مرحبا بك في منتدى الشرق الأوسط للعلوم العسكرية

[armr]

توقع مستقبلى

نفس سيناريو 2016 سيحدث مرة اخرى .....سينخفض الدولار تدريجيا ابتداء من نهاية 2023 بعد ان تدفق الدولارات من جديد لان انخفاض الدولار له ميزات مهمه جدا للحكومه.....
اولا....يخفض التضخم بصورة كبيرة مما يثبت الاسعار و يعطى المواطن الاحساس بالراحة وهو شئ مطلوب جدا بالنسبه للدولة
ثانيا....سيسمح بخفض الفائدة على الجنيه بصورة كبيرة مما يقلل من فاتورة خدمه الدين فى الموازنه العامه للدولة و يؤدى الى حدوث فائض اولى (كل 1% خفض فى الفائدة على الجنيه يخفض خدمة الدين ب 60 مليار جنيه سنويا ) بمعنى ان خفض الفائدة 6% مثلا معناه فائض اولى فى الموازنه 360 مليار جنيه
ثالثا...خفض الدولار يؤدى الى تحسين صورة الاقتصاد المصرى فهو يؤدى الى زيادة الناتج المحلى الاجمالى بصورة رقميه بدون اى زيادة حقيقية
مثلا لو الناتج الاجمالى لمصر ترليون جنيه و الدولا ب 10 جنيه .....اذن الناتج القومى 100 مليار دولار
اما لو انخفض الدولار ل 5 جنيه يتضاعف الناتج القومى الى 200 مليار دولار مباشرة

تحياتى

 

[EGY_RAFALE]

من فضلك, تسجيل الدخول أو تسجيل لعرض المحتوى !

الكلام حلو بس التنفيذ صعب ومستحيل ولا اسباب كثيرة عشان توفر احتياطى بالرقم دا لازم صادراتك وسياحتك تضرب فى السما ودا كلام مستحيل يتحقق فى 4 سنين من الاساس

 

[EGY_RAFALE]

من فضلك, تسجيل الدخول أو تسجيل لعرض المحتوى !

25 لو الامريكان مستمرين فى رفع الفايدة ولو البنك المركزى اتدخل لتثبيت السعر فى المستقبل كمان 3 سنين هيصحلنا زى اللى بيحصل النهاردة وهتهرب الاموال الساخنة تانى

عشان ينزل ل 22.5 او يثبت 23 محتاج 3 او 4 سنين زى ما كنت ماشى من سنة

 

[JOKer 88]

☝️☝️☝️

 

[OSORIS]

من فضلك, تسجيل الدخول أو تسجيل لعرض المحتوى !

لا يتحقق بسهولة ...لو ظلت مؤشرات السياحة والتصدير على نفس المنوال ٤ سنوات بلا انقطاع او توترات اضمن لك احتياطي بتعدى ٩٠ مليار دولار

 

[2000 amr]

عامه لازم ولابد ومهم للغايه ان تبقا في رقابه من نار علي الاسواق وتفعيل دور جهاز حمايه المستهلك لاقصي درجه وتغليظ العقوبات للتلاعب في الاسعار الفتره دي من اول المستوردين والتجار الكبار لغايه اصغر تاجر ومحل
خاصه في اي حاجه متعلقه بالمواد الغذائيه

 

[عزت]

من فضلك, تسجيل الدخول أو تسجيل لعرض المحتوى !

ومن امتى الحكومة عندنا راقبت أسعار

 

[2000 amr]

من فضلك, تسجيل الدخول أو تسجيل لعرض المحتوى !

عندك حق
بس المره دي غير
شريحه كبيره من الشعب مبقتش ملاحقه علي الغلاء الحاصل
فمينفعش فيها طرمخه زي كل مره

 

[IBRAHIM_EGYPT]

اموال ساخنة تانى اية اللى الناس بتتكلم عليها
هو احنا ما بنتعلمش
لو اتت كمكسب جانبي ماشي
انما تبقي اولوية يبقي بنطارد السراب تاني
لان مهما تعمل عمرك ما هتبقي اكثر جاذبية لها من امريكا "بلد الدولار ومطبعته"

الاساس هي موارد الدولار الاكثر ثباتا وامنا ودى اللى الدولة تقويها
مش استهدف اموال ساخنة وافرم البلد عشانها وفي الاخر الفيدرالي يرفع الفايدة من خلف المحيط
يدمرني انا في لحظة

مدبولي نفسه قال احنا اتعلمنا الدرس

 

[IBRAHIM_EGYPT]

من فضلك, تسجيل الدخول أو تسجيل لعرض المحتوى !

