عااااااجل✋
البنك المركزي المصري يسحب 929.8 مليار جنيه من فائض السيولة بالبنوك.. أنت قربت على الـ5 ترليون جنيه، سحوبات في أقل من شهر..
المركزي بيغامر، وعشان يسيطر على التضخم.. والصراحة المحافظ حسن عبدالله، قلبه جامد.. الجرآة حلوة مفيش كلام.. بس نكمل المعادلة بقى، وعشان تبقى جمودية القلب دي محسوبة.. السحوبات دي كلها هتتحول لخساير، لأنه مضطر يرجعها بفايدة.. ويجي هنا السؤال هيجيب الفايدة دي منين، من جيبه مثلًا، يعني رصيده وأنه يطبع.. ودي تبقى كارثة..
أو يسلفها للحكومة وياخد فايدة، ودي تبقى كارثتين..
أو يسلفها للبنوك.. وده مش هيحصل، لأن البنوك عندها فايض أصلًا..
وعشان كده البنك المركزي بينتظره في تقريره السنوي خساير كبيرة هيتحملها..
ملحوظة مهمة، عملية سحب السيولة، بين قوسين الفلوس الزيادة في السوق، البنوك عندها فلوس زيادة ومحدش عايز قروض بما يوازي السيولة اللي في البنوك.. وده لأن الفايدة عالية بالمقارنة بقبل كده.. هنا يجي دور البنك المركزي، اللي حط الفايدة العالية اللي سببت أن الفلوس دي تروح البنوك والسيولة تزيد. وده يعتبر من مهام البنك المركزي، اللي لازم يدير السيولة، وعلشان ميحصليش تضخم فى السيولة، فساعتها البنوك ممكن تدي قروض أكتر بأسعار فايدة أقل من اللي أعلنها المركزي فتبوظ طبخته للسيطرة على التضخم.. نتيجة توافر السيولة و مافيش مكان تصرف فيه السيولة دي.. وده زي ما قلنا ممكن يؤدي لأنهيار المركزي وأسعار الفائدة اللي محددها المركزي.. فالمركزي مُجبر يدير القصة دي..
ملخص الكلام.. بينتظره خسارة كبيرة إلا إذا...
#خمسينة_اقتصاد