متابعة مستمرة تطورات النزاع السوداني

OSORIS · 18 أبريل 2023

قوافل لدبابات تابعه للجيش السوداني تقوم بدوريات ليلية في شوارع العاصمة الخرطوم في ظل انقطاع للماء والكهرباء

hazem · 18 أبريل 2023

Mohamed Ghanem قال:
@hazem
اظن كده اقتنعت ان الجنود المصريين والطائرات المصريه مش متسابه عن عمد عشان نتدخل بسببهم

ممكن أنا أكون حالم بزيادة وممكن أكون سو بزيادة العلم عند الله أستاذي

أتمني من الله أنهم يرجعوا بالسلامة ولو فيه قصور كل المسئوليين يتشالوا فيها من أول عباس كامل للمخابرات الحربية والمسئول عن قوتنا في السودان

معنديش مانع والله أن النظام كله ذات نفسه يمشي لو ده في مصلحة لمصر

أنا مرن جدا أما مصلحة مصر

zaky · 18 أبريل 2023

Mohamed Ghanem قال:
@hazem
اظن كده اقتنعت ان الجنود المصريين والطائرات المصريه مش متسابه عن عمد عشان نتدخل بسببهم

كان لازم يبقوا موجودين في المكان ده والزمان ده علشان يأدوا دورهم افتكر دورهم لسه مجاش ويارب الجيش السودانى يحسم الأمر سريع
ولنا الله في اعصابنا

JOKer 88 · 18 أبريل 2023

القوات موجوده من فتره هناك لدرجه ان وعاء الاطار لا يتم وضعه الا بتخزين طويل الامد منعا للقوارض من تاكل العجلات دي نقطه
مفيش طيارين ولا دعم فني
يوجد قوات دفاعيه فقط وحمايه للمقاتلات
لا يتخطي السريه
الي حصل والهجوم الاول كان علي قاعده مروي وده لعده اسباب
اولا حمدتي لعب علي وتر الشعب من تواجد القوات المصريه بصوره دائمه
ثانيا ده مركز تداول الذهب المنهوب من السودان وهو كان مسؤول عن تامينه للامارات وروسيا
ثالثا ليه اراضي حوالين المطار بصوره كبيره
الامارات هي الداعم الاول والمحرك الرئيسي للموضوع ده
احنا بقي فشلنا استخبارات وتامين وكل حاجه فعليا
الهجمه الاعلاميه سببها ان فيه خلافات كثيره مع مصر فعليا وضرب مقرات الاخباريه كانت خطوه حلوه
الامر الاخر ان الي اخذ اللقطه وعمل كده كان قاصد استفزاز مصر فعليا وده امر اخر لان الهدف استفزاز من الاول
العيب بقي كان لازم يكون فيه رده فعل سياسيا وعسكريا وده فشل مصري كبير واول فشل لمصر احنا انجاب فينا جول حلو جدا
وده مش غلط بس عشان تعرف تفوق وتعرف تتصرف صح ولو ما فيش رد مش هيقوم لينا اي هيبه بعد ذلك والكل هيتجرا عليك
الي بيحصل في السودان ليس صراع علي السلطه ده صراع علي الذهب الي هو هيبقي اساس العالم الجديد
ارجو عدم تصديق اي اخبار عن تحطم او اتلاف اي من المقاتلات لانه محصلش اي حاجه او تصريح رسمي حتي الان بالوضع
الجنود موجودين بالجبال بجوار القاعده لو تم نقلهم لدارفور يبقي كده الكلام يتغير من اول وجديد

JOKer 88 · 18 أبريل 2023

tayga قال:
هو معندوش اى رؤيا كل اللى مركز علية هو النهضة الاقتصادية وبس مهما كان الثمن سواء باغراق البلد بملايين من حثالة الارض او حتى بالخطابات اللى بتخلى الناس تضحك علينا

