كلام جميل
إحنا بنتكلم في مصنع ذخائر اللي هو ايه سلاح عيار كذا أنا بستلمه في تفتيش الحرب والإستدعاء كقوات مشاه وبيستلم زيه الأساسي طيب هنقول إن التجنيد شعبي
طيب صف الظباط والظباط ... أنا بستلم نفس سلاحه والجندي المستدعى هيستلم نفس سلاحه
غير مثلا قوة زي 777 ... ده أصلا هي فرقة متخصصة بعدد معين وروافد أفرادها من مناطق معينة ولهم تدريب غير السلاح بدني وتكتيكي غيرك خالص وغير جيش المشاه ... وتسليح قياسي غير الناس دي كلها ... فطبعا سهل التمويه على التسليح وسهل تحجب معلومات وحتى لو ظهرت أنا ممكن أشوف تجهيز ماخدش بالي منه أصلا لأني لما شوفته معرفتهوش
الغواصات مثلا ... لها طقمها ومفيش أساسي ولا إحتياطي
الطيران كذلك والإستدعاءات بتبقى تجنيد زي توزيع على الوحدات أو أعمال الحراسات والدوريات واللوجيستيات ... لكن مثلا مش الجندي هو اللي هيعلق الصاروخ على الطيارة ... اّخره يرفع الحاجة التقيلة مع الناس ويناول ده لو كان مسموح أصلا
فهنا كلمة أساسي واحتياطي بتظهر أهيه
قوتك الضاربة في أسلحة ما كلها ظباط وصف لهم دوام ورتب والتجنيد في الأسلحة دي له حدود ... سواء في المهام أو الزمن والتدريب للأطقم لا يمت بصلة أصلا للتجنيد وكل حد له شئونه البشرية والمالية والإدارية ودوام تجنيده ولا راحاته
الدفاع الجوي
هنقول مثلا الظباط الإحتياط خريجين هندسة بيتعاملوا مع وحدات البيتشور والفولجا مثلا لكن هنقول بوك و S-300VM ... لا دي ألوية تانيه ولهم تدريب معين وبعثات وحتى بعد ده كله مش كل حد بيعدي
فتكتيكات استخدام السلاح وتاخد دورات ودورات فيه دي قصة
والقصة إني بنتقد الفرحة بتسليح عياري سبقنا فيه ناس أقل مننا بسنين طويلة
سؤال
أنا ظابط إحتياط وهقول مثلا أنا متوزع على كتيبة بوك
هو البوك إيه ... عربية فيها زراير اكتبلي اللي عليها بالعربي وحط جنبي المانيوال وأوجه وأشوف واضرب وتحريكه زي أي عربية فتيس وعلبة نقل
بس ...
البوك ده سلاح روسي ... وخير من يعرف استخدامه الروس فبعد مرحلة تشغيل المعده والحركة بيها هيقولك خد بالك ده بيمشي زي أي عربية عادي وزي أي دفاع جوي بس احنا تكتيكنا في روسيا بنحركه بتموضع معين في الأرتال وتبادل التشغيل وابعد رادار كذا عن كذا علشان المجال وابعد ده وهات ده والهيدروليك علشان كذا وكذا
كل ده يعرفه الظابط العامل ود أساس شغله على المنظومة فلو جبت ظابط احتياط معندهوش كل التلقين ده المنظومة طارت ... مع انه مهندس ويعرف يسوق وبيفهم ومش كل ظابط احتياط بقى هطلعه روسيا أو أجيبله الروس ... ده كام سنة ومش هجيبه تاني ألا لما يبقى كفاح شعبي باّلي ولا بوك ولا حاجه
طيب شوفت المثل ده على البوك
جيت بقى في 2022 وحطيت نفس المثل على المدفع الرباعي الكوري للدفاع الجوي اللي من سنة 1954 انته هتقولي هو انته بتقول ايه ...؟
فلو المهندس مدير الشركة بيتكلم في دانة سلاح جديدة ... نوع بارود جديد ... رأس حربي جديد ... أنا مش عاوز أعرف هو إيه ... بس هقول الله ينور عمار يا مصر
لكن احنا بنجيب النحاس ونحط البارود و95% ...؟
طيب يعني يبقى فيه حاجتين ... يا تصريح هابط لا يليق لا بعقل المستمع ولا لسان المصرح ... يا صحفي كده بيجود علشان يعني يعبي الموقع ماهو مفيش أخبار فيجيب قديم في جديد ورأيي الصحافة اللي من النوع ده لازم تتوقف تماما
إنته ممكن تكون عارف إن اللي قدامك بيعرضلك ... ده كلام حلو ... بس أخاف تتأثر بتعريضه ليه وتبقى انته مش انته
محدش يزعل مني
ده مجرد رأي ليس هدفه التجريح ولا الشو لكن ... عاوزين كلام حقيقي يتوزن على سنة 2022 ... رادار ... مسيرة ... صاروخ جديد ... عربيات زي التمساح كده وقلنا الله ينور ... صفقة الميكو ... كده تمام ... حلو طالما ميكو 200 وسمعتك بتقول 300 أنا مستكيف ناو
5 سنين وهلاقي معايا ال 300 لأنك لمحت له ورميت الصنارة
لكن 2022 وبارود ... يعني نابليون لو صحي مش هييجي يعمل اعلان بونبون سيما
صباح الورد