مرحبا بك في منتدى الشرق الأوسط للعلوم العسكرية

[Hunter]

واول ما خبر قمة طهران ده يطلع
تقوم وزيرة الخارجية الفرنسية اللي مكملتش يومين يا عيني لسه كاترين كولونا تقول

لقد تلاشي الامل في احياء اتفاق الصفقة النووية
يبدو أننا خسرنا النفط والغاز الايراني
و أصبحنا مهددين بمجنون اخر يمتلك القنبلة النووية
ايه مجنون اخر دي

اوعي تكوني تقصدي كيم يانج ده لو خد الكلام علي نفسه هيضرب اليابان عااادي

صيااااح كتير في اوروبا يا عيني

والموضوع مبقاش صياح وبس
ده بقا فضايح كمان

يعني مثلا ديرشبيجل نشرت فضيحة احتمال تطير أولاف شولتس
ايه هي بقا
قالك في حفلة انتهاء العام البرلماني لحزب المحافظين اللي بينتمي له شولتس
و اللي الدعوات فيه بتكون للكريم شانتيه بتاع المجتمع السياسي
تم تخدير 11 فتاة وسيدة من المدعوات عن طريق مواد مخدرة في الطعام والشراب .. واقتيادهم الي غرف نوم فاقدين الوعي ثم اغتصابهم

هكون حيادية
هو اصلا مين هيفكر في وسط حفلة سياسية انه يخدر واحدة ويغتصبها
و يخدرها ليه و هو ممكن يعرض عليها .. ما الحياة هنا زبادي خلاط يغني
* لكن ده فخ سياسي لاحداث فضيحة
و الاطاحة ب شولتس

طب هيسألني عزيزي .. وهو يعني مش هيجي علي بالهم انه حادث مدبر و ده ينقذ شولتس

مفيش الكلام ده هنا يا عزيزي
هنا في تقصير و تعرض لاغتصاب و ليلة اهلك سودا

غارت بقا صحيفة لوموند الفرنسية من ديرشبيجل
يعني انتي تنشري فضايح وانا لا
و المصحف ابدا

قامت منزلة فضيحة تورط ماكرون ايام ما كان وزير اقتصاد مع شركة اوبر في قضية رشوة وعمولات

و سلخوه بقا ومستمر السلخ
انا اللي يجي عليا ميكسبش
عشان تبقا تدلعه قدامي وتقوله يا فيلادووو حلو

وطبعا مش عايزين ننسي ان خلاص الغاز اتقفل علي المانيا
و القناة التانية الالمانية قالت

لقد بدأ الشتاء الالماني القاسي اليوم ... نحن في ازمة حقيقية ربما ستودي بنا
هل سينقذنا الاتحاد الاوروبي
وانا من منبري هذا أحب اقولهم اتحاد ايه كان القرد نفع نفسه ... و مشوها القرد

 

[Hunter]

في بقا خبر مضحك كده لويد اوستن
وزير الدفاع الامريكي قالك ان ايران هتدي روسيا 100 طيارة درون و بتدرب عليها جنود روس عشان تضرب بيها اوكرانيا
الحقيقة ده شئ مضحك
لأن ناصر كنعاني المتحدث باسم وزارة الخارجية الايرانية طلع تصريح

ده مش اول تعاون عسكري بين روسيا وايران
واحنا اصلا بيننا تعاون من زمان
و روسيا عمرها ما نفذت علينا عقوبات
ولا احنا هننفذ عقوبات
و ندرب جنود ليه ان كانت الطيارات الدرون دي
تعاون مشترك بين روسيا وايران

ما بووووورااااحة ع المرحوم يا اخواننا

المهم بقا يا سيدي حبايبنا اللي عايشين في وهم الغرب والقوة الغربية
مسكوا الخبر وقالك باااااااااااااس
ده عشان اسلحة روسيا خردة

فأنا أحب اقولهم ان رشقة انهاردة من صواريخ اسكندر الروسية الخردة دمرت منصة صواريخ كاملة امريكية من طراز هاربون في اوديسا

لم تستخدم بعد
ملحقوش يشيلوا الاستيكر من عليها

والجنرال ايجور كوناشينكوف قال

كان الامر اسهل من تناول وجبة سريعة
الخبر علي RT و للي بيعرف روسي فيديو الجنرال ايجور كامل علي انترفاكس
خلاص بقا متعيطوش
يعني هي اول مرة تتحمقوا للغرب وتاخدوا علي دماغكم
ربنا ما يقطع لكم عادة

ولان الصراع تجاوز الارض بقا
الرئيس التنفيذي لوكالة الفضاء الروسية روسكوسموس جنرال ديمتري روجوزين
اعطي الاوامر لرواد الفضاء بوقف العمل علي الذراع الاوروبي المناور " ايرا " الموجود في محطة الفضاء الدولية
و قال مريخ ايه و زهرة ايه اللي هنسمح لاوروبا تدرسهم من خلالنا وهما بيطاردوا الروس علي الارض
طبعا طلع جوزيف اشباخنر رئيس وكالة الفضاء الاوروبية يلطم ويقول احنا بنخسر مليارات اليورو
فرد عليه روجوزين

يمكنك الطيران بمفردك او بصحبة رئيسك بوريل للفضاء لاستكمال مهامكم
حاجة كده اللي هو بوتين بيركبهم الشلاحات
بر وجو و ارض و بحر وفضاء ....... ومنتهي تسلم ايدك يا ابو البتابيت

 

[Hunter]

-----------------------------------------------------------

ولو لسه فاكر فوق اني كنت بحضر ايفنت الثلاثاء الاسود
فأحب اقولك ان البنك المركزي للاتحاد الاوروبي
هو اللي اعلن ده
لأن الساعة 8 ونص الصبح اليورو كان أقل من الدولار ب 2سنت
و عملوا كل الاعيب شيحة عشان يقفل اليوم علي ان
اليورو = دولار
و ده انهيار
لأن اليورو فقد 11% من قيمته
ولسسسسه الفيدرالي هيرفع 75 نقطة كمان
يعني هيجزر العملات تاني

الاسباب طبعا معروفة

الركود والتضخم في الاتحاد الاوروبي 8.7% انهاردة

عوائد الخزانة الامريكية اعلي من الاوروبية بالتالي الاموال الساخنة عمالة بتهرب لأن بنك الاتحاد مش بيرفع سعر الفايدة

