- إنضم
- 18 نوفمبر 2021
- المشاركات
- 10,519
- الحلول
- 1
- مستوى التفاعل
- 41,484
- المستوي
- 10
- الرتب
- 10
- الموقع الالكتروني
- twitter.com
-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
الرئيس السيسى يفوز بولاية رئاسية جديدة
- بادئ الموضوع Atum
- تاريخ البدء
- الحالة
حكم مبارك كان فيه رشاوى وضحك على الدقون ومسكنات للشعب وكرشه كانت الدوله خرابه وشبه دوله بلا بنيه تحتيه ولا جيش ولا شرطه ولا مؤسسات وعشوائيات فى كل مكان وامراض ومستشفيات خرابه وتعليم ضايع وصناعه فى الضياع وتصدير صفر وزراعه مسرطنه وجهل وغباء وتخلف ثقافى وانتشار السلفيه والاخوانيه واهمال سيناء ونشر فيها الارهاب والتكفير وتراجع دورها الاقليمى
مبارك استلم الجنيه ب 40 قرش وسلمه ب 8 جنيه وكان بيدعمه كمان ومكانش سعر حر يعنى انهيار 1000% على مدار 30 سنه بلا اى شىء ولا مقابل ولولا حرب الخليج واشتراكه فيها مقابل اسقاط ديون مصر الى كانت 43 مليار دولار بما يوازى 100% من الناتج المحلى وبلا اى احتياطى كانت مصر افلست فى عهده
حريه مين دا كانت الشرطه بتاعته بقياده العادلى اسوء شرطه فى تاريخ مصر وسبب اساسى لنكسه يناير وكانت بتعقد صفقات مع الاخوان على حساب امن البلد وخلاهم يسيطروا على مصر اقتصاديا وتعليميا زى السرطان مقابل الحفاظ على الكرسى وتمرير التوريث وكانت الانتخابات بتاعته مبينزلهاش 5 مليون على بعض وكانت بتتزور من الشرطه فى قلب اللجان
حذاء السيسي اشرف من مبارك وداعميه الفسده زوى الكروش
مبارك استلم الجنيه ب 40 قرش وسلمه ب 8 جنيه وكان بيدعمه كمان ومكانش سعر حر يعنى انهيار 1000% على مدار 30 سنه بلا اى شىء ولا مقابل ولولا حرب الخليج واشتراكه فيها مقابل اسقاط ديون مصر الى كانت 43 مليار دولار بما يوازى 100% من الناتج المحلى وبلا اى احتياطى كانت مصر افلست فى عهده
حريه مين دا كانت الشرطه بتاعته بقياده العادلى اسوء شرطه فى تاريخ مصر وسبب اساسى لنكسه يناير وكانت بتعقد صفقات مع الاخوان على حساب امن البلد وخلاهم يسيطروا على مصر اقتصاديا وتعليميا زى السرطان مقابل الحفاظ على الكرسى وتمرير التوريث وكانت الانتخابات بتاعته مبينزلهاش 5 مليون على بعض وكانت بتتزور من الشرطه فى قلب اللجان
حذاء السيسي اشرف من مبارك وداعميه الفسده زوى الكروش
التعديل الأخير:
اهلا بيك يا استاذ عمر في المنتدى
بس لو حضرتك مش عارف ايام مبارك حصل تعويم للجنيه فقد فيه ٣٠٠٪ من قيمته بين ١٩٩٠-١٩٩١ بجانب أن الاحتياطي الأجنبي كان صفر سنة ١٩٩٠ ولولا إلغاء الديون بما يتجاوز ٤٣ مليار دولار وقتها ~ ١٠٠ مليار دولار انهاردة واكتر من ١٠٠٪ من الناتج المحلي كنا روحنا في داهية
والله ايام كانت افضل مش مصدقني اسمع كلام الرئيس السيسي اللي قال لولا 25 يناير ماكنش حد قدر يبني سد علي النيل وقال في 2014 كان المفروض الناتج القومي يوصل 400 مليار دولار مكناش هانقترض كل دة ثم كل شوية تقارونو الرئيس الحالي بالرئيس مبارك طيب ما تقارن مصر بالدول اللي جنبها لا لازم نقلل من اللي فات ونلتزم الحكمة والادب مع اللي بيحكم حاليا انا سبحان الله مش كدا لو بكرة الصبح السيسي مشي عمري ما هاقلل من اللي عملة لانه خلاص مشي بقي ماضي بلاش حجج الناس كلها تعبانه
