مرحبا بك في منتدى الشرق الأوسط للعلوم العسكرية

[OSORIS]

من فضلك, تسجيل الدخول أو تسجيل لعرض المحتوى !

لا اللي انا بقوله سبب من اسباب كتير ..احنا مش خايبين اطلاقا ..بلد عرف يدخل ٢٢ مليار دولار ودائع واستثمارات في ظرف مهبب زي ده بلد مش خايب .... ايران يعني مشروع توسعي زيها زي الاتراك زي الصهاينه ...التلاته عينهم يبلعوا المنطقة ....بالعافية بقى بالتراضي مش مهم ...ومصر في القلب من كل مشروع

الايرانيين لما بعتوا خليه سامي شهاب بتاعت حزب الله عشان تضرب الملاحة في قتاة السويس ده يديك دليل واضح على نوايا العالم دول كويس جدا وده في ٢٠١٠ وقتها كانت اكثر فترات العلاقة هدوءا مع طهران وطهران وقتها شالت اسم الاسلامبولي قاتل السادات
الخليج اللي لحقك في الازمة المالية العنيفة اللي هزتنا تخيل اتبلع ولا راح في الوبا ولا ايران روضته ...تتوقع ممكن وضعنا احنا يكون ايه

اليونان ٢٠٠٨ كمثال ..


بالمناسبة الوضع مش مزري قوي كده سياسيا بخصوص موضوع السد بالعكس ...اثيوبيا والنظام الاثيوبي بغباوة وحمق منقطع النظير تقدم بكل تهور زي النظام الاوكراني كده لان يكون وليمة على مائدة الذئاب

المعارك فعليا بين الاعراق والطوائف الاثيوبية

والحقيقه انها حرب الوكاله عن الامريكان والروس والصينيين

ابي احمد كان في ايده يلم الامور سياسيا لكن غباؤه صور له والصينيين كمان صوروا له انه خلاص متوج على عرش اثيوبيا بضمانات عسكرية واقتصادية ...والامريكان هيدبحوه و هيقدموه قربان لعلاقات امتن مع مصر في مقابل موقف حاد ضد الروس ..مش هنقدم السبت و منلاقيش الاحد وبعد كده نعيط ...

احنا في مرحلة تفاوض مع كل الاطراف ..زيارة سامح شكري لموسكو من ضمنها حوار مكبر مع الروس في ملفات تانية غير حرب اوكرانيا على من مش هنشارك في سلخ اي قوة كبرى زي الروس ... ساعتها احنا اللي هنزعل قدام لان عمر ما الغرب ما هينظر بنظرة ود او تعاون او رغبه في التكامل او رد للجميل مع دول المنطقة دي ... لاسباب بقى تاريخية او جيوسياسية او امبريالية ...او ميكس من كل ده فهو ده الحال

 

[برومثيوس]

من فضلك, تسجيل الدخول أو تسجيل لعرض المحتوى !

متدخلناش في اكتر من سكة علشان الموضوع ميتشعبش مننا ونقول كلام ملهوش فايدة
اصل يعني ممكن اقولك بص علي الصورة الكبيرة وانت هتشوف ان كل دا رد فعل علي عدم النجاح في بناء اقتصاد قوي يدعمك في وقت الازمات
وبالنسبة لاثيوبيا مش معني ان الظروف خدمت موقفنا الي حد ما ( لسة المشكله قايمة بدون حل ) اننا كدا شطار وبنعرف من اين تأكل الكتف
وبعدين ايك تصدق اننا او اي حد ممكن يتعامل مع الامريكان بندية
دي حاجة تتعارض اساسا مع قوانين الطبيعة
اللي فيها الاضعف هو اللي لازم يقدم السبت والحد والاتنين لحد ميترضي عنة
احنا مش بنعمل كل حاجة صح ياصديقي
فالواقع احنا بنعمل حاجات كتير غلط وفي اغلب الاحيان بنراهن علي الحصان الخسران
والامثلة كتير .بس والنبي خلينا ساكتين

 

[BungeeGUM]

من فضلك, تسجيل الدخول أو تسجيل لعرض المحتوى !

