بالظبط يا استاذي الموضوع كله مقصود وهو من اول الفيديو بيقول انه عايز يوري العالم الجانب الاخر من مصر
وقال لفظا انه في عدم ثقة ما بين الحكومة المصرية والشعب المصري بسبب الثورات واتكلم عن ٢٥ يناير
فيديو يبان لوهلة لسائح بسيط لكن هو من الاول عارف وضع السياحة وعارف هيحصل ايه لو سافر لوحده وعارف الامن هيتعامل ازاي مع الموضوع ومع ذلك اصر انه يكمل رحلته
والاكبر انه لازم يعمل الحبكة الدرامية ان الشعب ملائكي وطيب لكن الحكومة صعبة وان رجال الشرطة من الشعب لكن بياخدوا الاوامر من القادة
الفكرة ان اي سائح لو سافر اي دولة في اماكن معروف انك بلاش تدخلها او تتعامل فيها زي الاحياء الشعبية في ايطاليا الخاصة بالمافيا، زي الاحياء الافارقة في فرنسا، زي محميات الهنود في امريكا او زي احياء الافارقة في امريكا او حتى الريف الخاص بجماعة ال red necks في امريكا لان معروف ان الاماكن ديه مش امان وده حاجة اي سائح بيعملها قبل ما يسافر كونه عايز بقى يمشي من الاول في اماكن ريفية اقل ما يُقال انه اصلا مش هيعرف يتواصل معاهم مش هقول لك هيكونوا غير مرحبين