مين قال اننا هنبنى قوتنا الدولارية علي اموال ساخنة تانى اصلا
هو بعد الدرس اللي حصلنا
وخروج قرابة 20 مليار في 3اسابيع
هنكرر الموضوع الفاشل ده !

 

[صانع]

مساء dmc - تأثير قرارات البنك المركزي على استقرار الأسواق والأسعار خلال الفترة القادمة

دكتور مصطفى بدرة استاذ التمويل والاستثمار

 

[صانع]

عمرو أديب: كل ما اكلم تاجر يقولك احنا بنتعامل بالدولار 22–23جنيه..ليه رفعتوا الأسعار لما بقى بـ23؟

 

[صانع]

ايه سر ارتفاع بعض الاسعار رغم انهم كانوا بيتعاملوا بالدولار من شهور بسعره الرسمي النهارده؟

استاذ محمد الاتربى رئيس بنك مصر
ورئيس اتحاد بنوك مصر

 

[صانع]

اللي حصل ..تامر أمين يعلق على قرارات البنك المركزي اليوم تحرير سعر الجنيه مقابل الدولار

 

[عزت]

من فضلك, تسجيل الدخول أو تسجيل لعرض المحتوى !

اتمنى ولا اظن

 

[EGY_RAFALE]

من فضلك, تسجيل الدخول أو تسجيل لعرض المحتوى !

ومؤشرات السياحة من 2016 ل 2020 كانت كويسه كنت جمعت كام !
السوق السياحى المصرى قايم على السوق الروسى والاوكرانى ! اعفش وابخل سياح واوكرانيا بقت زى سوريا والعراق والروس قريبا عل خطى كوريا الشماليه فى العقوبات ناهيك عن خطوط طيران الاتراك اللى ماسكة النقل والتحكم فى السوق بتاعك !
كل فنادق شرم الشيخ لم تعد ترقى لتقييم 3 نجوم بشهادة وبتقرير من وزارة السياحة ! و5 او 10 فنادق على مستوى شرم كلها واخده تقييم الخمس نجوم !
عندك بدايل عن السوق الروسى والاوكرانى ؟ البديل حاليا هو الاسرائيلى هل دا هيضمنلك 90 مليار !

لازم تستثمر فى بنية السياحة وبنية الترفيه هل فعلا دا حصل فى شرم او الغردقة ؟ زى العاصمة

دبى فى يوم واحد بتصرف فيه زى ما تصرف فى شرم اسبوع شركاتك السياحية بتروح تجيب الانجليز فى الغردقة اسبوع واكل نايم شارب عريان سكران ب 300 جنيه استرلينى (دا ثمن تاكسى واكله فى فندق فى دبى فى يوم) عندهم بنيه تحتية جبارة بتخليه يعمل مليارات

احنا معندناش حاجة نصدرها الا المواد الخام وغاز وشوية صناعات خفيفة ومحاصيل الاولى اننا نقفل على نفسنا وكل اللى بنستورده نصنعه محليا ومصانعك لما تكون مدعومة من المستهلك الداخلى هيديها فرصة تصدر بكل اريحيه

فى منتجات فى مصانعك اللى بتتصدر الشعب مش بيلاقها او يشوفها فى اسواقها لما بيحصل دروب فى سوق التصدير المصنع بيفلس ويقفل لانه معتمد فقط على الخارج



كل مصانع الصين قامت فكرتها على الاهتمام بالمستهلك الداخلى وحققت ارضيه ثابته تبتدى تصدر كل دا هيوفرلك مليارات لازم تدى مصانعك افضليه منتجات BUDGET سواء تليفونات سيارات قطع كمبيوتر(زى الماوسات والكيبوردات والهاردات) ما يهسل صناعته وليس بتكنلوجيا معقده
ادوات المطابخ بدلا من استيرادها وهكذا لازم اضمن للمصنعين المحلين افضليه فى نقطة

 

[EGY_RAFALE]

من فضلك, تسجيل الدخول أو تسجيل لعرض المحتوى !

