باشا شوف بقالنا كام كام عقد ماشيين بنفس العقلية دي....الوسايط والرشاوي والتراخي واهمال المال العام وانعدام احساس المسئولية طالما هتقبض دا الشعب كله راضعه مع حليب الاطفال ....بتلاقيه كدا بيطلع من اللاوعي عاوز اقلك ممكن تلاقي ناس جوا قرايبك عادي وتبقي عارف انهم ناس محترمة ومتدينين ومبيأذوش حد لكن في الحجات المتعلقة بالحكومة والدولة والعمل كلهم واااحد بشكل لا ارادي ....الموضوع عاوز عقوووووود عشان نغسل العقول دي تاني والكلام مش بتغيير مناهج ودعاية خاااااالص مهو اغلبنا هنا احساسنا بالمسئولية جه بالقراءة والتدبر لكن الشعب والناس عموما عندنا مش مهتمة تعلي اخلاقها وسماتتها المهم اخر الشهر تقبض وتاكل فعشان كدا الحل قوانين واتجاه عااام من فوق لاعلاء الكفاءة علي القرابة والثقة (وانا مش شايف دا بيحصل قريب والصراحة حاسس ان الي ممكن يحقق دا لو الادارة مدنية لطبيعة العمل العسكري بتاع اغلب رؤسائنا الي بيكون معتمد علي الولاء والثقة )
-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
الشركة السعودية (SAMI) تتطلع للاستحواذ على أسهم في العديد من المصانع العسكرية المصرية
- بادئ الموضوع Atum
- تاريخ البدء
بدل شركات الجيش منعمل قوانين اكثر حزما وشركات الجيش تنزل البرصة ويتباع حصص فيها لمستثمرين مهو خلي بالك ناس كتير ومستثمرين كتير خايفه تخش في حاجات معينة لمجرد انهم عارفين ان منافسة الجيش صعبة
الجيش وشركاته وجودها كان مهم جدا عشان نوقف النزيف والانهيار ونشم نفسنا لكن لو عاوزين نتقدم محتاجين نفتح السوق ونشجع المستثمرين ونحمي دا كله بقوانين قوية
@Shokry فاكر كلامنا امبارح عن ازاي اهل الخبرة والكفائة يخشوا بدل اهل الثقة
طب عد من كام عقد واغلب المحافظين عندنا لواءات سابقين وبياخدوها كانها مكافاءة نهاية الخدمة
او كام رئيس لهيئة قناة السويس لواء بحري او فريق بحري سابق (قناة السويس الي لو واحد اقتصادي فاهم مسكها ممكن يطلع بافكار استثمارية او حجات تعلي المداخيل لا اديها لفريق)....كمثال عندنا هنا في اسكندرية ميناء اسكندرية الي بيمسكوا دايما لواء بحري متقاعد (وعلي فكرة كنت رحت زيارة قبل كدا والمهندسين الي شغالين هناك الموضوع مضايقهم انهم بيقعدوا شغالين في المكان زمن ودهر وعندهم خبرة ويجي في الاخر اكس ماليتري لمجرد انه كان لواء ياخد مدير علي الجاهز)
وقيس بقي برضه علي الشركات زي ما مرمبتاح مقال هي ثقافة شعبية وكل ماشي وراها نظرا لان الي ماسك البلد الجيش فهتلاقي اغلب الادرايين في المناطق المهمة منه....لو شركة مديرها فلان هتلاقي اغلب الي فيها من قرايب فلان وصحاب فلان وحبايب فلان
اللي انت بتقوله عملته الصين من ١٩٧٨ ووصلت للي هي فيه انفتاح وتوفير بيءه للتستثمار الأجنبي ولكن بخطه التعلم منه وإنشاء شركات وطنيه من أفراد الشعب بعد اكتساب الخبره من الأجانب وده اللي حصل شوف شركات الصين كلها من صيتيين كانوا شغالين قي شركات غربيه كبااع علي بابا كان في ebay
وشاومي الخ
احنا محتاجين اداره ومفكريين ليهم رؤيه وسياسيين يديروا البلد
نتيجه عدم تعيين متخصصين لاداره الملفات وليس اهل ثقه.. سد للنهضه مثال لكده
لما مسكت التفاوض واداره سينا لسياسيين وطابا خدت اللي انت عاوزه ة..
