مرحبا بك يااخي .
اولا كويس متفقين في ما يخص الجزء الأول من ردك ودي حاجه كويسه .
بالنسبه للجيش هو انت ليه احتديت في الرد ، فاروق الفقي شخص ضعف وده استثناء مش الوضع العام لان كل الجواسيس فعلا مدنيين ولاينتمون للمؤسسه العسكريه يعني أشخاص عاديه جدا وده بحكم ان العسكري ممكن يقصر إنما في معتقده العسكري صعب يخون .
مين يافندم اتهم 90 مليون بالخيانه ،راجع مشاركتي لو سمحت وبعد كده رد .
الضرايب حالنا ك حالك وده شيئ مش جديد ،وموجود بكل الدول بس ممكن يكون بره المواطن بيحصل علي خدمات بجوده عاليه مقابل دفع الضرايب ،علي عكس احنا هنا بنحصل علي خدمات ممكن تكون دون المستوي المطلوب ،بس الوله شغاله علي الارتقاء برفع مستوي الخدمه سوا كانت صحيه او نقل او خدمات ذكيه او تعليم وغيره وده مكلف وهياخد وقت .
نقطة انك مش ملزم تقدم حلول ،خلاص العقل والمنطق بيقول ماتطلبش الارتقاء بمستوى الخدمه لان المواطن في كل دول العالم هو جزء من الحل ،وعلي فكره هو ده تعريف المعارضه المعمول به الانتقاد وتقديم الحلول .
انا مزعلتش من كلمين فهمتهم غلط والدليل اني اعتذرت لأخوي مربتاح صاحب المشاركه .
وغالبية الأعضاء المحترمين فهموا قصدي من المشاركه وخلص الموضوع .
وبعدين لو سمحت انا ماالزمتكش بشئ من ناحيتي ازعل مازعلش دي حاجه تخصني وماتخصش حضرتك في أي حاجه .
لان فعلا الموضوع ده حساس وعلي مستواي الشخصي اتاذيت منه كذا مره .
علشان لما حبيت أوضح بعض النقاط اللي فيها بعض مسببات المشكله ،كمشكله مجتمعيه ،كان رد احد الأعضاء ان يعني متحيز لنفسي وبدافع لمجرد الدفاع بس مخدش باله اني انا اللي ماسك النار بأيدي مش هو يعني مش هزايد عليه ولا علي نفسي ، قولت جزء من الاذي النفسي اللي شخصيا تعرضتله كذا مره ف مش صح ومش طبيعي ان شخص محسش الاحساس ده بيعارض وخلاص .
ومره اخيره اشكر كل الأعضاء اللي تفهموا وجهة نظري .
ولك ياصديقي حتي الاختلاف معك لايفسد العلاقه كوننا اخوه .
نتخطي اللغط ده وخلينا في الاسلحه افضل .
اشكرك .