هو ماريوبول مكانها برضك مش اللي هو هيدي الروس زيادة بس لما أخدوها هو كده مبقاش فيه ميناء معادي في الشريط الساحلي اللي هو واخده من أول مناطق روسيا الأم ولحاد شبه جزيرة القرم ... يعني يقدر ببساطة بعد مايكمل على برديانيسك يبقى كده هو قفل بحر اّزوف وبقى بحيرة يقدر يأمنه تماما من العمق الروسي ومن التمركز في مايوبول وبرديانيسك وكده شغل قاعدة القرم ولا سيفستوبول هيبقى على جبهة غربية واحدة ... اللي هو خيرسون وأوديسا
اللي هو تصفية الوجود الأوكراني من البحر أصلا
فسقوط ماريوبول وبرديانيسك هيخلي كل قواته بتبص ناحية الغرب وضهرها لمناطق روسية السيطرة
وده هيعزز التكتل التسليحي في البحر الأسود بدل زيادة عدد قواته هناك إن قلل عدد الأهداف واتجاهات عملياته العسكرية في الساحل الأوكراني
وده هيخلي قواته بوضعها ده تقدر تستعد لأي دخول غربي من البحر الأسود وبالعكس تمركزه بالقوة دي والتعديل ده هيخلي فكرة غلق مضائق تركيا عليه غير واقعية لأنه حط فك كماشة جوه واللي جاي من بره فك كماشة تاني والكماشة دي كانت بتستهدف أربع حتت .. ماريوبول وبرديانيسك وخيرسون وأوديسا
مع تصفية عدد أهدافه هيبقى النسبة والتناسب للقوة له أعلى بدون إدخال قطع جديدة للأسطول وفي نفس الوقت مستقبلا ممكن يستخدم الموانئ دي عسكريا ويعزز أسطول البحر الأسود بدل أسطول واحد في سيفاستوبول يبقى اسطولين وتلاته ده لو محطش منشأة تصنيع هناك وعمل شيبيارد بعدين
فاللي هو بعد غرق الموسكوفا ... هو بيفكر يجيب قوات من المتوسط والأساطيل التانية فهيتحرك من بره وده العادي وهنخش في حتة طيب أعدي ولا ما أعديش مضايق تركيا
لكن لما يعدل وضعية القوات في البحر الأسود اللي هيبقى ساعتها بحر أسود نصه روسي ومفيش اّزوف وقواته اللي جوه بقى ليه مهمات محددة وأصغر على قدر نفس التسليح وساعتها يعزز وجوده وممكن يحط طراد بطرس الأكبر كمان وغواصات على اختلاف مهامها
وفي نفس الوقت أساطيله التانية تقيلة