نفس جنان و مظلومية و كدب و قلة حيا الصهاينة , علاجهم الضرب تحت الحزام
-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
متابعة مستمرة النزاع الصومالي الإثيوبي
- بادئ الموضوع .صقر
- تاريخ البدء
الصومال يطلب عقد اجتماع طارئ لوزراء الخارجية العرب لبحث الانتهاكات الإثيوبية
من فضلك,
تسجيل الدخول
أو
تسجيل
لعرض المحتوي!
سودانية:
أدانت الولايات المتحدة (جنبًا إلى جنب مع الاتحاد الأوروبي ومصر والجامعة العربية) إثيوبيا لاتفاقها مع أرض الصومال لبناء قاعدة عسكرية على البحر الأحمر.
ما "لا تستطيع إثيوبيا تحمله" هو السماح للإمبراطورية العربية بمواصلة تمكين وتعريب جميع الدول المحيطة بها.
وحتى لو لم تفعل إثيوبيا شيئًا، فإن مصر والصومال وإريتريا ستفعل في نهاية المطاف بإثيوبيا ما حدث لنا للتو في السودان. ونحن نشيد بإثيوبيا.
أدانت الولايات المتحدة (جنبًا إلى جنب مع الاتحاد الأوروبي ومصر والجامعة العربية) إثيوبيا لاتفاقها مع أرض الصومال لبناء قاعدة عسكرية على البحر الأحمر.
ما "لا تستطيع إثيوبيا تحمله" هو السماح للإمبراطورية العربية بمواصلة تمكين وتعريب جميع الدول المحيطة بها.
وحتى لو لم تفعل إثيوبيا شيئًا، فإن مصر والصومال وإريتريا ستفعل في نهاية المطاف بإثيوبيا ما حدث لنا للتو في السودان. ونحن نشيد بإثيوبيا.
قلتلك , عقلية معملية فذة و مشاكل نفسية لا تنتهى , مشاكلنا معاهم اكبر بكتير من السياسة و مصالحها
صديق جاهل للاسف
احتفالات ارض الصومال
سيبك منهم سيد بيري حاكم الصومال السابق دامر قبيلة إسحاق وقتل نصفها و تنظيم القعده شكله هيرجع
جوزيب بوريل : لقد أجريت محادثة هاتفية مع الرئيس حسن شيخ محمود
لقد أكدت مجددًا دعم الاتحاد الأوروبي الكامل لوحدة الصومال وسيادته وسلامة أراضيه.
إن القرن الأفريقي لا يحتاج إلى المزيد من التوترات.
- إنضم
- 10 مايو 2023
- المشاركات
- 2,910
- مستوى التفاعل
- 9,780
- المستوي
- 2
- الرتب
- 2
ايه اللي بيحصل في الصومال؟!
بص يا صاحبي، عشان تفهم ايه اللي بيحصل النهاردة لازم ترجع معايا في التاريخ شوية عشان تفهم شوية حاجات، بس حاول تنسى الفكرة العامة عن الصومال انها ارض المجاعة والفقر والكلام ده، لان الصومال طول تاريخها كانت من اغنى الممالك على وجه الارض، والمتحكم في باب المندب اللي هوا مدخل البحر الاحمر مع اليمن، ومساحتها كانت اضعاف مساحتها دلوقتي تحت اسم "الصومال الكبير" ..
وده لان الصومال كانت واقعة على طريق الحرير التجاري الصيني، وكمان كانت حلقة الوصل في التجارة مع جزيرة العرب والهند، سوق مفتوح للتوابل اللي جاية من الهند والقماش اللي جي مش عارف من فين وهكذا.
طيب ارجع معايا شوية كدة، مش هنرجع كتير اوي يعني من ١٥٠٠ سنة بس، وقت الهجرة الاولى للمسلمين هروبا من قريش.
بص معايا عالخريطة، شايف كلمة "زيلع" فوق، تحت كلمة جيبوتي؟ اهو ده الميناء اللي الصحابة وصلوا فيه عشان يحتموا عند النجاشي، وبنوا في زيلع اقدم مسجد بالقبلة القديمة، اللي هوا المسجد ذو القبلتين هناك، وعلى حس الهجرة دي بدأ الاسلام في الانتشار بدري في الصومال والقرن الافريقي كله، قبل حتى ما الهجرة التانية كانت تتعمل، والخط الفيصل في انتشار الدعوة في الصومال كان فتح مكة، واستمرار التجارة لكن بالمسلمين الجدد.
اللي حصل ان سيادة البحر الاحمر في الفترة دي من اليمن يمين والصومال شمال بقا المتحكم فيهم هما العرب، خصوصا مع هجرة تجار كتير للصومال واستقرارهم هناك، واللي ساعد اكتر في هجرات العرب للصومال كان احداث الفتنة الكبرى وبعدها الصراع في زمن الامويين والعباسيين، عرب كتير هاجروا واستقروا في الصومال.
ولان الصومال كانت دولة غنية، كان طبيعي تظهر مملكة اسلامية كبيرة عالارض دي، واحدة من اكبر الممالك في عصرها كانت سلطنة "عدل" اللي انشقت من مملكة تانية اسمها "عفت" اللي اسسها احفاد عقيل بن ابي طالب، طيب اشمعنى مملكة عدل؟ ..