اما اللى حصل دة فهو اللى يتحمل الغلط دة بشكل مباشر لانة مسحبش الجنود والمقاتلات من هناك مبكرا وكان مفيش مخابرات شغالة لغاية ما جنودنا اتاسروا فى مشهد مهين هايستخدم لاهانتنا سنوات لقدام دة غير اننا لغاية دلوقتى مش عارفين مكانهم ومقاتلات بملايين تم تدميرها وفى الاخر مش هانعرف نتدخل لانة فخ وتم نصبة لينا من مين من الناس اللى هو كان بيتملقهم علشان الفلوس
اسوا من الشخص دة انا مشفتش

انسحابهم هيدي دافع بالهزيمه واستسلام للامر الواقع بس كان يجب التامين اكثر من ذلك وده فشل اناةمعاك فيه

Nile Crocodiles · 18 أبريل 2023

مرمبتاح قال:
بالعكس ياعم نيل لازم نمسك نفسنا ومانقعش في الفخ صور الجنود والفيديوهات المبالغ فيها اكبر من ضحايا لحرب السودانيه ذات نفسهم والان تدمير كم كياره يقولك الهدف هو جر مصر في هوجه احداث متلاحقه عشان القاده السياسين يسحنوا ويتدخلوا ورجليهم تيجي واوكرانيا وتكتيك السياسي والنفسي لجر الروس فيها بيتكرر بالمللي باسكريبت انجليزي وهو ؛
# جيب دولتين او تيارين واخلق بينهم تعارض مصالح
وبعدين سخنهم علي بعض باعلام وافلام تتادولها الجماهير وتشحن عاطفتهم للضغط علي نظامهم السياسي وبعد ان يبلغ الشحن ذروته اعمل حدث اخر اضخم من طرف ضد طرف ساعاتها تندلع الحرب ..
شوف تكتيك الانجليز لجر الروس في أوكرانيا الاعلامي والتسليحي هتلاقيه بيتكرر في احداث السودان بالملللي معانا ..
الموضوع اكبر من عواطف وكرامه وخلافه الموضوع امن واقتصاد مصر ووحدتها كمان ..

لا ننسي شيء الامارات طالبت صراحه بالتدخل المصري في ليبيا لو تتذكر علي يد عرابها علي عبدالخالق وانور قرقاش لاستنزافها ولما مصر فهمت اللعبه وعملت صلح مع تركيا اشتغلوا ليها في السودان..

الامارات عاوزه تصعف مصر عشان تسيطر علي موانيها لاكمال خط امبراطوريتهم البحريه القايمه علي السيطره علي مواني الخليج وجنوب اليمن والقرن الافريقي والبحر الاحمر ...

مش عاوزين كم طياره وغيره تنسينا فخ خساير اكبر وده رأيي

اولا حمد الله على السلامة يا صديقي

ثانيا مش مختلف معاك في رؤيتك وتحليلك للوضع وربما يكون المقصود من كل هذا هو جرك إلى مستنقع جديد وحرب جديدة وهذا ضد رغبتك......لكن في نفس الوقت انت في وضع حرج جنودك تم خطفهم وتصويرهم وطائراتك لا نعلم حتى الآن وضعهم الحقيقي والاهم من ده كله صورة الجيش لدى شعبه

كل هذه النقاط تستوجب رد حاسم وقوي وانا مش باقول اننا ندخل في حرب لكن يكفي توجيه ضربات دقيقة مع عمليات نوعية مدروسة جيدا على الأرض

اليومين الماضيين انا كنت عاذر جدا القيادة المصرية ومازالت باعذرها حتى الآن لان الضغط عليها شعبيا وداخليا قبل خارجيا كان كبير جدا وكان الله في عونهم لان الوضع حرج ودقيق......وربما يكون هذا فخ لنا كما ذكرت انت لذلك اتمنى من الله ان يوفق متخذ القرار في اتخاذ القرار المناسب

الادارة المصرية لديها من المعلومات والتقارير الاستخباراتية ما يؤهلها لاتخاذ القرار الصحيح بإذن الله......عكسنا نحن المواطنيين العاديين عاطفتنا ومشاعرنا هي من تحركنا
تحياتي لك