فايدة الاقتراض في الاتحاد الاوروبي عالية اساسا
ف اليورو يتلقي ضربات مفزعة

-----------------------------------------------------------

وصلني صور وفيديوهات كتير جدا للتطور في مستشفيات الحكومة و الوحدات الصحية والاسعار و قيمة العلاح الشهري اللي بيتصرف بالمجان تعليقا علي رقعة الملف الصحي المصري
غالبا هنحتاج نعمل ألبوم نسميه مصر عادت شمسك الذهبية

و نحط فيه كمان عظمة البنية التحتية
ربنا يزيد ويبارك
واخواننا البعدا " دعهم في غيهم يعمهون "
هذا واستغفر الله لي و لكم و للبيبي المصري اللي مجندني طبعا و بيديني معلومات سد النهضة مش محتاجة فقاكقة ده عماد مأكدلي

 

[Hunter]

دى يا عزيزي صورة القمر الصناعي يوم ٢٠٢٢/٣/١٠ و ركز فيه علشان هجيبهالك هى هى بتاريخ تانى



دى صور يا عزيزي بتاريخين قبل الملا و بعده الجزر عليها علامات
لو كان حدث ملا حقيقى كانت الجزر دى أختفت من الصورة الثانية



دى صور الشروخ الموجودة فى جسم السد و التى أكدت جامعة اخن الألمانية أن إحتمالية إنهيار السد تزيد عن ٩٠٪ بعد الملأ



دى صورة السد النهاردة
ممر الوسط لم يكتمل و لا الجناح الغربى
غالبا محدش بلغ أبى أحمد الترزى بحوار الأقمار الصناعية دى

ده سد السرج أو السد الركامى
و السهم يشير إلى مشكلة الفنية به و إحتمالية إنهياره



و دى صورة جانبية توضح عدم إكتمال بناء ممر الوسط
أثيوبيا بتنصيب على الكوكب
هووووب أعلن ملأ
هووووب افتح البوابات لأحسن السد هينهار و نتفضح


دى صورة البوابات لما فتحوها يوم ٢٠٢٢/٧/١٢ علشان تصرف المياة

 

[Hunter]

من فضلك, تسجيل الدخول أو تسجيل لعرض المحتوى !

اية رأيكم فى الكلام دة عن سد النهضة ؟

@احمد32
@Shokry
@Aymanop1522
@TOPOL

 

[Aymanop1522]

من فضلك, تسجيل الدخول أو تسجيل لعرض المحتوى !

عندي احساس قوي جدا ان فيها حاجة هتحصل في اثيوبيا ممكن يتم الإطاحة بابو احمد علي النموذج السريلانكي

 

[Hunter]

من فضلك, تسجيل الدخول أو تسجيل لعرض المحتوى !

بس الكلام دة لو حقيقى فدة معناة ان المخابرات المصرية كانت عارفة من اليوم الاول
ان السد دة فنكوش وفية عيوب خطيرة هتخلية يتهد لوحدة
عشان كدة القيادة المصرية مكانتش قلقانة من الملف دة ودايما كانت بتدعو لطمئنة الشعب

وكمان كانو عارفين ان التمويل الصينى للسد مكانش بهدف الاضرار بمصر ولكن بهدف جعل اثيوبيا مديونة للصين غير قادرة على السداد
مما سمح للصين بالسطرة حرفيا على اثيوبيا ودة اسلوب الصين المفضل فى افريقيا

 

[TOPOL]

من فضلك, تسجيل الدخول أو تسجيل لعرض المحتوى !

كذا حد اتكلم عن الفوالق الأرضية دي .. المية بتتسرب لداخل الفوالق ومحدش عارف بتروح فين
السد دا نهايته مش هتبقي نهاية عادية ابداً
انا حاسس ان الحكومة المصرية عارفة عنه حاجة ومدكنة ..الغموض الاستيراتيجي دا اكيد وراه حاجة

 

[Hunter]

رقعة شطرنج 14 يوليو 2022 :

جيلان قاسم

بص يا عزيزي
صور التليسكوب چيمس ويب عظيمة جدااا
و كمان كام يوم هيظهروا الانفجار العظيم
و الينج يانج
و هتبقا صورة هايلة و حلوة وكل حاجة

بس هو انا مش قادرة افصل الحدث ده عن اللي بيحصل في العالم
اعتقد ان دي مش اللحظة الاولي اللي چيمس ويب سجلها يعني

التوقيت مريب سيكا

و لو ربطناه بان الكونجرس من شهر وتحديدا يوم 17 مايو كان بيناقش مع البنتاجون الاطباق الفضائية اللي زارت الارض والمنطقة C
" هسيبلك الرابط في كومنت "
فأعتقد ان احنا بصدد حوار هيتعمل علينا
وحاجة كده هتبقا اخراج ستيفن سبيلبرج

و الهيبة الامريكية بيتمسح بيها بلاط الكوكب
لكن هما في الناحية دي سابقين
و يمكن الكوكب يحتاج ل كابتن امريكا و لا سوبر مان
فنشتري من برا ليييه
ما أمريكا أهي واللعبة لعبتها

انا عارفة والله يا عزيزي ان نظرية المؤامرة فاشخة اللاوعي عندي
بس اللي يتلسع من الشوربة بقا
واحنا أمريكا دلقت علينا حلة الشوربة كلها

-----------------------------------------------------------

طبعا احنا شوفنا المرحوم و هو واقف منور قصاد المايكات الصحفية في تل ابيب وضارب نضارة الشمس و بيهبد علينا طموحاته

الراجل مخدعناش
هو قالنا انه وقع اتفاقية بيان القدس مع اسرائيل
و انه لن يسمح لايران بامتلاك سلاح نووي .... يتوكس هي امتلكت اصلااا

و انه جي من أجل سلام الشرق الاوسط
عشان يدمج اسرائيل في الشرق الاوسط عشان تحس بالامان
ما عنها ما حست

راح لابيد رئيس الوزراء الاسرائيلي الجديد
قال ااااه
احنا اتفقنا مع امريكا انها ملتزمة بحمايتنا
و اتفقنا علي هندسة امنية جديدة
و امريكا وعدتنا انها هتخلي باقي الدول العربية تدخل في اتفاقية ابراهام

