بص انا عندي نظرية تانية خالص بس لما الاخبار تهدأ نبقى نتناقش فيها
الموضوع ممكن يكون في مصلحة للسعوديين وممكن العكس
يعني الاسرائيلين هيدخلوا اي مفاوضات متبقية والمرحلة الاخيرة وهما مكسورين ووشهم في الارض وهيبطلوا نفخة الصدر
وهيبقوا منفتحين برضة انهم يهدوا ويخلصوا من صداع حماس باتفاق شامل خصوصاً بعد النمرة دي
دة جانب والجانب الاخر ان في طرف عامل الحركة دي لافشال محادثات السلام واقنع الحمساوية ان السعوديين هيبيعوهم ولازم النمرة دي تحصل علشان يحطوا رجل وكرسي على ترابيزة المفاوضات خصوصاً بعد الاخبار اللي طلعت ان السعودية لن تقف كثيراً على اتفاق الفلسطيني ومطالب قوية قبل توقيع التطبيع وان الاهم عندها اتفاقية الحماية والسلاح بدون قيود والمفاعل النووي السلمي ...مين دول ؟ بالتاكيد قطر وايران مش ممكن الاتنين دول ميكونوش عارفين النمرة دي قبل ما تبدأ واحد بيدي وبيزودهم بالسلاح والتاني بيصرف مبالغ محترمة كل شهر على القطاع مصروف جيب كدة وعندة تأثير كبير على الارض عليهم
