر نشرها الان واعادة ارسالها لمؤسسة الرئاسة.
تنقسم لقسمين : " قرارات سريعة لوقف نزيف الدولار" و"استراتيجية طويلة لدعم الاقتصاد"
اولا : القرارات السريعة لوقف نزيف الدولار
= انشاء "جهاز تنظيم الاستيراد" يختص وحده بالموافقة على الاستيراد .... والجهاز ده يمنع استيراد السلع الكمالية تماما او اللى لها بديل محلى ... وعشان قيود اتفاقية الجات حيكون ده عن طريق تصعيب اجراءات الاستيراد الورقية (تعقيد الورق للسلع الرفاهية) ورفع المواصفات المطلوبة (مثلا وجود 12 ايرباج فى السيارات اعلى من 2000 سي سي .. او تكون مدة صلاحية اكل الكلاب والقطط 5 سنوات مثلا !!) .... اتفاقية الجات لا تستطيع ساعتها عقابك لانك لم تمنع الاستيراد بل حددت المواصفات وده حقك. وهذا ما فعلته الصين فى التسعينات وسورية فى 2002 حتى وصلوا للاكتفاء الذاتى ... احنا سوق كبير ونستورد ٣ اضعاف ما نصدر ..
= تحديد قائمة بالسلع الاستراتيجية (قمح - زيوت - سكر - سولار .... ) ويتم استيرادها فى مناقصات جماعية لتعاقدات طويلة (ويفضل التنسيق مع دول الخليج للحصول على افضل العروض) ... وذلك تحت اشراف خبراء تسويق واقتصاد مش موظفين حكومة بيسافروا عشان بدل السفر وتحت اشراف الرقابة الادارية طبعا ووزارة التموين (مع مراعاة كمية المخزون المثالية من تلك السلع وفترة التغطية أو اﻻكتفاء المتوقعة)
= يلتزم البنك المركزى بتوفير العملة الصعبة اللازمة للمستوردين الحاصلين فقط على موافقة "جهاز تنظيم الاستيراد" على استيراد سلعة معينة وذلك بإصدار اعتماد مستندي بالعملات الأجنبية.
= تجريم جمع مصاريف الجامعات والمدارس بالدولار ... لا توجد دولة تسمح بذلك ابدا.
= منع دفع رواتب بعض الجهات لموظفيها بالدولار مثل شركات البترول ..
= عدم التعاقد مع اى مدربين او لاعبين اجانب وعدم تجديد العقود الحالية .
= تأجيل كل مشاريع العاصمة الادارية والعلمين الخدمية لمدة خمس سنوات وتوجيه المليارات الى مشاريع إنتاجية فقط (مصانع ومزارع) ...
= الغاء مشروع قطار المصايف نهائيا اللى حيتكلف ٣٦٠ مليار جنية لوحده.
= تشكيل لجنة ذات صلاحيات رئاسية لحل مشاكل 4554 مصنع تم اغلاقه وتشريد العمال ... واغلب مشاكلهم مع الدفاع المدني او الكهرباء او الامن الصناعي وكلها مشاكل يمكن حلها لو صدقت الرغبة. الاولوية توجية المليارات لإعادة فتح المصانع حيث ان المشاريع الخدمية تستهلك ميزانية الدولة وعائدها لا يظهر قبل عشرات السنين واحنا اصلا عندنا بنية اساسية كويسة ... اعادة فتح المصانع ستقلل البطالة وتزيد التصدير وتقلل الضغط على الجنية.
= فرض ضرائب بمقدار 10 % لمن يتجاوز دخله مليون جنية سنويا (لمدة سنتين فقط)
= تطبيق الحد الاقصى للأجور على كل الجهات بالدولة بلا اى استثناءات واللى مش عاجبه يمشي
= تفعيل المحاكم الاقتصادية وتسهيل الاجراءات بها وتفعيل اللائحة التنفيذية لقانون الاستثمار.
= منع شراء اى سيارات او تكييفات للحكومة (باستثناء سيارات الشرطة) او عمل اى تجديدات للمبانى الحكومية او بناء مبانى حكومية اصلا حيث يتجه العالم كله للحكومة الاليكترونية. محدش فى العالم لسه بيبنى مبانى وزرات ضخمة. (يمكن اعادة استخدام المبانى اللى اتبنت كفنادق او مدارس او جامعات .. (نفس تجربة مدينة السادات اللى اتبنت المبانى للوزارات ثم اصبحت جامعة)
= الاستغناء عن الاف المستشارين اللى بالحكومة واغلبهم هما نفسهم اللى كانوا مديرين فى نفس المكان ! يعنى هما فاشليين من الأساس عشان كدة ناخدهم مستشارين !
= دمج السفارات المصرية بالخارج ... عندنا 170 سفارة فى العالم (اكبر عدد سفارات لدولة فى العالم) بينما امريكا نفسها لديها 90 سفارة فقط ... ويعمل بسفارتنا شوية موظفين بياخدوا مليارات كل سنة بلا اى عائد. المفارقة انه فى سفارتنا فى احدى دول امريكا اللاتينية لدينا سفير وملحق عسكرى وثقافى و7 اعضاء بعثة بينما يوجد 5 مصريين فقط !
===============
ثانيا : استراتيجية دعم الاقتصاد والنهوض
= منح الارضى الصحراوية لمن يستصلحها مجانا ... وذلك بعقود حق انتفاع سنوية لا تجدد الا بعد التأكد من جدية المستثمر وانه فعلا بيزرع الارض ومش بيسقعها او بيبيع فيلات. ..
= منح الاراضى مجانا فى المناطق الصناعية للمستثمرين بعقود حق انتفاع تجدد سنويا طالما المصنع ينتج ويشغل عمال
= العودة للضرائب التصاعدية حيث انها اكثر عدلا.
= انشاء هيئة مكافحة الفساد (المنصوص عليها في الدستور واللى منظمة الشفافية الدولية هددت بحذف مصر لو معملنهاش !).
= تغيير العملة من خلال ايداع الاموال فى البنوك فقط .. (كما فعلت الهند) مما يضخ مليارات فى البنوك.
= تخصيص نسبة ١٠ % من الميزانية للتعليم و١٠% للصحة على الاقل لانها السبيل الوحيد للنهضة ويتم الوصول لهذة النسب تدريجيا خلال ٥ سنوات. وسبق ان نشرت عن كل تجارب الدول اللى نهضت وكان بالتعليم فقط.