ايه يا چي الاتفاقية دي

دي يا عزيزي اتفاقية تم توقيعها في 15 سبتمبر 2020
بين وزراء خارجية الامارات - البحرين - اسرائيل
في حضور دونالد ترامب

مفادها ان النبي اسماعيل والنبي اسحق في النهاية ولاد النبي ابراهيم
يعني احنا ولاد عم
و الاصل واحد و مقدس في الديانات التلاتة
يبقا نحضن بعض و نبوس بعض من بقنا و الدنيا تمشي
واحنا نعملكم مساجد وكنايس هنا
وانتوا تعملوا لنا معابد عندكم

طب ما انت اصلا يا باشا بتجتاح المساجد والكنايس اللي عندك

متغيريش الموضوع يا چي ما احنا هنعمل اتفاقيات عسكرية وتجارية

اااه قولتلي .... لا تمام

 

[Hunter]

بس هو في حاجة يا عزيزي
اتفاقية ابراهام دي مبتفكركش بحاجة كده

افتكرررر

فاكر التحليل اللي عملناه لفيلم الماعز الاليف
2 بتاع الماسونية
لما قولتلك مشهد تدمير الكنيسة + مشهد تدمير المسجد
و بعدها ظهور شاب لابس لبس المولوية الصوفية بيرتفع فوق انقاض الكنيسة والجامع

اشارة للدين الابراهيمي الجديد

وليه اختاروا الصوفية تحديدا
قولتلك اعتمادا منهم علي تقبل الصوفية لكل خلق الله من باب المحبة والقبول وانهم مش ناس بتوع صراعات
مطلبهم السماء وليس الارض

فاعتقدوا يا عيني انهم هيكونوا بذرة لدينهم

ايه بقا يا چي الدين الابراهيمي الجديد ده

بص يا عزيزي
قالك ليه البشر بتتناحر
من الاسباب الصراع العسكري .. الصراع علي الموارد .. الصراع الديني
* طب احنا نحاول نقرب المسافات طاااه
نبدأ بالصراع الديني

احنا هنجيب الكتب المقدسة التلاتة
و نتناقش فيها
* افتح القرآن يا حمادة
هات كده سورة المائدة الاية 82
" لَتَجِدَنَّ أَشَدَّ النَّاسِ عَدَاوَةً لِلَّذِينَ آمَنُوا الْيَهُودَ وَالَّذِينَ أَشْرَكُوا "
ايوا الاية دي مزعلة اليهود اشطبها يا حمادة وكملها عادي

ها حد عنده أيات تانية
ايوا في كام اية في سورة التوبة كده
نشطبهم عيني

* افتحلي بقا الانجيل
بص يا باشا نشيد الانشاد بتاع النبي سليمان ابن النبي داوود بيجيبلنا الكلام
فاحنا نشطبه
اقولك احنا نلغي النبي داوود نفسه
ايوا بس ده صارع الرب
متدققش مفيش داوود
طب ما المسلمين هيزعلوا
" فَهَزَمُوهُم بِإِذْنِ اللَّهِ وَقَتَلَ دَاوُودُ جَالُوتَ وَآتَاهُ اللَّهُ الْمُلْكَ وَالْحِكْمَةَ وَعَلَّمَهُ مِمَّا يَشَاءُ ۗ وَلَوْلَا دَفْعُ اللَّهِ النَّاسَ بَعْضَهُم بِبَعْضٍ لَّفَسَدَتِ الْأَرْضُ وَلَٰكِنَّ اللَّهَ ذُو فَضْلٍ عَلَى الْعَالَمِينَ"
ده فين الكلام ده يا حمادة ... في سورة البقرة يا ليشع
اااه عارفها دي اللي فيها كل فضايحنا .. بص احنا هنلغي البقرة كلها

طب ما هو لامؤاخذة السيد المسيح قال عليكم لصوص
- ايه ده محصلش
لا قال " بيتي بيت الصلاة يدعي و انتم جعلتموه مغارة لصوص " اصحاح 13 الاية 21 في انجيل متي
- ما جايز مكنش يقصدنا

لا هو انتوا المرابيين والفريسيين والكتبة

- خلاص احنا نلغي انجيل متي كله .. هو اصلا عامل مشاكل وكان في واحد ابوكريفا وواحد قانوني فاحنا مش عايزين متي كله
طب انتوا بقا اللي اسم الله عليكم ملايكة
ما انتوا قايلين علي السيد المسيح ابن الزنا
فين يا باشا في التوراة
لا توراة مين .. هو انتوا اصلا بتؤمنوا بالتوراة

التلمود يا حبيبي فصل La Barita
موجود في دار السنهدرين والنص " ولقد تم اقتياد يشو الناصري و عوقب بالصلب لأنه اغوي الناس بالسحر و ادعي انه الملك الارضي هذا الذي اتت به امه بالزنا من الجندي اليوناني " ....الجندي يا عم .. بانديرا يااااا عم
- بص احنا قولنا بس محلفناااااش

وبعدين التلمود ده كتاب اراء شخصية خلينا في التوراة

 

[Hunter]

ويفضلوا يا عزيزي في قص و لزق
و شيل من هنا و حط هنا
لحد ما يطلعوا بكتاب مقدس معمول عمولة شغل فنادق

مكتوب علي مزاجهم
وفيه اللي يخدمهم
ويلغوا الكتي التلاتة

طب يا باشا و الطقوس
هنصلي الجمعة و لا هنقدس الاحد و لا ها نڤيهاش السبت
قالك لا دي شكليات
الطقوس دي شكليات ملهاش لازمة
احنا عبادتنا هتبقا اخلاقنا

وندخل بقا علي الكلام الفارغ بتاع النيوليبرال اننا مش محتاجين لاله عشان احنا اخلاقنا اللي هتحكمنا
و حينما يموت الاله ف كل شئ مباح حتي الجريمة
و ديستوفيسكي و نيتشه و كل الجمل اللي بيتروج لها دي

و فجأة الدنيا تبوظ وتعم فوضي
ما هو الانسان كائن مجرم اساسا
لازم كيان مقدس الناس تخاف منه
ما هو كل شئ مباح حتي الجريمة اهووووو