JOKer 88 · 18 أبريل 2023

hazem قال:
سؤال للناس اللي بتطالب بعملية عسكرية مصغرة

مين الطيران اللي بيضرب في السودان؟ مين اللي ضرب في بورتسودان؟ مين اللي بيضرب خطوط الامداد من دارفور

سؤال تاني هل تطابق كلام البرهان مع السيسي صدفة ولا في تنسيق ما بينهم؟

سؤال تالت هل حسم الجيش السوداني وسيطرته علي أغلب مواقع الميلشيات من قبيل الصدفة ولا ده عمل متجهزله من فترة؟

سؤال رابع هل مصلحة مصر كدولة شو ولقطة ولا سيطرة الجيش السوداني علي الوضع هناك؟

سؤال أخير هل حمديتي هجم والا أتجر للهجوم في السودان؟

خد نفس وفكر قبل متجاوب

اي هجوم ليلي ده مجهول وش
سوار بورتو ولا كردفان او المواقع الاخري
الدفع الان ناحيه العاصمه وليس بالمقاطعات المحيطه
حمدتي بيامن مصالحه فقط من التنقيب والبيع والتهريب

العُقـاب الحـارس · 18 أبريل 2023

Power is law قال:
بتخيل ولو للحظة لو اسرائيل مكاننا كانت

نفس الكلام كان بيتقال ايام عبد الناصر ... فى اجهزة وانت مش فاهم هما فاهمين ... مرورا بالسادات هو فاهم انت مش فاهم فمبارك انت مش فاهم ... هما بيفهموا عننا وبيفكروا عننا واحنا مش بنفهم ...
العبرة بالنتائج حضرتك والنتايج باينة على الارض ... والاجهزة والقيادات مش معصومة وفى الدول التانية ببتحكام وبتتحاسب عادى جدا على اخطاءها وقرارتها

النتائج بانت فى ليبيا لما الكل كان بينتقد الرئيس والجيش لما تم خطف المصريين وقتلهم مرورا بالخط الاحمر الى مقدرش اى كلب يخطيه بما فيه تركيا وقطر وامنت حدودك لغايه 1000 كم عمق ليبى لحد سرت نفس الى حاصل دلوقت لكن الفرق ان لحد دلوقت مفيش دم مصرى تم اراقته يبقى مفيش داعى للعنف عشان مخسرش الجيش السودانى الدعم الشعبى وادى حمديتى فرصه ذهبيه لتقليب الشعب على البرهان لانه كان بيروج من مده ان الجيش المصرى محتل قاعده مروى وان البرهان عميل لمصر الافضل اشتغل تحت الترابيزه ودعم سرى غير مباشر

الرئيس وقيادات الجيش اكيد مش معصومين بس بكل تأكيد عندهم معلومات ومعطيات ومخططات وصوره كامله وتقدير للموقف اكثر من اى مدنى زيي وزيك احنا اختبرناهم بالفعل فى ليبيا ومخيبوش املنا واكيد مش هايحصل فى السودان

OSORIS · 18 أبريل 2023

القيادة العامة للقوات المسلحة

الإثنين ١٧ أبريل ٢٠٢٣م

تدين القوات المسلحة بأشد العبارات،
السلوك الإرهابي لمليشيا الدعم السريع الذي تمثل في إستهداف البعثة الأمريكية ومنزل سفير الإتحاد الاوربي ومقار برنامج الغذاء العالمي في الفاشر ، واحتجاز أجانب وضباط سودانيين، ونهب الأسواق بنيالا وكبكابية وقارسيلا بوادي صالح ، إضافة إلى أعمال السلب و النهب لممتلكات المواطنين التي تمت في ولاية الخرطوم بجانب التعدي علي المنشآت الصحية الخاصة وتهديد الكوادر الصحية والطبية و ضرب محطات الكهرباء والمياه وتدمير الطائرات المدنية الرابطة بمطار الخرطوم.

