مرحبا بك في منتدى الشرق الأوسط للعلوم العسكرية

[OSORIS]

عاش يا رجالة عاوزين المركز الاول !!

 

[القائد المصرى]

من فضلك, تسجيل الدخول أو تسجيل لعرض المحتوى !

كلامك صح طبعا بس حابب ازود عليه شوية حاجات تانية من واقع اللى بشوفه بعينى واسمع عنه
الستات فى مصر مختلفين جدا سواء فى الريف او المدن والموضوع مش موضوع تعليم بقدر ما هو ثقافة ومتشعب جدا
لو نركن المستوى التعليمى ع جنب لانه مش مقياس حقيقى
جيرانى دكاترة وعندهم 7 عيال وبنتهم الكبيرة اتجوزت 20 سنه ومعاها 3 دلوقتى
وفى سباك معرفه دبلوم ومعاه 2 واكتفى بكده عشان يعرف يصرف عليهم
فى جزء دينى كمان يعنى سكة الاخوان والسلفيين بالذات دول العيال عندهم بالعبيط وبالقران والسنه كمان
ثقافة متربية البنت عليها يعنى لو البنت او الراجل اتربى فى بيت واخواته كتير غالبا بيخلفوا كتير والعكس صحيح
وثقافة الهبل والتواكل والخلفة الكتير والشحاته عليهم بوش مكشوف وشتيمة الحكومة ليل نهار انهم السبب
ثقافة الكيد
هل تعلم ان فى نسوان بتخلف كيد فى سلفتها بس
اها والله موجود
هل تعلم ان فى نسوان بتخلف عشان تعاقب الراجل وتقطم ضهره كعقاب بس مش اكتر
ده غير طبعا لو حد خلف بنات فبيخلف تانى وتالت عشان الواد
فكرة عدم الامان للست قى مصر صح جدا وللرجاله كمان
فى واحد فى البلد عندنا مخلف 12 عيل وابويا لما قاله حرام كده وكلمه فى فكره الخلفة الكتير ومشاكله
قاله عادى حتى لو طلعوا حراميه هيسرقوا ويديونى وممدش ايدى لحد
اها والله تخيل

 

[tayga]

من فضلك, تسجيل الدخول أو تسجيل لعرض المحتوى !

لا المرة دى انا اللى هاقولك انك متشائم (اهو مرة من نفسى يا اخى😁)
طالما مازلنا تحت ال 150 مليون يبقى لسة الوضع قابل للاصلاح نقدر نقول اننا حاليا واقفين على الحافة لكن لسة موقعناش

 

[OSORIS]

من فضلك, تسجيل الدخول أو تسجيل لعرض المحتوى !

ياريت والله اكون متشائم وتصوري غير واقعي ... اتمنى

 

[برومثيوس]

العيال الصغيرة في الشوارع تحت سن 10 سنين
بقيت اكتر من النمل معظمهم عندة تقزم ونقص فالنمو
الواحد بيشوفهم ويسرح في حالنا فالمستقبل كمان 10 ولا 15 سنة
والهم يتملكني .العيال دي كلها هتتعلم ازاي وتشتغل وتتجوز وتعيش حياه طبعية فين

 

[OSORIS]

من فضلك, تسجيل الدخول أو تسجيل لعرض المحتوى !

الحكومة هي بابا وهي ماما وهي انور وجدي ..هنخلف ٥ مليون عيل في السنه وعاوزينهم يتعلموا في مدارس كبيرة ويخشوا ثانويه عامة ويجيبوا كلهم طب و يدخلوا جامعات ببلاش و لازم يطلعوا يشتغلوا بمرتبات مجزية ... حد مفهمهم ان مصر دى ملجا مش بلد !!

 

[مرمبتاح]

من فضلك, تسجيل الدخول أو تسجيل لعرض المحتوى !