لان طوال تاريخ مملكة عفت كانت تابعة لامبراطورية الحبشة، لحد ما ظهرت سلطنة عدل، ومنها خرج قائد اسمه الامام احمد بن ابراهيم الغازي، وقدر انه سنة ١٥٢٩م انه يغزو الحبشة ويهزم اباطرتها ويضم اغلب اراضي الحبشة كلها للسلطنة دي، في معركة كبيرة اسمها شمبرا كوري.
وده سبب العداء بين البيت الملكي السليماني الحبشي، والسلطنة الاسلامية الصومالية، خليك فاكره شوية كدة ..
عشان بقا اوصفلك الثراء اللي كانوا عايشين فيه، فا من كتر الخير اللي كان عندهم ومكفي وفايض، الفائض ده كانوا بيبعتوه لمكة والجزيرة العربية واليمن ببلاش، او بأسعار رمزية، كل واحد من السكان كان بيمتلك اسطبل خيل، والبضاعة مفيش اكتر منها، اللحم والعسل والزيت وكله، بالاضافة للعاج والذهب، بلد خصبة وفيها خمس انهار يعني كان ناقص تتزرع لوحدها، وبردو وفقا للمقريزي كان ال٣٠ رطل من اللحمة بنص درهم، من كترها ووفرتها فاهم البذخ؟ يكفي يكون لقبك زيلع مثلا او هرري هتعرف انه من اثرى اثرياء وقته.
المنطقة دي ككل كانت اهم منطقة عالخريطة واكتر منطقة في عصر الاسلام واغناهم كمان، اهم ٣ مناطق في الصومال هما زيلع وهرر وبربرة، مينائين وعاصمة .. حلو؟؟
طيب، عاصمة الصومال التاريخية كانت "هرر" ..
هرر مكانتش العاصمة الاول، العاصمة كانت زيلع، لكن خليفة اسمه ابو بكر نقل العاصمة لهرر هروبا من غارات البرتغاليين اللي كانوا عايزين يسيطروا على التجارة البحرية وقتها، وحاوطها بسور موجود لحد النهاردة، وعمل فيها نهضة عظيمة ومنع دخول اي حد غير المسلمين ليها، وفضلت عالحال ده لدرجة ان المستشرق ريتشارد بيرتون البريطاني عشان يدخل هرر ويستكشفها اتنكر في صورة مسلم ودخل قعد ١٠ ايام تحت اسم الشيخ عبد الله وخرج بصعوبة منها سنة ١٨٥٥م، وطبعا وصف البذخ والدهب وجرى ريق المستعمر الاوروبي اللي هجيلك في الكلام عليه كمان شوية كدة.
طيب ايه اللي حصل بقا لهرر؟
بعد الامام احمد بن ابراهيم الغازي، البرتغال قررت تساند الحبشة، وبعتت اسطول بقيادة كريستوفاو دي جاما ابن فاسكو دي جاما عشان يهزم المسلمين، وكان شوية ينهزموا وشوية يكسبوا، لحد ما دخل في المعادلة قبائل اسمها جالا .. بتهاجم المسلمين والمسيحيين عادي، لحد ما ضعفت وبقت هرر بتمثل نفسها بس، وهنا الخديوي اسماعيل بإيعاز من السلطان العثماني بيقرر يغزو الصومال ويسيطر على مدينة هرر .
الخديوي قدر انه يعمل ازدهار اقتصادي للمدينة، ويبني مدارس ومستشفيات ويصلح البنية التحتية ويعمل مسجد كبير اسمه المسجد المصري، وحكمها فعليا لمدة ١٠ سنين، بداية من ١٨٧٥ لحد ١٨٨٤م، لحد ما هيحصل حاجة هتغير الصومال تماما من الثراء للفقر.
مؤتمر برلين ١٨٨٤م ..
المؤتمر ده عبارة عن مؤتمر دعت ليه البرتغال ونظمه اول مستشار لالمانيا اللي هوا اوتو فون بسمارك، وبدعوة لاغلب دول الاستعمار الاوروبي، محتواه هو تقسيم قارة افريقيا عالاوروبيين كأنهم بيقسموا كيكة، الكونغو راحت لبلجيكا والسنغال راحت لفرنسا وكل واحد طمع في حتة احدها، والدور كان عالصومال الكبير ..
الصومال الكبير او العرقية الصومالية كبلد كانت عبارة عن حتة كبيرة من اثيوبيا، وحتة كبيرة من كينيا، وجيبوتي كلها، والصومال كلها، كل دول كانوا الصومال الكبير، لكن بعد مؤتمر برلين بقا، اتقسمت الصومال الكبير لخمس حتت ..
صوماليلاند ودي خدتها بريطانيا، جنوب الصومال اخدتها ايطاليا، جيبوتي اخدتها فرنسا، منطقة هاود وضواحيها اهدتها بريطانيا لاثيوبيا، واخيرا الجزء الكيني ضمتها بريطانيا لكينيا، اما بالنسبة لهرر، فا بريطانيا طردت الحكم المصري منها لاننا نفسنا كنا وقعنا تحت الاحتلال البريطاني، وهرر كانت امارة اسمية كدة، والميجور هنتر كان جرد اهل هرر من السلاح قبلها
لحد ما الملك الاثيوبي "منليك" طمع فيها، وبدعم من ايطاليا اللي كانت طمعانة في نصيب بريطانيا من الصومال، هجم منليك على هرر واسقطها بسلاح حديث ايطالي، وهزم الامير عبد الله اخر امراء هرر، ومكنش معاهم سلاح يدافعوا عن نفسهم بيه، وفجأة هرر بقت مقاطعة اثيوبية، يحكمها "رأس مكونين" اللي هوا ابو الامبراطور هيلا سيلاسي، اللي بعد سنتين بس ١٨٨٨م بريطانيا وفرنسا هيتفقوا انها تفضل مع اثيوبيا، وحول الاحباش فيها المساجد لكنائس، على رأسهم المسجد المصري الكبير.