حكم مبارك كان رشوي ودلوقتي حكم ملائكي مثلا ! وفين بلا بنية اساسية انت عارف هو استلم مصر ازاي مين عمل مترو الانفاق ومدن جديدة الجنية كان سعره مناسب لكل الناس اة كان فيه حرية عن الايام دي بكتير وكان في انتقاد في الصحف للرئيس واسرته مصر ايام مبارك كانت بتعمل معدلات نمو السيسي بيعمل نصها بالعافية الانتخابات سواء ايامة او حاليا الدولة هي اللي بتحشد الناس وشوف الجامعات والمصالح الحكومية بتلم الناس ازاي ثم اسقاط الديون ومالة ما انت اخدت 40 مليار دولار من الخليج والله غير الواديع والسلف حذاء السيسي مش بيمسكة الا اللي بيطبوا وبيعملو منه ايقونة ماينفعش تقرب منها مع اني متاكد انه اول ما يمشي هاتقول نفس الكلام لما هاتقارن اللي جه بعده بالسيسي وهايطلع السيسي خاربها بس طبعا بعد ما يكون رحل بقي دنيا مابتدمش لحد
اكيد معرفش حضرتك شخصيا عشان اكدبك أو اصدقك
انا بكلم حضرتك بالحقائق فقط
مثلا السد كنا ممكن نتجنبه للابد لو مبارك لم يهمل افريقيا بشكل مبالغ فيه أو ع الأقل موقتا لو عمل انتخابات مبكرة بدل الثورة
مثلا الناتج المحلي اتضاعف مقارنة ب ٢٠١٠
برضومكانش هتبقى نسبة العشوائيات بالشكل الرهيب اللي حاليا أقل من ١٪
ولو هنقارن مصر بالدول اللي جنبنا..مين؟ ليبيا ولا السودان ولا غزة ولا سوريا ولا الاردن ولا تركيا ولا العراق ولا اليمن ولا ماتبقى منهم؟
وطبعا الناس تعبانة بس في العالم كله لو مش عارف وايام مبارك مش احسن خالص..احنا ديما بنبص على اللي مش في ادينا ونتضايق..مثلا الماضي كان احسن..اي مكان برا مصر احسن..اللي مش مخلف مش مرتاح واللي مخلف مش مرتاح وهكذا..الانجليز علمونا التذمر زي ماعلمونا نشوف نفسنا أقل وهكذا
صعب تتجنب الازمة كانو هايبتزوك وبردوا لو حسوا بضعفك هايبنو لانه صراع قوة هو معتقد ان المياه حقة ولازم يبعها ليك مهما عملت هي قناعته والموضوع من الستينات في عز تقرب عبد الناصر منهم كانت خططهم واضحة
طبيعي في 10 سنين الناتج القومي يتضاعف بس هل ما يتم اعلانه من ارقام حكومية حقيقي ؟
العشوئيات اكيد نتيجة لعدم قدرة الدولة علي بناء مساكن لكل الفئات وهي تحسب للسيسي
لولا تنحي مبارك سلما عن السلطة كانت مصر بقيت زيهم الفضل لله ولمبارك وغيره من رجال مصر الاوفيا ومنهم السيسي
لا ايام مباك كانت احسن اسال اي حد في البلد من العامل لصاحب الشركة انت ليك راي تاني يحترم انا مش ضد السيسي انتخبته مرتين والتالتة لانه مقدمش حل بالنسبالي ولا بقول ايام مبارك كانت او ماكنتش بس انا ضد فكرة شيطنة اللي قبل الباشا الحالي علي فكرة ايام مبارك كان الكلام علي فساد السادات وايام السادات الكلام كان علي فساد عبد الناصر وايام عبد الناصر الكلام كان علي فساد الملكية كفاية تطبيل بقي السيسي لو مقدمش جديد يغور في ستين داهية والناس هاتطلع تاكله في الشوارع والجيش هايقولة روح انما فكر ة اصل الرئيس مش مسئول امال انا اللي مسئول مثلا !