ثفافه عبدالناصر اللي زرعها فيهم كل شيء مجاني واللي بالفلوس بيكون بسعر رمزي ممزوج بغيبوبة الاسلامنجيه اللي داخلين في صراع عددي مع العالم وغير الكسلم وايضا رغبتهم في ذيادة أعباء الدوله لتعحيزها ومن ثم خلق حاله من النفور العام تكون ارضيه للثورات وصعودهم

موضوع ممزوج ببعضه وعاوز علماء اجتماع ونفس يفضوا مشاكل المجتمع لحلول جذريه ويدرسوها بعمق
من بحكم البلد بسبب انه ماسك كل شيء باديه حني اصغر الامور فتحس انه بيحاول يحل المشاكل حلول جذريه بس مش عارف لانه مشتت من كتر مشاكل البلد
الخل في تصغير المسؤوليات والامركزيه عشان تدي الحكومه فرصه للامور الأكبر
مش شغل ىءيس حفظ محاور البلد وترميم مساجد او كنايس بس المركزيه هي اللي معطله البلد انتظارا لاوامر وده شيء مستحيل علي تي إنسان فعله مهما كان قوته وذكاءه

 

[OSORIS]

من فضلك, تسجيل الدخول أو تسجيل لعرض المحتوى !

متخيل يا صديقي لو حولنا الحكم المحلي الى حكم لامركزي هل تعتقد ان ادارات الحكم المحلي اللامركزية الجديدة قد تجبر الناس على تغيير ثقافتهم وقناعاتهم بقوانين واجراءات حاسمة ؟؟ اعتقد انها ستتزلف لهم وتسايرهم لإرضاءهم اطول فترة ممكنه تمكنهم من الحفاظ على وجودهم في الادارة ... الامر يحتاج الى اجراءات ستالينية للاسف

 

[مرمبتاح]

من فضلك, تسجيل الدخول أو تسجيل لعرض المحتوى !

لو حطيت ليهم اهداف وحاسبتهم عليها ايوه مش هيراضوا الناس هيراضوا اللي عينهم ووضع ليهم ال target
الحكومه المركزيه منظمه لعمل حكومات الأقاليم وكله تحت اشرافها
مش زي الان تخطيط وتنفيذ ومتابعه ومحاسبة وتشريع ورقابه لدوله ١٠٠ مليون إنسان بيد ٤٠ شخص

 

[OSORIS]

من فضلك, تسجيل الدخول أو تسجيل لعرض المحتوى !

في الاغلب يا صديقي تاخذ الحكومة المركزية بالتقارير التي تسترسل في قياس رضا الناس عن اداء الادارات المحلية كاحد معايير تقييم الاداء ... اعتقد ان حكومات الولايات في المانيا مثلا تاتي بالانتخاب ... فهل اذا قمنا بتعيين حكومات للمحافظات المصرية بشكل مباشر فاعتقد اننا لم نغير من اسلوب الادارة في شيء الا في اسمها ... من ادارة حكم محلي الى حكومة محلية شبه مستقلة ... نحتاج للتفكير في شكل اداري اخر يناسب الحالة المصرية

 

[مرمبتاح]

من فضلك, تسجيل الدخول أو تسجيل لعرض المحتوى !

الحكومات المركزيه ليها ادوات مراقبه تختلف عن المحليه لان اغلبها بيكون في ايد الحكومه المركزيه لتقييم عمل الحكومه المحليه ومدي التزامها بخطط الدوله العامه فمش بتهتم اصلا بتقرير الحكومه المحليه
الحكم المحلي في مصر غير مطبق
الحكم المحلي يعني المحافظ ليه كل صلاحيات رءيس الجمهوريه من تعيين رءيس الجامعه وعمداء الكليات ووكيلاء الوزرارات وتخطيط المدن وهيءات العمل والاستثمار في محافظته خاضعه ليه وبمتابعته وكل شيء باستثناء التشريع العام أو السياسه الخارجيه او الجيش والشرطه احيانا
الان المحافظ عندنا ماهو باشكاتب بيمضي ورق مللهوش اي صلاحيات ولا لازمه الا يلف بالعربيات في موكب ويروح كم قريه ياخد صورتين يحطوهم علي صفحه المحافظه وشكرا
فرق كبير بين الحكم المحلي في العالم كله وفي مصر
نموذج الصين أنجح نموذج مركزي ولا مركزي في نفس الوقت وده اللي ينفع مع مصر
احنا نموذج لا ده ولا ده
ولا دوله ىاسماليه زلا دوله اشتراكيه
لا دوله مدنيه ولا دوله عسكريه
لا دينيه ولا علمانيه او قوميه
نموذج بين البينين والتوافقات دون الملامح اااي احنا متبعبنها دي خسرتنا كتير وضيعت فرص اكبر

 

[برومثيوس]

من فضلك, تسجيل الدخول أو تسجيل لعرض المحتوى !

