نروح بقا علي روسيا
و ما يحدث في كورسك :
اولا بس كورسك دي مش مدينة فقط
دي اوبلاست
يعني مقاطعة
و المقاطعات الروسية بتكون كيان فيدرالي
بتحتوي 11 قرية .. منهم كورسك العاصمة
و سودجا اللي دخلها الاوكران دي هي قرية من ال 11 دول
طبعا التوغل الاوكراني ده تصرف ممكن يوصفه البعض انه جرئ و شجاع
انك تدخل لحد خصمك عنده
لكن لما تكون مهزوم عسكريا و اجتماعيا و سياسيا بيكون الهجوم ده تصرف أحمق
لييييييه
لانك ورطت قواتك في كمين محكم
طبعا الاقاويل كتير
و ده اخد الف كيلو متر
و ده احتل كورسك
مساحة كورسك اوبلاست 30 ألف كيلو
سودجا دي مساحتها 890 متر
لكن هو نشر قواته في 3 قري و هاجمهم بالمدفعية و بالدبابات الالمانية
اتحرك أبتي علاء الدينوف قائد كتيبة أخميت " أحمد " الشيشانية تصدي للهجوم و عمل اخلاء فوري للسكان و اشتبك مع القوات الاوكرانية و اللي طلع فيها مرتزقة و فيها انجليز و كوماندوز امريكي
" و ده شئ لا يعيبهم علي فكرة .. احنا عارفين من الاول ان الناتو هو اللي بيخوض الحرب دي
"
النتيجة
اسر جنود اوكران .. اتاخد 11دبابة المانية من اصل 16 دبابة
و حوالي 46 آلية عسكرية تم تدميرهم
الهجوم كان كبير و ضخم و مفاجئ لا أحد ينكر ذلك
لكن ماذا بعد بقاااا
هل قدر زيلنيسكي يكمل
لأ
هل قوة الفريقين متساوية
اللي بيقاتل امام الروس هما الانجليز و الامريكان ... المجندين الاوكران طلعوا المساجين المفرج عنهم
يعني بلا اي خبرة قتالية و عسكرية
و ده السبب انهم وقعوا في الاسر بسهولة
هل هتقدر اوكرانيا تحتل ارض روسية
امريكا نفسها معرفتش تعملها في القطب الشمالي المهجور سكانيا
طب التصرف الغير محسوب ده
شوف يا عزيزي
اسرائيل أكلت الجو من زفت لينيسكي ... الغرب كله انظاره متجهة ل اسرائيل
التسليح البريطاني و الامريكي " في ظل شح التسليح " رايح لاسرائيل
الاموال الخاصة بالمساعدات رايحة لاسرائيل
" ما هو الموقف الاقتصادي البريطاني زي الزفت و الامريكي زي الزفتين
"
فرنسا وقفت ارسال سلاح
البوندستاج اعلن ان السلاح اللي عند اوكرانيا ده هو اخر تسليح هيقدر يمدها بيه
( وخناقة كبيرة بين مؤيدين الموقف الرافض لاستمرار التسليح .. و المهاويس بتوع لا كده روسيا انتصرت علينا )
المجر و سلوفاكيا بيقودوا حملة ضد دعم الاتحاد الاوروبي اللامنتهي لطرف مهزوم في حرب محسومة
و ده مخوف زيلنيسكي
ف كان لازم يعمل اي حاجة يثبت بيها انه مازال بيحارب و بيقاوم .. خصوصا بعد تدمير مطار ال F16 في ميكولايف
الشيطان لعب بيه و قاله ما تنقل الحرب داخل روسيا يا واد يا زيزي .. و احتل حتة ارض .. و قول انا اجدع من عتريس
و قد كان و راح عامل الحركة بتاعت كورسك دي
هنا بقا احنا لازم نشوف ردود افعال الغرب
علي هذه الشجاعة
صوت صرصور الحقل
بايدن علق .. ابدااا
ستارمر قاله عاااش يا وحش .. اطلاقا
ماكرون قاله ايه الحلاوة دي .. و لاااا هو هنا
شولتس صقفله طيب .. باقة النت خلصانة عنده
الوحيييييدة اللي علقت و طلع لها صوت
ميلوني رئيسة وزراء ايطاليا طلعت تصريح قالت فيه " الحمد لله يارب الاسلحة المستخدمة في هجوم كورسك ألمانية و ليست ايطالية ..و احنا گ ايطالية لاااا نسمح ل اوكرانيا باستخدام اسلحتنا في التعدي علي مدنيين روس "
باعت زيلينسكي يعني
طب ما بردو لازم نطمن
ف نروح للاعلام الغربي و توجهاته عن الواقعة دي
هنلاقي كام باركر و ده خبير عسكري امريكي و ضابط كوماندوز
في تصريح ل نيويورك تايمز
قال
ان بعد دراسة الموقف عسكريا ف نقدر نقول ان روسيا تصدت للهجوم بشكل صارم .. و ان القوات الاوكرانية تتلقي هزائم موجعة
و ده بسبب عدم دراسة خطوات الهجوم و عشوائيته
و انه لن يغير في مسار الحرب
و لكنه سيكلفنا المزيد من السلاح
و لن يستمر زيلينسكي
بالعكس في حالة فوز ترامب و ذهابنا للمفاوضات بوتين لن يغفر
و قيس علي كده سكوت ريتر في واشنطن بوست
قال ان ده تصرف غبي
و انه بيورط الناتو في حرب غير مستعدين لها حاليا
بريطانيا طبعا مقلوبة لوحدها مش ناقصة قرف حد
ف هنلاقي ألكسندر ميركوريس المحلل السياسي البريطاني
قال
الاوكران وقعوا في فخ نصبوه لانفسهم
و ان هجوم 6 اغسطس علي كورسك هو هجوم فاشل
كلفنا الدبابات الالمانية و المدرعات الانجليزية و كذلك رجال مدربة وقعت قتلي
و ان الدول الغربية معندهاش رفاهية امداد زيلينسكي بسلاح يهاجم بيه الاراضية الروسية و يتوغل فيها و هو مش قادر يحرر الاراضي الاوكرانية اللي روسيا اخدتها منه
و ان زيلينسكي بيذهب ب أوكرانيا لطريق مجهول
و ده واضح من رد الفعل المتوحش ل بوتين
" ما هو بوتين مخلي ليل خاركيف و كييف نهار .. و دخلت قواته استولت علي باقي اوديسا
و هيعلنها مقاطعة روسية "
ف الحرب كر و فر
هجوم و دفاع
انت دخلت كورسك .. برافوووو
بس متزعلش بقا لما يطلع كورسك اهلك
و لو كان ده انجاز عسكري
كنا سمعنا قادة الغرب بتشيد بيه
انما الصمت ده معناه
يخربيتك لبيت اللي ورطنا معاك
دي كده نظرة عامة علي بؤر الاشتعال الحالية
و ربنا يحمي مصر و حلفاءها من شرور سكان المنطقة الموبوءة بتاعتنا ... و يلهم مولانا عزيز مصر الحكمة و الصبر
كتبته
دكتوره /چيلان قاسم
