مع كامل احترامي للزملاء سئوال يبدو ساذج
ليه الكلام دا كله والاستثمارات دي كلها مبتنعكس علي المواطن البسيط حتي الآن .. ليه برغم الانجازات والاستثمارات اللي بالمليارات برضوا في زيادة وإرتفاع مستمر ورهيب في جميع الاسعار لجميع السلع وعدم توافر الكثير جداً من الأدوية الحيوية ! وغيره من الأزمات الطاحة للمواطنين .. امتي هتكون الانجازات ومردودها علي الواقع مش في الإعلام والنت !!!!
مش سووءال ساذج لكن مفيش حلول فورية . للاسف ده هياخد وقت , الصرف الرهيب فى البنية التحتية لما تتوزن هيبقى فيه مجال اكبر للصرف على الخدمات و القطاعات التانية اللى كانت فى الانعاش . حتى السياحة كانت بتعرج بسبب عدم وجود بنية تحتية محترمة
مكانش عندنا قطاع صناعى قوى و كله كان بيتباع , هناخد لسه كذا سنة عقبال ما قطاعنا الصناعى ما يقف على رجليه
حتى الزراعة كنا بنستورد التقاوى و المكن غير مشاكل المياه , بنحاول شوية بشوية
المهم ننوع بدل القطاع العقارى , و يبقى فيه صرف محترم على بحث علمى و تعليم يسمع بردو بعد سنين
مفيش دولة بتدلع المواطن من الهوا , يا ضرايب كبيرة يا فلوس طالعة من تحت الارض