وليه ميعذروش الدولة الي قررت تقف علي الحياد في التصويت وتأيدهم في البيان عشان ظروفها وموقعها الصعب ومصالحها
في مقابل اثيوبيا الي الارباح منها مش زي الدولةالي قررت تقف معاهم بما لايضرمصالحها
شايف موقفنا معقول بس لو في فرصة نجني ارباح اكتر من الوقوف مع طرف فانا اوافقك الرأي

 

[BungeeGUM]

من فضلك, تسجيل الدخول أو تسجيل لعرض المحتوى !

كلوا في سبيل موائمات سياسية

 

[OSORIS]

من فضلك, تسجيل الدخول أو تسجيل لعرض المحتوى !

فردت لك بس جزء من الصورة عشان تصورك بس عن الصراع ميكونش حدي القطبيين بل هو متعدد الاقطاب واهو احنا كهواة بنتفرج ... اللي احنا بقى بنعمله صح او غلط ..المكاسب اللي هناخدها أو الخسائر اللي هنخسرها هي اللي هتحسم الموضوع ده ..لكن لحد الان احنا مخسرناش حاجه سياسيا ... ومش هنخسر باذن الله مش لاني بضرب الودع لكن مساله التوازنات دي خليتنا نكسب في ليبيا و السودان و هتخلينا نكسب في ملف اثيوبيا اللي هي في الاصل كمائن في الاساس ... قدرتك انك تحول الكمائن دي لمناطق مصلحة ونفوذ دليل حسن تصرف ورؤية واضحة .... بص بس اول دولة مجموعه السبع وجهت لها بيان بتحرضها على ادانه العدوان الروسي ...اشمعنى مصر ليه مش السعودية او الامارات مثلا ؟؟

الاجابة واضحة

 

[BungeeGUM]

من فضلك, تسجيل الدخول أو تسجيل لعرض المحتوى !

حقيقة مقيدانا سياسيا جدا وبتأثر علي فرصنا ومواقفنا وقرارتتا

 

[OSORIS]

من فضلك, تسجيل الدخول أو تسجيل لعرض المحتوى !

جميل ....وهو السياسة ايه غير لعبه موائمات و توازنات ومصالح بتصالح اصحابها بحكم الحاجه والضرورة ؟؟

الشاطر بقى اللي يلعب عليها كوبس

 

[BungeeGUM]

من فضلك, تسجيل الدخول أو تسجيل لعرض المحتوى !

كلامك صح صعب نحكم علي الحاجة غير لما تنتهي
بس الفكرة من مفيش دلائل علي توجه معين مننا علي الارض...احنا سايبنها تمشي والله زبطت زبطت مزبطتش لبسنا من الاخر مبنطش علي فرص غير لو بيضه متقشره

 

[BungeeGUM]

من فضلك, تسجيل الدخول أو تسجيل لعرض المحتوى !

يلعب عليها كويس خصوصا مع التغييرات الكبيرة الي بتحصل عالميا واقليميا عشان يطلع باحسن مكاسب ويقفل اهم ملفات عنده

 

[OSORIS]

من فضلك, تسجيل الدخول أو تسجيل لعرض المحتوى !

صديقي ده صراع دولي كبير احنا وغيرنا كتير بنستغله لتحقيق مصالحنا... كل خطوة فيه بدون تروي وتوازن هتتحسب عليك لسنوات قدام ..اترميت غرب ولا اترميت شرق كله هيحسب عليك

طيب لو الغرب مقدم لي كل ما اطلبه من طلبات وهيخقق لي مصالحي طيب انا ارفض ليه اتحزب معاهم ؟؟ لكن لا الغرب هيحقق كل طلباتي ولا انا كمصر هحط نفسي مع التيار على امل يمكن يحصل ويمكن محصلش

 

[OSORIS]

من فضلك, تسجيل الدخول أو تسجيل لعرض المحتوى !

ممتاز وده اللي بيحصل حاليا ...حقق لي مطالبي الصغيرة المشروعه وانا ابقى معاك ..

 

[BungeeGUM]

من فضلك, تسجيل الدخول أو تسجيل لعرض المحتوى !

