انا من اول مشوفت الوزراء السيادية زى ما هى بما فيها الدخلية والخارجية ........وتغير وزير التعليم الغلبان " اللى انا مش متعاطف معاه اصلا " وامثاله فى حقب وزارية مكنتش مؤثرة اوى فى اللى احنا فيه الان .
الفكرة اللى وصلتلى ان التغير مجرد فرقعة وتغير لبعض الوجه .......عشان البسطاء يبقى عندهم امل فى قادم افضل ويستحملوا اللى جاى بحجة ان دى حكومة جديدة ولازم تاخد فرصتها ونصبر عليه والاسطوانة المشروخة اللى هتشتغل دلوقتى .......للاسف بيعيدوا نفسهم بطريقة تجيب عثيان يتبعه فقدان الامل .
انا عنفسى فقدت الامل فى اى قادم افضل ...
الراجل ده عنيد واحيانا بيبقى مصر على الطريق الطويل للاسف , ودلوقتى ذادت عليه الضغوطات وحلفاءه فى الخليج بانوا على حقيقتهم وبطلوا يساندوه ..........فمبقاش قدامه غير انه يعتمد غير على اهل الثقة الفشلة " الانسان مهما كانت قوته احيانا بيحس بالقلق والضعف بيتبعهم الشك في كل من حوله " .
للاسف هو اختيارى من الاول اللى انا كنت مجبور عليه لان البديل اللى كان قدامي كان الاخوان , عشان كده هدعمه للاخر ومش هخرج عليه , بس انا دلوقتى اصبحت مقتنع انه الرجل ده رجل مرحلة معينة وعدت , وان الفساد بكل مستوياته سياسى واقتصادى وحتى اجتماعى ذاد فى عهده ومقلش .
السيسى لسه وبعد 9 سنين حكم مازال محتفظ بعقلية لواء الجيش ومش عاوز يتخلى عنها ........ والعقلية العسكرية المصرية بأفكارها العتيقة اللى مش عاوزه تتخلى عنها لم تعد تصلح للحكم .
لا تغير وزاري عدل ولا الي عايز يتغير اتعمل انما عقليه الجيش والله احنا جربنا عقليات الجيش كتير جدا دي اسرع فتره تم فيها مشروعات تنموية شاملة
فيه تغير تم في الدوله انما لو عايز تتكلم صح الازمه دي عصفت بحكومات دول اقل مننا وكمان عندهم نصايب كبيره غيرنا فا لما تقارن حاول تشوف الناس بره او المحيط عايش ازاي فيه دول عندها جفاف بدا تاثيره يظهر مش عيب يبقي عندي مشاكل لكن اتهام غلط مش كويس
فيه وزارات عايزه الحرق وفيه وزارات عايزه ازاله