أسمهم رجالة الجيش المصري وأنا أصلا مش موافق أننا نحارب دفعا عن أي حد لا هنا وهناك وبغض النظر أننا تضررنا جامد من حرب العراق والكويت لأن العمالة المصرية في الدول كبيرة جدا وتضررت وكمان جيش العراق أجبر مصريين علي الحرب غصب
علشان كده الجيش المصري تدخل
أما موضوع فلسطين مختلف تماما أيه الفايدة اللي هتعود علينا!!!
كمان أسرائيل في بينا وبينهم معاهدة سلام ومضربوش صاروخ ورق علي مصر من ساعتها بل بالعكس تعرضوا لهجمات من الداخل المصري ومردوش كمان
هي مش عركة حضرتك نضحي بالناس والشباب علشان شعارات لا بتودي ولا تجيب وبعدين تاني اللي عايز يحارب يروح أنما الجيش يتورط والدولة المصرية تاني في صراع زي ده أنسي
حل المشكلة دي دولتين والمقدسات الأسلامية والمسيحية واليهودية تبقي مزار عالمي وتخضع لرقابة ونخلص أنما حرب ودم كفاية دم أنت بتكتب علي كيبورد وحماس بتقبض وأسرائيل بتقبض من أمريكا واللي بيموت عيال صغيرة لا ناقة لها ولا جمل
شيرين ابو عاقلة أستشهدت وغيرها الألاف وأهل الشهداء هما اللي في الهم لوحدهم والكلام الشعبوي ده ولا هيعوضهم شئ غير أن كل أسرة خسرت أحبابها