احنا بس خايفين نفضل محايدين ونطلع من المولد بلا حمص
لكن انا شخصيا مؤيد للبيان وبقول ان تروي لاختيار الافضل لمصلحتنا

 

[مرمبتاح]

من فضلك, تسجيل الدخول أو تسجيل لعرض المحتوى !

فلوس البلد وقروض بفوايد اغلبهم اتجمد في حجات غير انتاجيه

 

[𓈙𓉔𓏲𓎡𓂋𓏭]

من فضلك, تسجيل الدخول أو تسجيل لعرض المحتوى !

اقدر افهم وجهة النظر دي..بس سؤال مين يضمنلك ان امريكا هتقدرلك الموقف المعادي لروسيا و تقف معاك لو ضربت اثيوبيا؟

معتقدش خصوصا ان موقفك من روسيا مش هيغير موقفك الاستراتيجي في علاقتك مع امريكا على الاقل خلال العشرين سنة الجاية

بلاش..ايه يضمنلك ان امريكا هتعوضك عن خسارتك لعلاقتك مع روسيا..في القمح مثلا؟

على الاقل كانت عوضت اوروبا في الغاز

ونفس الكلام مع الروس.

الفكرة هنا..ليه تعادي دولة بدون مبرر (مكسب او خسارة)؟ مادام الموضوع مش هيغير من مصالحك في شئ

 

[Nile Crocodiles]

من فضلك, تسجيل الدخول أو تسجيل لعرض المحتوى !

ومين اللي قالك يا استاذي ان الامريكان او الاوربيين هيقفوا معانا لو ضربنا السد

الكل منتظر لنا غلطة لكي ينهال علينا بالكثير من العقوبات الاقتصادية ولو تتذكر قبل بدء الملئ الثاني للسد كان هناك ضغوط كبيرة على الدولة المصرية لكي تتحرك عسكريا ضد السد ولكن الحمد لله الادارة المصرية كان تقديرها للموقف صحيح ولم نتورط في صراع عسكري في تلك الفترة

انا لا اختلف معك في ضرورة البحث عن مصالحنا في المقام وهذا ما تقوم به الادارة الحالية لكن كلنا هواة ولا نعلم 1/10000000 مما تعلمه الادارة المصرية.......انت تعلم وانت استاذنا ان الدولة المصرية لا تاخذ قرارات بصورة عاطفية بل بتكون على اساس تقدير جيد للموقف مقدم من قبل اجهزة متخصصة في جمع وتحليل المعلومات ووضعها امام متخذ القرار المصري لكي يتخذ القرار المناسب في الوقت المناسب والامثلة كثيرة على ذلك
تحياتي لك

 

[Nile Crocodiles]

من فضلك, تسجيل الدخول أو تسجيل لعرض المحتوى !

اسمحلي اضيف على تحليلك الرائع يا استاذي ان علاقتنا مع الاوربيين اصبحت اكثر تشابك وتعقيد وذلك في صالحنا كما يفعلوا هم الان مع الروس على الرغم من كم العقوبات الكثيرة على روسيا الا انهم رفضوا ان تمس هذه العقوبات امدادت الطاقة من روسيا.......وكذلك نحن استطعنا ان نقنع الاوربيين اننا سنكون الصديق الذي يستطيعوا الاعتماد عليه في حماية حديقتهم الخلفية
تحياتي لك

 

[Mohamed M78]

