محدش قال عدواة، هي علاقات برجماتية بحته، يتفقوا في ملفات و يختلفوا في اخري
الامارات يهمها انها تحافظ علي علاقات جيدة مع مصر لان مصر بتعمل توازن اقليمي كبير خصوصا مع السعودية لان العلاقات بين اغلب دول الخليج باطنها غير جيد خلافات قبلية و نزاعات حدودية و الامارات تشعر انها ظُلمت في اتفاقية جدة لترسيم الحدود مع السعودية و تري في السعودي خطر إستراتجي خصوصا مع وصول ابن سلمان للحكم لان سياسته غير متزنه
و ده نفس الوضع مع قطر، قطر تري في السعودية خطر استراتيجي و ده سبب عداء النظام القطري لمصر لانها تري مصر حليف قوي بجانب السعودية لذلك تحالفت مع الأتراك و الايرانيين لمواجهة التحالف السعودي و العلاقات تحسنت مع قطر في نفس فتور العلاقات مع السعودية، لان مصر انتهجت سياسات برجماتية و ابتعدت عن الثوابت السياسية السابقة
لكن العلاقات بين الدول لا تعرف غير المصالح يعني مفيش اشقاء و زايد وصي علي مصر و الكلام ده ، في اي فرصة ستجدها الامارات للحصول علي أوراق ضغط عليك ستنتهز الفرصة و ده طبيعي
و الامثلة كثير
لكن الامارات يهمها ان مصر تفضل واقفة علي رجليها ولا تنهار لان انهيارها هيأثر علي امنهم القومي و لكن في نفس الوقت عايزك في وضع اقتصادي معين علشان يسهل التعامل معك و تحجيمك إذا لزم الامر و الاستثمارت ديه من أوراق النفوذ زي ما بتستثمر في اسرائيل و في تركيا و في اثيوبيا و في السودان و غيرهم من دول المنطقة يعني مش علشان سواد عيونا