رغم ان كلامك صحيح ياستاذنا
لاكنك اغفلت للاسف طبيعة الشعب المصري
المتأصلة فية بحكم التاريخ و الجغرافيا
من وجهه نظري المشاكل في المجتمع المصري متجذرة فية من وقت طووويل جد عن التفسيرات الحالية لتبعات فترة حكم عبد الناصر ونظام ٢٣ يوليو
يعني احنا عايشين في ٢٠٢٢ والواحد لسة بيشوف ممارسات بسيطة واغاني علي لسان الاطفال فالشوارع كنت اظنها انقرضت (العيال الصغيرة لسه عندهم لاج ويغنو فالمطر اشتي يادنيا وكلي محشي حسني مبارك مفلحشي )
فتخيل بقي التغيرات العميقة في اسس العلاقة بين الشعب والسلطة دي محتاجة قد اية علشان تتم يعني علي اساس مستوانا المتوسط الي الضعيف في النمو الاقتصادي
والشبهه معدوم علي المستوي الثقافي الاجتماعي انت محتاج قرن علشان تعرف تثبت نظام لامركزي يمتلك قدر محدود من المرونة والدينامكية . يعني تعالي معايا نتخيل لو ادينا
محافظ محافظة ولنقل اسيوط ولا البحيرة
سلطات كاملة زي رئيس الدولة متخيل كمية العتة والغباء والدروشة اللي هتحصل
مش هيعمل حاجة غير انة يتصور بالجالبية والقفطان فالشوارع ويحضر جلسات عرفية
ويدبح عجول فالعيد قدام مبني المحافظة
فيعني علي مضض الواحد مضطر يقبل بنظام مركزي عندة الي حد ما قدر من الانفتاح علي العالم الخارجي بدل من نكبة المواهب المدفونة في مجتمعنا

 

[مرمبتاح]

من فضلك, تسجيل الدخول أو تسجيل لعرض المحتوى !

اختلف معك عزيزي جزءيا
مصر فيها كفاءات ولكن اهل الثقه هم من احتلوا مكانهم
لو رحت اوؤوبا وكندا هتلاقي عباقره مصريين في علم التنظيم والاداره
مديره مدرسه لندن للاقتصاد االي اتخرج منها اغلب رؤساء وزراء وماليه انجلترا والعالم مصريه
وعندك من سنه ٦٧ للان خرج من مصر ٨٥٠ الف شخص بدرجه دكتوراه حسب الجهاز المركزي للتعبءه العامه الإحصاء وهنا في انجلترا مديرين لكبر المستشفيات ومجموعات فنادق زي اكور مصري
مصر فيها كفاءات بس بسبب محدوديه المسؤوول زانه مش عاوز حد مؤهل ييان ويطلع علي السطح فبيجيب واحد مالوش شخصيه يقول تمام وحاضر عشان يرضي بيه ذاته
ده احد اسباب نكسه ٦٧ العسكريه لما جه عامر النفيب مسك اداره وزاره ومجلس عسكري اعلي منه رتبه ومعرفه فعشان مايبنش ضيق أفقه ومحدوديه علمهم، طيرهم زي عبدالمنعم رياض اللي راح الاردن واللي راح الجزلير او طلعهم معاش والنتيجه نكسه عسكريه
مصر مليءه بأهل الفكر والاداره
بش اعلامنا فاضي لمين اتجوز اجنبيه ومين اتجوزت اجنبي وقعدات الرغي او ترندات شغل عقول الناس بسفاسف ااامور ومافيش أحزاب بيتفرغ ناس كوادر فبيصور للناس ان ده هو الافضل وده تنميط سطحي للازمه
بأيد الدوله تعمل قوافل ثقافيه تروح النجوع والقري تعرف الناس ازاي الناش قي الصين بتشتغل وتعرض مجسمات افلام وششات غرض
زي القوافل الدعويه المصروف عليها مليارات
بايدك تعمل حملات علي تويتيى واليوتيوب حيث يقطن الشباب لتغيير ثقافه الناس بأسلوب جذاب بدل اسلوب التلقين بتاع الستينات اللي شغال
بعرض تجارب الدول اذاي كانوا واذاي اصبحوا وايه اللي غيروه في نفسهم وبلدهم عشان يبقوا كده
مثال معروف اوروبا اتغيرت اذاي بالاتي