لماذا لم تصوت مصر على قرار تعليق عضوية روسيا في مجلس حقوق الإنسان؟​

تاريخ النشر: 08.04.2022 | 22:43 GMT

AP John Minchillo
أشار الباحث في الشؤون الخارجية الكاتب الصحفي أحمد رفعت في حديث لـRT إلى مجموعة من العوامل التي جعلت مصر تمتنع عن التصويت على قرار تعليق عضوية روسيا في مجلس حقوق الإنسان.
وحول ذلك قال رفعت إن "مصر وللمرة الثانية تعتمد ثنائية ومبدأ "التصويت والبيان"، ويعزو ذلك إلى أنه "من منطلق الإصرار المصري على أكثر من هدف".
ويقول إن أول تلك الأهداف هو "توضيح موقفها بشكل كامل بما لا يمكن أن يحققه التصويت الذي ينتهي بالموافقة أو الرفض أو الامتناع عن التصويت أو التغيب وعدم الحضور، إنما باستكمال الموقف بالبيان الوزاري عن الخارجية المصرية تكتمل الصورة"، وثاني تلك الأهداف هو "الإصرار المصري على تنبيه المجتمع الدولي على خطورة الابتعاد، أو حتى الانحراف، عن الأهداف التي من أجلها تأسست الأمم المتحدة وما يتبعها من مؤسسات، ومنها مجلس حقوق الإنسان ومؤسسات أخرى يراد لها أن تكون أداة في يد فريق دون الاستناد إلى اللوائح التي تحكم عملها".
وأضاف رفعت أن مصر أوضحت موقفها من العقوبات ضد روسيا قبل أسابيع من فرضها، وأشار إلى أنه يتحفظ على وصفها بالدولية، إذ أنها لم تمر عبر آليات اتخاذ القرارات الدولية وأهمها وأولها موافقة مجلس الأمن الدولي.
وثالث تلك الأهداف حسب رفعت، "اتخاذ بعض الهيئات الأممية مواقف سياسية وليست قانونية ضد أطراف في الصراعات الدولية بعيدا عن آليات أو حتى مبررات اتخاذ القرارات فيها".
وشدد الباحث على أن "البيان المصري شديد القوة واللهجة حتى في إشارته لوجود صراعات دولية لم يحدث فيها مثلما يحدث مع روسيا حيث أشار البيان إلى أنها صراعات "ليست بالبعيدة"، وهو يبرز الغضب المصري من الميل بمكاييل مختلفة في الأزمات الدولية.
ويرى رفعت أن "نتيجة التصويت هي هزيمة للتصويت ذاته وللفكرة نفسها، فبرغم الدعاية التي جندت لها الدول الغربية كافة وسائل إعلامها وبالرغم من لغة التهديد والوعيد، واستخدام آليات "العصا والجزرة" مع دول عديدة لا تملك من أدوار على الصعيد الدولي إلا صوتها في الأمم المتحدة، ومع ذلك جاء تصويت الدول المؤيدة للقرار أقل من نصف عدد الدول الأعضاء في الأمم المتحدة، بينما رفضته وامتنعت عن دعمه او حضور التصويت عليه أكثر من نصف الدول الأعضاء".
أما المحامي والخبير القانوني، ورئيس المجلس الوطني لحقوق الإنسان محمود العسال، فيقول لـ RT إنه "من المؤسف حقيقة ونحن بصدد ما تقوم به منظمة حقوق الإنسان التابعة للأمم المتحدة والتي من المفترض أنها ملاذ للمضطهدين في العالم أن تنحرف عن هذا المسار، وتتخلى عن مهمتها الأساسية في الدفاع عن حقوق الإنسان، وتتفرغ لتسيس أهدافها إرضاء للولايات المتحدة الأمريكية".
ويضيف: "لعل قرار سحب عضوية روسيا من مجلس حقوق الإنسان دليل دامغ على تسيس المجلس، وازدواجية المعايير في الوقت الذي رفضت فيه الولايات المتحدة ومجلس حقوق الإنسان، أي إدانة للانتهاكات الصهيونية المتكررة بحق الفلسطينيين العزل".
ويتساءل: "أين تلك القرارات من الغزو الامريكي للعراق؟ ومن دمار سوريا وليبيا والذي خلفته الأطماع الأمريكية الغربية""
ويقول العسال: "نحن اذن أمام كارثة عالمية، أن يكون مجلس حقوق الإنسان، وهو الملاذ الأخير لحماية حقوق البشرية في العالم، أداة لأهداف سياسية قائمة على حسابات واقتصاديات وسياسات فأصبحت المصداقية على وشك الانهيار التام وأصبح النظام الأممي في مهب الريح تنخر فيه الازدواجية والتناقضات إرضاء للولايات المتحدة الامريكية والغرب"

ناصر حاتم ـ القاهرة
المصدر: RT