-
يمنع منعا باتا توجيه أي إهانات أو تعدي شخصي على أي عضوية أو رأي خاص بعضو أو دين وإلا سيتعرض للمخالفة وللحظر ... كل رأي يطرح في المنتدى هو رأى خاص بصاحبه ولا يمثل التوجه العام للمنتدى او رأي الإدارة أو القائمين علي المنتدى. هذا المنتدي يتبع أحكام القانون المصري......
تركي آل الشيخ : وصلت أرض مصر الشقيقة في زيارة رسمية لعدة أيام
- بادئ الموضوع مطلع الشمس
- تاريخ البدء
ما يحدث هو محاولة تجريف مصر من قوتها الناعمة لصالح السعودية في ظل انبطاح حكومي مصري
تركي ال الشيخ من عائلة ال الشيخ الموالية ل ال سعود ، و العائلة فيها شيوخ كثير يدوروا في فلك آل سعود ، و اصلهم يرجع لمحمد عبد الوهاب مؤسس الوهابية لذلك واضح جدا لماذا تدور عائلة ال شيخ في فلك ال سعود
تركي ال شيخ كان رتبة صغيرة في الجيش و فجأ اصبح يتحكم في مليارات الدولارات وهدف خلق قوة ناعمة للسعودية و تغير الصورة السوداء عن السعودية خصوصا في الغرب و فقا لرؤية محمد بن سلمان ، لكن المشكلة ان بجانبه دولة تمتلك اكبر قوة ناعمة في المنطقة لذلك يعمل هذا الترك علي تجريف و اضعاف القوة الناعمة المصرية لصالح السعودية
و بدائها ب كرة القدم ، الدوري المصري و الدربي المصري كان اكبر دربي متابعة في المنطقة و في مشجعين للأهلي و الزمالك في اغلب الدول العربية ، لكن هل في مصر فيه مشجعين للاتحاد السعودي مثلا او الترجي التونسي او العين الإماراتي ؟ طبعا لا و ده قوة مصر و تأثيرها في المنطقة إن حتي الرياضة المصرية تدخل كل بيت عربي
ف بدأت شوال الفلوس تدمير الدوري المصري بالتوازي ف شراء لاعيبة عالميين بأي بمالغ لتسليط الضوء علي الدوري السعودي في المنطقة و في رائي الموضوع سياسي و ليس رياضي ، شراء نادي الأسيوطي و اصبح براميدز و شراء لاعبين مبالغ ضخمة لا تتناسب مع موهبتهم و قدراتهم ف رفع سعر اللاعبين في الدوري المصري و اصبح لاعبين كثير مستواهم ضعيف و أسعارهم مرتفعة جدا و ده اضعف الدوري المصري لعدم القدرة علي المنافسة و ده قلل من جودة اللاعبين المصريين و اضعف الدوري المحلي و ده انعكس علي المنتخب
بالنسبة للفن ، حاولوا انتاج افلام سعودية لكن فشلوا لان الفن ده موهبة حباها الله للمصرين منذ ايام الفراعنة و النكات المكتوبة علي جدران الكثير من المعابد المصرية ، لذلك بدوأ في شراء فنانين و مذيعين و اعلاميين و اتوقع في المرحلة القادمة انتاج افلام لهم مع فنانيين سعودين و قد يتكلم المجنسين الجدد من الفنانين المصريين اللغة السعودية في المستقبل في الافلام السعودية ، و اصبح هذا التركي و شركات انتاجه الفنية عصاية لمعاقبة اي فنان مصري و يحرمه من اي انتاج له في ظل ضعف الانتاج المحلي المصري
كل ده بيحصل دون تحرك مصري لحماية قوتنا الناعمة و تأثيرنا علي المنطقة
التعديل الأخير:
نصيحة الى تركى ال الشيخ
ان يندمج الشعب السعودى الى الشعب المصرى عشان يتعلموا المواهبة
ولن ينفع التجنيس ومن قبل القنوات المشفرة ومن قبل هجرة الفنانيين المصريين
اللي منجح الافلام هي اللهجة المصرية .
تخيل ممثل مصري يتكلم سعودي 😂 ..