طيب هنا احنا حكينا ايه اللي فقر الصومال، ايه بقا اللي بيحصل؟
لما بريطانيا احتلت صوماليلاند، اهالي بربرة مسكتوش وعملوا ثورة مسلحة اتحلت بمعاهدة، بعدها ظهرت حركة مقاومة اسمها الدراويش على ايد واحد اسمه محمد بن عبد الله حسن، قدر انه يحقق هزايم كبيرة في صفوف الانجليز، على مدار ٢٠ سنة لدرجة انهم في النهاية قصفوة بالطيران، ثم بعد كدة دخلت الحرب العالمية التانية وايطاليا اللي واخدى حتة من الصومال حاولت تاخد حتة من انجلترا، وقامت بينهم حرب اسمها "الحملة على شرق افريقيا".
المهم الحرب خلصت، ايطاليا انهزمت، والصومال بدأت تنادي بالاستقلال، ولان المستعمر كان اكتر من دولة، فا صوماليلاند استقلت سنة ١٩٦٠م يوم ٢٦ يونيو، وبعد خمس ايام استقل جنوب الصومال يوم ١ يوليو من ايطاليا، وكانوا قاصدين ده عشان يعملوا فرقة لان المستعمر مبيسبش ارض غير وهي تحت سيطرته او خراب، ولان موقع الصومال مهم لتجارة اوروبا، وعشان طبعا ابار النفط اللي تحت الاراضي الصومالية.
بعد الاستقلال، الشماليين في صوماليلاند قعدوا مع الجنوبيين وقرروا يحققوا الحلم، اللي هوا الصومال الكبير، وقعدوا مع بعض واتفقوا على الاتحاد وتحرير باقي المناطق الخمسة اللي اتكلمنا عنهم فوق، واتفقوا ان الرئاسة والحكومة والنواب يكونوا في الجنوب، ووافق اهل صوماليلاند، واعلنوا الدولة الموحدة "الشمال والجنوب".
عدى سنة، سنة ١٩٦١م الشماليين حسوا ان الجنوبيين مش جادين في حتة التوحيد دي وان الغرض كان ياخدوا المناصب بس، وعملوا استقالة جماعية من مجلس النواب، وحاول بعض قيادات الجيش من الشمال يعملوا انقلاب وفشل، لحد انقلاب ١٩٦٩م على ايد العميد محمد سياد بري، واللي توقعوا انه يقف في ضهر الصوماليين كلهم ويبدأ يوحد الاراضي، لكن الاهتمام اغلبه كان بالجزء الجنوبي بس خصوصا في المشاريع والبنية التحتية.
في الفترة دي جيش الصومال كان من اقوى جيوش افريقيا، من حيث التجهيز والعدد، فا استغل القوة دي واعلن الحرب على اثيوبيا سنة ١٩٧٧م، بهدف استعادة الاراضي الصومالية المحتلة، وانتصر فعلا، لكن السوفييت والامريكان اللي ليهم مصالح عالبحر الاحمر وقفوا ضد الصوماليين وطردوهم برة الحدود المعترف بيها دوليا بتاعت بريطانيا.
القشة الكبيرة بقا اللي بوظت الدنيا اكتر كانت استقلال جيبوتي، وبقت دولة معترف بيها مع انها جزء من الصومال التاريخية زي ما قلنا، وهنا قررت الصومال الشمالية انها مش عايزة تتحد مع الجنوب تاني، وبدأت تفاوض على استقلالها مع محمد سياد بري، اللي هيتحول ويبقا واحد من اكبر الديكتاتوريين التاريخيين في افريقيا كلها.
صوماليلاند بيسيطر عليها عشيرة صومالية كبيرة اسمها "عشيرة اسحاق"، ودول اللي اسسوا الحركة الوطنية الصومالية في شمال الصومال، واللي نادوا الاول بالاتحاد وبعد كدة نادوا بالانفصال، بدعم من مين؟ من اثيوبيا، اللي عايزة يكون ليها يد عالحتة دي، فا نظام بري قرر انه يقاوم بعنف، وسمى الحركة انها ميليشيات، وبدأ حملة ابادة وقصف بالطيران المدن دمر فيها ٩٠٪ من اراضي عاصمة الصومال الشمالية اللي هيا هرجيسا، راح ضحيتها ٢٠٠ الف ونزوح نص مليون على اقصى تقدير لاثيوبيا ونص مليون زيهم جوا الصومال نفسها.
الكلام ده لحد ١٩٩١م لحد ما قامت حرب اهلية ضد نظام بري، خصوصا بعد تفكك الاتحاد السوفييتي ومعاه قل الدعم، وانهار النظام في النهاية وهرب محمد سياد بري، وبدأت الحركة الوطنية الصومالية تستعيد السيطرة على شمال الصومال، وبدأت تبني المدينة من جديد والميليشيات اندمجت في الجيش والنازحين رجعوا والدنيا لطيفة، وكان اول حاجة عملوها بعد انهيار النظام هو مؤتمر اسمه برعو.
مؤتمر برعو ده كان عبارة عن مؤتمر ضم شيوخ القبائل والحركات السياسية والمفكرين تحت عنوان "تقرير المصير" اللي خرجوا في النهاية يوم ١٨ مايو ١٩٩١ بقرار انفصال صوماليلاند عن الصومال وقيام جمهورية ارض الصومال بحدود سنة ١٩٦٠م.