نشوف حامل النور بقا

لوسيفر
وتتحول البشرية من عباد الله ل عبدة لوسيفر افندي

......الههم هما .. اله الماسون و الاخويات السودا
بقول كلام يبدو غريب
وملوش علاقة بالسياسة

لا والله يا عزيزي ... ده كل المخططات والاوبئة والحروب والصراعات كلها بفعل فاعل تجهيزا للحظة دي

وهو ده اللي بيسعي اليه بني صهيون بكل دياناتهم
لا ما احنا عندنا مسلمين صهاينة ... و دول بقا اووووووسخ من اليهود نفسهم

والمفروض ان المرحوم يقنع الدول العربية بالدخول لاتفاقية ابراهام ... ومن بعدها نقعد سوا نظبط الدين الجديد

لا تخافوا ... ولكن احذروا

وبعد المؤتمر الصحفي المشترك بين المرحوم و لابيد
الميديا المصرية اعلنت تلقي الرئيس السيسي مكالمة هاتفية من ولي العهد
و الميديا السعودية

هذا وقد اجري ولي العهد اتصالا هاتفيا مع الرئيس السيسي
الموضوع مش مستاهل اعلام .. دي مكالمة

ما هو اكيد يا عزيزي كان فيها نقاش حوالين الهري اللي اتقال في المؤتمر الصحفي
و للاخوة المتصهينين
الكونجرس اعلن بيان ان الرصاصة اللي استهدفت شرين ابو عاقلة من قناص اسرائيلي .. بس الشهادة لله مكنش يقصد
وعشان مكنش يقصد
بلينكن وزير خارجية امريكا بنفس ذات نفسه اجري انهاردة اتصال هاتفي مع عائلة شرين ... ودعاهم للسفر لواشنطن
ووالدتها واختها وافقوا

ابقوا خدوا معاكم الكلب بقا المسكين اللي بيستناها كل يوم احسن مقطع قلب المصريين يا عيني

اللي قتلها مطلعش فلسطيني يا مكاااااااااااوي
الخبر موجود علي رويترز و فورين بوليسي

 

[Hunter]

-----------------------------------------------------------

تعالي بقا يا عزيزي
اقولك خبر حصري لك انت

طبعا انت عارف واقعة اقتحام مبني الكابيتول بتاع ترامب يوم اعلان سقوطه في الانتخابات
و الاخ اللي كان عامل فيها هولاكو ده

انهاردة بقا كانوا عاملين جلسة استماع في الكونجرس
لميييييين

چون بولتون
سفير امريكا لدي الامم المتحدة و مستشار الامن القومي في البيت الابيض سابقا

جابوا الراجل الكبارة ده
وقالوا له ترامب كان بيخطط لانقلاب
* قالهم محصلش ... ترامب ده مش بتاع انقلابات
وانت واثق منين
* قالهم لأن انا رجل الانقلابات في البيت الابيض
و حبوب الصراحة اشتغلت وقام حاكي اللي هقوله لك ده
قال في 2019 ترامب طلب مني تنفيذ انقلاب في فنزويلا
و تثبيت خوان جريدو في الحكم
" حاولوا تكونوا فاكرين بوست فنزويلا عشان انا ماشية بالعلاج مش هعيده وربنا

"

خوان جريدو بتاع المعارضة الخاين بتاع امريكا
وانطلب مني الاطاحة ب نيكولاس مادورو من الحكم
وتفكيك الجيش و تشويه سمعة چنرالاته
* بدأت فعلا في عمل خطة
اولها الترويج لفكرة ان انتخابات نيكولاس مادورو غير شرعية
* و جبت شوية عسكريين منشقين و اظهرتهم مع خوان جويدو علي انهم جيش مؤيد له
* ونشرت فكرة خيانة رئيس الاركان الجنرال خوسيه اديلينو فيبريرا ل مادورو
* ولفيت 54 دولة اوربية ولاتينية و شرق اسيا جبت منهم اعتراف برياسة خوان جويدو
وان مادورو رئيس معزول

طب وايه اللي حصل يا غالي
* قالك الجيش استطاع قمع الانقلاب في يوم 19 ابريل و هو اصلا بدأ 17 ابريل
و اتفاجئنا بالجيش المصري في الشوارع بيحمي بلده من الخونة ..... يووووه يقطعني قصدي الجيش الفنزويلي
ولقينا وزير الدفاع الفنزويلي فلاديمير بادرينو لوبيز بيتحرك بنفسه لالقاء القبض علي خوسيه رئيس الاركان
اللي اعلن تأييده ل مادورو
وان اسمه تم الزج بيه لاحداث فتنة في الجيش
وبالتالي بعض الظباط اللي كانوا خلايا نايمة اعلنوا عن اخوانيتهم ... يووووه قصدي خوان جويدهم يعني

و نزل خوسيه قبض عليهم
و حاكمهم عسكريا بنفسه
و لقينا فلاديمير بادرينو وزير الدفاع قالي قسما بالله اللي هيرفع سلاح في وش الجيش الفنزويلي هشيله من علي وش الارض ... و اول مرة بيزعق كده

قمت واخد خوان جويدو و طالع بيه علي المكسيك هربا ثم جيت امريكا يا باشا .... ضربونا جامد يا باشا بس احنا شتمناهم

راح واحد من النواب الديموقراطيين .. بس خبيث شوية حب يعلم علي الحزب الجمهوري بتاع ترامب

قاله هي دي اول مرة تشارك فيها في انقلابات
قاله لا والله يا سيناتور
السيناريو ده انا كررته في كذا دولة و نجح

راح سيناتور جمهوري واخد الكورة علي صدره و مباصيها تاني و قاله طبعا ده في عهد الرئيس الديموقراطي اوباما .. مش كده

قام بولتون قاله ايوا ... وبعدين اتنبه فقاله مش فاكر

هو الفيلم ده احنا شوفناه فين قبل كده يا عزيزي

عموما جلسة الاستماع دي الصحافة الامريكية اخدتها وعاملة بيها فضايح
و واشنطن بوست بتقولك لهذا يكره العرب امريكا
و اللي عايز يتفرج يروح علي موقع فورين بوليسي بس إلحق قبل ما يحذفوه

