بص هو الموضوع معقد حبة
إحنا مفيش علينا ضغوط كبيرة عكس تركيا
بمعنى
تركيا دخلت واحد من 3 مشاريع أمريكيا عالية الخصوصية MIM-Patriot بأصنافه وال THAAD وال F-35 ودي بنسميها Tire 1 American hardware وبالمناسبة دخلت زي اشترت
وفيه تفصية جوه الموضوع إن لو عندك بديل للي هتشتريه من روسيا ده بيقلل زمن التفاوض ويعجل بقانون العقوبات
تركيا داخلة مشروع F-35 وكان الباتريوت الألماني على أرضها وماعرفش همه ماشتروش باتريوت ليه المهم كان أول قرار بعد دخول S-400 هو إخراجهم مباشرة من مشروع F-35 وبدون تردد حتى لما اقترح عضو كونجرس أمريكي شراء وكالة الدفاع الصاروخي الأمريكي ال S-400 من تركيا لرفع الحرج وتفضل تركيا جوه مشروع ال F-35 اترفض مقترحه
فكان أول عقوباتها إخراجها من المشروع وده يفسر ليه وافق بايدين يديهم F-16V بعد كده
إحنا خارج ال Tire 1
فعرفنا نكمل صفقة ال Mig-29M2 طيب إزاي .. ماهو من 2013 حجب عنك 4 طيارات F-16 Block 50/52 ومعاهم 10 أباتشي وكام هاربون وفيه نقطة كمان هقولها كمان شوية خلتهم يسكتوا
جات السوخوي SU-35 ونفس النظام أنا مش معايا واحد من ال Tire 1 American Hardware وكمان مفيش في أسطولي مكافئ لطيارة السيادة الجوية قالك ماهو الرافال ... كان الرد مشكلتي دايما قصر الذراع الجوي
يبقى كده القصة هتتحل في حل من اتنين
1- أخش Tire 1 وده كان اقتراح ترامب ب20 طيارة F-35 لمصر بس ماتحطش حبر على ورق أو
2-الSU-35 حلال عليا ومحدش له حاجه عندي
النقطة بقى اللي خلت الموضوع سخن تاني هيا إن الأمريكان قالوا ال Mig-29M2/SU-35 دول مش هيعرفوا يشتغلوا مع باقي السلاح الجوي المصري اللي هو غربي ومفيش منظومة سيطرة فهيبقى سلاح جو أعمى شرقي جوه سلاح جوي الغربي
قام طلع من عندنا بوادر وجود منظومة سيطرة تضم شرقي وغربي وفرنساوي سنة 2018 قالوا ... كلام ... ولما مناورة قادر والدليل الإستخباراتي حضر قام الكلام صحصح تاني
علشان كده الدنيا رايحة جاية ونهاية اّخر معاد تسليم للسوخوي لأن لو جبت السوخوي خلاص الروس هيبقوا متطمنين إن معاهم صفقة تانية تالتة وكده الأمريكان بعجرفتهم عملوا مشكلة وهمه دخلوا بديل
العجرفة بتاعتة إدارة أمريكية ممكن تحلها مرونة إدارة تانية
لكن الدولار لو دخل جيب الروسي مش هيطلع ولو بالطبل البلدي
The RISC2 is an Egyptian-made system that was introduced during EDEX 2018.
RISC2 was introduced during the 2018 Egypt Defence Expo and is meant to automate control-and-command tasks. The platform is equipped with tools for flight planning, control systems for radars and various monitoring sensors (including models from the United States, Russia, China, France, Britain and Egypt), an automatic flight-tracking system, a network management system, and cybersecurity.
أسمع رأيكم