الليلة السعودية المصرية مع كامل الشخر لوزيرة الأنحطاط و الأنبطاح و الدونية
دوبلاج افلام كارتون ديزني يشهد عبقرية المصريين و اللهجة المصرية لدرجة تحس أن الفيلم اساسا مصري مش امريكي
و لما رفضوا اللهجة المصرية و خلوها بالفصحي تراجعت جدا شعبيتها في الشرق الأوسط كله
- إنضم
- 19 نوفمبر 2021
- المشاركات
- 2,499
- مستوى التفاعل
- 12,854
- المستوي
- 2
- الرتب
- 2
ما أستبعدش يحاول يعمل كده فعلآ و يخليهم يتكلموا خليجي زي ما انغام و غيرها بيروحوا هناك يغنوا بالخليجي
أو يتحفونا بافتكاسة جديدة بقى ان اللهجة المصرية اصلها جداوي زي المشربية كده!
هما كلهم تفاهة وقرف
بس مصر طول عمرها اصيلة وبترمى التفاهه والقرف
مين يا باشا هيتفرج علي افلام لهجة خليجية او اغاني؟
احنا ١٢٠ مليون ، نجاح اي ممثل عربي بسبب اللهجة المصرية و بعدها نسبة المشاهدة في مصر.
يعني انا اساسا مبطقش اسمع لهجتهم، هفضل ساعتين اشوف فيلم ليهم؟
انا اساسا مبطقش محمد هنيدي من سنين بسبب سماجته بعد ما كبر في السن هو و محمد سعد و غيرهم، مين هيتفرج عليهم لما يتكلمو بالسعودي؟
بالظبط، انا كان لي اصحاب اوروبيين عارفين بمو١وع الدبلجة المصرية لافلام ديزني
بالضبظ مهم التفهة
مش هيفرق معاهم النجاح و لا مين يتفرج او لا هم عايزين ينسبوا لنفسهم تراث فني و ثقافي يغطوا بيه دعاوي الوهابية و الرجعية و الأرهاب اللي بتطاردهم مش أكتر
و ايه اللس هيترتب علي كده ؟
هيخلو الحوثيين اصدقاء
و الايرانيين و الشيعة ؟
بلدهم هتبقي النرويج ؟ هيزدادو ثراء؟
كل اللي بيعملوه ده شغل قرود و مكايدة و في النهاية هتطربق فوق دماغهم، عندهم عجز في الموازنة و نسبة فقر بدأت تنتشر ده غير الاحتياطي الاجنبي بتاعهم نزل من تقريبا ٨٠٠ مليار دولار الي اقل من ٤٠٠ مليار في عشر سنين بسبب سياساتهم الغبية.
تفتكر كمان ٥ سنين هيحصل ايه؟ هيقدرو يعتمدو علي نفسهم؟ اشك .. معظم العمالة اجنبية ومعظم المهارات مع الاجانب.
مايولعوا بجاز وسخ حرفيآ يا فندم مايهمنيش حاضرهم و لا مستقبلهم هيكون ايه
ايه بقى علاقة كل اللي انت قولته ده بتراثي الفني و الثقافي اللي بيسرقوه عيني عينك بموافقة الحكومة المنبطحة ؟
هستفاد انا ايه لما يفشلوا في النهاية بعد مايكونوا استحوذوا على جزء من التراث الفني و الثقافي بتاعي و نسبوا اصول اشياء مصرية ليهم و وثقوها في اليونسكو زي السمسمية و المشربية و بعض الاكلات ؟
على كده بقى نسيب إسرائيل تاخد وادي العريش في سيناء عشان Guess What هم هيفشلوا في النهاية بوعد آلهي و هنقضي عليهم و الحجر هينطق يقول يا مسلم خلفي يهودي!
لأن هو ده منطق كلامك انهم كده كده هيفشلوا و دولتهم في شرق البحر هتدمر عاجلآ ام اجلآ لتعدد الأسباب و الأعداء ف اللي بياخدوه مننا ده مش هيفيدهم يعني في حاجه و مش هيوصلهم لنجاح و ازدهار
و انا بتفق معاك بالمناسبة مش هيوصلهم لنجاح بس اسمه سطو على تاريخي و تراثي و بينتقص من مخزوني الفني و الثقافي و مش هسمح به تحت اي مسمى
المواضيع المشابهة
