اسرائيل اخرجتها من الخدمة لانها طورت اواكس خاصة بيها مش لانها ضعيفة ديه اول نقطة تاني نقطة البحرية الامريكية تعتمد عليها كالاواكس الاساسية الخاصة بيها ثالث نقطة علي نفس الفكر كده فرنسا ضعيفة؟ واليابان ضعيفة؟
استاذي الفاضل، هتعمل ايه بالمدى اما يتم التشويش علي الرادار الخاص بيك صاحب المدى الكبير من رادار ايسا؟ وانا بتكلم في مبدأ عام مش بتكلم دلوقتي في رادار الرافال ولا رادار التايفون
دلوقتي رادار بيسا مداه اكبر من رادار ايسا، لكن الرادار الايسا يقدر يشوش ويسبب اعماء كامل للرادار البيسا، يبقى ايه الفايدة؟ ديه نقطة
تاني نقطة ايه فائدة الرادار البيسا في حالة انه يقدر يكتشف الاهداف ذات البصمة الرادارية الكبيرة من مدى بعيد لان مداه الاقصى كبير لكن هيعمل ايه بالمدى الكبير في حالة اقتراب مقاتلة ببصمة رادارية صغيرة جدا عليه؟
ونقطة اخيرة الصورة الخاصة بماديات الرافال والتايفون في الاكتشاف هي صورة theoretical من اجتهادات بعض الناس، لو عندك مصدر بقى يثبت ان المدايات ديه حقيقية اتمنى حضرتك ترفقه لكن صورة من احد الاشخاص او المنتديات ميعدش مصدر تبني عليه معلوماتك
اما كلامي كله مبني علي فكرة الفوارق الجوهرية في تيكنولوجيا ال AESA و تيكنولوجيا ال PESA