بعد الحرب الاهليه بين الكاثولبك والب وتستانت من ٥٠٠ سنه تقريبا واحداث المذهب البروتسناتي الهادم للكهنوت الكاثوليكي فكره الاباءيه وان المرجع فقط هو النص وان كل شخص ليه الحق قي فهم النص وتطبيقه كما دعا مارتن لوثر ثم فتحت فكره اعمال العقل ده لما هو اكبر
بدأ الغرب يقولك طيب مانجيب تراثنا اليوناني القلسفي وندرسه عشان يكون أداتنا للفهم فدرسوه ثم انتجت الدراسات افكار ومذاهب فلسفه جديده زي آدم سميث في الاقتصاد وماركس وفلسفات لاداره فكر الانسان من هيجيل لاسبينوزا لديكارت لسارتر وفولتير الخ
وبعد مانشأت حركات فلسفيه تدعو لأعمال العقل وتغيير الواقع بدأ ياخدها ناس من النخيه يبسطوها للعامه مطلع القرن ال ١٨ مع اكتشاف الطباعه والصحف خدوها العامه من النخبه وانعكست علي حياتهم وطرق تفكيرهم ومن ثم ما بينتجونه فانطلقت الثوره الصناعيه في اوروبا .. من ايه؟
من تغيير افكار الناس عن طريق تفاعل الفلاسفه والنخبه مع العامه ودعم السلطه وتوفير المناخ لعمل الثلاثي
واليابان حركه المعلمين الاواءل الخ والصين ماوتسي تونج لحد ما كله نفس الطريق بنفس الثلاثي
انت عندك حكومه بتعمل ده؟ او عندها ادوات تنفيذ ده او توصيله للناس ؟!!

وادوات كده هو الإعلام ومسؤولين دارسين طبيعه شعبهم ومواردهم و احنياج السوق الخارجي اقتصاديا وسياسيا ورسم خطط لانتاج ما يحتاجه العالم وبعدين برمجه المواطن اعلاميا بثقافه عقليه قادره علي تنفيذ خطط الدوله
انت في مصر اهل الفكر خارج السلطه
ضابط شرطه ماسك محافظ ايه علاقته بالاستثمار والاداره هو ولا دكتور اقتصاد اولي بالمنصب وهل من تربي عاي الامر وتنفيذه دون اقناع او اقتناع عنده ادوات الحوار للتواصل مع العامه وشرح ليهم اهداف الدوله ؟ الاجابه ليك

من دون تفاعل مشترك بين الشعب وخطط الحكومه
ولا الف خطه إصلاح اقتصادي هتنفع

 

[مرمبتاح]

العلاقه اللي بيشوبها عدم الثقه في مصر بين الحاكم والمحكوم من ايام المماليك والأتراك ذروتها ماكنتش يمكن تمتد للاحتلال اليوناني والعربي
وده في العالم كله
بس اذا امتلكت برنامج اقتصادي تعرف من خلاله ماذا تريد وماذا يريد العالم وجدوي ما تصنع من قبل ما تنتجه وكنت قاريء للعلافات الدوليه جيدا والمسافات بين التكتلات وعندك خبراء اقتصاد واجتماع قادرين عاي توقع مستقبلي ينيرون ليك الطريق وعلي اساسه تعمل برنامج اقتصادي وسياسي وتبدا تقنع بيه الشعب ساعتها هيحس بمدي مصداقيه الحكم ويبدأ يتفاعل المواطن معاك ومع كل خطواتك وتتولد الثقه بين الحاكم والمحكوم اللي هي بدايه طريق نهضه اي امه