في كتاب اسمه زلزال الصين از شيء من ذلك القبيل شارح عمليه اعاده هيكله الاقتصاد الصيني والانفتاح ..
في موضوع الصين امبارح
هنفضل فاتحينه لنقل تجربتهم كامله بمرور الايام لكونها قريبيه وشبيهه بالنظام السياسي الان
التعديل الأخير:
اظن مختلفة لانهم حزب شيوعي كبير بعدد كبير من الاعضاء والتغيير جاء من جواه لكن عندنا معنداش احزاب اصلا او جبهة حاكمة مماثلة يطلع منها من ينتموا ليها بس بخلفيات مختلفة
فكره حزب واحد قوي واحزاب كرتونيه كما الصين أسهل تأسيسها..
حياه حزبيه حقيقيه بوعي الشعب ده = اختراق الاخوان لهذه الاحزاب وعودتهم من خلالها
كتجربه التسعينات حزب العمل والوفد
حياه حزبيه حقيقيه يجب ان يسلقها تغيير فكري وديني وتغيير مناهج وبعدها لجيل جاي مخه ممكن يكون نضيف يبقي فيه تعدديه
الشعب المصري هواه الان سلفي داعشي ياريته حتي بشيوخ الاخوان
الاخوان حتي تبنوا الفكر السلفي لما لقوا الشعب ميال ليه ولقطع للطريق علي السلفيين في استغلال الكتله دي ..
احنا بين مطرقه وسندان
وده السبب اني بأيد الحالي رغم الاختلاف معاه وهو ان البديل ليه لا اخوان لا قومجيه ودول العن بمراحل
دورنا نفعل الفكر القومي هو حصانه البلد دي من كل ملاعيين المتأسلمين وللعروبيين
التعديل الأخير:
ميشيل اف نايت عمل في كم سنه مدرعه افضل بمراحل من إنتاج هيءه التصنيع اللي بقالها فوق ٥٠ سنه شغاله منهم ٣٠ سنه بترقع في مدرعه فهد
هل إمكانيات المصانع الحربيه اقل تمويلا او بنيه تحتيه من شركه مشيل طبعا لا .. بس ميشيل عنده عنصر الخبره والاداره ولذلك = انجاز
هل إمكانيات المصانع الحربيه اقل تمويلا او بنيه تحتيه من شركه مشيل طبعا لا .. بس ميشيل عنده عنصر الخبره والاداره ولذلك = انجاز
لا اختلف معك يا صديقي المحترم في ضرورة وجود شراكة اجنبية مع شركاتنا المتخصصة في المجال العسكري لكي تزيد المنافسة وجودة المنتج لانه بالطبع القطاع الخاص بيبحث عن الربح في المقام الاول
لكن لدي نقطة اريد ان اوضحها وان الافضل من وجهة نظري المتواضعة هو البحث عن شراكات مع شركات غربية سيكون افضل لنا من حيث الجودة ومن ححيث والتكنولوجيا التي سنكتسبها لكن بالطبع نحن لا نعلم الا القشور وبالتاكيد المسئول عن هذا الملف يعلم اكثر مما نعلم جميعا
تحياتي لك
موافقك 100000000000000000%
انا رايي مثلك تماما اذا اردنا الشراكة علينا ان نبحث عن شراكات تنقل لنا تكنولوجيا جديدة وعلى اساسها نبدأ في تطوير اسلحة لنا وبمفردنا حتى نستطيع ان نقتحم هذا المجال المخيف وحتى لا نكون تحت الضغوط وقت الازمات
تحياتي
وممكن يا استاذي تكون نسبته هي الاكبر وبالتالي ستكون الادارة في يديه
على فكرة انا لست ضد استحواذ شركة اجنبية على احد شركاتنا طالما ستكون الفائدة الاعظم ستكون لنا في شكل منتجات عسكرية جيدة ولست ضد شراكة القطاع الخاص بل العكس تمما انا مؤمن بضرورة شراكة القطاع الخاص معنا وليس في الشق العسكري بل في الكثير من قطاعتنا ومنها على سبيل المثال القطاع السياحي والتسويق وادارة بعض منشائتنا ومواقعنا السياحية
