بأمانة الراجل ده نجدة للبلد والله
حقيقي جه نجده للبلد في وقت احنا وصلنا فيه للقاع في كل شيء حرفيا كل شيء
الراجل ده حريص علي التراث والهوية المصرية اكتر من اي حد حكم مصر في العصر الحديث
علشان كده بقول مستحيل إزالة المنطقة كلها دى اغلبها تراثية فى بيوت ومساجد فيها مبنيه بحجارة من الاهرامات اعتقد هوا فهم غلط
الخبر اهو هو بيشيل علشان
مش هيهد مثلا مسجد ابن طولون ولا القلعة
زى ما بقلك فى سوء فهم منك راجع البيانات الى بتنشرها ومتلبسش الراجل فى الحيطة🤣 المنطقة دى اغلبها شوارع تجارة مصر التاريخية يعنى تحافظ عليها زى عنيك لما يجى حد يقلك هشيلها علشان شكلها وحش قلو انت مبنفهمش حاجة
والى جمبها القاهرة الخديوية محدش يجى جنبها كمان علشان قيمة جدا فى تاريخ مصر 🤣
حبيبي الكلام دا لسة علي لسانة النهاردة
كتير انت تعرف ان دولة زى قطر والإمارات واسرائيل كانو بيفكو بلكونات المناطق دى ويبعتوها مفككة على بلادهم علشان بيحضرو معارض إسلامية ليها فى المستقبل فيها بيوت كتير معمولة بنظام المشربية وابواب البيوت دى بتتسرق من تجار الآثار علشان فى مشكلة فى القوانين عندنا ان أماكن كتير لم يتم تسجيلها كأثر
مهو انا مش هسجل كل مبني سكني قديم ايل للسقوط كاثر
لو قدرنا نوصل نصيب الفرد من الناتج المحلي ٨ : ١٠ الالف دولار الشعب هيحس بفرق كبير ... هتبقي في نفس مستوى تركيا تقريبا
يا رب نوصل للرقم ده في خمس سنين يا رب
لا انا اقلك اصل الحكايه ايه اصل الحكاية ان جمال مبارك وشركاه كانو عاوزين يهدو المنطقة دى زمان وكان هيحولها لمنطقة فنادق بسبب ارتفاع سعر متر الأرض فيها فا تم اهمالها لوقت طويل وادعاء انها عشوائية وتم اخفاء الوثائق الى بتثبت اثريتها ولما كان جاى يعمل إزالة كان فى نائبة للمنطقة دى اسمها فايدة كامل كانت مغنية زمان مشهورة وقفت له وعملت له فضيحة على مستوى مصر بالى هوا كان عاوز يعملو واخفاء اوراق المناطق دى من السجلات وتوقف الموضوع خوفا على سمعة مبارك فى الوقت ده ووقف الموضوع سنين حاول بعد كده اكتر من باحث اثري توثيق الأماكن دى ومن ضمنهم أختى لان ده مجال دراستها ولكن الموضوع كان ديما بيقف وكان فى باحث فى جامعة القاهرة عرف يلاقى فى الحملات الى فاتت قبر مبنى عليه تاريخ دولة عربية شقيقة ورئيسها طالب مصر بايجادة طبعا حضرتك المفروض تكون عرفت هوا مين فى احد الحملات العشوائية تم إزالة القبر ده قبلها الباحث ده اتبح صوته على كل مستويات الدولة بإيقاف إزالة القبر دة وحصل تكتم كبير واتهدد كمان وانا طبعا مش هقول 🤣 والحمد الله اتحول لموقف ميكروباص كبير قد الدنيا 🤣
رغم اني شايف ان موقف المكروباص افيد من الخرابات الايلة للسقوط دي اللي معظمها مبني في القرن العشرين وبيطلق عليها زور وبهتانا اثر .بس وماله المبني اللي يستاهل يبقي وممكن يفيد نحافظ علية ونجدده كمان
هل تعلم الخرابه دى كانت لو تم تسويقها بشكل صحيح كانت ممكن تجيب لك حجم زيارات سياحية قد ايه بقلك تاريخ دولة بحالها قائم عليه وهوا احد مصادر فخرهم ده مبنى واحد من الاف المبانى الى كل واحد فيهم بيحكى حكاية دولة الناس الى شغالين فى الاوساط الأثرية هتتقهر التاريخ ده لا قدر الله لو تم احتلال مصر فى المستقبل ممكن مبنى من المبانى دى يرجع لك حقوقك كا مصري من اولاد العم زى الخرائط الأثرية الى استرجعنا بيها اجزاء كبيرة من سينا الى بدونها مش هيكون فى اى دليل يثبت ملكيتنا ليها حاجات تبان صغيرة بس فى تاريخ دولة زى مصر ضخمة جدا بس احنا من كتر ما احنا عندنا تاريخ بنتبتر على النعمة فى دول بتحفظ حاجات مبقلهاش 50سنة وبيقولو عليها اثار 🤭