 

[TOPOL]

تعلموا الحكمة من الصين
الصين تبقى على أسعار الفائدة الرئيسية للإقراض دون تغيير لتظل قروض العام الواحد عند 3.70 % بينما ظل سعر الفائدة الأساسي لقروص الخمس لسنوات عند 4.60%
هذا القرار في ذلك التوقيت الذي تلهث فيه كل البنوك المركزية الغربية لرفع الفائدة لسحب المعروض النقدي الذي وزعته علي شعوبها اثناء فترة اغلاقات كورونا والذي تسبب
في زيادة الطلب في وقت تعاني فيه قطاعات الانتاج بسبب الاغلاق .
لذا فان قرار المركزي الصيني
يعكس نضج السياسة النقدية لبكين واستقلالها فرغم ارتفاع مستوي التضخم وموجة الغلاء التي تشهدها
لم يرفع المركزي الصيني الفائدة لادراكه ان رفعها ليس العلاج فارتفاع الاسعار ليس سببه زيادة الطلب علي السلع بل يرجع لعوامل خارجية مثل ارتفاع سعر النفط والمواد الخام ومشاكل الشحن العالمية علي خلفية ضغوط الحرب الروسية الاوكرانية وتوابع ازمة كورونا علي الاقتصاد وبالتالي ادركت بكين ان رفع سعر الفائدة في ذلك التوقيت سيؤدي الي زيادة تكلفة الانتاج ويفاقم من مشكلة الركود التضخمي
لذلك لم ترفع الفائدة لادراكها ان العلاج الصحيح
هو الإنتاج
فمتي ندرك نحن ايضا ان مفتاح حل مشكلة ارتفاع الاسعار هو الانتاج وليس رفع الفائدة وخفض قيمة العملة بهدف جذب مزيد من الاموال الساخنة والاستمرار في سياسة تجارة الفائدة بكل اثارها السلبية علي الامن الاجتماعي
الانتاج هو من يعزز النمو الاقتصادي ويخلق فرص العمل ويقلل التضخم ، ويزيد دخل الفرد ويحسن الانتماء الوطني ويقتل الفقر
تعلموا الحكمة الاقتصادية من الصين فالتنفيذ الاعمي لسياسات صندوق النقد الدولي لم يحصن الاقتصاد المصري من الازمات العالمية الطارئة وكشف عن عدم وجود سياسة تحوط تعمل علي استعياب الاثر السلبي لخروج الاموال الساخنة من سوق الدين المصري بشكل فجائي كما حدث الايام الماضية وانتهي بنا الحال للتفكير في خفض جديد للجنيه ورفع الفائدة وطلب مساعدة جديدة من صندوق النقد الدولي ولعل الدرس المستفاد من الازمة الاخيرة هو عدم الانخداع مرة اخري بثناء المؤسسات المالية الدولية بالاقتصاد المصري فهي كانت اشادة بقدرة المذبوح علي الاستمرار في دفع فوائد الاموال الساخنة وهو ينزف وليس اشادة بنمو القدرات الانتاجية للاقتصاد المصري وتراجع معدلات التضخم والفقر