ولحد النهاردة بتتعامل على انها دولة مستقلة بذاتها، ليها دستور وقانون ونواب، ورئيس اسمه موسى عبدي، رئيس لاكبر دولة غير معترف بيها في العالم.
الانفصال ده معترفتش بيه حكومة الصومال الجنوبية، ولا امريكا اللي بتدعم وحدة الصومال، ولا اي دولة من تابعين امريكا، مفيش دولة في العالم معترفة بصوماليلاند لحد النهاردة، الا دولتين، تايوان لانها بردو بتمر بنفس الظروف وعايزة تستقل عن الصين، ومؤخرا اثيوبيا،
ونيجي هنا للي حصل بقا في الصومال على ايد اثيوبيا ..
اثيوبيا دولة حبيسة ملهاش منفذ على البحر الاحمر، لكن زمان كان ليها، ازاي؟ لان اريتريا كلها كانت جزء من الاراضي الاثيوبية لحد سنة ١٩٧٤م وقتها كانت اريتريا اقليم ليه حكم ذاتي، لحد ما حصل انقلاب على الامبراطور هيلا سيلاسي واتولى الحكم النظام الشيوعي في اثيوبيا، ولغى الحكم الذاتي وضم الاراضي الاريترية بالقوة.
لحد تفكك الاتحاد السوفييتي ١٩٩٢م وظهور حركات الاستقلال الاريترية وبعدها نشوب حرب اهلية تانية ادت في النهاية لاستقلال اريتريا ١٩٩٣م، وبعد ما كانت اثيوبيا قوة بحرية وعندها مينائين هما مصوع وعصب، اخدتهم اريتريا في استقلالهم، وفجأة اثيوبيا بقت من غير منفذ عالبحر، يعني ملهاش اي سلطة عالتجارة البحرية،
اثيوبيا حاولت تعمل ده مع اريتريا وعملت اتفاقية سلام واخد ابي احمد نوبل بسببها سنة ٢٠١٩م، وكان هياخد حتة عالبحر فعلا، لكن الحرب مع اقليم تيجراي وقفها، وافشل الموضوع.
ومكنش لاقي غير جيبوتي، ٩٥٪ من المعاملات التجارية لاثيوبيا معتمدة على جيبوتي بس، مفيش رجل عالبحر، ملوش اي سلطة على اساس التجارة البحرية، ومفيش كمان قواعد عسكرية بحرية، ودي نقطة مهمة.
طيب اثيوبيا تعمل ايه عشان تحط رجليها عالبحر الاحمر؟
مفيش قدامها غير حلين، يا اما تخش في حرب مع اريتريا وابي احمد يبل مؤتمر جدة للسلام ٢٠١٨ وجايزة نوبل ويشرب ميتهم، يا اما يدور على حل تاني، والحل اللي لقاه هو مذكرة تفاهم، بين اقليم صوماليلاند الانفصالي وبين اثيوبيا.
الفكرة انه يعترف بإستقلال صوماليلاند دوليا، في عز ماهما عايزين اي اعتراف دولي ومحدش يعترف بيهم، ويبقا ضهر عسكري ليهم، ومساهم في البنية التحتية، والمقابل ٢٠ كم على ساحل البحر الاحمر يأجروهم، ويستغلوا ميناء بربرة، اللي اتكلمنا عنه وعن اهميته فوق، واهي فرصة ممكن يعملوا كمان قاعدة عسكرية قصاد باب المندب، ويقولي اقتصاده شوية ويمثل تهديد جديد للمصالح المصرية عالبحر الاحمر، ملف ضغط جديد زيه زي ملف سد النهضة بالظبط.
طبعا ده امر غير قانوني، انك تدعم كيان انفصالي فا انتا كدة اعلنت العداء للدولة نفسها، وده اللي عملته الصومال فعلا انها استدعت سفير اثيوبيا للتشاور، واعلنت ان ده تعدي عالسيادة الصومالية، وعليه الجامعة العربية والاتحاد الافريقي وحتى امريكا نفسها اعترضوا على المذكرة دي، وممكن تؤدي لحرب جديدة، تأثر على النقل في البحر الاحمر.
مين بقا بيدعم ابي احمد؟ هوا هوا المستفيد من النوش اللي حاصل على حدودنا مع السودان، وعلى حدودنا الشرقية، وهوا هوا اللي مش عايز الحوثيين يفضلوا مشكلين قلق على سفنهم وتجارتهم، وبيضربوا فيهم كل شوية.
توتر جديد في شرق افريقيا كلمة السر فيه هو السيطرة على التجارة في البحر الاحمر، اللي كان السبب في ثراء الصومال يوما ما، واللي دلوقتي سبب في تفككها، ابحث عن المستفيد واللي بيلعب في المنطقة وانتا تعرف اساس المشكلة هو مين.
شكرا ❤️
بص يا صاحبي، عشان تفهم ايه اللي بيحصل النهاردة لازم ترجع معايا في التاريخ شوية عشان تفهم شوية حاجات، بس حاول تنسى الفكرة العامة عن الصومال انها ارض المجاعة والفقر والكلام ده، لان الصومال طول تاريخها كانت من اغنى الممالك على وجه الارض، والمتحكم في باب المندب اللي هوا مدخل البحر الاحمر مع اليمن، ومساحتها كانت اضعاف مساحتها دلوقتي تحت اسم "الصومال الكبير" ..