جد جدا ...امال انا ناوي أسافر من شوية ؟
اعذرنى أن المقارنة بشكل عام كده خاطئة بكل الاشكال فى أيام مبارك وايام السيسى
التلانين سنه ايام مبارك كان أكبر حدث حصل فى العالم العربى هو العراق
إنما من قبل ما السيسى يكون رئيس من أساسه العالم العربى كله كان فى حاله فوضى وزادت وتصدرت مشكلها للعالم وبالطبع مصر وكانت مطلوب أنها تكون زى سوريا أو ليبيا أو اليمن أو اى دولة سقطت
نضيف عليها ما حدث من جماعة الاخوان الارهابيه وما حدث فى سيناء والحرب من العالم على ما حدث ومازال مستمر من إشاعات لضرب الاقتصاد
ولا تنسى الوباء اللى اثر أيضاً على العالم كله وانت ليس بخارج العالم
واخيرا ما يحدث من حرب إسرائيل على الفلسطينيين
وضرب السفن فى البحر الاحمر
اعتقد اى مقارنه لازم يتم وضع الظروف المحيطة فى الحساب
وده كان ينطبق على عبد الناصر والسادات حتى لو فى أخطاء.
إنما الرئيس محمد حسني مبارك كان اكتر مده للرئاسه مستقره.
وايام مبارك كان في حرب العراق وانتفاضات فلسطين وارهاب في سينا وحصار ليبيا وقرصنة الصوامليين للسفن في البحر الاحمر والازمة المالية العالمية في 2008 وغزو الكوت والحرب العراقية الايرانية وحرب اهلية في لبنان وسوق الاتحاد السوفيتي وهيمنة امريكية مطلقة يعني هو بردوا كانت قدامة تحديات كبيرة
طب ماحضرتك بتلوم على السيسي في انه متجنبش السد
طبيعي ليه..مش احنا دولة فاشلة؟ النمو دا من الهوا؟ ولا مشاريع وشغل وتعب؟
لو كان عملها بدري كان بقى حالنا افضل بمراحل
معاك في موضوع الشيطنة طبعا..لكن مش عشان حد بياخد الموضوع اقصى اليمين تاخده لاقصى اليسار..ولا ايه؟
حضرتك بتقارن حرب العراق وإيران
زى حرب اوكرانيا وروسيا دى تعتبر حرب عالمية
بتقارن الحرب العراقية ضد الكويت اللى العالم كله بما فيها الدول العربية ، بتدمير العالم حولك حالياً
الحرب الوحيدة اللى الناس حست بها هى الكويت وخصوصاً فى مصر بسبب العاملين فى الكويت من مصريين
إنما ده يقارن بما يحدث من كل الاحداث التى مجرد أن تبدأ يتم إشعال منطقه اخرى
حضرتك قلت انك انتخبت الرئيس مرتين والتالته على ما وصلنى من كلامك لأ
واخبار غزه ايه هل من المنطق أن رؤية الوضع الحالى يكون منصب فقط على الحال الداخلى وانسى ما يحدث حولى
وهل انتفاضة الأقصى كانت إسرائيل ردها وبعض الدول هو تهجير الفلسطينيين إلى مصر
الناس اللى نزلت ومن كلام الرئيس علشان اللى بيحدث حولنا وخصوصاً غزه لو المسائله بسيطة أو زى تحديات ايام مبارك مش كان الناس أصبحت أقل من هذا العدد
اما بالنسبة للصومال ده خارج البحر الاحمر وليست صواريخ تستهدف السفن وتجبرها على تغير المسار
وتحالف من دول الغرب وامريكا على رأسهم تعسكر البحر الاحمر.
ولا كان فى ضرب على شرم الشيخ ولا دهب زى ما هو حاصل حاليا
اما بالنسبة للإرهاب ايام حسنى مبارك مش كان بقى افضل إنهاء المجموعات الإرهابية بدل ما يتم صفقه ويكونوا لهم وجود وصل لكل مكان فى الدولة
والحرب الأهلية في لبنان تقارن بالحرب على حدودى فى السودان وغزه وليبيا.