انا شوفته لايف
و تلف الايام و تدور الايام
وتيجي الست ام ديالا ربنا يديها الصحة ويخليها لبناتها ... تجيب لعزيزي بعد 10 سنين
اعترافات المجرمين اللي دم رجالتنا ملوث ايديهم
و يعترفوا هما جابوا مين فيييييين
و بيفككوا الجيوش ازاي

 

[Hunter]

ولسه انهاردة 36 منظمة حقوقية مصرية من شمامين الكولة و بغايا وسط البلد بيجهزوا ملف احتجاجات علي منع الادارة المصرية لحقهم في التظاهر
عشان يسلموه للمرحوم
و قال اييييه عايزين موافقة علي مظاهرة في شرم الشيخ يوم 17 اغسطس الجاي ... في مؤتمر المناخ

الله يرحم المرحوم زكي بدر ويحسن إليه يااارب
كنا محتاجينه

و يا تري الاخ ن. ب بتاع الحوار الوتني عايز يتظاهر ليه
ما انت معاك الجنسية الامريكية
و رايح جي علي جوزك في امريكا
ايه الحمل اتأخر وعايز الدولة تديك حقن تنشيط تبويض علي حسابها

انا لو هسرد فضايحكم
هصفي مع المرحومة مريم فخر الدين في الفاينال والله

-----------------------------------------------------------

في حاجة بقا مهمة

الحوثي لو استمر في اللي هو فيه ده
اليمن هتزعل جامد .. اكتر ما هي زعلانة
* يعني لما يطلع شهادات لفتيات يمنيات هربوا من اليمن
من تنظيم اسمه " الزينبيات الحوثيات "
وظيفته هو تخويف و قمع و تعنيف النساء لدرجة الاغتصاب وخصوصا للطالبات والمراهقات
عشان ميتمردوش علي الاوضاع اللانسانية
* وتنظيم " الفاطميات " لاعمال القتال والتفجيرات
اعتقد انه كده يستاهل ان التحالف يدكهم
بلا ادني تعاطف
لأن كفاية كده بقا علي اليمن بهدلة
و الخلاص من الحوثي اصبح أمر حتمي
و ده توقعي قريب
و اتمني ان الناتو مش هو اللي يعملها
لأن اورسولا فون دير لاين رئيسة المفوضية الاوروبية هي اللي كانت بتتكلم في الموضوع ده
و دي حربوقة كبيرة يعني
-----------------------------------------------------------

وبما اننا جيبنا سيرة الاتحاد الاوروبي
فأنا عايزة اقولك ان رئيس البنك الاوروبي انهاردة اعلن
ان فكرة طبع يورو تاني هي فكرة خاطئة
ستزيد التضخم

طب الحل ايه

قالك مشوا نفسكم بالفلوس اللي معاكم
* امنعوا التسوق عبر الانترنت اللي بتدفعوا فيه دولارات
* لا تخرجوا سياحة خارج منطقة اليورو حتي لا تغيروا عملة
* قللوا كمية مشترياتكم من الطعام و الشراب
لو خدت بالك يا عزيزي
البندين الاول والتاني دول فيها استغناء ضمني عن الدولار
ما انت مش هتوقعلي اليورو وهطبطب عليك

يلاااااا ياكش ياكلوا بعض بحق جاه النبي و آل بيته

 

[Hunter]

-----------------------------------------------------------

انا عايزة اخلص والله بس انت اللي هتموت وتسأل علي عم المجرة يا عزيزي

فالامور مستتبة

يعني في قصف ميكولايف انهاردة دمروا للاوكران طيارتين سوخوي 25 و 24
و النبي صعبان عليا الصاروخ اسكندر و هو بيرشق في أخته في الرضاعة السوخوي يجيبها نصين

الحصار اترفع عن كالينجراد زي ما قولتلكم بالظببببط

البوسنة والهرسك قالك احنا عايزين ننضم للناتو اااه
السويد مش احسن مننا
وصربيا بتلبس الكلافزات بقا عشان البونيات اللي هتناولها لها في وشها

حقيقي البوسنة والهرسك ده شعب غبي
يعني صربيا بتصرف عليهم
ومعندهمش جيش
و بيورط نفسه في حرب تاااااااااني
والمرة دي بقا غير دوكها بتاعت التسعينات

ده روسيا و صربيا مضوا من 4 ايام اتفاقية دفاع مشترك يعني يا بيه اللي بتطلبه ده عيب و حرام

ده غير ان الامم المتحدة طالبت روسيا بقيمة الاسهامات النصف سنوية ... حاجة زي تبرع إلزامي كده
راح بيوتر ايلتيشف مدير ادارة المنظمات الدولية بوزارة الخارجية الروسية قالهم

ده عينينا عشان الامم المتحدة ... بس هندفع بالروبل الروسي يا باشا عشان احنا لغينا الدولار

طب نغير عملة منين يا بيوتر
قالهم دي مشكلتكم بقاااا

والله مكبرين الموضوع يا شباب .. ابعتوا حد من الامم اسكندرية ش صلاح سالم صرافة الاميرات يحل لكم الازمة بيدققوا في تفاصيل غريبة

-----------------------------------------------------------

طولت عليك بس معلش بقا
ما انا اساسا عندي تأخير في حاجات تانية عارفة والله

هذا و استغفر الله لي و لكم و لكل عائد من شم الكولة و عرف اننا في الاخر ملناش الا بلدنا

تعليق :
الصورة المرفقة هى الصورة التى نشرت من تصوير التليسكوب الفضائي الجديد ( جيمس ويب ) و التى تصور تكون النجوم من على بعد ١٣ مليار سنة ضوئية .
و ده موضوع يطول شرحه و محتاج بوست لوحده .