 

[TOPOL]

صباح الخيرات
خفض قيمة العمله المصريه لا علاقة له مطلقا بالحرب فى اوكرانيا .. مطلقا
التخفيض هو نتيجه مبدئيه لفشل الأداره المصريه فى الجوانب التاليه :
.
- سوء استخدام الموارد الدولاريه التى اتيحت للاداره المصريه بغزاره غير مسبوقه و ضخ الأموال فى اصول عقيمه لا ينتج عن امتلاكها عوائد حقيقيه و الأغراق فى الأستثمارات الريعيه دون الأنتاجيه و تحميل الخزانه المصريه بديون ثقيله تستهلك خدمتها ( فوائدها و اقساطها ) اغلب الدخل القومى الذى لم يرتفع بنفس نسبة ارتفاع الديون
.
- التخلى عن ملكية صناعات انتاجيه تصديريه كانت تدر على البلاد ايرادات بالعمله الصعبه او توفر عليها الأستيراد من الخارج مثل سماد اسكندريه و الحديد و الصلب بعد الفشل فى أصلاح ادارة تلك الشركات و التخلى عنها للقطاع الخاص الذى يفضل الأستيراد من الخارج عن الأنفاق داخليا للاصلاح , و استمرار تعطل أصول أنتاجيه عن العمل بالطاقه القصوى بسبب غموض موقف الدوله من الشركات الأنتاجيه , هل سيتم اصلاحها ام بيعها و تقسيم ارضها ؟؟
.
-توقف جزء من الموارد الدولاريه المعتاده للحكومه ( الأقتراض من الخارج ) بل و هروب الأجانب من الأستثمار فى الديون المصريه سواء لأسباب ضعف التأثير السياسى لمصر او فقدان جاذبية التعاون معها لعدم وضوح الرؤيه فى ادارتها و التردد فى الانحيازات و الأختيارات .
.
- فشل ادارة سوق الأوراق الماليه فى تنشيط السوق او حتى الحفاظ على مستوى نشاطه الطبيعى و العجز عن اجتذاب اى استثمارات جديده والتخلى التام عن شفافية مناخ الأستثمار و ترك المعلومات للشائعات و الأخبار المتطايره لعدم وجود مصدر اعلامى موثوق به يقدم مصر للعالم .
.
- تسميم مناخ الأستثمار فى مصر برسوم و قوانين مجحفه غير جذابه للمستثمر اولا ثم بشروع بعض الجهات فى فرض رسوم بدون قوانين ( و أحيانا بدون فواتير ) و مؤخرا بقيام البرلمان بتعديل قانون المخابرات العامه ليتيح للجهاز المنافسه فى مجال الأستثمار و هذا القانون تحديدا اراه ضربه قاضيه للأستثمار الأجنبى فى مصر .. فمن هو المستثمر الذى سينافس جهه سياديه مسيطره يخدمها برلمان كامل ؟؟ .. ماذا يضمن للمستثمر المنافس لجهاز المخابرات ان البرلمان لن يغير القوانين فى اى لحظه لتمكين الجهاز من الأستحواز على استثماره ؟؟
.