محتاج نظره حولك من جديد المنطقة فى أقصى درجه من الاشتعال ونحن هنا ربنا سترها معانا
بص هو لولا ٢٥ يناير مكانش الرئيس السيسي وصل أصلا
لا كان هيبقى فيه حياة كريمة ولا اعمار لسيناء ولا محطة نووية ولا قطار سريع ولا شبكة الطرق والكباري ديه ولا تطوير للموانىء ولا مشروعات طاقة متجددة ولا حقل ظهر ولا اي حاجة ولا رافال ولا مسترال ولا اي تسليح للجيش المصري خارج المساعدات الأمريكية
بس الضرر الوحيد هو انك كمصر خسرت ايرادات السياحة خلال سنوات الاضطرابات من ٢٠١١ وديه مبالغ ضخمة نتج عن خسارتها استنزاف احتياطي النقد الاجنبي وده جزء من أزمتنا الحالية
طبعا ضرر اللاجئين اللي توسعت مصر في استضافتهم في عهد الرئيس السيسي ده لوحده كفيل يوقع البلد
دخلنا الدولار المزور والمجمد والمخدرات والإرهاب والبطولة للسوريين
والفلسطينيين وقت حرب الإرهاب في سيناء واللي هى نتيجة لسنوات حكم مبارك وتساهله معاهم
انتفاضات فلسطين كلها لا تقارن بحرب غزة اليوم أصلا في فترة حكم الرئيس السيسي حصلت اكثر من ازمة بين الفلسطينيين واسرائيل ومصر عرفت تلمها بس المرة ديه الموضوع تاريخي
غير ان مصر أصلا كانت بتخرج من كل ازمة مع الفلسطينيين اقوى دوليا امام العالم ودائما بيكون مفتاح السلام مع مصر
قراصنة الصومال مجموعات صغيرة لا تقارن بالحوثي اللي معاه صواريخ ودعم من ايران + ان ديه ازمة جديدة لا تزال آثارها مستقبلية
غزو الكويت له ضرر على مصر وشق إيجابي وهو دفع ديون مصر الخارجية اللي كانت وصلت لمرحلة ازمة ايام مبارك
ضرره على عودة العاملين المصريين في العراق وبالتالي خسارة مصر لتحويلاتهم الدولارية
الحرب الإيرانية العراقية ملهاش تاثير وقتها كانت مصر بتنتج مليون برميل نفط ودولة مصدرة للنفط يعني كانت جاية مصلحة غير بيع السلاح للعراق
حرب اهلية في لبنان هو ايه تاثير لبنان على مصر 😃
سقوط الاتحاد السوفيتي ده تاثيره إيجابي مش سلبي على فكره وكانت فرص ضائعة مبارك مستغلهاش أصلا مصر كانت في الحلف الأمريكي ومبارك مستفادش لا من تحالفه مع امريكا قبل سقوط السوفيت ولا بعده اقتصاديا
هيمنة أمريكية مطلقة طيب هو احنا دلوقتي مش في هيمنة أمريكية 😂 الازمة المالية في ٢٠٠٨ كانت من اسباب سقوط مبارك أصلا بتأثيراتها الاقتصادية السلبية والحرب الوحيدة اللي ضرت مصر هى حرب غزو العراق ٢٠٠٣ اما احداث ١١ سبتمبر فمكانش لها تاثير علينا
ديه احداث خلال ٣٠ سنة
السيسي ١٠ سنوات شاف فيهم العجب العجاب بصراحة
حرب روسيا واوكرانيا حرب غزة سقوط ليبيا وضياع مليارات تحويلات العاملين فيها حرب اهلية في السودان وموجات لجوء كارثية من السودان وسوريا واليمن حرب اقتصادية من الاشقاء الخلايجة فيروس عالمي يعطل العالم كله ويدمر سلاسل التوريد اثيوبيا وسد النهضة حرب على الإرهاب في سيناء وحادث الطائرة الروسية واخيرًا الاحداث الحالية
بمعدل كل سنة ازمة ولا اثنين عالمية والراجل شغال