كام رئيس وزراء مسك قال نفس الكلام

9 مليار دولار دوول جايين سداد ديون وقمح مش جايين دعم صناعات محليه (صناعة لحوم الفراخ والبيض فى بلدك بتكلف 4.5ملياردولار علف لوحدها )

يا بيه يا محترم بلدك اكتر جاذبية للاموال الساخنه لانها هتعرض فايده اكبر من الامريكان عشان تجذب الاموال الساخنة تانى

الاعتماد المستندى هيتلغى يعنى هنفتح استيراد تانى !!! بالعكس فى الوقت دا انت محتاج تقفل استيرادك وتفتح على اضيق الحدود

مدبولى هيدخلك مليارات ببيع الاصول والرئيس نفسها عرضها بيع شركات الجيش كبداية +فتح الباب للمغتربين باستيراد سيارات + قرض البنك الدولى +جذب بعض الاستثمارات +بيع بعض الشركات للخليج


كل دا هيوفرلك مرحليا لكن لازم يبقى عندك اساس بيولد الدولار يوميا ليك زى البترول فى الخليج ! الاساس عندك زراعة وصناعة وسياحة وتطلع السماء فوق 8 % نمو وفى نفس الوقت توقف خازوق النمو السكانى

بمعنى اخر لو دولتك جادة فعلا لازم تفرمل النمو السكانى فى 4 سنين هتوقف ان يكون عندك 5 او 10 مليون بنى ادام محتاج تصرف عليهم واللى هتصرفه عليهم تصرف على الموجود بس !

 

[Lord]

من فضلك, تسجيل الدخول أو تسجيل لعرض المحتوى !

قفل الاستيراد سبب شلل في السوق وثانيا قد يودي الي اجراءات عقابية من الدول الاخري ضد السلع المصرية

 

[Lord]

وسعر الفايده المصري سيظل اعلي من الامريكية بحكم اختلاف التصنيف الائتماني المصري عن التصنيف الامريكي

 

[OSORIS]

من فضلك, تسجيل الدخول أو تسجيل لعرض المحتوى !

اتكلمت عن السياحة فقط متكلمتش ليه عن التصدير ؟؟

التصدير هو اللي هيحقق الاحتياطي المامول مش السياحة لوحدها فقط واللي هيعتمد على السياحه بمفردها مش هيحقق حاجه خصوصا في ظروف بلدنا خاصة والمنطقة عامة ... هنجتزا الامر مش هنوصل لنتيجة حقيقية

بالعكس صادراتنا تنوعت جدا وزاد انتاجنا الصناعي والزراعي وفرق في ارقام صادرتنا من ٢٠١٨ مع بداية استراتيجية الوصول لصادرات ١٠٠ مليار دولار ثم الى القفزة في ٢٠٢١ الى خققنا فيها اعلى ارقام تصديرية سواء في المجال الزراعي او الصناعي وفي مجال تصدير الغاز


وأشار التقرير إلى أن هناك قفزة كبيرة في قيمة الصادرات المصرية خلال الـ 7 أشهر الأولى من عام 2021، حيث زادت بنسبة 35.5%، بعدما سجلت 22.5 مليار دولار، وذلك مقارنة بـ 16.6 مليار دولار في السبع أشهر الأولى من 2020 .

من فضلك, تسجيل الدخول أو تسجيل لعرض المحتوي!

وده انعكس على زيادة الاحتياطي النقدي الى ٤١ مليار دولار في فبراير ٢٠٢٢ قبل الحرب الاوكرانية الملعونه

من فضلك, تسجيل الدخول أو تسجيل لعرض المحتوي!

لو فضلت ماسك على نفس النسبة في زيادة الصادرات وهي ٪٣٥ سنويا تضمن تضاعف الاحتياطي بتاعك بانتظام حتى ٨٠ مليار دولار في عام ٢٠٢٧ على الاقل

مش كل مصانع الصبن قامت فقط على المستهلك الصيني بالعكس مصانع كاملة في مناطق جيانجسو و نانجينج ودول من ابرز المناطق الصناعية العملاقة في الصين خصوصا في صناعات الالكترونيات قامت على سد احتياجات اميركا واوربا الغربية ولم يرى المستهلك الصيني ابرة في خيط من انتاجها ...وده انا شفته بعيني

كامل انتاج المناطق دي بيتحمل على قطارات متصلة بموانىء الساحل الشرقي الجنوبي للصين وبتتصدر مباشرة نحو اميركا واستراليا وبعض دول اوربا الغربية

ايه المشكلة اني اكرر الامر عندي ..ماهو انا عاوز اصدر واجتذب صناعات عندي تتخذ من الاراضي المصرية قاعدة انتاجية لتغطية انتاج المنطقة واوربا الجنوبية على الاقل

صناعة الموبايلات انا اجتذبتها من الصين نفسها بالرغم ان حجم انتاج مصانعنا الاولى لن يوازي ربع انتاج نفس المصانع في الصين لكن ظي بداية لقاعدة ثابته