وده لان الصومال كانت واقعة على طريق الحرير التجاري الصيني، وكمان كانت حلقة الوصل في التجارة مع جزيرة العرب والهند، سوق مفتوح للتوابل اللي جاية من الهند والقماش اللي جي مش عارف من فين وهكذا.
طيب ارجع معايا شوية كدة، مش هنرجع كتير اوي يعني من ١٥٠٠ سنة بس، وقت الهجرة الاولى للمسلمين هروبا من قريش.
بص معايا عالخريطة، شايف كلمة "زيلع" فوق، تحت كلمة جيبوتي؟ اهو ده الميناء اللي الصحابة وصلوا فيه عشان يحتموا عند النجاشي، وبنوا في زيلع اقدم مسجد بالقبلة القديمة، اللي هوا المسجد ذو القبلتين هناك، وعلى حس الهجرة دي بدأ الاسلام في الانتشار بدري في الصومال والقرن الافريقي كله، قبل حتى ما الهجرة التانية كانت تتعمل، والخط الفيصل في انتشار الدعوة في الصومال كان فتح مكة، واستمرار التجارة لكن بالمسلمين الجدد.
اللي حصل ان سيادة البحر الاحمر في الفترة دي من اليمن يمين والصومال شمال بقا المتحكم فيهم هما العرب، خصوصا مع هجرة تجار كتير للصومال واستقرارهم هناك، واللي ساعد اكتر في هجرات العرب للصومال كان احداث الفتنة الكبرى وبعدها الصراع في زمن الامويين والعباسيين، عرب كتير هاجروا واستقروا في الصومال.
ولان الصومال كانت دولة غنية، كان طبيعي تظهر مملكة اسلامية كبيرة عالارض دي، واحدة من اكبر الممالك في عصرها كانت سلطنة "عدل" اللي انشقت من مملكة تانية اسمها "عفت" اللي اسسها احفاد عقيل بن ابي طالب، طيب اشمعنى مملكة عدل؟ ..
لان طوال تاريخ مملكة عفت كانت تابعة لامبراطورية الحبشة، لحد ما ظهرت سلطنة عدل، ومنها خرج قائد اسمه الامام احمد بن ابراهيم الغازي، وقدر انه سنة ١٥٢٩م انه يغزو الحبشة ويهزم اباطرتها ويضم اغلب اراضي الحبشة كلها للسلطنة دي، في معركة كبيرة اسمها شمبرا كوري.
وده سبب العداء بين البيت الملكي السليماني الحبشي، والسلطنة الاسلامية الصومالية، خليك فاكره شوية كدة ..
عشان بقا اوصفلك الثراء اللي كانوا عايشين فيه، فا من كتر الخير اللي كان عندهم ومكفي وفايض، الفائض ده كانوا بيبعتوه لمكة والجزيرة العربية واليمن ببلاش، او بأسعار رمزية، كل واحد من السكان كان بيمتلك اسطبل خيل، والبضاعة مفيش اكتر منها، اللحم والعسل والزيت وكله، بالاضافة للعاج والذهب، بلد خصبة وفيها خمس انهار يعني كان ناقص تتزرع لوحدها، وبردو وفقا للمقريزي كان ال٣٠ رطل من اللحمة بنص درهم، من كترها ووفرتها فاهم البذخ؟ يكفي يكون لقبك زيلع مثلا او هرري هتعرف انه من اثرى اثرياء وقته.
المنطقة دي ككل كانت اهم منطقة عالخريطة واكتر منطقة في عصر الاسلام واغناهم كمان، اهم ٣ مناطق في الصومال هما زيلع وهرر وبربرة، مينائين وعاصمة .. حلو؟؟
طيب، عاصمة الصومال التاريخية كانت "هرر" ..
هرر مكانتش العاصمة الاول، العاصمة كانت زيلع، لكن خليفة اسمه ابو بكر نقل العاصمة لهرر هروبا من غارات البرتغاليين اللي كانوا عايزين يسيطروا على التجارة البحرية وقتها، وحاوطها بسور موجود لحد النهاردة، وعمل فيها نهضة عظيمة ومنع دخول اي حد غير المسلمين ليها، وفضلت عالحال ده لدرجة ان المستشرق ريتشارد بيرتون البريطاني عشان يدخل هرر ويستكشفها اتنكر في صورة مسلم ودخل قعد ١٠ ايام تحت اسم الشيخ عبد الله وخرج بصعوبة منها سنة ١٨٥٥م، وطبعا وصف البذخ والدهب وجرى ريق المستعمر الاوروبي اللي هجيلك في الكلام عليه كمان شوية كدة.
طيب ايه اللي حصل بقا لهرر؟
بعد الامام احمد بن ابراهيم الغازي، البرتغال قررت تساند الحبشة، وبعتت اسطول بقيادة كريستوفاو دي جاما ابن فاسكو دي جاما عشان يهزم المسلمين، وكان شوية ينهزموا وشوية يكسبوا، لحد ما دخل في المعادلة قبائل اسمها جالا .. بتهاجم المسلمين والمسيحيين عادي، لحد ما ضعفت وبقت هرر بتمثل نفسها بس، وهنا الخديوي اسماعيل بإيعاز من السلطان العثماني بيقرر يغزو الصومال ويسيطر على مدينة هرر .