 

[Hunter]

رقعة شطرنج 15 يوليو 2022 :
جيلان قاسم
و ربنا ما عارفة ابدأها منيييين ولا منيين
نحتسي حسوة من النسكافيه و نشوف " مش اسمها حسوة "

طب ما نبدأ بالاقتصاد ... فكررررة لذيذة
ايه رأيكم لو نعرف امتي الدولار ركب الكوكب
ووضعه ايه
والناس ازاي حطت رقبتها تحته
و ايه اللي بيحصل دلوقت

سنة 1939 الفوهرر قدوتي في الحياة صحي من النوم يوم 1 سبتمبر
قرر يرجع في كلامه و اتفاقيته مع الاتحاد السوفيتي ... و يدخل بولندا بعد اسبوع واحد بسسسس من الاتفاقية
و طبعا انت عارف يا عزيزي سبتمبر ده حر
و الحر بيفرهد و بيخنق .. و الفوهرر من محبي الشتاء وفيروز وعبق القهوة

الكلام معجبش فرنسا و بريطانيا
قوتين عظمتين وبيتمسح بيهم الارض كده
راحوا اعلنوا الحرب العالمية التانية
بس مش هي دي المشكلة يا عزيزي
عارف المشكلة فييييين
انا اقولك

المشكلة ان بريطانيا وفرنسا دخلوا الحرب دي و هما مفلسيييييين

مفلسين ازاي يا چي

كان اتخرب بيتهم في الحرب العالمية الاولي وخسروا كل ارصدة الدهب اللي عندهم
و بقوا بيطبعوا فرنك و استرليني بدون غطاء دهب
بالتالي

شخرموا الدنيا تضخم والناس معاها فلوس بس مش لاقية تاااكل
لأن الاسعار انضربت في عشرومية

قالك احنا لازم نوقف مهزلة طبع العملة ... ونشوف حل بديل

الحل البديل

الاقتراض من امريكا

وبالفعل امريكا مولت لهم الحرب
بس الخازوق ان عمك هت.لر كان بيكسح فيهم .. دخل اخد تلات ارباع فرنسا دي
و بالتالي عايزين فلوس تاااني
هات فلوس .. خد فلوس .. كله يمشي بالفلوس

خلصت الحرب سنة 1945
امريكا كانت تملك 71% من احتياطي الدهب في العالم
وقاعد باشا ساند ضهره و لابس نضارة الشمس و الكوكب بيتفرم
بريطانيا وفرنسا قالولها اييييه يا خالة
مش هتساعدينا
نظرة يا حنينة

يظهر هنا بقا الوش الخشب
راحت دعت 44 دولة في حتة اسمها برتين وودز في نيو هامشير وقالتلهم احنا نقعد سوا عشان نقطع الشورت في البسين علي طول

راحوا الدول
واتعمل المؤتمر وطلعوا منه ب 3 حاجات
* احنا هنعمل حاجة اسمها صندوق النقد الدولي .. عشان الدول اللي محتاجة بقا يساعدها ما انا كأمريكا مش همشي في البطال عشان اكفيكم

* وعملت البنك الدولي للانشاء والتعمير .. عشان الدول اللي الفوهرر دشملها دي يتعملها اعادة اعمار
* بص بص الحركة دي
اعتماد الدولار عملة بديلة للدهب معتمدة في التجارة العالمية

وهنا بقا الدولار ركب و سااااق
حلو الكلام ... حلوووو
ولسه معانا 71% من احتياطي الدهب اهوووو

تيجي سنة 1955 وتقوم حرب فيتنام
وتفضل امريكا تصرف تصرف تصرررررف لحد سنة 1965
يجي شارل ديجول يروح للرئيس الامريكي وقتها ليندون چونسون
ويقول مسيو بغيزيدون احنا عندنا شوية دولارات هبعتهملك و عايز مكانهم دهب
يرد عليه چونسون ويقوله ده وقته
عندنا حرب و بنصحي بدري يا عم
اما نخلص حرب بقا هنبدلك الدولارات يا حمادة

يمشي شارل ديجول
و تخلص حرب فيتنام
و يروح فاليري ديستان الرئيس الفرنسي واخد شنطة دولارات ل ريتشارد نيكسون
يقوله والنبي عايزين دهب عشان نرفع قيمة الاحتياطي بتاعنا عشان صفر دهب و الحج چونسون قال للمرحوم ديجول تعالي لنا في ويك اند حرب

 

[Hunter]

الصدمة بقااااا
Nixon shock
صدمة نيكسون
بص يا مسيو ديستان
احنا معندناش دهب ..... مش في وانا بخلان عليك
لا والمصحف
احنا اصلااااا معندناش في the fed reserve اي دهب
يا نهار اسود ومنيل

اومال بتطبعوا دولارات لييييييه
- هو كده يا مسيو .. ده اللي عندنا
احنا كان عندنا حرب 20 سنة و بنبيع الدهب عشان التسليح
و يا ريتنا كسبناها
ده المال الحرام مبيدومش خسرناها يا ديستان يا بني
* والكلام ده مش لك لوحدك
ده للناس كلها

تحصل صدمة اقتصادية
والبورصات تقع .. و الحاويات اللي في نص البحر تقف .. والمصانع تشد فيشة الكهربا
الدولار طلع ورقة ملوووونة .. ملوش غطاء دهب

طب خلاص بقا
يلا بينا نفكنا من الدولار يا ولاد
مينفعششششش

ده كل الفلوس اللي بتدور في السوق بالدولار ... ده كل فلوسنا اللي برا بالدولار
بص يا عم نيكسون
احنا هنروح الامم المتحدة نشتكيك
رد نيكسون

روحوا انشالله قسم المريوطية .. ده امر واقع واتفرض عليكم
طب نحلها ازاي
رد نيكسون

ان شاء الله هنبقا نجيب دهب يا حبايبي
وعد يا نيكسون

ولد عيييييب انا وعدتك

لكن الحقيقة انهم مش بيجيبوا دهب
و الدول دي بتقيم سعر الدولار يطلع 3 سنت
بتتقهر سايلنت ... وبتقولك اكيد امريكا هتحلها يعني ... مش هتسيبنا كده
لكن الحقيقة بردو يا عزيزي انها بتسيبهم كده
و بتفضل تطبع دولارات بدون غطاء دهب

وتشتري كل احتياجاتها بورقة خضرا ملهاش قيمة
بس سمعتها كويسة
بنتنا اشرف من الشرف اااه هي حولة ومبتسمعش و لسانها اطول من چيلان قاسم ... بس لهلوبة

بيجي في سنة 2008 وقت الازمة العالمية بتاعت الرهن العقاري الامريكي
البنك الفيدرالي يطلع بيان ان حجم الدولارات اللي بيتم تداولها حول العالم تريليون دولار

