انا مش من هواة متابعة التلفزيون لكن الاحداث الحالية ساعات بتجبرني اني اشاهد القنوات الاخبارية بتنقل من قناة لاخري عشان اعرف اخر الاخبار
المهم في احدي القنوات بتعمل مداخلات مباشرة للجمهور من جميع انحاء العالم فيه عرب كتير بيدخلوا يقولوا رايهم و الكتير منهم متحمس للحرب المشكلة مش في كده فده اتعودنا عليه المشكلة ان تقريبا كل اللي دخلوا و شاركوا و انا بتفرج عرب مقيمين في امريكا
بيفكروني بقصة حكاها احدي المشايخ كان بيدي درس في امريكا و بعد ما خلص الدرس جالوا واحد سوداني بيقوله انت منين يا شيخ قالوا انا من الكويت فرد السوداني انتم في الخليج السبب بتدوا امريكا البترول و بتعمل سلاح تقتل المسلمين بيه لازم تقطعوا عنها البترول فالشيخ سأله قالوا انت مقيم هنا قالوا ايوه قالوا بتدفع ضرايب قالوا ايوه قالوه الضرايب اللي انت بتدفعها للحكومة الامريكية بتاخدها منك بتعمل بيها سلاح لازم تبطل تدفع ضرايب