الخديوي قدر انه يعمل ازدهار اقتصادي للمدينة، ويبني مدارس ومستشفيات ويصلح البنية التحتية ويعمل مسجد كبير اسمه المسجد المصري، وحكمها فعليا لمدة ١٠ سنين، بداية من ١٨٧٥ لحد ١٨٨٤م، لحد ما هيحصل حاجة هتغير الصومال تماما من الثراء للفقر.
مؤتمر برلين ١٨٨٤م ..
المؤتمر ده عبارة عن مؤتمر دعت ليه البرتغال ونظمه اول مستشار لالمانيا اللي هوا اوتو فون بسمارك، وبدعوة لاغلب دول الاستعمار الاوروبي، محتواه هو تقسيم قارة افريقيا عالاوروبيين كأنهم بيقسموا كيكة، الكونغو راحت لبلجيكا والسنغال راحت لفرنسا وكل واحد طمع في حتة احدها، والدور كان عالصومال الكبير ..
الصومال الكبير او العرقية الصومالية كبلد كانت عبارة عن حتة كبيرة من اثيوبيا، وحتة كبيرة من كينيا، وجيبوتي كلها، والصومال كلها، كل دول كانوا الصومال الكبير، لكن بعد مؤتمر برلين بقا، اتقسمت الصومال الكبير لخمس حتت ..
صوماليلاند ودي خدتها بريطانيا، جنوب الصومال اخدتها ايطاليا، جيبوتي اخدتها فرنسا، منطقة هاود وضواحيها اهدتها بريطانيا لاثيوبيا، واخيرا الجزء الكيني ضمتها بريطانيا لكينيا، اما بالنسبة لهرر، فا بريطانيا طردت الحكم المصري منها لاننا نفسنا كنا وقعنا تحت الاحتلال البريطاني، وهرر كانت امارة اسمية كدة، والميجور هنتر كان جرد اهل هرر من السلاح قبلها
لحد ما الملك الاثيوبي "منليك" طمع فيها، وبدعم من ايطاليا اللي كانت طمعانة في نصيب بريطانيا من الصومال، هجم منليك على هرر واسقطها بسلاح حديث ايطالي، وهزم الامير عبد الله اخر امراء هرر، ومكنش معاهم سلاح يدافعوا عن نفسهم بيه، وفجأة هرر بقت مقاطعة اثيوبية، يحكمها "رأس مكونين" اللي هوا ابو الامبراطور هيلا سيلاسي، اللي بعد سنتين بس ١٨٨٨م بريطانيا وفرنسا هيتفقوا انها تفضل مع اثيوبيا، وحول الاحباش فيها المساجد لكنائس، على رأسهم المسجد المصري الكبير.
طيب هنا احنا حكينا ايه اللي فقر الصومال، ايه بقا اللي بيحصل؟
لما بريطانيا احتلت صوماليلاند، اهالي بربرة مسكتوش وعملوا ثورة مسلحة اتحلت بمعاهدة، بعدها ظهرت حركة مقاومة اسمها الدراويش على ايد واحد اسمه محمد بن عبد الله حسن، قدر انه يحقق هزايم كبيرة في صفوف الانجليز، على مدار ٢٠ سنة لدرجة انهم في النهاية قصفوة بالطيران، ثم بعد كدة دخلت الحرب العالمية التانية وايطاليا اللي واخدى حتة من الصومال حاولت تاخد حتة من انجلترا، وقامت بينهم حرب اسمها "الحملة على شرق افريقيا".
المهم الحرب خلصت، ايطاليا انهزمت، والصومال بدأت تنادي بالاستقلال، ولان المستعمر كان اكتر من دولة، فا صوماليلاند استقلت سنة ١٩٦٠م يوم ٢٦ يونيو، وبعد خمس ايام استقل جنوب الصومال يوم ١ يوليو من ايطاليا، وكانوا قاصدين ده عشان يعملوا فرقة لان المستعمر مبيسبش ارض غير وهي تحت سيطرته او خراب، ولان موقع الصومال مهم لتجارة اوروبا، وعشان طبعا ابار النفط اللي تحت الاراضي الصومالية.
بعد الاستقلال، الشماليين في صوماليلاند قعدوا مع الجنوبيين وقرروا يحققوا الحلم، اللي هوا الصومال الكبير، وقعدوا مع بعض واتفقوا على الاتحاد وتحرير باقي المناطق الخمسة اللي اتكلمنا عنهم فوق، واتفقوا ان الرئاسة والحكومة والنواب يكونوا في الجنوب، ووافق اهل صوماليلاند، واعلنوا الدولة الموحدة "الشمال والجنوب".
عدى سنة، سنة ١٩٦١م الشماليين حسوا ان الجنوبيين مش جادين في حتة التوحيد دي وان الغرض كان ياخدوا المناصب بس، وعملوا استقالة جماعية من مجلس النواب، وحاول بعض قيادات الجيش من الشمال يعملوا انقلاب وفشل، لحد انقلاب ١٩٦٩م على ايد العميد محمد سياد بري، واللي توقعوا انه يقف في ضهر الصوماليين كلهم ويبدأ يوحد الاراضي، لكن الاهتمام اغلبه كان بالجزء الجنوبي بس خصوصا في المشاريع والبنية التحتية.
في الفترة دي جيش الصومال كان من اقوى جيوش افريقيا، من حيث التجهيز والعدد، فا استغل القوة دي واعلن الحرب على اثيوبيا سنة ١٩٧٧م، بهدف استعادة الاراضي الصومالية المحتلة، وانتصر فعلا، لكن السوفييت والامريكان اللي ليهم مصالح عالبحر الاحمر وقفوا ضد الصوماليين وطردوهم برة الحدود المعترف بيها دوليا بتاعت بريطانيا.