- انحسار قوة التأثير المصريه و فقدان جاذبية السوق ليس فقط بتقزيم القوه الناعمه اعلاميا و ثقافيا بل بما يصرح به رئيس الجمهوريه نفسه من انه ( مش لاقى أأكل ولا اعلم و لا اعالج .. ) و هو ما يعتبر تقزيم لصورة المجتمع المصرى الجذاب سابقا و افشال لفكرة ( توطين ) الصناعه فى مصر , فمن الصناعى الذى سيوطن صناعته فى بلد ( مش لاقيه تاكل و لا تتعلم و لا تتعالج ) ؟ مقابل ظهور مراكز استثمار بالغة الجاذبيه فى الأقليم سواء فى تركيا او اسرائيل ( التى طبعت مع الخليج تماما ) او سوريا العائده مؤخرا بكتلة مشروعات هائله اقلها اعادة الأعمار .
.
- ظلال الشك حول مستقبل الأستثمارات الزراعيه و العقاريه فى مصر فى ضوء التهديد المباشر لمصدر المياه الوحيد فى مصر ( نهر النيل ) و ضبابية موقف الأداره المصريه من المشكله اولا ثم ( خنوع ) الحلول المقترحه المتمثله فى اعادة تدوير مياه الصرف للأستخدام مره اخرى .. فمن هو المستثمر الذى سيدفع مالا ليعيش او يزرع فى دوله تعيد استخدام مياه الصرف ؟؟ لم لا يستثمر و يزرع فى دولة المنبع نفسها ( أثيوبيا ) و يستفيد من ( سيطرتها ) على مصدر المياه النقيه ؟
.
- فى ظل تحجر الحاله السياسيه فى مصر و وضوح تلف المؤسسات المصريه بدئا من البرلمان للأعلام لوزارة الأستثمار ( ليس لدينا وزير استثمار .. ولا وزير صحه ) و غموض مريب ل( مستقبل ) الحاله السياسيه فى مصر .. فسؤال ( ماذا بعد السيسى ؟ ) يدور فى عقول كل مستثمر يفكر فى القدوم لمصر كما يدور فى عقولنا نحن ايضا .. و بالتالى فحالة عدم اليقين تتعمق فى الأذهان و تشكل عنصر طارد تماما لأى استثمار .
.
نظرا لعجز الموارد المشار اليه بدأت المضاربات على سعر الدولار خارج القطاع الرسمى و بالتالى يتهدد المورد الأول للدولار فى مصر المتمثل فى تحويلات المصريين فى الخارج و بداية ظهور سوق سوداء تجتذب تلك التحويلات .. تحتم على الحكومه ( الأنصياع ) لضغوط / مغريات المضاربين و تقيم سعر يعادل سعر السوق السوداء للحفاظ على ما تبقى من مصادر عمله حره تدخل مصر ..
ارتفاع سعر الدولار لا علاقة له مطلقا بالحرب فى اوكرانيا و لا حتى بارتفاع اسعار السلع .. فلو كان لدينا انتاج كافى للتصدير لصار دخلنا بالدولار مثل انفاقنا و لم نتأثر بارتفاع السعر , لكن الأغراق فى الأستثمارات الريعيه الغير مدره لأى عوائد تذكر و اهمال الانتاج فضلا عن الملابسات المشار اليها اعلاه هم السبب المباشر لما نراه من ( اضطرار ) لخفض قيمة الجنيه المصرى
أن الأزمه الحقيقيه تكمن فى غياب الرؤيه .. و تجنب مناقشة اهل الخبره و الأنصياع التام لأهل الثقه الذين ثبت بالدليل القاطع ان أدارتهم لشؤون البلاد ستورد الجميع مورد الهلاك , ولا قوة الا بالله
قلت ما لدى
الا هل بلغت
اللهم فاشهد