كلام مرسل ومضحك ومنفصل عن الواقع مدن جديده كلها عشوائيات وزريبه اسوء من الخرابات معدل النمو كان معظمه بيروح لجيب رجال الاعمال بتاع الحزب الوطنى الفاسد زى احمد عز وصفوت الشريف وزكريا عزمى ولا يعود للشعب المصرى ومترو انفاق كان خرابه وعربيات زباله وحريه اعلام وانتقاد مين دا الى بيتكلم حبيب العادلى كان بياخده عند فرج وسبب اساسى لنكسه يناير هو القمع والاعتقال وممارسات التعذيب بسببه وال 40 مليار دول معظمهم كان فى صوره بترول ومواد بتروليه مش فلوس كاش يا حبيبى وكلها بسبب مبارك الفاسد الى قعد 30 سنه متمسك فى الحكم لحد ما قامت عليه ثوره بسبب ممارساته هو ووزير داخليته انا غلطان اصلا انى بتناقش مع واحد من انصار مبارك الفاسد الى كان بينصص مع الاخوان فى صفقات مقابل الحفاظ على السلطه وتمرير التوريث
اما التطبيل فمفيش اكتر من معرضى ومطبلى مبارك ويا ريته يستاهل شخص فاسد كسول فاشل خرب مصر طوال 30 سنه كان كل همه الكرسى والسلطه وتمرير الحكم لابنه
السيسي افضل من حكم مصر من ايام محمد على بلا اى جدال
اما التطبيل فمفيش اكتر من معرضى ومطبلى مبارك ويا ريته يستاهل شخص فاسد كسول فاشل خرب مصر طوال 30 سنه كان كل همه الكرسى والسلطه وتمرير الحكم لابنه
السيسي افضل من حكم مصر من ايام محمد على بلا اى جدال
التعديل الأخير:
مبارك مشي خلاص هاطبلة لية دة حتي مات كمان
انت شايف ان مبارك وحش انا موافق السيسي هو اللي بسكر مثلا
فعلا انت غلطان انك بتتناقش معايا اصلا اللي زيك اسيادنا رضيين عليه
وطبعا مبارك فاسد وكسول بدليل ان القيادة العامة للقوات المسلحة نعته بعد وفاته والرئيس الطاهر مشي في جانزته العسكرية لا وعزا جمال مبارك بطل العالم في التوريث
ثم بالمناسبة الرئيس السيسي قال كل المشروعات دي تم تخطيطها ايام مبارك تخيل الرجل الفاسد دة كان بيخطط
بتتكلم عن السجون ايام مبارك ودلوقتي والله مافيش فرق غير ان عدد المسجونين هو اللي زاد د بس
شخص فاسد وكسول طيب انا عندي فيدو للرئيس السيسي وهو بيقول ستبقي راية مصر خفاقة دائما تحت قيادة ابنها البار محمد حسني مبارك
بعيدا عن كل دة انا بدات المشاركة بطلب بسيط تغيير السياسات الاقتصادية لا جبت سيرة مبارك ولا اي حد فجاة كدا حضرتك اتكلمت عن مبارك الشماعة بتاعة الدولة من ايام 25 يناير رغم انه مشي من 14 سنة متخيل يا مؤمن 14 سنة وانتم لسة بتحمولة المسئولية رغم ان كل الناس في الشارع بتترحم عليه ماعدا امثالك طبعا من اللي عمرهم ما هايترحموا علي اي رئيس هايمشي ابدا
نعوه والسيسي مشى فى جنازته تقديرا فقط لدوره فى حرب اكتوبر انما هما ماكانوش طايقينه اصلا وهو عايش وكان فيه خلافات دايمه بين طنطاوى والحزب الوطنى ورجال الاعمال الفسده لانهم شايفينه كان خارب الدوله وسايبها لرجال الاعمال الفسده ولابنه وامه سوزى ومقزم مصر وشاللها وخارب الجيش والشرطه ومؤسسات البلد
مفيش مناسبه الا والسيسي بيلقح على حكم مبارك انه كان فاسد وفاشل وخارب مصر وسايبها خرابه
المشروعات دى تم تخطيطها بواسطه وزراء شرفاء قله ومحترمين مش بسبب مبارك ولا ابنه ولا رجال اعماله الفسده وخصوصا كمال الجنزورى
ومفيش اسهل من التخطيط لكن ما اصعب التنفيذ والى نفذ السيسي وبالتالى السيسي له العرفان والجميل والفضل الكامل
ومفيش اى تغيير فى السياسات الاقتصاديه بالعكس هايتم الصب فى المصلحه اكتر واكتر والشعب عاجبه وانتخبه ب 39 مليون صوت لان مفيش مسكنات فيه معالجه من الجذور للمشاكل الاقتصاديه
مفيش حد بيترحم على عصر مبارك الا اصحاب الكروش والفسده والى عايزين مسكنات ومصالحهم الشخصيه والاخوان الى كانوا عايشين فى ميه البطيخ فى عهده