القشة الكبيرة بقا اللي بوظت الدنيا اكتر كانت استقلال جيبوتي، وبقت دولة معترف بيها مع انها جزء من الصومال التاريخية زي ما قلنا، وهنا قررت الصومال الشمالية انها مش عايزة تتحد مع الجنوب تاني، وبدأت تفاوض على استقلالها مع محمد سياد بري، اللي هيتحول ويبقا واحد من اكبر الديكتاتوريين التاريخيين في افريقيا كلها.
صوماليلاند بيسيطر عليها عشيرة صومالية كبيرة اسمها "عشيرة اسحاق"، ودول اللي اسسوا الحركة الوطنية الصومالية في شمال الصومال، واللي نادوا الاول بالاتحاد وبعد كدة نادوا بالانفصال، بدعم من مين؟ من اثيوبيا، اللي عايزة يكون ليها يد عالحتة دي، فا نظام بري قرر انه يقاوم بعنف، وسمى الحركة انها ميليشيات، وبدأ حملة ابادة وقصف بالطيران المدن دمر فيها ٩٠٪ من اراضي عاصمة الصومال الشمالية اللي هيا هرجيسا، راح ضحيتها ٢٠٠ الف ونزوح نص مليون على اقصى تقدير لاثيوبيا ونص مليون زيهم جوا الصومال نفسها.
الكلام ده لحد ١٩٩١م لحد ما قامت حرب اهلية ضد نظام بري، خصوصا بعد تفكك الاتحاد السوفييتي ومعاه قل الدعم، وانهار النظام في النهاية وهرب محمد سياد بري، وبدأت الحركة الوطنية الصومالية تستعيد السيطرة على شمال الصومال، وبدأت تبني المدينة من جديد والميليشيات اندمجت في الجيش والنازحين رجعوا والدنيا لطيفة، وكان اول حاجة عملوها بعد انهيار النظام هو مؤتمر اسمه برعو.
مؤتمر برعو ده كان عبارة عن مؤتمر ضم شيوخ القبائل والحركات السياسية والمفكرين تحت عنوان "تقرير المصير" اللي خرجوا في النهاية يوم ١٨ مايو ١٩٩١ بقرار انفصال صوماليلاند عن الصومال وقيام جمهورية ارض الصومال بحدود سنة ١٩٦٠م.
ولحد النهاردة بتتعامل على انها دولة مستقلة بذاتها، ليها دستور وقانون ونواب، ورئيس اسمه موسى عبدي، رئيس لاكبر دولة غير معترف بيها في العالم.
الانفصال ده معترفتش بيه حكومة الصومال الجنوبية، ولا امريكا اللي بتدعم وحدة الصومال، ولا اي دولة من تابعين امريكا، مفيش دولة في العالم معترفة بصوماليلاند لحد النهاردة، الا دولتين، تايوان لانها بردو بتمر بنفس الظروف وعايزة تستقل عن الصين، ومؤخرا اثيوبيا،
ونيجي هنا للي حصل بقا في الصومال على ايد اثيوبيا ..
اثيوبيا دولة حبيسة ملهاش منفذ على البحر الاحمر، لكن زمان كان ليها، ازاي؟ لان اريتريا كلها كانت جزء من الاراضي الاثيوبية لحد سنة ١٩٧٤م وقتها كانت اريتريا اقليم ليه حكم ذاتي، لحد ما حصل انقلاب على الامبراطور هيلا سيلاسي واتولى الحكم النظام الشيوعي في اثيوبيا، ولغى الحكم الذاتي وضم الاراضي الاريترية بالقوة.
لحد تفكك الاتحاد السوفييتي ١٩٩٢م وظهور حركات الاستقلال الاريترية وبعدها نشوب حرب اهلية تانية ادت في النهاية لاستقلال اريتريا ١٩٩٣م، وبعد ما كانت اثيوبيا قوة بحرية وعندها مينائين هما مصوع وعصب، اخدتهم اريتريا في استقلالهم، وفجأة اثيوبيا بقت من غير منفذ عالبحر، يعني ملهاش اي سلطة عالتجارة البحرية،
اثيوبيا حاولت تعمل ده مع اريتريا وعملت اتفاقية سلام واخد ابي احمد نوبل بسببها سنة ٢٠١٩م، وكان هياخد حتة عالبحر فعلا، لكن الحرب مع اقليم تيجراي وقفها، وافشل الموضوع.
ومكنش لاقي غير جيبوتي، ٩٥٪ من المعاملات التجارية لاثيوبيا معتمدة على جيبوتي بس، مفيش رجل عالبحر، ملوش اي سلطة على اساس التجارة البحرية، ومفيش كمان قواعد عسكرية بحرية، ودي نقطة مهمة.
طيب اثيوبيا تعمل ايه عشان تحط رجليها عالبحر الاحمر؟
مفيش قدامها غير حلين، يا اما تخش في حرب مع اريتريا وابي احمد يبل مؤتمر جدة للسلام ٢٠١٨ وجايزة نوبل ويشرب ميتهم، يا اما يدور على حل تاني، والحل اللي لقاه هو مذكرة تفاهم، بين اقليم صوماليلاند الانفصالي وبين اثيوبيا.