 

[TOPOL]

معلومة .. يتم تمويل مشاريع ذات عائد طويل الأجل بإقتراض قصير الأجل .
معلومة .. تصدر مصر سندات بعوائد دولارية بغرض الحفاظ على سعر الجنيه و تصدر هذه السندات بفائدة عالية جدا لضمان استمرار تدفق العملة الصعبة .
معلومة .. المشترى الرئيسى للسندات ذات العوائد الدولارية هم مجموعات مالية دولية ومضاربين خارجيين لكن يظل المشترى الأكبر هو البنوك المصرية نفسها .
معلومة .. تحقق البنوك المصرية أرباح اسمية عالية نظرا أن عميلها الرئيسى هو " جمهورية مصر العربية " نفسها الذى يحقق لها هامش فائدة أعلى وأضمن من أى عميل أخر .
معلومة .. تمول البنوك المصرية " جمهورية مصر العربية " عبر هذه الألية من أموال المودعين المصريين فى حساباتها .
معلومة .. قامت الولايات المتحدة وستقوم عبر Federal Reserve وهو مكافيء البنك المركزى لدينا برفع سعر الفائدة على الاقتراض بالدولار الأمريكى وأعلنت عن نيتها الاستمرار فى ذلك .
معلومة + تفسير .. فى الأسابيع الماضية خرج من مصر رقم فى حده الأقصى 18 مليار دولار و10 فى الأدنى وهو ناتج التخلص من السندات ذات الفائدة المرتفعة .. ويمكن ان نجمع الاسباب فى حزمة تجمع بين مسألة رفع سعر الفائدة فى أمريكا ومخاطر مصر كسوق ناشئ فى ظل حرب دولية .
تأكيد لمعلومة .. يتم تمويل مشاريع طويلة الأجل بقروض قصيرة الأجل .. مره أخرى .
تفسير .. يحجم الاستثمار المحلى الرأسمالى الكبير عن المخاطرة فى هذه البيئة الاستثمارية التى يعلن فيها صراحة أن دراسات الجدوى غير مهمة .
نتيجة .. لا يستفيد من هذه الأجواء إلا مجموعة من المضاربين و السماسرة الكبار جدا جدا او الصغار جدا جدا .
معلومة .. تمول البنوك المصرية " جمهورية مصر العربية " عبر هذه الألية من أموال المودعين المصريين فى حساباتها " مره اخرى "
استقراء .. استمرار " جمهورية مصر العربية " هكذا سيعنى انها ونظامها المصرفى معرضين إلى التحول إلى ما يشبه " ريان قومى "
معلومة برضه ومهم أنها تتعاد .. تم أقتراض ما يقارب ال 100 مليار دولار بفوائد قصيرة الأجل لتمويل مشاريع طويلة الأجل وغير استثمارية الطابع على مستوى تخليق القيمة وإعادة انتاجها .. مرة أخرى ثالثة .. بناء أعظم دار أوبرا فى تاريخ البشر مثلا .
رأيي الشخص .. بالنسبة لى وبشكل شخصى اى حد بيدافع عن المنطق ده هو حاجة من الأتنين فى نهاية الخط .. إما حرامى مثل أحمد مظهر فى فيلم العتبة الخضرا .. أو أحمق مثل اسماعيل ياسين فى فيلم العتبة الخضرا أيضا .. أو خدم عند الأثنين .
قبل الحديث عن أى حل .. على كل اشباه أحمد مظهر واسماعيل ياسين وخدامينهم أن يتنحوا جانبا .. كى لا يتضاعف الضرر الكبير جدا والحادث بالفعل .
موضوع روسيا وأوكرانيا وأثارهم موضوع تانى أصلا وأثاره الفعلية لسه مجتش ومحاولة تلبيس طواقى ده لده مش حينفع .. لأن كل مصيبة بتيجى لوحدها ومعاها أثرها الكبير الخاص بيها .. فمش حينفع الكلام ده خالص .
وندى الميكرفون بقى لناس تانية أكثر الماما عشان تقول كلام أكثر تفصيلا .

 

[TOPOL]

من فضلك, تسجيل الدخول أو تسجيل لعرض المحتوى !

لا اتكلم براحتك يا استاذنا .. الموضوع اكبر مننا كلنا.
وانا فعلا نشاطي استيرادي وتصديري بس التصدير بعافية شوية كل الاسواق المستوردة الي حوالينا واقعة وعاوزة تستورد زبالة حرفياً عشان اسواق تعبانة ومش في حمل يدفعوا .

 

[وليد المصري]

من فضلك, تسجيل الدخول أو تسجيل لعرض المحتوى !

أن شاء الله ربك يسهل

 

[TOPOL]

من فضلك, تسجيل الدخول أو تسجيل لعرض المحتوى !

تحياتي ليك استاذنا
كل المصنعين الهدف من كل اجرائتهم سواء كانت ملتوية او قانونية هو تخفيض تكاليف المنتج
بمعني :
- ان الي بيسعر بضاعته او فاتورة استيراده بقيمة غير حقيقية
- او بيأمن علي الموظفين عنده بمرتبات وهمية
- او بيحاول يضرب فواتير بيع ونص مبيعاته مش بيقر عنها اصلاً
وغيره وغيره
عشان يخلي المنتج في النهاية سعره مناسب في ايد المستهلك النهائي .. الاستثمار الصناعي في مصر صعب جداً ومعقد وكمية من التعقيدات و المبالغ بتدفع في جميع الجهات كفيلة تخلي اي مستثمر يقفل ويهج . دا غير الظروف العالمية الي خلت اسعار المواد الخام بتعلي كل ساعة مش كل يوم ولا اسبوع حتي
تخيل وبعد كل الاجراءات الملتوية دي ممكن في النهاية المنتج يخرج سعره عالي برضو والمنتج مايقدرش ينافس المنتج الصيني او حتي التركي او يواجه بعزوف المستهلك عن الشراء بسبب ضعف الدخول.