يعني انت شايف كده اننا نعمل تحديد للنسل ب ٢ وكفاية ؟
-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
لمواجهه الزيادة السكانية . السيسي -اللي هيتجوز ملوش بطاقة تموين
- بادئ الموضوع برومثيوس
- تاريخ البدء
شوف يا سيدى ممكن يكون التصريح للتخويف انت عارف احنا شعب بيعشق الفصال فلازم إبدأ معاك كده علشان أوصل معاك لتلاته أو اربعه
- إنضم
- 21 نوفمبر 2021
- المشاركات
- 2,305
- مستوى التفاعل
- 9,479
- النقاط
- 18
- المستوي
- 2
- الرتب
- 2
خلفة اتنين دا بيطلق علية معدل الاستبدال يعني لاهتذيد ولا هتقل وتعدادك هيفضل في نفس الحجم .التالت دا يعني 2.5 مليون طفل ذيادة يعني بعد مكنت 100 مليون في فبراير 2020 بقيت 105 في ديسمبر 2021
سؤال هنا هل احنا بنواجهه خطر انقراض مثلا علشان نزيد العدد دا كلة
سؤال هنا هل احنا بنواجهه خطر انقراض مثلا علشان نزيد العدد دا كلة
- إنضم
- 18 نوفمبر 2021
- المشاركات
- 6,668
- مستوى التفاعل
- 32,814
- النقاط
- 28
- المستوي
- 6
- الرتب
- 6
أه طبعا لحد أما المرتبات تزيد وربنا يكرم الناس وبعدين أفتح الثالث
الموضوع مش قرأن يعني فيه مرونة 20 سنة ثبته أنهض وأفتح بعد كده واحد
وفي الفترة دي اللي يخلف أكتر من 2 يشيل شلته يعني لا تعليم مجاني ولا مستشفي مجاني ولا غيره
بالمناسبة السيسي نفسه مخلف 4 يعني هو بالأجراء ده بيناقض نفسه
ممكن يبقى تموين الي بيخلف فوق الاتنين
بدل الزيت والسكر يبقى دوا 😉😉
اتمنى أن يكون هذا مؤشر على البدء جديا فى تطبيق سياسة الطفلين (Two child policy) و هى مطبقة فى العديد من دول جنوب شرق اسيا .... مضمونها مع اختلاف التفاصيل انه لو خلفت أكتر من طفلين أنا كدولة معرفكش ...... خد عندك الغاء اعفاءات ضريبية - الغاء دعم على السلع التعليم و التأمين الصحى - أفضلية فى التعيينات للملتزم - الفصل من الوظيفة عند تجاوز العدد .... الخ .........يعنى مش هنقول تعقيم اجبارى للأمهات بعد ولادة الطفلين زى ما الصين كانت بتعمل فى سياسة طفل واحد
كانوا بيعملوا كده والناس بتاخد الحاجه مجانا يطلعوا الستات يكلموا بعض والرجاله تكلم الشيوخ قوم ايه يرمى وسائل منع الحمل وكانك معملتش حاجه أصلا
طز فالتموين
هيربطلي التموين بالجواز
أنا داخل على خطوبة يا ناس هيوقفهالي بالتموين!!
هيربطلي التموين بالجواز
أنا داخل على خطوبة يا ناس هيوقفهالي بالتموين!!