انا باعمل في القطاع الخاص مثل الكثير من اعضائنا المحترمين هنا وكلنا نعلم ان القطاع الخاص بيبحث في المقام الاول عن الربح وفي نفس الوقت باعلى جودة لان المنافسة في القطاع الخاص رهبية وانت بالتاكيد تعلم هذا يا استاذي
لذلك الاولة من وجهة نظري هو الشراكة مع شريك اجنبي غربي لكي نقل التقنية او حتى على اقل تقدير نقل تكنولوجيا جديدة لنا على اساسها نبني صناعتنا العسكرية من جديد
واسمحلي حتى لو تم ضخ مبالغ جديدة عن طريق اسهم في الشراكة الجديدة مع سامي السعودية من اين سنحصل على التكنولوجيا التي تنقصنا لكي نتطور بعض قطاعتنا العسكرية.........اعتقد يا استاذي علينا التوجه وبقوة للتفاوض مع شركات برازيلية او كورية جنوبية او حتى صربية حتى نستطيع ان نعوض ما فاتنا من تاخير زاد عن 40 سنة واعتقد اننا بنواجه صعوبات في التفاوض مع شركات اوربية بسبب ان القرار في النهاية بيرجع في الكثير من الاوقات الى ضرورة موافقة حكوماتها وفي هذه الحالة بيتطلب وجود موائمات سياسية وهذا من الممكن يكون ضد سياستنا الحالية او بمعنى ادق ان هذه الموائمات لا تتفق مع مصالحنا وامننا القومي
اسف على الاطالة وتحياتي لحضرتك
قد يكون بدايه شراكه مصريه سعوديه للدخول مع شريك اجنبى
متفق ياصديقي لكن مستحيل يتم الاستحواذ او على الاقل حاليا لان الكلام واضح جدا مثلا "في عام 2019 قال الرئيس المصري عبدالفتاح السيسي إنه يجب السماح للقوات المسلحة ببيع حصص من شركاتها في البورصة"
لو هيتم الاستحواذ بالكامل مكانش هيبقى الطرح لحصص لكن طرح كامل
- إنضم
- 18 نوفمبر 2021
- المشاركات
- 5,269
- مستوى التفاعل
- 27,283
- النقاط
- 28
- المستوي
- 5
- الرتب
- 5
هما هيعملوا كدة هيمولوا بالفلوس والعقل والتصنيع مصري
لكن من الضروري وانت تعلم ذلك يا استاذنا اننا ربما نحتاج الى شريك اجنبي نستحوذ منه على تكنولوجيا جديدة
انا اعلم جيدا ان مصر مليئة بالعقول الجبارة التي تحتاج فقط البيئة المناسبة التي تستطيع ان تخرج فيها امكانيتها الكبيرة
بالتوفيق ان شاء الله لبلدنا الحبيبة مصر
تحياتي لحضرتك
التعديل الأخير:
- إنضم
- 18 نوفمبر 2021
- المشاركات
- 5,269
- مستوى التفاعل
- 27,283
- النقاط
- 28
- المستوي
- 5
- الرتب
- 5
طبعا دة شي اساسي
- إنضم
- 19 نوفمبر 2021
- المشاركات
- 11,718
- مستوى التفاعل
- 40,330
- النقاط
- 43
- المستوي
- 10
- الرتب
- 10
اتفق طبعا على الشركات الاجنبيه .ولكن نحتاج تمويل ..الشركات الاجنبيه الان تحاول جذب استثمار خليجى لان معروف انهم بيضخو فلوس كثيره .واحنا محتاجين كده تمويل خليجى مصاحبه نفوذ مع الشركات الاجنبيه تحت اداره حقيقيه ..وشوف المنتج الى هيطلع ليك ...انما لوحدنا نعمل شراكه مع شركات الغرب صعب لان احنا مش بنمتلك التكنولوجيا ولا بنمتلك التمويل فى هيبقا الموضوع صعب
.تحياتى لحضرتك
- إنضم
- 19 نوفمبر 2021
- المشاركات
- 11,718
- مستوى التفاعل
- 40,330
- النقاط
- 43
- المستوي
- 10
- الرتب
- 10
الواحد مستمتع بكلامك اتمنى ان تزيد مشاركاتك فى فيها افاده
تماما يا صديقي كدا الفكرة وصلت
والاهم لدي كما قلت سابقا ان يكون معنا شريك اجنبي قوي يمتلك التكنولوجيا التي تفيدنا في النهاية بالخروج بمنتج عسكري قوي ونستفيد منه
تحياتي لك
التعديل الأخير:
المواضيع المشابهة
