تحياتي ياصديقي
متفق معاك الا في النقطه رقم 4 .
هنعيد من تاني ،احنا فعلا متاخرين في تطوير القوات البريه .
والسبب ايه ،ماديا ، احنا مكتفين باللي موجود ،الله اعلم.
ولكن متيقن تماما ان لازم فيه صفقه جديده للدبابات ،بديل العقد الروسي T90 .
علشان كده انا واحد من الناس سقف طموحي ارتفع لما الاخبار ظهرت عن K2 والليوبارد.
وليه احنا كمصريين مش قادرين نقتنع اننا نستحق الأفضل زيينا زي اي حد .
يعني مثلا ال500 دبابه ليوبارد هيقلبوا الدنيا فعلا ،بمعني ان راس الحربه الضاربه هما 4 فرق بالM1 .
ركب الليوبارد بالفرق دي بجانب المدفع k9 مع راجمة صواريخ محترمه ،انت كده عندك الكيف ب4 فرق مدرعه .
وال M1 لازم نوصل لحل مع الامريكان علشان تطوريها .
احنا انتجنا مركبات تمساح ،انا بسأل ليه متمش التوسع في إنتاجها رغم أنها اجتازت كل الاختبارت وهي ممتازه جدا وفي نفس الوقت في مدرعات قديمه محتاجه إحلال والتمساح هي أفضل بديل .
عارف احنا عملنا سينا 200 ولو تم تجهيزها انها تكون برمائيه، دخلها مكان OT-62 التوباز العتيقه.
سينا200 ركب عليها برج قتالي محترم وشوف بحجمها ووزنها الخفيف ممكن تعمل بيها ايه :
(تدخل سريع ،إنزال جوي،إنزال برمائي، مشاه ميكانيكي)
عاجبني فعلا فكر الجزائر ركبت الصاروخ كورنيت علي اي حاجه بتمشي علي الارض .
مختلف ليه في النقطه رقم 4 انت عارف ياصديقي دبابه قديمه زي T62 او التوباز ،يعني التشكيل اللي ظهر ده مينفعش لأي مواجهة حتي لو عمليات دعم .
عارف ليه بلاش انه مش هيواجه طيران او قوات مدرعه مماثله ،كفايه عليه جدا صواريخ م/د ودي ابسط حاجه ومنتشره وبكثره، لو بتشوف تدمير المدرعات الروسيه المتقادمه مع النوعيه دي من الصواريخ وفرص نجاة الطاقم كم هي منعدمه اصلا هتفهم قصدي .
يعني الدبابه بتضرب بالصاروخ مفيش حتي ثواني لفرقة نجاة الطاقم .
واعتقد ده مش هيكون موجود مع الدبابات الغربيه ،انا مش بقول انها عصيه علي الاعطاب والتدمير ولكن تدريعها وتجهيزها القوي بيعطي فرصه لنجاة الطاقم .
اسف علي الاطاله .
