الموضوع كويس جدا طبعا وخصوصاً الخامات علشان المستوردين الخامات كانوا بتلككوا بموضوع الاعتماد المستندى وكده الاسعار هتنزل للخامات.
متفق معاك فى الجزء التاني ( في المجمل دي لمحة امل ربنا يكملها بالخير)محتاجين منشور تعريفي بشرح وصف مستلزمات الانتاج من وجهة نظر صانع القرار ومايندرج تحته ومالا يندرج تحته
لكن في المجمل دي لمحة امل ربنا يكملها بالخير
حضرتك بتشرح كويس وبشكل جميل جدا والحقيقة كلامى القادم ليس لانتقاد حضرتك ولكن لحكاية الموضوع من زاوية أخرى.مش هخبي عليك انا متخوف لاني لم اتعود ان الحكومة تهتم !
لديهم احلام وطموحات في وادي والواقع الفعلي الحقيقي في وادي تاني
لكن الخبر جميل جدا رغم انه في توقيته دا ضيع علي كل المستوردين (التصنيعي والتجميعي) فرصة كبيرة جداً للحصول علي ائتمان مجاني من الموردين الي راحت الحكومة ضيعته علينا بالاعتمادات وخلتنا ناخده بمقابل .. يعني انا كنت باخد من المورد 90 يوم مثلا ائتمان ببلاش وفي الوقت دا اقدور ادور الفلوس في اي حاجة تانية لحد ميعاد الاستحقاق .. جات الحكومة اجبرتني احط قيمة الشحنة في البنك ب 110 ل 120 من قيمتها في البنك من قبل ماعملية الاستيراد تبدأ حتي .. بل انك كمان لما تحط الفلوس مش ضامن انك تاخد سويفت الاعتماد فوري .. لا هتدخل في الدور وتعطل اكتر .. يعني الحكومة خسرتنا من الناحيتين .
1- ضيعت عليا الائتمان الي كنت باخده ببلاش وبعدين جم قالوا في شركة هتديكوا ائتمان مخاطر وهتعاملكوا بنسب كويسة ولحد دلوقت لم يطبق ولا شوفنا وشها .. طيب منا كنت باخد الائتمان ببلاش اصلاً من المورد انت كدا ضرتني ولو هتوفرلي ائتمان هتخليني ادفع في المقابل فالموضوع انا مكنتش فاهم ايه هدف الحكومة منه لأن اي مصنع بيتحمل تكاليف بيرميها في النهاية علي سعر المنتج والمستهلك النهائي يشيل !
2- الفلوس نفسها الي غطيت بيها الاعتماد فضلت عطلانة في البنك ومش قادر استخدمها لاي نشاط انتاجي تاني ومستني البهوات يوافقوا علي الاستيراد.
- من ناحية تانية دلوقت اليوان الصيني منخفض امام الدولار بنسبة 7% تقريبا .. الهبوط دا كان يقدر يخلينا نتفاوض مع الصينين علي تخفيض اكبر في سعر المكونات لكن للأسف الوضع السابق في مصر ماخلاناش نعرف نتحرك علي ارض ثابتة .. وضاع علينا فرصة استغلال الانخفاض دا لاني مالحقتش اشحن البضاعة العطلانة في الصين من تلت شهور وبالتالي الحق اعمل تعاقد جديد بالشروط الجديدة.
We use cookies and similar technologies for the following purposes:
Do you accept cookies and these technologies?
We use cookies and similar technologies for the following purposes:
Do you accept cookies and these technologies?