طبعا هي شجاعة يستحقون عليها الثناء
بس الغلطة من البداية هي غلطة الروس
فتحو جبهة اكبر من اللي فتحها الالمان في عملية بربروسا اثناء غزوعم للاتحاد السوفيتي
ولم يحشدو اكتر من 200 جندي في مقابل 3.5 مليون للالمان في 1941
لانهم لم يتوقعو مقاومة بهذا الشكل وكانو فاكرين الاوكرانيين هيقبلوهم بالورود
دا تسبب في تفرق قوتهم في الميدان بشكل خطير وفي بعض الاحيان عزل للقوات المتقدمة
ومهاجمتها بدون ماتلاقي اي دعم قريب
مع تكبدها لخسائر كبيرة في الاسبوعين الاوائل القوات الروسية اصبحت تقريبا لاتمتلك الموارد الازمة
لا لشن هجمات كبيرة ولا لمسك الارض في كل الجبهات تقريبا باستثناء الجنوب
هما مضطرين حاليا للانسحاب من بعض المناطق واعادة تنظيم قواتهم وتوزيعها في اماكن الاولوية
لو لسة بيفكرو ينتصرو فالحرب
هما فعلا سحبو 15 الف جندي من اجمالي 50 الف في منطقة كييف (الفرقيتين المحمولتين جوا 98 و76)
لداخل بلاروسيا وباقي القوات هناك بقالها 10 ايام في وضع دفاعي
نفس الموضوع حصل في منطقة ميكولايف والاوكرانيين استغلو الوضع واسترجعو بعض مافقدوة
الروس كمان اعلنو امبارح نجح المرحلة الاولي للعملية ( دي طريقة محترمة علشان يقولو احنا مكناش واقعيين )
وكمان اعلنو ان المرحلة القادمة التركيز هيكون علي منطقة الدونباس يعني هيعيد نشر جزاء كبير من قواتة هناك
فكرة حصار كييف اصبحت من الماضي الان وصدقني لولا الملامة كان الروس سحبو قواتهم بالكامل من هناك
انا عموما من البداية كان متوقع انه جبهه كييف مفتوحة علشان يراذو بيها الحكومة الاوكرانية
لو عايز نشوف الحرب هتروح علي فين يبقي نركز علي المعارك في منطقتين
ماريوبل لانها هتحرر 20 الف جندي من القوات الخاصة الروسية والشيشانية من التزامتهم
ومنطقة ايزيوم في ضهر الجيش الاوكرني في الدونباس .استماته الاوكرانيين في المنطقتين دول
مفهومة لان معظم جيشهم هناك يا اما هيتعرض للتطويق ياما هينسحبو تجنبا للحصار