🔵 انا مبحبش اكتب عن الاقتصاد التركي
عشان معروف اني بكره تركيا
و بالنسبة لي دي دولة اعداء
🔷🔶 بس انا هقولك ليه اردوغاز رفع الفايدة بشكل جنوني كده .. عشان تبقا فاهم
انا ليه برفع سعر الفايدة 👈🏻 عشان اواجه التضخم .. ازاي 👈🏻 اسحب النقد اللي مع المواطنين واحوله لمدخرات 👈🏻 ده بيزود الدين الداخلي طبعا لكن بيقلل المعروض من النقد ف يقلل نسبة الكاش مع الناس 👈🏻 بالتالي الطلب هينكمش 👈🏻 الاسعار تنخفض
ده التطور الطبيعي للحاجة الساقعة
حلو الكلام .. حلوووو
📌 عن الاغا بقا بعد تخفيض كتير في الفايدة هووووب دبل سبرينت ارفع ل 30% 🤔
📌 اخد الخبر ده و اروح علي كلام اوغلو المعارض بتاع الترشيح للرياسة
ألاقيه كان بيتكلم في خلاف بين تركيا و بريطانيا بسبب ورق البنكنوت بتاع الليرة
و ان تركيا متعثرة في سداد المستحقات بقالها سنة و نص
و ان في نقص مهول في احتياطي الدهب وبالتالي مفيش طبع ليرة اصلا 🤷🏻♀️🤷🏻♀️
خد بقا الرفع الجنوني للفايدة + الاخبار دي
تطلع بنتيجة واحدة
في ازمة سيولة كبيرة في تركيا
و بيرفع سعر الفايدة كده عشان يسحب سيولة من السوق
يوجهها للبنك المركزي
عشان الحكومة تقدر توفي بالتزاماتها
و الا الكلام اللي اتقال وقت الانتخابات هيطلع صح
و هو ان تركيا بنهاية2023 هتواجه ازمة عدم القدرة علي سداد الرواتب 🤷🏻♀️🤷🏻♀️
اددددي حكاية الاغا