•• تجارة جماعات الخراب بحقوق الأبرياء ••

من كام يوم اندلعت مظاهرات قوية وعنيفة في المملكة الأردنية بيتزعمها تنظيم الإخوان في الأردن وعدد لا بأس به من لاجئين فلسطينيين بيهتفوا ضد النظام الملكي الأردني وبيتهموا زوراً الملك "عبدالله بن الحسين" والحكومة الأردنية بالصهينة وإنهم ساكتين عن اللي بيحصل في غزة وموافقين عليه!! ومطالبة الملك عبدالله بقطع العلاقات مع إسرائيل وإغلاق السفارة الإسرائيلية في الأردن!!

🔴 مخطط خبيث..

اللي بيحصل في الأردن مش شئ عفوي ولا الغرض منه نصرة القضية الفلسطينية أو وقف الحرب اللي شغالة إنما الغرض أكبر بكتير من القضية ومن وقف الحرب وهو جر الأردن لصراعات ومشاكل وإسقاط النظام الملكي ومحاولة تنظيم الإخوان وإيران للوصول لحكم الأردن وجر الأردن لمعسكرهم..

المخطط مش هيقف عند الأردن بس ولكن هيمتد لكل الدول العربية والسنية اللي واقفة ضد إيران ومشاريعها وضد تنظيم الإخوان زي مصر والمغرب والسعودية والإمارات والبحرين.. والإخوان وإيران بيلعبوا حالياً على إسقاط الدول دي في قبضتهم ونشر الفوضى بإستغلال القضية الفلسطينية والعاطفة الشعبية عند الناس واتهام الحكام بالصهينة وإن تحرير فلسطين مش هيحصل غير بإسقاط الملك عبدالله في الأردن وإسقاط الأنظمة العربية والسنية والبداية كانت من الأردن!!!

ولاحظنا إن كمان مش بس دعوة للمظاهرات في مصر بإستغلال القضية من لجان وإعلام الإخوان دة الموضوع وصل لفتوى دينية من مفتي ليبيا الإخواني "صادق الغرياني" بوجوب إقتحام الحدود مع غزة من ناحية مصر ومع الضفة الغربية من ناحية الأردن واللي يعترض على اقتحام الحدود يبقى صهيوني وكافر كمان!!

وكان فيه ترتيب وإتفاق بين التنظيم الدولي للإخوان وإيران وبين اليمين المتطرف الإسرائيلي الحاكم.. وكان الإتفاق إن بمجرد نزوح أهل غزة لسيناء، تتعمل ثورة ضخمة في الأردن لإسقاط النظام الملكي ويتسلموا حكم الأردن لتهيئتها لإستقبال سكان الضفة الغربية...

ويبقى تخلصوا من غزة في سيناء وتخلصوا من الضفة في الأردن وتنجح خطة الإسلام السياسي بقيادة حماس والإخوان وإيران من جهة واليمين المتطرف الإسرائيلي من جهة أخرى بتصفية القضية الفلسطينية بشكل كامل وإعلان اليمين الإسرائيلي الدولة الواحدة وضياع إقامة دولة فلسطينية مستقلة على حدود 67..

وفي أول شهر ديسمبر اللي فات، نزلت مظاهرات بتطالب بسقوط الملك عبدالله وإتهامه بالصهينة.. ونزلوا في الوقت اللي كان من المفترض فيه تهجير ونزوح أهل غزة لسيناء لكن الدولة المصرية أفشلت مخطط التهجير..

ودلوقتي الأردن برميل بارود الإخوان مولعينه خدمة لصالح إيران في السيطرة على المملكة السنية وخدمة لصالح اليمين المتطرف الإسرائيلي الحاكم في تهجير أهل الضفة والدولة السنية التانية بعد الأردن في الخطة هي مصر..

🔴 إتهامات زائفة وإستغلال لقضية إنسانية..

من سنين وتنظيمات الإسلام السياسي أسهل حاجة عندهم إستغلال أي قضية إنسانية وعادلة لمصالحهم ويتسببوا في تخريب دول تانية وأسهل حاجة عندهم صهينة أي حد مخالف ليهم وصهينة الحكام العرب واتهامهم إنهم السبب إن مفيش دولة فلسطينية ودة كله كلام كاذب والأردن من أكتر الدول اللي بتدعم القضية بشكل كبير وبتسعى لدولة فلسطينية مستقلة لكن النظام الملكي الأردني مش على هوا الجماعة وولي الفقيه وتنظيم حماس..

ومصر موقفها ثابت من زمان تجاه القضية وهو دولة فلسطينية مستقلة على حدود 67 وعاصمتها القدس الشرقية ومصر مقصرتش في أي مساعدات للشعب الفلسطيني والعالم كله يشهد على دة..

وحتى المملكة العربية السعودية موقفها إن وجود علاقات مع دولة إسرائيل وتطبيع شرطه الأساسي دولة فلسطينية مستقلة على حدود 67 وعاصمتها القدس الشرقية والفلسطينيين ياخدوا حقوقهم الكاملة..

🔴 ختاماً

متخلوش حد يستغل التعاطف مع قضية إنسانية عادلة في تخريب بلدنا ودخولها في فوضى لأغراض سياسية مش اكتر ومصر والأردن وباقي الدول العربية ياما قدموا للقضية الفلسطينية وياما كافحوا علشان حقوق الشعب الفلسطيني في دولة مستقلة..

ونحب نسأل الجماعة اللي شايفينا صهاينة وقلبهم أوي على القضية ويهمهم الفلسطينيين وبيدعوا لمظاهرات قوية في مصر والدول العربية ليه محدش فيهم دعى لمظاهرات في تركيا تطالب بقطع العلاقات التركية الإسرائيلية وإغلاق السفارة الإسرائيلية في تركيا واتهام الرئيس التركي "اردوغان" إنه صهيوني رغم إن أكتر دولة بعتت مساعدات لإسرائيل في الحرب اللي شغالة وعلاقتها حلوة جداً بإسرائيل هي تركيا؟؟

عبد الباقى قال:

من فضلك, تسجيل الدخول أو تسجيل لعرض المحتوى !

أنقر للتوسيع...

لما شوارع الدوحة واسطنبول تطلع نبقى نشوف حكاية شوارع القاهرة ..

Mohamed Gamal قال:

من فضلك, تسجيل الدخول أو تسجيل لعرض المحتوى !

أنقر للتوسيع...

مش قادر اقولكم يا جماعه ان المشاهد دي مؤلمة قد ايه لبعران الخليج سقوط العزيز نتنياهو سياسيا بهذا الشكل وهو كان امل بعران الخليج لإنقاذهم من سطوة ايران اصابهم بخيبة امل ... مصر وايران والصين اشد الرابحين من معركة غزة ... ده المليارات نزلت زي المطر على حسها بعد نشوذ خليجي وغربي خسيس ..لكن رب ضارة نافعة 😊

Mohamed Gamal قال:

من فضلك, تسجيل الدخول أو تسجيل لعرض المحتوى !

أنقر للتوسيع...

زيارةة هنية لخامنئى شكلها مكانش فيها خير , لسه كان فيه مكالمة بين سامح شكرى و عبد اللهيان و شكلها التون كان عالى

عبد الباقى قال:

من فضلك, تسجيل الدخول أو تسجيل لعرض المحتوى !

أنقر للتوسيع...

طبعا بقالنا 6 شهور مفيش حاجة عدلة نزلت ايلات , لكن عشان الجو خربان فى تل ابيب لازم الجبهة الداخلية ترجع تحس بالخطر الخارجى , عقبال ما النتن يقوم من فتاقه