هقولك شيء مشروح بركه غليون شوف ميناللي ماسكه وماهي مؤهلاته الاداريه والتنظيميه وهو أحق ولا واحد دارس اداره وتسويق ؟

مكتبه الاسكندريه مين ماسكها وليه وعنده كم سنه وهل في السن ده الواحد عنده طموح لتغيير شيء؟!
الاجابه كان مرشح للجامعه العربيه فماتمش ترشحه لأسباب ما فجاملوه بأهم صرح ثقافي والنتيجه في المكتبه مله عارفها
اهل الثقه
لسه القضاء بابناء العاملين
الإعلام ابناء عاملين
حتي الكوره والتمثيل والفن
وشركات البترول
وأفضل الوظايف
ده كله بيبين للناس ان البلد مش بتاعتهم ويفقد الانتماء وبيتبرر الفساد علي انه شطاره وانك بتجيب حقك من الدوله اللي بياخده منها غيرك وهكذا
الشعب المصري شعب مرن .. بيجادلك بس سرعان ما ييراجع تفس ويتفاعل معاك لو عرف انك صادق
اسؤ احساس مدمر علاقه المواطن في مصر بالحكومة :
وهو ان المواطن عنده احساس ان اي شيء بتقدمه ليه الدوله هو تقل بكتير مما يستحقه..
وده احساس غلط ولازم يتغير لانه اساس مشاكل كتير واهمها الفساد والرشوه واستحلال اموال الدوله

 

[برومثيوس]

من فضلك, تسجيل الدخول أو تسجيل لعرض المحتوى !

كلام جميل وكل حاجة ومعنديش اعتراض عليه وقولت كدا من الاول
تعقيبي كلة ي اتجاه ان دي عملية طبيعية اخدت في الغرب قرون وقرون لحد ماستقرت في نظام يقدر يفرز الكفائات ويرقيهم . انما
النظام المفروض غصبا في وقت بسيط للامركزية دا معنديش عليه غير مثال واحد
في وقتنا الحالي وهي عراق ما بعد ٢٠٠٣

 

[مرمبتاح]

من فضلك, تسجيل الدخول أو تسجيل لعرض المحتوى !

الصين من ٥٠ سنه كانوا اقل مننا كتير ومدمرين وغيروا ثقافه شعبهم وقدروا يسكبوهم
العصر الرقمي والاعلام ان اتملكته ورؤيه اقتصاديه واضحه ٧تغير اي شيء
التركي من ٢٠ سنه ثقافه العمل بتاعته اقل من المصريين
حكومتهم عملت اعلام وبرامج غيرتهم وجابت االي في المانيا يدربهم ويشرح ليهم الناس في الخارج شغاله اذاي واحتاجات الأسواق الاوربيه والنتيجه اللي انت شايفها؟
احنا بنعمل كده؟

 

[برومثيوس]

من فضلك, تسجيل الدخول أو تسجيل لعرض المحتوى !

من فضلك, تسجيل الدخول أو تسجيل لعرض المحتوى !

علشان كدا انا ذكرت في البداية ان النمو الاقتصادي هو اهم العوامل المساعدة دايما لاي تغير في اسس المجتمعات
التغيير اللي حصل في الصين كان مدفوع بنمو اقتصادي ماموثي قائم علي قوة دفع خارجية متمثله في نزوح جماعي لرأس المال الغربي ودا سبب انقلاب جزري في حياه الصينيين في بضع سنوات ودا عمل gap
بين قيود الماضي وتطلعات المستقبل عند الشعب والسلطة علي حد سوا وشكل طبعا تربة خصبة للافكار الاصلاحية وعلي الرغم من كدا لايزال الفساد موجود ولو بشكل اقل
الفلوس بتغير الشعوب انت عارف
الخليج عندنا كمثال

 

[مرمبتاح]

البلد محتاجه حد يمسك ملفها الاقتصادي يكون
متخصص اقتصاد وعنده خلفيه بعلم الاجتماع وعاش بره او مضطلع علي التجارب التنمويه الاخري
حد من طراز ابراهيم شحاته