يخربييييييتك مش كانوا 700 مليار سنة2000

انت اتخضيت .. طب سنة 2019
حجم الدولارات 1.7 تريليون دولار

طب سنة 2021
حجم الدولارات 2.1 تريليون دولار
ده انت عمال بتطبع بقااااا
يبقا اساسا يا عزيزي
التضخم اللي بدأ في العالم من وقت ازمة 2008 هو بفعل فاعل ... غباء بقل عنجهية
هو اخد دول في سكته

فيبقا البيان بتاع التضخم اللي طلع امبارح ده اي كلام
مع انه 9.1% ....... لكن رقم fake
لأن امريكا اساسا عايشة جوا التضخم
لكنها واهمة العالم ان الامور مستتبة .. و الامور داخليا ماشية و اطبع دولارات و الحياة زبادي خلاط

لكن لما يجي فلاديمير بوتين يقرر انه يغتال الدولار
كل شئ انكشفن وبااااان

تطلع امريكا تقولك احنا وصلنا لتضخم 9.1% معدل موصلناهوش من 40 سنة
يا باشا انت كداب
انت اصلا عايش جوا بوتقة التضخم
لكن قوة سمعة العملة برا عالميا ومعدل تداولها مقوي موقفك

فتبدأ تاخد قرارات احادية
زي رفع معدل الفايدة
برغم ده هيدمر اقتصاد العالم

بس فليذهب العالم للجحيم

 

[Hunter]

فتبدأ عملات العالم تترنح
زي اليورو كده انهاردة بقا دولار الا 3 سنت

وتبدأ العملات اللي مربوطة بالدولار تسيب نفسها للوصول للسعر العادل

طب هو الاتحاد الاوروبي مش قادر يرفع الفايدة هو كمان عشان ينقذ اليورو

لا قادر طبعا ... بس هو مرفعهاش ولا مررررة
عشان عارف ان الدولار بيتنفس تحت الماء
وعارف ان قيمة الدولار 77 سنت
فمفيش حل اني افضل ادي صدمات كهربية لقلب في جسم مخه مات بالفعل

هل التضخم هيسكت علي كده
لااااا انت لسه هتسمع 11% و 13% كمان
و كل ما دولة تقرر انها تفرفر من الدولار و تبعده عنها كل ما التضخم في الدولة دي يقل و يزيد عند امريكا

زي مييييييين

زي مصر
التضخم الشهر اللي فات سجل اقل من معدلاته
لييييه

عشان قللنا الاحتياطي الدولاري و رفعنا غطاء الدهب وقللنا طبع البنكنوت

و خير مثال روسيا
شوف الروبل الروسي انهاردة 52 / دولار
قبل الحرب كان 84 روبل / دولار

مفيش حاجة اسمها ان اقتصاد اي دولة مش هيتأثر
زي ما الحرب العالمية التانية فرضت نظام عالمي اقتصادي جديد يقوده الدولار
الحرب انهاردة عالمية بردو
والعالم رايح لكتلتين شرقية ناشئة و غربية بتنهار

احنا فين من ده يا چي

هقولك خبر
و ده مرتبط بالخبر اللي قولته لك امبارح بتاع مكالمة الرئيس السيسي مع الملك سلمان

انهاردة في جريدة ازفيستيا
و دي جريدة روسية يومية انا بحب اتابعها
كان في لقاء مع السيدة بورنيما اناند رئيسة المنتدي الدولي لدول مجموعة البريكس
بتسألها الصحفية

هو ايه مستقبل بريكس حاليا بعد ما كانت مستحوذة علي 26% من حجم التجارة عالميا والنهاردة بقت 32%
* ردت عليها

احنا بنهاية 2023 هنستحوذ علي 50% وربما اكثر
ازاي يا ست بورنيما
قالتلها أصل مصر و السعودية و تركيا
خلاص هتنضم ل بريكس تلقيت مكالمة هاتفية من مصر بتبلغنا بقرار مصر والسعودية
و اخدنا موافقة الدول الخمسة
و فاضل بس الاجراءات الروتينية

المرحوم ريأكتد : مصر والسعودية مييييين

انتوا بتهزروا ولا ايه

و ده يبقا الزلزال اللي بيحتل عناوين صحافة الغرب
بإن السيسي وبن سلمان انقلبوا تمامااااا علي امريكا

سألتها الصحفية يعني هل مصر و السعودية و تركيا هيقدروا يرفعوا الاستحواذ لل 50%
* بورنيما مش ست بتلف و تدور
قالتلها بصي يا حبيبتشي
تركيا لها اسباب سياسية لكن اقتصادها سئ للغاية " وهقولك بعدين ليه "
انما مصر والسعودية خرائط التصدير عندها جيدة جدا
وعندهم القدرة انهم يجييوا ال 18 % الباقية

 

[Hunter]

في سؤالين بيدوروا في دماغ عزيزي دلوقت
* الاول

ليه تركيا متاخدة فوق البيعة

رشوة يا عزيزي
بوتين عارف ان تاجر النسوان كلب بيجري ورا اي عضمة
اقتصاده بيقع
الليرة في اسوأ حالتها
الاحتياطي منهار
بيشمشم حوالين سوريا عشان يطلع بأي مصلحة
خلاص هاته و ارميله عضمة وابعده عن سوريا
بس علي قد ما هي عضمة
هو كمين

عارف انت الاتحاد الاوروبي اللي هتموت
و تدخله ده
والمصحف ما هتشمه خلاص
عارف اليورو اللي بتحلم يبقا عملتك
ما هيعدي علي خزنتك الا عملة اجنبية
* ده غير غضب امريكا و بريطانيا عليه
و هيبقا عامل زي اللي رقصوا ع السلم ولا اللي فوق شافوهم ولا اللي تحت سمعوهم

* السؤال التاني

الامارات مش ستنتنضنو الي اذاعة البي بي سي بردوووو

والله يا عزيزي الامارات هتلعب لعبة اصيع
الامارات هتحل محل الشقيقة سويسرا في النظام البنكي
لأن الاقتصاد السويسري بيتصدع حاليا
و عندهم مشكلة في الودايع

يالهوي علي كم الفضايح
و المودعين بدأوا يسحبوا و يحولوا لبنوك دبي
فهي مش فاضية لحوار بريكس ده دلوقت