مفيش مناسبه الا والسيسي بيلقح على حكم مبارك انه كان فاسد وفاشل وخارب مصر وسايبها خرابه
المشروعات دى تم تخطيطها بواسطه وزراء شرفاء قله ومحترمين مش بسبب مبارك ولا ابنه ولا رجال اعماله الفسده وخصوصا كمال الجنزورى
ومفيش اسهل من التخطيط لكن ما اصعب التنفيذ والى نفذ السيسي وبالتالى السيسي له العرفان والجميل والفضل الكامل
ومفيش اى تغيير فى السياسات الاقتصاديه بالعكس هايتم الصب فى المصلحه اكتر واكتر والشعب عاجبه وانتخبه ب 39 مليون صوت لان مفيش مسكنات فيه معالجه من الجذور للمشاكل الاقتصاديه
مفيش حد بيترحم على عصر مبارك الا اصحاب الكروش والفسده والى عايزين مسكنات ومصالحهم الشخصيه والاخوان الى كانوا عايشين فى ميه البطيخ فى عهده
@AHMED LABEB @AMR MOHAMED EG
صلوا على النبي يارجالة
مبارك ماكنش خاين بس كان سايب البلد محلك سر بيأكل و يشرب و سايبها على حالها عشوائيات على عدم تطوير على كل شئ نتخيله
بس الحياه في عهده للمواطن كانت أسهل بس مش أحسن حاجة من صعوبة تنقل بسبب تردي الطرق و حوادث القطارات و خلافه بالنسبة مثلآ للي كان ممكن يحصل لو نفذ عالاقل مشروع الموانئ بدل ماسابه راح للأمارات
و السيسي مش فاشل بس التركة اللي اتسابت تقيله و التطوير بياخد من اللي بيتصرف على باقي نواحي الحياة
زي مثلآ لو قاعد في شقتك بحالها القديم التعبان و بتصرف و تاكل و تشرب كويس مش هيكون زي الكام شهر اللي هتقرر فيهم تجددها و تبيضها و تجيب عفش جديد ساعتها هتضطر تتقشف في الملابس و الطعام و خلافه
الخلاصة يا أستاذ عمرو أنا متفق معاك في الحال الصعب و كتبت ده في بداية خلافكم سوا بس الوضع الحالي مؤقت و نتحمله كلنا و إن شاء الله الوضع يتحسن و نبدأ نحس بفوائد كل المشروعات اللي اتعملت,
و بالمناسبة اي دولة عايزة تتحول لقوة حقيقية بتمر بالفترة دي و ارجوك راجع تجارب الصين و كوريا الجنوبية هتلاقيهم عدت عليهم فترات أصعب خصوصآ الصين اللي هي حاليآ قوة عظمى بتهدد عرش أمريكا.
تحياتي ليكم
صلوا على النبي يارجالة
مبارك ماكنش خاين بس كان سايب البلد محلك سر بيأكل و يشرب و سايبها على حالها عشوائيات على عدم تطوير على كل شئ نتخيله
بس الحياه في عهده للمواطن كانت أسهل بس مش أحسن حاجة من صعوبة تنقل بسبب تردي الطرق و حوادث القطارات و خلافه بالنسبة مثلآ للي كان ممكن يحصل لو نفذ عالاقل مشروع الموانئ بدل ماسابه راح للأمارات
و السيسي مش فاشل بس التركة اللي اتسابت تقيله و التطوير بياخد من اللي بيتصرف على باقي نواحي الحياة
زي مثلآ لو قاعد في شقتك بحالها القديم التعبان و بتصرف و تاكل و تشرب كويس مش هيكون زي الكام شهر اللي هتقرر فيهم تجددها و تبيضها و تجيب عفش جديد ساعتها هتضطر تتقشف في الملابس و الطعام و خلافه
الخلاصة يا أستاذ عمرو أنا متفق معاك في الحال الصعب و كتبت ده في بداية خلافكم سوا بس الوضع الحالي مؤقت و نتحمله كلنا و إن شاء الله الوضع يتحسن و نبدأ نحس بفوائد كل المشروعات اللي اتعملت,
و بالمناسبة اي دولة عايزة تتحول لقوة حقيقية بتمر بالفترة دي و ارجوك راجع تجارب الصين و كوريا الجنوبية هتلاقيهم عدت عليهم فترات أصعب خصوصآ الصين اللي هي حاليآ قوة عظمى بتهدد عرش أمريكا.
تحياتي ليكم
- الحالة
المواضيع المشابهة
