الاسئلة المطروحة من الغجر وارامل حسن الباندا وحريم العثمانى
ده وقت البلد تتحمل فيها نفقات قمة زي دي و حضور وضيافة العدد ده
بطون الفقراء أولي
ايه العائد علي مصر والنبي من قمة و بتاع .. احنا عايزين فلوس تتوزع علينا .. كاااشااااات
طبعا احنا هنفترض ان حبايبنا الخبرا بيفهموا احسن من النظام كله
ونجتهد يمكن نقدر نعرفهم أهمية الحدث ده
أولا قمة المناخ في مصر او أي مكان آخر بيتم الصرف عليها عن طريق الامم المتحدة .. يعني الامم المتحدة بتخرج شيك بتكلفة القمة بتاخده الدولة تصرفه و تكلف و تقدم قايمة مصروفات للمراقبين ...... اللي هما مندوب الامم المتحدة ومندوب البنك الدولي بصفته شريك انمائي
الدولة المضيفة بتطبع دعوات باسم رئيس الدولة وعليها ختم و شعار الدولة و بتتبعت لكل الدول اللي علي الكوكب ...و عدد مرافقين مفتوح
السادة الضيوف بيجوا علي حسابهم .. و بينزلوا في فنادق علي حسابهم بردووو ..... كل وفد حسب المبلغ اللي طالع له من خزينة دولته
" يعني مصر هتستفيد طيران و حجز فنادق و مطاعم و خروجات جانبية
سياااااحة اهووو "
و العدد المتوقع لحضور مصر هو 42 ألف زائر
ما بين وفود دبلوماسية + صحفيين + حكومات + رجال اعمال + رعاة المشروعات
انت گ دولة مطلوب منك تجهز قاعات محترمة و دي موجودة بالفعل في شرم
تجهز وسائل انتقالات ومواصلات و دي موجودة
تجهز تأمين للوفود دي
و عشان كده الشرطة و الجيش في شرم
----------------------------
مصرفتش انت حاجة من جيبك أهووو .. كده كده انت مستفيد ماديا
طب ايه العائد عليا أساسا من حوار الهيدروجين الاخضر ده بقا
الاول كنا بنندب حظنا هو احنا ليه معندناش بترول الخليج و لا ليبيا .. هو احنا ولاد البطة السودا
ربنا حلها لنا
و العالم بقا بيسعي خلف مصدر طاقة متجدد و نظيف اسمه الهيدروجين الاخضر
" اكيد مش هشرحلك كيميا لاني مبفهمهاش و مش شغلتي .. انا بحب أتكلم في تخصصي بس "
بالنسبة لي الهيدروجين الاخضر هو مصدر طاقة بيتباع بفلوس و بيعمل دخل قومي عالي عشان تكلفة انتاجه قليلة
و ده جون مصري جديد
في يوليو اللي فات ده الريس عمل حاجة اسمها " الاستراتيجية الوطنية المتكاملة لانتاج الهيدروجين الاخضر "
اترصد مشروعات بقيمة من 3 الي 4 مليار دولار
الصندوق السيادي المصري هيدخل فيها شريك أقلية مع القطاع الخاص
قاعدين اهو منتظرين القطاع الخاص ... هااا تعالي يا قطاع يا خاص .. انت فين يا قطاع يا خاص
لكن القطاع الخاص المصري عايز يستورد شوية لانجيري علي شوية بندانات و طرح و لا اكل قطط و يبيعهم و يكسب وخلاص
خصوصا ان المشروع ده بيصنف طويل الاجل من 10 الي 25 سنة .. و مش قادرين يرصدوا له ميزانية
راحت الحكومة بتاعتنا بدأت تروج للمشروعات خارجيا
أجيب مستثمر اجنبي بقا
نتيجة تحركات الحكومة ايه
شركة سيمنز الألمانية بدأت مشروع تجريبي مع الحكومة المصرية لإنتاج الهيدروجين الاخضر
شركة ايني الايطالية تقدمت بدراسة جدوي لمشروع ضخم في مصر
مجموعة ديمي البلجيكية قدمت مشروعها بالفعل و تم توقيع مذكرة تفاهم مع وزارة النفط و الكهرباء و القوات البحرية المصرية
مجموعة هيونداي روتيم الكورية بالشراكة مع شركة سنام للطاقة الايطالية تقدمت بعرض للحكومة المصرية بإقامة مشروع
شركة طاقة باور الاماراتية بالشراكة مع مجموعة مان سوليوشنز الألمانية بتجهز لأطلاق مشروع تجريبي بالفعل في مصر
كل اللي قولته لك ده عقود هيتم توقيعها و اكتر منها في قمة المناخ
و بالتالي اعتماد مصر مركز اقليمي لنوع الطاقة ده
جت هنا الوكالة الفرنسية للتنمية اتفقت مع الحكومة المصرية علي منحها منحة نقدية من أجل اقامة مشروع مصري فرنسي مشترك
" يعني مصر شريك بالنص من غير ما تدفع ولا مليم .. بالعكس هتاخد كمان اتاوة امتلاك الارض اللي هي 18% من العوائد و 50% من الباقي
و ده تصريح السفير الفرنسي ستيفان رومانيه لمجلة Enterprise الخاصة بالامم المتحدة وقال
في الوقت الحالي مصر هي الدولة الوحيدة التي تطلع فرنسا للتعاون معها في مجال الهيدروجين الاخضر
طيب يخلص الموضوع علي كده .. ابداااا
ده السيد سامايلا زوبايرو رئيس مؤسسة التمويل الافريقية و المدير التنفيذي لها
جي قمة المناخ للتفاوض مع مصر في شراكات انتاج في افريقيا .. يتم تمويلها من المؤسسة
لو انت مش شايف ان كل ده خير و عوائد و مشروعات تخلي مستقبل مصر في مكان تاني خالص .. و لسه قاعد بتبكي علي أطلال فارغة و أزمة اسعار عالمية العالم كله بيندبح فيها ...... يبقا خليك لوحدك
مصر بتجري للامام ووراها احنا مش هنخليها ترجع خطوة للخلف
عرفوا الناس اننا بنستفيد من كل حاجة ..و ان الهيدروجين الاخضر ملوش علاقة بالشجر و الكلام الجاهل ده
و كفاية دونية بقا .... دي قمة من أهم القمم اللي اتعملت و اللي هتتعمل في شرم الشيخ
و للعلم خونة الداخل بيقدموا ملفات لمؤسسة Green peace الدولية المسئولة عن تحول العالم للطاقة النظيفة انها تلغي القمة في مصر و تنقلها مكان تاني .. عن طريق الصييييع اللي بينزلوا بوستات تأذي البلد بإشاعات و اكاذيب بتتاخد تقارير لحقوق الانسان
و منظمة Green peace رفضت سحب القمة من مصر و بتتهاجم بقا انها بتدعم الزووولم و الكمع ..... دي ناس من جوا مصر عايشين وسطكم و فريندز لكم كمان
انا بشوف ان كونك في قايمة اصدقاء واحد بيعادي البلد ده في حد ذاته خيانة والله
حتي النعمة مستخسرينها في البلد ..
بس و لووووو هتفضل بهية عالية غصب عنكم
كتبته
دكتورة /جيلان قاسم