مكتب الناطق الرسمي بإسم القوات المسلحة

Mohamed M78 · 18 أبريل 2023

tayga · 18 أبريل 2023

JOKer 88 قال:
انسحابهم هيدي دافع بالهزيمه واستسلام للامر الواقع بس كان يجب التامين اكثر من ذلك وده فشل اناةمعاك فيه

انا قصدى انة كان مفروض يسحبهم من هناك قبلها بايام فى السوشيال ميديا واغلب المنتديات العسكرية كان فية توقع ان حاجة هاتحصل فى السودان وحصل فعلا زى ما هواة الثقافة العسكرية توقعوا يبقى المفروض المخابرات عندنا اللى هما محترفين كانوا توقعوا الكلام دة كمان ويدوا توصية بسحب المصريين مدنيين و جنود من السودان لكن دة محصلش ودة يعتبر فشل

Mohamed M78 · 18 أبريل 2023

Mohamed M78 · 18 أبريل 2023

hazem · 18 أبريل 2023

JOKer 88 قال:
اي هجوم ليلي ده مجهول وش
سوار بورتو ولا كردفان او المواقع الاخري
الدفع الان ناحيه العاصمه وليس بالمقاطعات المحيطه
حمدتي بيامن مصالحه فقط من التنقيب والبيع والتهريب

علشان كده كان لازم يعرف تمامه
وجهة نظري أنه أتجر للمواجهة دي مش العكس
والدليل السيطرة علي أماكن تمركزات قواته ومعسكراته الكبيرة في يومين بس وبدون خسائر كبيرة

ناقص الجيوب اللي في الخرطوم وأنا متاكد أنها مش هتاخد وقت طويل
حمديتي هيتحاكم وهيبقي عبرة والأيام ما بينا أو أخرها هيجري برة السودان والسعودية راشقة في الحوار ده بالمناسبة وأمريكا مباركة هي والاتحاد الأوروبي

وجود فاغنر والامارات بينتهي حاليا من السودان والأيام هتثبت ده الا لو اراد الله حاجة تانية أحنا مش شايفنها

Mohamed M78 · 18 أبريل 2023

hazem · 18 أبريل 2023

بالمناسبة في جنود أمريكان علي الأرض للناس اللي متعرفش

Mohamed M78 · 18 أبريل 2023

JOKer 88 · 18 أبريل 2023

العُقـاب الحـارس قال:
النتائج بانت فى ليبيا لما الكل كان بينتقد الرئيس والجيش لما تم خطف المصريين وقتلهم مرورا بالخط الاحمر الى مقدرش اى كلب يخطيه بما فيه تركيا وقطر نفس الى حاصل دلوقت لكن الفرق ان لحد دلوقت مفيش دم مصرى تم اراقته يبقى مفيش داعى للعنف عشان مخسرش الجيش السودانى الدعم الشعبى وادى حمديتى فرصه ذهبيه لتقليب الشعب على البرهان لانه كان بيروج من مده ان الجيش المصرى محتل قاعده مروى وان البرهان عميل لمصر

الرئيس وقيادات الجيش اكيد مش معصومين بس بكل تأكيد عندهم معلومات ومعطيات ومخططات وصوره كامله وتقدير للموقف اكثر من اى مدنى زيي وزيك احنا اختبرناهم بالفعل فى ليبيا ومخيبوش املنا واكيد مش هايحصل فى السودان

بص مع ان هجومك المفروض تطمن مش هجوم للواقع بس فيه نقطه حلوه التدخل مباشر معاك فيه
مساعده في اعتراض الاشارات ومعرفه من في الصوره التي حدث ايضا وضرب مجهول ايضا
وجود عناصر علي الارض بصوره غير نمطيه طبعا والا هنكون بنلعب
مساومه علي حياه الجنود ده صعب
تعتيم من مصر واظهار موقف الضعيف متعمد ممكن
انا هاجمت اول ما حدث لكن رأي العقلاء هو الي يحكم في الموضوع
اي نعم فيه شغل وسخ بيتم من الكلاب الي حولينا وده متاكد منه انما منعلقش فشلنا في نقطه زياده التامين اكثر من ذلك ومعرفه بمجريات الامور وانا عارف والله ان احنا مش هنيجي حاجه فيهم بس
الي اعرفه في العسكريه لو مش تحت ايدك معلومات كفايه متدخلش اي مكان عشان هتنهزم
كل ما في الامر عامل الوقت صعب وده الي محيرني

