ممتاز يبقى محور كلامك مبنى ان الدوله هتعوم
السؤوال بقى هل فعلا هيكون فيه دولار في البنك ب40 جنيه متوفر ؟ ولا طوابير وانتظار كالعاده وان رقم 40 او 50 هو مجرد رقم زى رقم 30 الحالى
راي
ان الدوله ماعندهاش دولارات اصلا .. ولو تحصلت عليه برضه سواء بقروض او بيع اصول الخ الخ
برضه هتفضل قافله الحنفيه ومش هتقول لوكلاء السيارات وتجار الذهب وغيرهم اتفضلوا دولارات ب40 جنيه جايبنها بقروض من بنك دولى هاتوا بها عربيات وذهب واجهزه كهربائيه وسيراميك ايطالى مستورد وملابس اسبانيه وانجليزيه الخ الخ الخ
سؤال تانى بنفس نظريه ان الدوله عومت على 40 جنيه تمام .. المفروص لو توفر لكل الشركات الصناعيه المفروص مش الذهب بس الى يتخسف بسعره الارض .. انما كل السلع في مصر متسعره على دولار السوق السوداء بتحوط .. دولار العربيات غير دولار الاجهزه الكهربائيه غير دولار الذهب الخ ..
حسب كلامك المفروض كل حاجه في البلد ترخص وتقل سعرها للنصف زى ما انت كاتب زى العربيات والاجهزه الكهربائية الخ الخ وكل حاجه مش الذهب فقط
السؤال فعلا هل الدوله هتكون قادره و مستعده فعلا تعطى الدولار للتجار والمستوردين واصحاب الصناعه على السعر الى هتحدده سواء فضل على 30 او وصلوه ل 45 ؟