يا سيدى قادر على الجواز وطلباته ربنا يوفق بس اعقلها وتوكل
الله ينور عليك .... الصين بدأب بسياسة طفل واحد ثم طفلين و مؤخرا سمحوا بتلاتة
هو الصراحة موضوع الجواز دا مقفل من نواحي كتيييير وجزء كبير في الموضوع دا من الثقافة الشعبية والمغالاه ....فاكيد الدولة مش هتدي كل شاب نص مليون عشان يتجوز ....وفي نفس الوقت موضوع المرتبات دا هياخد وقت محترم عبال ميبقي مناسب
وزي منت بتقول انت مترمط وبتحاول تطور من نفسك وتشتغل كذا شغلانه ( الواقع يا تلاقي ناس متفهمه تديك بنتهم وترضي بيك بدخلك وقدراتك يمنتش متجوز غير لما شعرك يبيض وسعتها اصلا هرموناتك هتكون هبطت والجواز مش هيكون اولويه زي دلوقتي بالنسبه لك)
- إنضم
- 18 نوفمبر 2021
- المشاركات
- 6,668
- مستوى التفاعل
- 32,814
- النقاط
- 28
- المستوي
- 6
- الرتب
- 6
متوقفش حياتك ده مش مطلوب أعقل الموضوع أنا متجوز بقالي سنتين ولسه مخلفتش رغم أني دخلي كويس الحمد لله
الموضوع مينفعش جواز = خلفة هو أمتحان ولازم أخلف
العقل كويس يا أخونا أتبسط سنتين 3 سافر ولف وأخرج وأشتري اللي نفسك فيه بعدين خلف واحد وأصبر شوية حلويين ربيه كويس بعدين ربنا يرزقك بالتاني وكان الله بالسر عليم
حتي تعرف تقضي معاهم وقت وتربيهم وتشاركهم كل حاجة
بص هو اكيد في ناس كمرحلة انتقالية هتتطحن في النص ودا للاسف لازم يحصل مع اي تغيير
الدولة مبقتش قادرة توفر تعليم وعلاج مجاني للعدد دا كله .....زمان كانت بتوفر وظيفة كمان دلوقتي مفيش لان الاعداد كبيرة والاماكن محدوده ....فلازم تغيير ثقافي بسرعة لاننا كدا مش هنقدر نوفق نسب النمو الاقتصادي مع السكاني وهنفضل طول عمرنا دولة فاشله
لما الناس مستواها المعيشي والتعليمي والثقافي يزيد نبقي نبحبحها لكن كتير وجهلة والاماكن محدودة والامكانياتمحدوده متوقع ازاي الافراد دي هتكون مفيده وازاي الدولة هتخليهم ينفعوا نفسهم اولا ثم بلدهم ثانيا!!!!!!
@IOM&IOT علي فكره كلنا في الهوا سوا انا طالب جامعي برضه في اخر سنة ومش عارف هطلع اشتغل ولا لا اصلا مهو زيي كتييير والسوق متشبع ومعنديش ورث يوقفني علي رجلي واتجوز بيه او افتح مشروع منه يعني لازملي وظيفة.......بس الواقع مر وعشان كدا مكبر دماغي الثقافة اصلا الشعبية هتمنعني اتجوز حتي لو مرتبي 15 الف لان معنديش راس مال اشتري شقة ....يبقي بلاها خالص وفي زيي كتير زمايلي بس كل واحد ودماغه
- إنضم
- 21 نوفمبر 2021
- المشاركات
- 2,305
- مستوى التفاعل
- 9,479
- النقاط
- 18
- المستوي
- 2
- الرتب
- 2
كلية اية
انت نفس حالي بس بفكر أنا الي أجيب كل حاجة حتى الجهاز هدي للعروسة 40 أو 50 ألف تجيب بيهم لوازم البيت والباقي نكمله بعد الجواز
ودا هيحصل لو اخترت عيلة محترمة مبتبصش لبرا وبتقدر
- إنضم
- 18 نوفمبر 2021
- المشاركات
- 6,668
- مستوى التفاعل
- 32,814
- النقاط
- 28
- المستوي
- 6
- الرتب
- 6
أن شاء الله تلاقي شريكة حياتك اللي تعوزك وتقفوا جنب بعض
نصيحة من أخوك الكبير لو أتعرفت علي حد وأتكلم معاك في فلوس متكملش وأخلع
يا رات الفلوس كانت بتجيب السعادة في مصر بص نسب الطلاق عاملة أزاي, السبب مش الفلوس السبب الثقافة دور علي Compatibility قبل أي حاجة تانية
محدش فينا يقدر يرد علي السؤال دا لانه ليه ابعاد كتير وحسابات كتير
المواضيع المشابهة
