في حاجه اجت في دماغي وسرحت وعمال افكر .
بإذن الله طبعا .
في حاجات عايز افهمها المفروض انها هتعمل طفره في العمله الصعبه .
زي مشروعات الهيدروجين الأخضر.
الربط الكهربائي مع العرب / ومع أوروبا.
زيادة رسوم قناة السويس.
مشروعات الصوبات الزراعيه ، اللاهون بالفيوم .
افتتاح المتحف الكبير .
مشروع استصلاح الأراضي توشكي والدلتا الجديده .
تصدير الغاز .
القطار السريع والمواني الجافه .
مصنع نيرك لصناعة عربات ومكونات القطارات .
السياحه .
المعادن اللي من الرمال السوداء .
تحويلات المصريين بالخارج.
صناعة الغزل والنسيج.
هنا متكلمتش عن عودة الأموال الساخنه اللي بتعمل لنا مشكله ،والاستثمار المباشر اللي انا مش ملم بيه .
المشروعات دي بالذات ركزت عليها لأنها مشروعات انتاجيه والمفروض انها هتزيد من دخلنا بالعمله الصعبه اي كان .
بس المشروعات دي دخلها كام وفي مده زمنيه قد ايه لو حد يفيدنا لان ده علي حسب فهمي ان هينقلنا نقله كبيره مش علي قد زيادة العمله الصعبه بس .
المشروعات دي غير المشروعات الاستهلاكية او البنيه التحتيه .
حاجه تانيه هل احنا ناويين نعمل احتياطي من العملات التانيه زي اليورو واليوان وغيره بجانب الدولار ولا ايه ده بجانب زيادة احتياطي الذهب .
ممكن حد يفهمني هي مجرد افكار اجت في دماغي .