الغردقه اه .. فعلا بسبب الالماني
شرم زبونها روسي اوكراني انجليزي إيطالي ودول بسبب التحذيرات والطيارة ما بيجوش..
شرم في ازمه عم الغردقه ومرسي علم
شرم مش زي الاول الأول ايام ماكنت فيها كات بتمثل من ٤٨ الي ٥٥ %من السياحه في مصر في موسم ٢٠١٠ زروه الموسم السياحي وصلت ل ٧ مليون
الان من كلام ناس اعرفهم الاشغال هناك اكتر شيء ٥٠% وأغلبهم عرب أردنيين وعرب ٤٨ ودول اصلا جايين استخسار ومنهم جاي واكله معاه ويمون العربيه ببنزين مصري مدعم زي عرب ٤٨ اوسخ زباين في سينا كلها كسياح .
ومافيش كارته كمان علي استخدامهم للطريق من طابا لشرم علي ايامي مش عارف بقي ليهم ام لا
نتمني شرم ترجع .. أجمل من اي مدينه اوروبيه شفتها بعد براج كبنيه تحتيه ..
ينقصها مولات تسوق باسعار تنافسيه وجنينه حيوانات واي نشاط بره الفنادق يخرج السايح بره الفندق عشان يصرف ويبقي سياحه عائليه ودي انفاقها اكبر ولحد الان شرم ينقصها ده ..
كمان ينقصها تعريف البياعين باسعار السلع في بلاد السايح عشان يعرف انه لما يغلي سلعته لنسبه معينه علي السايح.. السايح هيلاقي السلعه اغلي من بلده ومش هيشتري وهيعانوا من الركود زي السوق القديم ااالي كان عايش علي الزبون اللي بيجيببه الشركات ليهم بسبب سمعتهم الزباله الاي خلت السياح يعزفوا عن للذهاب حتي لا يتم استغلالهم ..
لسه فاكر سايح هولندي كان جاي من رحلة اسرىءيل طابا دهب لما قال لو كانت المدينه دي بادارتهم كانت في مكان تاني لما وصل وشاف عشش البلوهول الاي هو الماستر بيس بتاع دهب
والله السياحه في مصر تجيب دهب بس ماسكينها موظفين قرفصاء ومدامات الكرسي اللي قاعدين عليه اصغر من قنابلهم..
حتي دهب مدينه جميله كطبيعه وامتداد لشرم بنكهه مختلفه شويه مافيهاش الا البلو هول وهو ما الا عباره عن شويه عشش تعبانه دون اي نشاط لللسايح ٥ يذكر سوي الغطس .. بيقضي ٣ ساعات ويخرج من البحر مايلاقيش شيء يعمله فيرجن الفندق تاني ..
ابن سلمان لو طور نيوم هياخد كل سياحه البحر الأحمر بصراحه .. لازم نفوق ويطلع قانون الفصل من العمل لغربله مؤسسات الدوله ومنها السياحه والطيران.. لانا هنلف في دايره مغلقه زي اللان ..
مش كان اولي تطوير اابلوهول وكورنيس دهب بظل مدينه مصر للفروسيه والثقافه والفنون واكبر جامع وكنيسه
وتعيين محافظ سياحي او دارس تسويق واستثمار هناك بدل نسيبه اللي مالهوش في اي شي الا لبس الشورت واخد الصور .. وكده بقي محافظ سياحي
..
البلد تستحق الافضل