الفكرة انه يعترف بإستقلال صوماليلاند دوليا، في عز ماهما عايزين اي اعتراف دولي ومحدش يعترف بيهم، ويبقا ضهر عسكري ليهم، ومساهم في البنية التحتية، والمقابل ٢٠ كم على ساحل البحر الاحمر يأجروهم، ويستغلوا ميناء بربرة، اللي اتكلمنا عنه وعن اهميته فوق، واهي فرصة ممكن يعملوا كمان قاعدة عسكرية قصاد باب المندب، ويقولي اقتصاده شوية ويمثل تهديد جديد للمصالح المصرية عالبحر الاحمر، ملف ضغط جديد زيه زي ملف سد النهضة بالظبط.
طبعا ده امر غير قانوني، انك تدعم كيان انفصالي فا انتا كدة اعلنت العداء للدولة نفسها، وده اللي عملته الصومال فعلا انها استدعت سفير اثيوبيا للتشاور، واعلنت ان ده تعدي عالسيادة الصومالية، وعليه الجامعة العربية والاتحاد الافريقي وحتى امريكا نفسها اعترضوا على المذكرة دي، وممكن تؤدي لحرب جديدة، تأثر على النقل في البحر الاحمر.
مين بقا بيدعم ابي احمد؟ هوا هوا المستفيد من النوش اللي حاصل على حدودنا مع السودان، وعلى حدودنا الشرقية، وهوا هوا اللي مش عايز الحوثيين يفضلوا مشكلين قلق على سفنهم وتجارتهم، وبيضربوا فيهم كل شوية.
توتر جديد في شرق افريقيا كلمة السر فيه هو السيطرة على التجارة في البحر الاحمر، اللي كان السبب في ثراء الصومال يوما ما، واللي دلوقتي سبب في تفككها، ابحث عن المستفيد واللي بيلعب في المنطقة وانتا تعرف اساس المشكلة هو مين.
شكرا ❤️
- إنضم
- 19 نوفمبر 2021
- المشاركات
- 11,503
- مستوى التفاعل
- 39,039
- المستوي
- 10
- الرتب
- 10
علمتني الأحداث السابقه أن إلى بيعمل مش بيتكلم وان فيه دول بتتحرك على الارض بشجاعه وبتاخد المبادرة فى جميع المشاكل إلى دخلتها من اول ليبيا الى اثيوبيا إلى السودان ولا تكتفى بنشعر بالقلق وترك الأمور تيسرها الوقت وأن تترك النار تشتعل وتنتظر حتى تهددها على شان تتحرك ...بل فيه دول فاعله وليس مفعول
- إنضم
- 19 نوفمبر 2021
- المشاركات
- 11,503
- مستوى التفاعل
- 39,039
- المستوي
- 10
- الرتب
- 10
عند فشل امريكا فى فى الصومال أسندت المهمه لإثيوبيا وجميع التقديرات طلعت بمؤشر واحد أن إثيوبيا نجحت وحجمت الصومال ودمرت القوات إلى كانت ضد أمريكا فهم بارعون فى حرب العصابات الان لو حصل حرب هل هنجد حد يدعم بجد الصومال (روسيا الصين الامارات )مع إثيوبيا ..امريكا بالتأكيد هتدعم إثيوبيا على شان تستخدمهم ضد الحوثى ...كل ما يحدث هوه تجربه أخرى لحرب التجراى لن يدعمه أحد وسوف يتركون إقليم ارض الصومال لإثيوبيا بموافقات دوليه
مصر معاها كرت وحيد على شان تكسب فى الحوار ده وهوه حل واقعى لان مهما أرسلنا مساعدات فى الامارات هتبعت ١٠٠٠ ضعف وكمان عندها القدره عكسنا على شراء انواع من الاسلحه ..فى الحل اننا نحسس الحوثى بالخطر إلى بيتعامل عليه ونخليه جزء من المعادله وتدعمه بقوه وتخليه ينضم للجابه وهوه مقطع البطاقه وهيتعامل انت بس وفر ليه الحمايه فى الإمداد بالسلاح
مصر معاها كرت وحيد على شان تكسب فى الحوار ده وهوه حل واقعى لان مهما أرسلنا مساعدات فى الامارات هتبعت ١٠٠٠ ضعف وكمان عندها القدره عكسنا على شراء انواع من الاسلحه ..فى الحل اننا نحسس الحوثى بالخطر إلى بيتعامل عليه ونخليه جزء من المعادله وتدعمه بقوه وتخليه ينضم للجابه وهوه مقطع البطاقه وهيتعامل انت بس وفر ليه الحمايه فى الإمداد بالسلاح
جميل ايه اللي حققته الإمارات لنفسها مقابل المليارات اللي صرفتها في ليبيا مثلا؟
- إنضم
- 19 نوفمبر 2021
- المشاركات
- 11,503
- مستوى التفاعل
- 39,039
- المستوي
- 10
- الرتب
- 10
حفتر التابع لها على حدودك ومعاه جيش ودعم عدوك وعزز قوتها ودعم حليفها ..عاوز ايه تانى
معلش هو حفتر و قواته تعتقد أنه يرقي أنه يكون تهديد لمصر خصوصا أنه يقاتل بشكل نظامي و حجم جميع المتصارعين في ليبيا قوي هزيلة ، و التوازن ما بينهم توازن الضعف
ايوة حفتر اللي دخلنا نضرب في ليبيا مرتين؟
باعتبار دا تهديد لمصر مع انه غير حقيقي..الإمارات حققت ايه لنفسها..دا سؤالي؟
كسبت ايه من المليارات اللي صرفتها؟
المواضيع المشابهة
