معاك فى كل اللى انت بتقوله بس هقولك فكرة لو قامت حرب هتيجى على الغلبان بس والشعب كله هيكون فيها
بلاش الحرب لو عاصفة قامت هتختار الغلابه بس ولا كل اللى فى الطريق
طبعاً الكلام اللى بقوله مينفعش يتقال لانه ليس له علاقة
ولكن لو جه أشخاص أخطأت في حق البلد اللى شال المشاكل الأجيال الموجوده بالكامل ممكن تقول فى ناس هايسه وناس لايسه بس اللى عايز اقوله أن الكل مفشوخ بنسب مختلفه وكله شايل على اد حجمه
و المطحون مش نناقص طحن زياده بس لازم نصبر علشان الوضع يبقي احسن هو ده اللى بحاول اعمله عن نفسى بقول بكرة اكيد هيكون احسن
وعلى فكرة ابقي مطحون بس مكونش مريض
طول منا واقف على رجلى وربنا سترها معايا يبقي فى امل
وربنا يصلح حالى وحالك وحالنا جميعاً
على فكرة كل الناس مستواها نزل أتأكد من كده بس زى ما قلت كل واحد وحجمه والمستوى اللى كان فيه أصلا بس فى حاجات اتحسنت مثلا اللى بيتعمل أو يصاب فى الشغل اللى انا فيه كنا زمان بنروح المستشفى مابيكونش فيها حاجه خالص غير جهاز الأشعة انهارده بتلاقى علاج وخيط جراحى وكل طلب كنت بنطلع نجيبه من بره المستشفى يبقي فى تحسن.
النور كان بيقطع ايام حسنى مبارك فى المناطق الريفية وده كلام العمال اللى بتشتغل كان بيحصل عندهم كده دلوقتي مابيحصلش الا لو عطل
المياه والصرف الصحي ولا وصف اقدر اوصفه بعد التخلص من فكرة الترنش وجرارات شفط المجارى
المياة النظيفة وتوصلها للقرى
محطات مياة جديده
مستشفيات اتعملت جديده
مدارس فى قرى
طرق
زمان كنا بمدفع للدولة وندفع للموظف علشان يخلص ومافيش خدمات والدولة بتتسرق
دلوقتي في حاجات اتغيرت ولسه بتتغير
أن شاء الله البلد هتكون احسن بس نصبر معلش أن كررة الكلمة تانى
التعديل الأخير:
