احنا بنقول جمهورية جديدة ودولة حديثة وفي نفس الوقت معينين أمين مجلس وزراء لواء أركان حرب ....وكمية محافظين بالكوم لواءات متقاعدين ...ومناصب كتييير ماسكها الجيش واغلبها حساسة عشان الولاء والانضباط بس ....واه في منهم قلة فسده بس دا طبيعي كل حته وفيها فسدة ....لكن الي مش طبيعي انهم يمسكوا المناصب دي اصلا لان تأهيلهم مش هيسمحلهم يحققوا طفرات ويسيبوا بصمة فيها ....مجرد هيحققوا أرقام عادية واهي المركب ماشية ....دا غير ان عشان عندنا قبضة أمنية ونعتبر بلد بوليسية جبلي حد يعترض علي اي حد من أصحاب المناصب دي ويحاسبهم والبرلمان عندنا شوية مطبلاتية عارفين جم ازاي
من الاخر الصورة الحالية للبلد متستحقش طموح اننا نقول عليها جمهورية جديدة مبنية علي أسس ادارة حديثة ...تصعيد المدنيين للحكم واحده واحده لغاية ميبقوا علي رأس النظام بقي لازم ....وجود معترك سياسي والية للناس يتكلموا عن أفكارهم ومشاكلهم بقي ضروري ....تخفيف القبضة الامنية والتنكيل باي معارض بقي واجب .....وجود هامش حرية بقي خطوة مهمة لو عاوزين نبني بلد المواطن فيها بيحترم قوانينها وبينتمي ليها
ياما يا صديقي هنفضل نزق في العربية ومع أقرب مشكلة شديدة كله هيدور علي حد يلومه و صدقني القيادات دي كلها والجيش ساعتها هيكون هم الي هيستقبلوا الملامة دي وصدقني تاني هتكون في محلها لان هم المسئوليين عن كل حاجة حرفيا ومش سامحين لحد يشاركهم فيها
معارضة مين ياصديقي اللي عايزه تناقش ميزانية القوات المسلحه في مجلس الشعب.
وتكميم صحافة ايه هو انت لما تبقي صحفي وتروح تعملي حلقه عن من الصحرا الغربيه عن رحلة الكورنيت وتقابل مهربين وارهابين وبعد كده تهرب بره البلد تبقي صحفي شريف .
وفيه كلاب كتير طول النهار والليل تشتم وتحرض علي البلد من بره مصر ولا حد كمم بقوهم ولا روحنا اغتلناهم ولا جبناهم في شكاره لو عايزين .
معارضه يعني تنقد وتطلع المشاكل وتطرح الحلول كمان ده تعريف المعارضه الصحيح ، مش تبقي الناس بتناقش مشكله في مجلس الشعب ويطلع عضو سمج ملزق ويقول احبوش وتقولي مدني ومعارضه .
بإستثناء احمد موسي وانا مبحبش اسلوبه شوف ولاد أديب طول النهار بيلقحوا كلام علي الريس وكتير علي مصر ،حد كمم افواهم ،شوف مني الشاذلي اللي عمرها ماترحمت علي شهيد جيش وشوف كانت بتستضيف مين وبتلمع في مين نسينا الجيش مكانه الحدود يامني ولا حد كمم بقها.
هو علشان بكره السيسي والجيش يبقي البلد تخرب علي دماغ الكل ولا تنفع لي ولا لغيري هو ده مبدأ ناس دول يتسموا معارضه.
وعلي فكره اللي احنا بنهري فيه ده مدنيين وعسكريين وغيره السيسي ولا الجيش اللي اخترعه ،ده نظام موجود ومن ايام 52 ،بس هي اليومين دول كل لازم تلزق في السيسي علشان احبوش صح .
وبعدين مجلس الوزراء هات كام واحد لواء ؟؟؟
علي فكره مش مختلف معاك ان مش لازم رؤساء الأحياء والمدن والمحافظين يكونوا عسكريين ،بس خلينا منصفين مش كلهم برضوا فاشلين اداريا فيهم ناس ناجحين ومحترمين .
ومش مختلف اننا لازم نصعد مدنيين بس يعرفوا يعني ايه وطن والحفاظ عليه .
ياصديقي خلينا منصفين احنا عارفين وشايفين كل حاجه وعارفين الصح والغلط بس مصممين اننا نعمل نفسنا ميتين ، علشان كده طول مااحنا بوشين مش نوصل للإصلاح اللي احنا بنسعى له .
اشكرك .