النظام المصرفي الاماراتي آمن جدااا
يا عزيزي

تاخدلك معلومة كمان يا عزيزي
يلااااا مش خسارة فيك

يوم 21 اكتوبر 2021
كان المفروض يبقا في مؤتمر الدول العربية المتعاونة مع روسيا " مجلس التعاون الروسي العربي " في مراكش
يوم 19 سبتمبر موسكو اجلته ل 2 نوفمبر 2022
* ليه يا عم القيصر
قالك كده وخلاص
انهاردة تسريبات طالعة في وكالة انباء روسيا انترفاكس
ان في تواصل بين موسكو و القاهرة
ان الاجتماع ده هيتنقل للقاهرة مش مراكش
* ديمتري بيسكوف لما اتسأل ليه النقلة دي
قال

مصر هي الحليف الروسي
و الجزائر هي ظهير قوي
من الاخر بوتين بيشاركني نفس الرأي
ملك المغرب ده خاين ابن خاين وملوش امان ومينفعش حليف هو كبيره دلدول

يعني القيصر هينور القاهرة في 2 نوفمبر
تنور بيت اخوك يا ابو البتابيت
ده انا انزل استضيفك في بيتنا يا راجل

هتلاقي الخبر في موقع
Africa Intelligence
search by

Moscow plans to hold its Russian summit in Cairo instead of Marrakech
و فيه تفاصيل التفاوض مع القاهرة

 

[Hunter]

-----------------------------------------------------------

اخدك بقا و نروح اوروبا
و ضحايا بوتين في دورة التساقط

بعد كيريل بيتكوف و حكومة بلغاريا
سقوط حنا السكران بحكومته
انهاردة عندنا حكومتين

ماريو دراجي في ايطاليا قدم استقالته
الرئيس ماتريلا رفضها
لكن دراجي مصمم

فقرروا اللجوء لتصويت البرلمان اللي اصلا مش طايق دراجي

في نفس الوقت تقدمت حكومة استونيا بالكامل من اول رئيسة الوزرا لحد بتاع الاوفيس بالاستقالة
و قبلها الرئيس و بكرة جلسة اشعار الموافقة في البرلمان

مش عايزة اوصفلكم شعور مسيو ماكغون
وهو بيعلن عن خطة التقشف انهاردة
و هو بيقول

مفيش قدامنا الا حلين يا نسيب اقتصادنا ينهار تماما .. يا نقلل استهلاكنا من كل شئ
روسيا استخدمت ورقة الطاقة ومش هترجعها الا برفع العقوبات عنها
و ده لابد له من قرار جماعي " اخدلي بالك انت

قرار جماعي ..... يعني لو عليا انا اشيل العقوبات من عيني

"
فاحنا ايها المواطن الفرنسي الكرواسون انشف كده
عشان هتموت من البرد و احتمال من الجوع لو متقشفتش

والحقيقة يا عزيزي
المواطن الاوروبي صحيح غضبان من الاوضاع
ومش طايق حكوماته
لكن مش مواطن صيوحة وبيحب يزيط ويشتكي و يعيط

وفاهم ان الازمة الاقتصادية عالمية
مش بوتين مستهدف بيتهم بس مثلا

 

[Hunter]

-----------------------------------------------------------

طيب هيحصل ايه في زيارة المرحوم للسعودية بكرة

ولا اي حاجة
هي اساسا باينة من اولها زيارة سودا علي دماغه
يعني لحد دلوقت مش عارفين مين اللي هيستقبله في المطار
شوية يقولوا امير الرياض .. وشوية يقولوا امير مكة
انتوا بتتعازموا علي بعض

يعني بن سلمان مش رايح اساسا
تقولوا بقا اصل بايدن مش عايز يصافحه
اصله بيرسله رسايل مضغمة
يا باشا ده هيبعتله امير مكة اساسا

و بمناسبة مكة
الست اورسولا رئيسة مفوضية الاتحاد الاوروبي امبارح كانت بتشكر السعودية علي نجاح موسم الحج
وانا مش عارفة هي عاملة فيها مرات خالنا ليه

بس يمكن لما نشكره يفوت لنا برميلين من ورا المرحوم

سيرك مش عالم و له هيبة كده
فاضل الست محاسن الحلو و تبقا جبرت كده

طب يا چي هو مش ممكن المرحوم يضغط عشان يبقا في تحالف عربي اسرائيلي عسكري

بص يا عزيزي
ناصر كنعاني المتحدث باسم خارجية ايران امبارح قال

ان بعد قمة النقب حصل تواصل مع القاهرة
وان السيد سامح شكري نفي نفيا تاما نية مصر الدخول في اي تحالفات عسكرية ضد ايران
وانها معندهاش خلاف عسكري مع ايران من الاساس
ومصر مش دولة حد يستخدمها ضد حد
" غفر الله لاهلي في العراق لو كان السيسي في الحكم مكناش خدنا عزاهم و لا لبسنا اسود علي رجالنا

"

وفي نفس الوقت قال انهم تلقوا رسائل مطمئنة من خلال رئيس وزراء العراق مصطفي الكاظمي
فاكرين طبعا اني قولتلكم ان اللي بعت الكاظمي كان بن سلمان
بالاضافة لكلمة محمد بن زايد امبارح ان الامارات مش هتحارب حد و اراضيها هتكون ارض سلام و امان وتقدم للشعب الاماراتي
وعلي فكرة الامارات اساسا سايبة جزرتين لايران
بس هي مش عايزة وش في دماغها
فالمخطط اللي جي بيه المرحوم يلفه و يعمله بقسماط

طب هو مش غريبة ان المرحوم يجي جمعة وسبت يقابل السيسي و بن سلمان
يقوم يوم الاحد و الاتنين
السيسي

يروح ألمانيا
بن سلمان

يروح فرنسا

ايوا كده عقلووووهم
عقلوهم احسن أبانا الذي في ال JUR بيتعامل مع حكومات اوروبا معاملة ماريو بتاع البلايستشن بتاع زمان .. بينط فوقهم يموتهم

عموما يا عزيزي
بن سلمان رايح يتكلم في كام رافالية حلوة كده
وواخد مواصفات
وماكرون مش هيوافق وبس ... ده ممكن يدخل يعمله مندي و دقوس بايديه والله

و ده خبر هااااااااايتقال لسه
بس انا حبيت امسي عليك من البلورة
بس هو ميكسلش كده و يقوم بدري و يخلص الزيارة دي