JOKer 88 · 18 أبريل 2023

tayga قال:
انا قصدى انة كان مفروض يسحبهم من هناك قبلها بايام فى السوشيال ميديا واغلب المنتديات العسكرية كان فية توقع ان حاجة هاتحصل فى السودان وحصل فعلا زى ما هواة الثقافة العسكرية توقعوا يبقى المفروض المخابرات عندنا اللى هما محترفين كانوا توقعوا الكلام دة كمان ويدوا توصية بسحب المصريين مدنيين و جنود من السودان لكن دة محصلش ودة يعتبر فشل

انسحاب لا
تامين زياده كان لازم حتي لو قوات زياده
اي مناوره لازم يكون ليها تامين خارجي بجوار المعدات سواء بحري او جوي او بري وده فشلنا فيه

Ahmed Hassan · 18 أبريل 2023

طيب نحلف بايه علشان الناس تصدق وتفهم ؟؟؟
ان انا واحد من الناس لا عاوز تدخل ولا تورط ولا دخول فى مستنقع واضح للجميع وفاهم وعارف كويس برده إن إحنا أشخاص عاديين وعمرنا ما هنفهم الوضع ولا تكون عندنا المعطيات والمعلومات الكافيه زى اللى عند المسؤولين تمام ولكن ....
من بداية الأحداث منذ حوالى ٣ أيام نشوف طريقة تعاطينا وتعاملنا مع الوضع كان عامل ازاى اولا أنا ليا ناس ومعدات بموجب اتفاق وبروتوكول تعاون وتدريبات مشتركة داخل دولة أخرى البلد اتفاجأت بصور وفيديوهات لناس من عندنا أصبحوا فجأة أسرى داخل تلك الدولة وبيد مليشيات وليس حتى جيش نظامى طيب كانت المفترض من اللحظة دى وخلال ساعة على الأكثر يصدر بيان واضح تعليقا على ما حدث وبيان سبب التواجد الناس والمقاتلات والتأكيد على العمل بكل السبل والوسائل لاعادتهم سالمين دا ابسط وأقل شىء لكن طلع المتحدث بعد أكثر من ٦ ساعات بتغريدة على تويتر يقول انهم كانوا فى تدريب ويختفى على كدا لمدة ٣ ايام تركت الساحة فارغة للاشاعات والاخبار المتناقضة دون أى كلمة حتى لتطمين الناس
المطار تسيطر عليه مليشيات وتاخد اولادنا أسرى ثم يطلع بيان إن الجيش اقتحم المطار واستعاد السيطرة على المطار ثم اخبار عن اشتباكات ثم اخبار إن المليشيات استعادت السيطرة تانى ثم الجيش سيطر ثم اشتباكات ثم حرائق ثم اعدة دخان ثم سيطرة ثم فقد سيطرة وكل دا ولا احد يعلم ما مصير الجنود المصريين بالمطار حتى اللحظة ولم يصدر بيان واحد يقول أى شىء

متابعة مستمرة تطورات النزاع السوداني

في رأيك . هل يتجة السودان الي تقسيم جديد

نعم -نتيجة طبيعية للفشل السياسي والاقتصادي الحالي

لا- مجرد تهديدات للخروج بمكاسب سياسية

لا اعلم

جانبي الايسر قلبه الفؤاد..وبلادي لي قلبي اليمين

In a mad world, only the mad are sane

عضو

متديش للكلب قيمه عشان هيصيح

متديش للكلب قيمه عشان هيصيح

متديش للكلب قيمه عشان هيصيح

عضو معروف

جانبي الايسر قلبه الفؤاد..وبلادي لي قلبي اليمين

عضو مميز

In a mad world, only the mad are sane

In a mad world, only the mad are sane

متديش للكلب قيمه عشان هيصيح

متديش للكلب قيمه عشان هيصيح

عضو مميز

المواضيع المشابهة

الذين يشاهدون الموضوع الآن

Privacy & Transparency

Privacy & Transparency